انار بۇلت / شينجياڭ گازەتىنىڭ ءتىلشىسى حي حۇڭۋي 5 - ايدىڭ 7 - كۇنى حايكوۋدان حابارلايدى. 5 - ايدىڭ 7 - كۇنى تۇڭعىش كەزەكتى جۇڭگو حالىقارالىق تۇتىنۋ بۇيىمدارى كورمەسى (تومەندە قىسقارتىلىپ تۇتىنۋ بۇيىمدارى كورمەسى دەلىندى) حايكوۋدا اشىلدى. شينجياڭ 184 كاسىپورىندى ۇيىمداستىرىپ تۇڭعىش كەزەكتى تۇتىنۋ بۇيىمدارى كورمەسىنە قاتىناستى، مۇنىڭ ىشىندە 26 كاسىپورىن كورمەگە قاتىناسىپ، كورمە كەزىندە شينجياڭنىڭ ەرەكشە كاسىپ سالاسىنىڭ باسىمدىعىن شوعىرلى كورسەتىپ، دۇنيە جۇزىنە ”شينجياڭ جاقسى جەر“ تاماشا وبرازىن تانىستىرادى.
5 - ايدىڭ 7 - كۇنى تۇستەن بۇرىن حاينان حالىقارالىق كورمە ورتالىعى 7 - ءنومىرلى سارايى شينجياڭ كورمە سارايىنىڭ الدىندا كورمەنى ارالاپ جۇرگەن ساۋداگەرلەر تۇس - تۇستان توقتاي قالىپ، ارتيستەردىڭ ويناقتى مۋزيكاعا ىلەسىپ بيلەگەن ادامدى سۇيىندىرەتىن ۇيعۇر ءبيىن تاماشالادى.
شينجياڭ سارايىندا جەر - جەردەن كەلگەن ساۋداگەرلەر سەلبەستىك جاساۋدى بەلسەنە قاراستىردى. حايناندىق ساۋداگەر دۋ ۋالي شينجياڭ جۇڭتاي شىڭدا ەنەرگيا شەكتى سەرىكتەستىگىنىڭ روزا گۇلى شايىنىڭ ءدامىن تاتقان سوڭ ۇستىندە تاپسىرىس بەردى. ”ءدامى ەرەكشە جاعىمدى، تازا ەكەن، ىشكەرىلەي سەلبەستىك جاساۋ نيەتىنە كەلدىك“، - دەدى دۋ ۋالي.
شينجياڭ جۇڭتاي شىڭدا ەنەرگيا شەكتى سەرىكتەستىگىنىڭ اتقارۋشى القاسى، باس ديرەكتورى لۋ جينحاي مىنالاردى ءبىلدىردى: ”كورمەدە ءبىز مول تابىسقا كەنەلدىك. تۇسكە دەيىن حىبەي، شاندۇڭ، حيلۇڭجياڭ، حايناننىڭ ساۋداگەرلەرىمەن سەلبەستىك جاساسۋ نيەتىنە كەلدىك. ءبىز وسى رەتكى تۇتىنۋ بۇيىمدارى كورمەسى ارقىلى ءتىپتى دە كوپ سەلبەستىك جاسايتىن ساۋداگەر تاۋىپ، شينجياڭنىڭ جانە ءوزىمىزدىڭ حوش ءيىستى كاسىبىمىزدى اناعۇرلىم ويداعىداي ۇگىتتەۋدى، تانىستىرۋدى ءۇمىت ەتەمىز“.
