گازەتىمىزدىڭ شولۋشىسى
قىزىل ەستەلىكتەردى كەستەلەپ، دوڭگەلەك داۋلەتتىلىك جولىندا سامعادى. جاقىندا ”جوعارى جىلدامدىقتى تاس جولدى بويلاپ شينجياڭعا نازار سالۋ“ ەكىنشى كەزەڭدىك كولەمدى تاقىرىپتىق حابارلاۋ بارىسىندا، انار بۇلت / شينجياڭ گازەتى جالپىلىق اقپارات قۇرالدارى 2 تىلشىلىك توبىن شىعارىپ، جەكە - جەكە ”قىزىل ەستەلىك ساپارى“ جانە ”جاپپاي دوڭگەلەك داۋلەتتىلىك ساپارى“ تاقىرىبىندا ادامدارعا شىنايى دا ومىرشەڭدىككە تولى شينجياڭدى كورسەتتى، كۇرەس جولىنا قايىرىلا قاراۋ، ءورىس اشۋ جولىن بويلاۋ، الداعى ەكپىندەي ىلگەرىلەۋ جولىنا كوز جىبەرۋ ارقىلى پارتيانىڭ شينجياڭداعى شۇعىلالى كۇرەس بارىسىن بەينەلەپ، شينجياڭداعى ءار ۇلت بۇقاراسىنىڭ پارتيانىڭ پارمەندى باسشىلىعىندا قامال الىپ، قيىندىقتاردى جەڭىپ، باقىتتى تۇرمىس جاراتقان ايبىندى كارتيناسىن كەستەلەدى.
ءجۇز جىلدىق كەمەل شاق، ۇمىتىلماس جىلدار. قالاي العا تارتساق تا، باسقان جولىمىزدى، قانشا الىسقا ۇزاپ، قانشا نۇرلى بولاشاققا قادام قويساق تا، باستان وتكەنىمىزدى، نە ءۇشىن جولعا شىققانىمىزدى ەستەن شىعارماۋىمىز كەرەك. وتكەن كۇرەس جولىنا قايىرىلا قاراساق، سانسىز توڭكەرىستىك ارداگەر قۇرباندار مەن كۇرەسكەرلەر قان - تەرىمەن جۇڭحۋا ۇلتىنىڭ قاراڭعىلىقتى بۇزىپ ءوتىپ جارىققا بەت العان توڭكەرىس جولىن سالدى، مەيلى ”باتىس باعىت ارمياسى رۋحى“، الدە ”اسكەري تىڭ يگەرۋدەگى ءبىرىنشى سوقا“ بولسىن، الدىڭعىنىڭ ءىزىن كەيىنگىلەر باسقان، ءولىمدى ەلەڭ قۇرلى كورمەگەن، قاجىرلىلىقپەن كۇرەس جۇرگىزگەن توپ - توپ كوممۋنيستەر تايسالماس توڭكەرىستىك رۋح پەن قايسارلىقپەن كۇرەس جاساۋ رۋحىن ايگىلەدى. قىزىل ىزدەردى ارالاعاندا كەزىندەگى اسكەري ىستەر ۇرىمتال بەكىنىستەرى بۇگىن شينجياڭعا كىرىپ - شىعاتىن قۇرلىق جولىنداعى قاتىناس تورابىنا اينالدى، توڭكەرىستىك اعا بۋىنداردىڭ بىزگە اماناتتاپ كەتكەنى شەكسىز تاۋ - سۋلار عانا ەمەس، ونان دا ماڭىزدىسى، ۇرپاقتار بويى جالعاسقان قىزىل گەن، ول ءبىزدىڭ ۇزدىكسىز كۇرەس جاسايتىن جاۋىنگەرلىك جىگەرىمىزدى جانۋدا.
