انار بۇلت / شينجياڭ گازەتىنىڭ ءتىلشىسى كاڭ حاۋيان 5 - ايدىڭ 8 - كۇنى ۇرىمجىدەن حابارلايدى. ءتىلشىنىڭ شينجياڭ اكتسيا باقىلاۋ - باسقارۋ مەكەمەسىنەن ۇعىسۋىنا قاراعاندا، 4 - ايدىڭ 30 - كۇنىنە دەيىن شينجياڭدا جاڭا ءۇش تاقتاعا ماڭدايشالىق ىلگەن 58 كاسىپورىن بولىپ، ماڭدايشالىق ىلگەن كاسىپورىندار جاڭا ءۇش تاقتادا جيىنى 3 ميلليارد 229 ميلليون يۋان قارجى قۇراعان. كەزەكتە شينجياڭ اكتسيا باقىلاۋ - باسقارۋ مەكەمەسى كوپ ءتۇرلى شارانى قاتار قولدانىپ، جاڭا ءۇش تاقتا رەفورما مىندەتىنىڭ ناقتاپ تياناقتانۋىن، ونىمدىلىك كورسەتۋىن ىلگەرىلەتىپ، ورتا، شاعىن كاسىپورىنداردىڭ رەفورمانىڭ پايداسىنان يگىلىكتەنۋىنە، ۇزدىكسىز دامىپ، زورايۋىنا دەم بەرگەن.
جاڭا ءۇش تاقتا كاپيتال بازارىنىڭ جاڭالىق اشۋ تۇرىندەگى، شارۋاشىلىق قۇرۋ تۇرىندەگى، تولىسۋ تۇرىندەگى ورتاشا، شاعىن كاسىپورىندارعا قىزمەت وتەيتىن ماڭىزدى تۇعىر رەتىندە، كوپ ساتىلى كاپيتال بازارىندا ”باس - اياعىن تۇتاستىراتىن“ ءتۇيىندى بۋىن سانالادى. كەزەكتە جاڭا ءۇش تاقتاعا ماڭدايشالىق ىلگەن كاسىپورىندار نەگىزدىك ساتىسى، جاڭالىق اشۋ ساتىسى، جىنتىكتەي تاڭداۋ ساتىسى سىندى ساتىلاي ىلگەرىلەگەن 3 بازار قۇرىلىمىنا بولىنەدى.
شينجياڭداعى جاڭا ءۇش تاقتاعا ماڭدايشالىق ىلگەن 58 كاسىپورىننىڭ ىشىندە، جاڭالىق اشۋ ساتىسىنداعى كاسىپورىننان 3ى، نەگىزدىك ساتىداعى كاسىپورىننان 55ى بار. ماڭدايشالىق ىلگەن كاسىپورىندار نەگىزىنەن جۇمساق بولشەك جانە ينفورماتسيا تەحنيكاسى جونىنەن قىزمەت وتەۋ كاسىبى، تولايىم ساتۋ كاسىبى، اۋىل شارۋاشىلىعى جانە تۇرعىن ءۇي قۇرىلىسى كاسىپتەرىنە شوعىرلانعان.
بىلتىر شينجياڭ اكتسيا باقىلاۋ - باسقارۋ مەكەمەسى جۇڭگو حالىق بانكەسىنىڭ ءۇرىمجى ورتالىق تارماق بانكەسىمەن بىرلەسىپ ساۋدا بانكەلەرىنىڭ ءىشىنارا ماڭدايشالىق ىلگەن سەرىكتەستىكتەرگە فينانس سەنىمدى امانات - قارىزىمەن قولداۋ كورسەتۋىن سايكەستىرىپ، كاسىپورىنداردىڭ تۇرلاۋسىز قارجى قيىنشىلىعىن شەشۋىنە باعىتتامالى كومەكتەستى. سونىمەن قاتار، بانكە، جەكە قارجى توپتاۋ قۇرىلىمدارى سىندى قارجى قوسۋ تۇرلەرىن ماڭدايشالىق ىلگەن كاسىپورىندارمەن ۇشتاستىرۋعا ۇيىمداستىرىپ، ناقتى تۇلعالى كاسىپورىنداردىڭ قارجى قۇراۋى قيىن بولۋ ماسەلەسىن شەشىپ، بازاردىڭ مەجەسى مەن سەنىمىن ورنىقتىردى. 2020 - جىلدان بەرى شينجياڭدا جاڭا ءۇش تاقتاعا ماڭدايشالىق ىلگەن كاسىپورىندار جيىنى 54 ميلليون 679 مىڭ 100 يۋان قارجى قۇراۋدى جۇزەگە اسىردى.