شينجياڭ سارايىنىڭ كورمە تەكشەسىنىڭ كولەمى 150 شارشى مەتر، جالپى تۇلعالىق جاقتان ”شينجياڭ جاقسى جەر“ نەگىزگى تاقىرىبىندا جوبالانعان، دۇنيە جۇزىنە اتى ايگىلى شينجياڭ ماقتاسىن نەگىزگى جوبا ماتەريالى ەتىپ، شينجياڭنىڭ كوركەم كورىنىسىن قۇرىلىمدىق جوبامەن ورگانيكالى ۇشتاستىرىپ، شينجياڭ توقىماشىلىعى، كيىم - كەشەك، اۋىل شارۋاشىلىعى ونىمدەرى، ازىق - تۇلىك، قىزىل اراق، ءىنجۋ - مارجان، قاس تاسى بۇيىمدارى، مادەنيەت جاسامپازدىعى، ەمدەۋ، ءدارى - دارمەك سياقتى ەرەكشە باسىمدىققا يە كاسىپ سالاسىن كورمەلەۋمەن بىرگە، دىبىس، جارىق، ەلەكتر سياقتى تاسىلدەر ارقىلى شينجياڭنىڭ كوركەيىپ - گۇلدەنگەن، كوركەم، ورنىقتى، جاراسىمدى وبرازىن مۇلتىكسىز ايگىلەدى.
شينجياڭ سارايىنىڭ قاق ورتاسىنىڭ كورنەكتى جەرىندەگى شينجياڭ توقىماشىلىق، كيىم - كەشەك كورمە اۋماعىندا توقىماشىلىق، كيىم - كەشەك تۇتاس كاسىپ سالاسى تىزبەگى قۋاتىن ازىرلەگەن 5 كاسىپورىننىڭ ونىمدەرى كورسەتىلگەن.
شينجياڭ سىۋي توقىماشىلىق عىلىم - تەحنيكا شەكتى سەرىكتەستىگى ماقتا ساتىپ الۋ، مانەرلەۋ، ءجىپ ءيىرۋ، كەزدەمە توقۋ ءبىر تۇلعالاندىرىلعان قۇراما تۇردەگى عىلىم - تەحنيكا ۇلگىسىندىك توقىماشىلىق كاسىپورىن، اۋىل شارۋاشىلىعى كاسىپ سالالاندىرۋداعى باستاماشى كاسىپورىن جانە جوعارى جاڭا تەحنيكا كاسىپورنى.
”وسى رەتكى تۇتىنۋ بۇيىمدارى كورمەسى جۇڭگونىڭ ۇزدىك كاسىپورىندارىنا دانەكەر بولدى، سونىمەن بىرگە شەتەل كاسىپورىندارىنىڭ جۇڭگو بازارىن اشۋىنا دەم بەرەدى، ءبىز ەڭ ساپالى ونىمدەردى ەل ءىشى - سىرتىنداعى ساۋداگەرلەرگە كورسەتىپ، شينجياڭنىڭ ساپالى ماقتاسىنان جاسالعان بۇيىمداردىڭ اناعۇرلىم كەڭ بازارعا بەت الۋىن ءۇمىت ەتەمىز“، - دەدى وسى سەرىكتەستىكتىڭ ورىنباسار باس ديرەكتورى ي جيڭ تانىستىرىپ.
كورمەدە كورسەتۋدەن تىس، شينجياڭ ۋاكىلدەر ۇيىرمەسى وسى رەتكى تۇتىنۋ بۇيىمدارى كورمەسى كەزىندە شينجياڭ ىشكى قۇرلىقتىق ەسىك اشۋدىڭ جانە شەكارالىق ەسىك اشۋدىڭ بيىك بەلەسىن سومداۋدىڭ ءتۇيىندى سالالارىن تانىستىرۋ ءماجىلىسىن، سونداي - اق ”شينجياڭ جاقسى جەر“ شينجياڭ كۇنى قيمىلىن وتكىزىپ، ۋاكىلدىك كاسىپورىنداردى تاڭداپ، PPT، ۇگىت فيلمى جانە ەرەكشە كورمەلىك قويىلىمدى ۇشتاستىرۋ ءتاسىلى ارقىلى شينجياڭنىڭ باسىمدىققا يە كاسىپ سالاسىن تانىستىرادى.
اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: تۇڭعىش كەزەكتى تۇتىنۋ بۇيىمدارى كورمەسى سىندى وسى تۇعىردان پايدالانىپ، شينجياڭ كاسىپورىندارىنىڭ ەل ءىشى ۇلكەن اينالىمىن نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىمەن بەلسەنە توعىسۋىنا دەم بەرۋىن ءۇمىت ەتەمىز.