تابان استىنان باستالعان جول ورنىقتى، باياندى جالعاستى. پارتيا 18 - قۇرىلتايىنان بەرى شينجياڭنىڭ ەكونوميكالىق دامۋى ۇزدىكسىز جاقسارىپ، نەگىزدىك قۇرىلعىلارى ۇزدىكسىز كەمەلدەنىپ، بارلىق ايماق، وبلىس، قالالار جوعارى جىلدامدىقتى تاس جول داۋىرىنە قادام تاستادى. شار تاراپقا ۇلاسقان جوعارى جىلدامدىقتى تاس جولدار شينجياڭنىڭ بايتاق دالاسىنداعى نەگىزدىك قۇرىلىستىڭ ارقاۋىن ءتىپتى دە بەكەمدەپ، ادام اينالىمى، زات اينالىمى ەكونوميكالىق جان تامىر ءتىپتى دە ىركىلىسسىزدەنىپ، جاسىل دامۋدىڭ ومىرشەڭدىك كۇشى ءتىپتى دە قاۋلاپ، بۇقارانىڭ ىرىس - قۇتىنا ساياتىن حالىق تۇرمىسى كارتينالارى جارقىن ايشىقتالا ءتۇستى. تارام - تارام جوعارى جىلدامدىقتى تاس جولدار ارقىلى ءبىز شينجياڭنىڭ وراسان زور وزگەرىستەرىن كوردىك، ءار ۇلت بۇقاراسىنىڭ گۇلدەنۋگە، دامۋعا بىرگە تالپىنعان، تاماشا تۇرمىستان بىرگە يگىلىكتەنگەن جاڭا كورىنىسىن ايگىلەدىك. حالىق تۇرمىسىمەن تىعىز جاناسىپ جوعارى ساپالى دامۋدى ىلگەرىلەتۋ، بۇل ”حالىقتىڭ تۇرمىسىن باقىتتى ەتۋگە“ اپاراتىن ”داڭعىل جول“، ول كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسىنە قول جەتكىزۋ قادامىن جەدەلدەتىپ، شينجياڭداعى ءار ۇلت حالقىنىڭ بۇكىل ەل حالقىمەن بىرگە جاپپاي دوڭگەلەك داۋلەتتى قوعامعا اياق باسۋ سارا جولىن بەكەمدەدى.
وتكەننىڭ ءبارى ەندىگىنىڭ بەتاشارى. جاڭا ساپار باستالدى، پارتيامىز بۇكىل ەلدەگى ءار ۇلت حالقىن باستاپ ەكىنشى 100 جىلدىق كۇرەس نىساناسىن بەتكە الىپ ۇزدىكسىز ەرلىكپەن العا ىلگەرىلەۋدە. الدىڭعى جاقتاعى ەكپىندەي ىلگەرىلەۋ جولىنا كوز جىبەرگەندە، جاپالى دا شۇعىلالى وتكەندى، كۇن سايىن جاڭارىپ، اي سايىن تۇلەجىگەن قازىرگىنى، جارقىن دا ايبىندى كەلەشەكتى ساباقتاستىرىپ، دۇرىس بەتالىستى بەكەمدەپ، حاۋىپ - قاتەر مەن سىن - سايىس الدىندا جۇرەكتىلىكتى شىڭداپ، كۇرەس جىگەرىن قاۋلاتۋ قاجەت. دۇنيە جۇزىندە 100 جىلدا بولماعان زور وزگەرىس الدىندا، ءبىز وڭاي - وسپاق قولعا كەلمەيتىن ورايعا ءدوپ كەلدىك، قاتاڭ سىن - سايىسقا دا ءدوپ كەلدىك، ءارقانداي دامىلداۋعا، ەكى ۇداي بولۋعا، توسىپ وتىرۋعا بولمايدى، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا ءار ۇلت حالقىن ىنتىماقتاستىرا باستاپ، سەنىمدى بەكەمدەپ، ەرلىكپەن ۇدەرە العا ىلگەرىلەۋىمىز كەرەك.
