قىزىلسۋ وبلىستىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ جىڭۋيى پامير ياسىن
پومپەو، جىڭ گو - ىن جۇڭگونىڭ شينجياڭدى جونگە سالۋ ساياساتىن قايتا - قايتا دابىرالاپ، وعان جالا جاۋىپ، وزدەرىنىڭ كانىگى وتىرىكتى سىقپىرتاتىن، جۇڭگونى داتتايتىن جيىركەنىشتى سۇرقيا قاسكۇنەمدىگىن اشكەرەلەدى.
مەن اقتاۋ اۋدانىنىڭ پىلال اۋىلى يكىچيلە قىستاعىندا تۋىلدىم. وسى جىلداردا پارتيانىڭ حالىققا تيىمدىلىك، شارۋالارعا پايدا جەتكىزەتىن ءتۇرلى ساياساتتارىنىڭ نەگىزگى ساتىدا تياناقتانىپ تامىر تارتىپ ءونىم بەرگەنىنە كۋا بولدىم. كەدەيلىكتەن ارىلتۋدان قامال الۋ قىزمەتى بارىسىندا ساياساتتىق سۇيەمەلدەۋ مەن قارجىلاي قولداۋدىڭ ارقاسىندا، كورشىم تۇردى اسەن باۋىرىمەن بىرلەسىپ اعاش ماتەريالدارىن مانەرلەۋ زاۆودىن اشتى، گۇلاسەل روزى پەردە تىگۋ سەلبەستىك كووپەراتيۆىن اشىپ، قىستاق تۇرعىندارىن باستاپ بىرگە بايىدى. ۇكىمەت ۇشقات ەگىمشىلىك نىسانىن اتقارۋ ارقىلى قىستاقتاعى 400گە تاياۋ ارتىق ەڭبەككۇشتەردى سول جەردىڭ وزىندە، تاياۋ ماڭدا جۇمىستاندىرۋ ماسەلەسىن شەشىپ، 2000نان استام ادام پايدا ءبولىسىپ، تۇرمىستارى بارعان سايىن شالقىدى.
قىستاقتىڭ كەلبەتىندە وراسان زور وزگەرىستەر تۋىلىپ، ەسكى توپىراق ۇيلەر، جاڭبىر جاۋسا بولدى قۇي - باتپاق بولاتىن اۋىل - قىستاق جولدارى، جازدىگۇنى ساسىق ءيىس شىعىپ جاتاتىن قوقسىق ءۇيىندىسى كوزدەن عايىپ بولدى. ال قازىر سەمەنت جول ەسىك الدىنا دەيىن تۇتاستىرىلىپ، جولدىڭ ەكى جاعىنا ادەمى كوگالدىق سالىنىپ جانە راشەتكا ورناتىلدى، بارلىق اۋلا جاڭادان اعارتىلىپ، اۋلا شارۋاشىلىعى دامىتىلدى. قىستاق تۇرعىندارىنىڭ رۋحاني بەت - بەينەسى دە بارعان سايىن جاقسارىپ، قىستاقتا ادەبيەت - كوركەمونەر اترەتى، دەنە تاربيە اترەتى، ەرىكتى قىزمەت وتەۋ اترەتى قۇرىلىپ، بۇقارالىق مادەنيەت - دەنە تاربيە قيمىلدارى ۇنەمى ورىستەتىلدى. قىستاق تۇرعىندارى ماقتانىشپەن: تۇرمىس كەشىرىپ جاتقان قىستاعىمىزدىڭ قورشاعان ورتاسىنىڭ مۇنشالىقتى تازا، رەتتى، كوركەم بولاتىنىن ويلاپ كورمەپپىز، - دەستى.
قازىر قىستاقتاعى وتباسىلاردىڭ بارلىعى تەلەۆيزور كورىپ، راديو تىڭداي الادى، قۇبىر سۋىن ءىشىپ، بەيقۇت ۇيدە وتىرادى، اۋىرسا دەنساۋلىق ساقتاۋ ەمحاناسىنا بارادى، زات ساتىپ السا ەرەن بازار بار. قىستاق ”ەكى كوميتەت“ القاسى قىستاق تۇرعىندارىنىڭ شارۋاسىن ءوز شارۋاسىنداي كورىپ، بۇقارانىڭ ارمان - تىلەكتەرىن بار زەيىنىمەن، بار پەيىلىمەن، بار كۇشىمەن شەشىپ بەرەدى، بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز جوعارىلادى.
شىندىق بۇلتارتپايدى. پومپەو، جىڭ گو - ىننىڭ وسەك - اياڭى شىندىق الدىندا ەشقانداي تابان تىرەپ تۇرا المايدى، ولاردى تەك كۇلكىگە قالدىرادى.