”تەكسەرۋ - زەرتتەۋ، جاعداي ۇعىسۋدى كۇشەيتىپ، ءىس جۇزىندىك قيىنشىلىقتى شەشۋگە كومەكتەسۋ، مەكەمەمىزدىڭ باقىلاۋ - باسقارۋدى جانە ەكى جاعىن يگەرۋ، ەكى جاعىن دا قاتاڭ يگەرۋ قىزمەت وتەۋىن ساپالىلاندىرۋدى كۇشەيتۋدەگى شارالارىنىڭ ءبىرى“، - دەدى شينجياڭ اكتسيا باقىلاۋ - باسقارۋ مەكەمەسىنىڭ قاتىستى جاۋاپتىسى تانىستىرا كەلىپ. وسى مەكەمە تاعى ۇگىت جۇرگىزۋدى، جەتەكشىلىك ەتۋدى كۇشەيتۋ ارقىلى تاماشا رەفورما ورتاسىن قالىپتاستىرىپ، ءتۇرلى باۋلۋعا ۇيىمداستىرۋ ارقىلى كاسىپورىننىڭ تيبىن جاڭالاپ دامۋىنا دەم بەرىپ، زاپاس بايلىقتىڭ كوپ ساتىلى كاپيتال بازارىمەن تۇتاسۋىنداعى قاينار كوزىن اشىپ، باقىلاۋ - باسقارۋ قىزمەت مىندەتى، بازار ءتارتىبىن جۇيەگە ءتۇسىرۋ سىندى كوپ ءتۇرلى شارانى تياناق ەتىپ، شينجياڭداعى ورتا، شاعىن كاسىپورىنداردىڭ رەفورما ورايىن يگەرۋىنە، دامىپ زورايۋىنا دەم بەردى.
شينجياڭ اكتسيا باقىلاۋ - باسقارۋ مەكەمەسى اۆتونوميالى رايوننىڭ جانە بيڭتۋاننىڭ، جەرگىلىكتى ورىننىڭ فينانس باقىلاۋ - باسقارۋ مەكەمەسى قاتارلى مەكەمە - ورىندارمەن بىرلەسۋدى جوسپارعا الىپ، نازاردى ”شاعىن، ەرەكشە، سارالانعان، ماماندانعان“ كاسىپورىندارعا شوعىرلاندىرىپ، نەگىزگى كاسىبى كورنەكتى، دامۋ كومەسكى كۇشى زور زاپاس كاسىپورىن بايلىعىن سارالاپ، شارتقا ۇيلەسەتىن ورتا، شاعىن كاسىپورىنداردىڭ جاڭا ءۇش تاقتاعا ماڭدايشالىق ءىلۋىن بەلسەنە ىلگەرىلەتىپ، اسىرەسە، ”جىنتىكتەي تاڭداۋ ساتىسىنداعى“ كاسىپورىنداردى ىسكە قوسۋ تەبىنىن ەرەكشە كۇشەيتىپ، رايونىمىزداعى ”جىنتىكتەي تاڭداۋ ساتىسىندا“ ماڭدايشالىق ىلگەن كاسىپورىنداردىڭ ”ءنولدى جارۋعا كۇش سالۋىن“ قۇلشىنا جۇزەگە اسىرادى.
