جۇڭگو جاق سىرتقى كۇشتەردىڭ شينجياڭدى بىلىقتىرۋىنا قاراپ وتىرمايدى
انار بۇلت / شينجياڭ گازەتىنىڭ ءتىلشىسى جىڭ جو 5 - ايدىڭ 7 - كۇنى ۇرىمجىدەن حابارلايدى. 5 - ايدىڭ 6 - كۇنى ”شينجياڭ جاقسى جەر“ اتىنداعى بەينە ەكران اۋىس - كۇيىس ءماجىلىسى ۇرىمجىدە وتكىزىلدى. وسى رەتكى اۋىس - كۇيىس ءماجىلىسىن شينجياڭ ۇيعۇر اۆتونوميالى رايونى مەن جۇڭگونىڭ امەريكاداعى باس ەلشىلىگى بىرگە وتكىزدى. شينجياڭ ۇيعۇر اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۋىس - كۇيىس ماجىلىسىنە قاتىناستى ءارى ارقاۋ ءسوز سويلەدى.
جۇڭگونىڭ امەريكادا تۇراتىن باس ەلشىسى سۇي تيانكاي بىلاي دەدى: شينجياڭدى تىلگە العاندا، ءبىز جۇڭگولىقتار تۇگەلدەي ”شينجياڭ جاقسى جەر“ دەسەمىز. الايدا وسى ءبىر شۇرايلى جەر ۇزاق ءبىر مەزگىلدە بولشەكتەۋشى كۇشتەردىڭ، ۇشقارى كۇشتەردىڭ، زورلىقتى كۇش، لاڭكەس كۇشتەردىڭ زيانكەستىگىنە تەرەڭ ۇشىرادى. وسىعان قاراتا جۇڭگو ۇكىمەتى دۇرىس، ءونىمدى شينجياڭدى جونگە سالۋ ساياساتىن قولدانىپ، ۇستىنەن وڭاۋ مەن تۇبىرىنەن وڭاۋ ارقىلى ماسەلەلەردى شەشتى، بۇگىنگى تاڭدا شينجياڭدا ورنىقتىلىقتىڭ، دامۋدىڭ تاماشا كورىنىسى قايتا جارىققا شىقتى. وتكەن بىرنەشە جىلدا 100 نەشە مەملەكەتتەن 1200نەشە ءار سالا قايراتكەرى شينجياڭدا ەكسكۋرسيادا، ساپاردا بولدى، مەن ءوزىم دە ول جەرگە كوپ رەت بارىپ، ەڭ شىنايى، ءىشىنارا باتىستاعى ساياسي الاياقتار مەن اقپارات قۇرالدارىنىڭ سۋرەتتەگەنىنە مۇلدە ۇقسامايتىن شينجياڭعا كۋا بولدىم. شينجياڭنىڭ ءىسى جۇڭگونىڭ ىشكى ءىسى. شينجياڭعا ساياتىن ماسەلە ءمانى جاعىنان لاڭكەستىككە قارسى تۇرۋ، ۇشقارىلىقتى الاستاۋ جانە بولشەكتەۋشىلىككە قارسى تۇرۋ ماسەلەسى. جۇڭگو جاق سىرتقى كۇشتەردىڭ شينجياڭدى بىلىقتىرۋىنا كاپەرسىز قاراپ وتىرمايدى، ولاردىڭ وسىنى جەلەۋ ەتىپ جۇڭگونى بولشەكتەۋىنە، جۇڭحۋا ۇلتىنىڭ ۇلى گۇلدەنۋىنىڭ تاريحي ۇردىسىنە كەدەرگىلىك جاساۋىنا تيىتەي دە مۇمكىندىك بەرمەيدى. جۇڭگوداعى ءبىر ميلليارد 400 ميلليون ءار ۇلت حالقى مۇنداي قاسكۇنەمدىكتىڭ ىسكە اسۋىنا استە جول بەرمەيدى.
شوكىرات زاكىر اۋىس - كۇيىس ماجىلىسىندە قازىرگى شينجياڭنىڭ دامۋىنا، ورنىقتىلىعىنا قاتىستى جاعدايلاردى تانىستىردى. ول بىلاي دەدى: شينجياڭ ۇيعۇر اۆتونوميالى رايونى حالىقتى وزەك ەتكەن دامۋ يدەياسىنا تاباندى بولىپ، حالىقتىڭ تاماشا تۇرمىسقا دەگەن تالپىنىسىن كۇرەس نىساناسى ەتىپ، ەكونوميكانىڭ، قوعامنىڭ دامۋىن ىلگەرىلەتۋدە جانە حالىق تۇرمىسىن جاقسارتۋدا بۇرىن بولماعان تابىستارعا قول جەتكىزدى، تيانشان الابىندا قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىعىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى بارعان سايىن ارتتى.
شوكىرات زاكىر بىلاي دەپ اتاپ كورسەتتى: امەريكاداعى، باتىستاعى جۇڭگوعا قارسى كۇشتەر وسەك - اياڭ مەن جالعان ينفورماتسيالار نەگىزىندە، شينجياڭنىڭ قاتىستى ۇيىمدارىنا، كاسىپورىندارىنا جانە جەكە ادامدارعا قيسىنسىز جازا قولداندى، بۇل بۇكىلدەي قاراقشىلىق لوگيكا. شينجياڭداعى ءار ۇلت حالقى ءىس شىعارمايدى، ءىس شىعارعانداردان قورىقپايدى، امەريكاداعى، باتىستاعى جۇڭگوعا قارسى كۇشتەردىڭ ايتىلمىس جازاسى بۇكىلدەي ءبىر پاراق كەرەكسىز قاعاز عانا، بۇل ءبىزدىڭ شينجياڭنىڭ قوعام ورنىقتىلىعىن جانە باياندى تىنىشتىعىن جۇزەگە اسىرۋ بەكىمىمىز بەن سەنىمىمىزدى مۇلدە شايقالتا المايدى! بۇل ارادا مەن قاتاڭ تۇردە مىنانى جاريالايمىن: شينجياڭداعى ءار ۇلت حالقىنىڭ وتاننىڭ تۇتاستىعىن قورعاۋ، مەملەكەتتىڭ حاۋىپسىزدىگىن قورعاۋ، ۇلتتار ىنتىماعىن قورعاۋ، گۇلدەنىپ - كوركەيۋدى، ورنىقتىلىقتى قورعاۋ ەرىك - جىگەرى مۇلدە مىزعىمايدى! ءارقانداي سىرتقى كۇشتىڭ شينجياڭدى بىلىقتىرۋعا ۇرىنۋى ءالىن بىلمەي الەك بولىپ، قولدان كەلمەسكە ۇرىنعاندىق، مۇلدە ىسكە اسپايدى!
شوكىرات زاكىر مىنالاردى ءبىلدىردى: شينجياڭنىڭ قوعامى ورنىقتى بولعان، ەكونوميكاسى دامىعان، رەفورما جاساپ، ەسىك اشقان، ۇلتتار ىنتىماقتى، ءدىن جاراسىمدى بولعان، حالىق تۇرمىسى جاقسارعان تاماشا جاعدايى مەن ادامدىق ۇقىق ىستەرىنىڭ ەرەسەن زور دامۋى، العا باسۋى جۇرتتىڭ بارىنە ايان. بۇل ارادا مەن امەريكاداعى ءار سالا قايراتكەرلەرىن شينجياڭعا كەلىپ ەكسكۋرسيادا، ساپاردا بولىپ، تيانشان الابىن ارالاپ كورىپ، شينجياڭنىڭ دامۋ تابىستارى مەن حالىقتىڭ باقىتتى تۇرمىسىن ءوز باسىنان وتكىزىپ سەزىنۋگە شىن جۇرەكتەن ۇسىنىس ەتەمىن.
بەينە ەكران اۋىس - كۇيىس ماجىلىسىندە «شينجياڭ جاقسى جەر» اتتى ۇگىت فيلمى قويىلدى. اۆتونوميالى رايوندىق حالىق ۇكىمەتىنىڭ اقپارات مالىمدەمەشىسى، قاتىستى ماماندار، از ۇلت ايەل ۋاكىلدەرى، تاربيەلەۋ - باۋلۋ ورتالىعىنان وقۋ تاۋىسقاندار، ءدىني قايراتكەرلەر، دىنگە سەنەتىن بۇقارا، ماقتاشىلار قاتىستى جاعدايلاردى تانىستىرىپ، امەريكانىڭ، باتىستاعى ەلدەردىڭ ايتىلمىس شينجياڭ ”ءناسىل جويدى“، ”زورلىقپەن ەڭبەككە سالدى“، ”ءدىني سەنىم ەركىندىگىن شەكتەدى“، ”مەشىتتەردى زورلىقپەن شاقتى“ دەگەن سياقتى وسەك - اياڭدارىن اشكەرەلەپ سىندادى.
اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن اۋىس - كۇيىس ماجىلىسىنە قاتىناستى ءارى قاتىستى سۇراۋلارعا جاۋاپ بەردى.
سول كۇنى امەريكا پاراسات قامباسى وقىمىستىلارى، ساۋدا سالاسىنىڭ ۋاكىلدەرى، امەريكاداعى حۋاچياۋلار، حۋارىندار، شەتەلدەردىڭ امەريكاداعى ەلشىلىكتەرىنىڭ قىزمەتكەرلەرى، ءار ەلدىڭ اقپارات قۇرالدارىنىڭ تىلشىلەرى بەينە ەكران اۋىس - كۇيىس ماجىلىسىنە قاتىناستى.
