انار بۇلت / شينجياڭ گازەتىنىڭ ءتىلشىسى شى شين 5 - ايدىڭ 8 - كۇنى ۇرىمجىدەن حابارلايدى. مەملەكەتتىك كەڭەس كەڭسەسى جۋىقتا حابارلاندىرۋ باسىپ تاراتىپ، 2020 - جىلعى مەملەكەتتىك كەڭەستىڭ ەلەۋلى ساياساتتارىن، شارالارىن شىنايى يگەرىپ، ناقتى ىستەپ، كورنەكتى ناتيجەلەرگە قول جەتكىزگەن 216 جەرگىلىكتى ورىندى قۋزاۋ - تەكسەرۋ بويىنشا شابىتتاندىرىپ، 30 ءتۇرلى ماراپاتتاۋ، قولداۋ شارالارىن سايكەستى قولداندى. وسى رەتتە شينجياڭنان 12 قىزمەت ءتۇرى مەملەكەتتىك كەڭەس كەڭسەسىنىڭ قۋزاۋ - تەكسەرۋى بويىنشا شابىتتاندىرۋعا يە بولىپ، قاتىستى جەرلەر قارجى، نىسان، رەفورمانى الدىمەن اتقارۋ، الدىمەن سىناق ەتۋ سياقتى ماراپاتتاۋ، قولداۋ شارالارىنا يە بولدى.
مەملەكەتتىك كەڭەس كەڭسەسى 2017 - جىلدان باستاپ ءۇرتىس 5 جىل قاتىستى ەلەۋلى ساياساتتاردى، شارالاردى شىنايى يگەرىپ، ناقتى ىستەپ كورنەكتى تابىستارعا قول جەتكىزگەن جەرلەردى ماداقتاۋدى جانە ساياساتتىق شابىتتاندىرۋدى تياناقتاندىرىپ كەلەدى. بۇل رەتتە، 2020 - جىلعى ورنىقتى جۇمىستاندىرۋ، حالىق تۇرمىسىن قامتاماسىز ەتۋدى تياناقتاندىرۋ، ءۇش ءىرى قامال الۋ شايقاسىن جاقسى جۇرگىزۋ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتۋ، تيجارات - ساۋدا ورتاسىن ساپالىلاندىرۋ، جاڭالىق اشۋ ارقىلى دامۋعا دەم بەرۋدى ىلگەرىلەتۋ، اۋىل - قىستاقتى گۇلدەندىرۋ ستراتەگياسىن اتقارۋ سياقتى قاتىستى ەلەۋلى ساياساتتاردى، شارالاردى شىنايى يگەرىپ، ناقتى ىستەپ، كورنەكتى ناتيجەلەرگە قول جەتكىزگەن ورىنداردى قۋزاپ - تەكسەرۋ بويىنشا شابىتتاندىردى ءارى قاتىستى ماراپاتتاۋ، قولداۋ شارالارىن سايكەستى اتقاردى، قولداندى.
شينجياڭدا مەملەكەتتىك كەڭەس كەڭسەسىنىڭ حابارلاندىرۋىمەن قۋزاۋ - تەكسەرۋ بويىنشا شابىتتاندىرۋعا يە بولعان 12 قىزمەت ءتۇرى مىنالار: اۆتونوميالى رايون 2020 - جىلعى كەدەيلىكتەن قامال الۋ شايقاسىنىڭ تابىسىن باعالاۋدا جىلدىق جوسپاردى اياقتاتتى دەپ قارالعاندىعى، كەدەيلىكتى ازايتۋ ونىمدىلىگى كورنەكتى بولعاندىعى، جالپىلىق باعالاۋى جاقسى بولعاندىعى ءۇشىن؛ اۆتونوميالى رايون قونىس جاڭالاپ سۇيەمەلدەۋ قىزمەتىندە بەلسەندى دە ىرىقتى، ونىمدىلىگى كورنەكتى بولعاندىعى ءۇشىن؛ بۋىرشىن اۋدانى وزەن باستىعى ءتۇزىمى، كول باستىعى ءتۇزىمى قىزمەتىن ىلگەرىلەتۋدە كۇشتى تەبىن بايقاتىپ، وزەن - كول باسقارۋ، قورعاۋ ونىمدىلىگى كورنەكتى بولعاندىعى ءۇشىن؛ شينجياڭ ءوندىرىس - قۇرىلىس بيڭتۋانى 1 - شىسى ارال قالاسى اۋىل - قىستاق قونىس ورتاسىن رەتتەۋ، جونگە سالۋدى ورىستەتۋدە ونىمدىلىگى كورنەكتى بولعاندىعى ءۇشىن؛ قارامايلى قالاسى ساۋدا ىستەرى ءتۇزىمىن رەفورمالاۋدى تەرەڭدەتۋدە ونىمدىلىگى كورنەكتى بولعاندىعى، ءىستىڭ بارىسى مەن سوڭىن باقىلاۋ - باسقارۋدى تياناقتاندىرۋ سياقتى قاتىستى ساياساتتارعا، شارالارعا قوعامنىڭ اڭىسى جاقسى بولعاندىعى ءۇشىن؛ اۆتونوميالى رايون جىلدىق تۇراقتى مۇلىككە قارجى قوسۋدا ورنىقتى ارتۋدى ساقتاپ، ورتالىقتىڭ مەجە ەسەبىنەن قارجى قوسىلعان نىسانداردىڭ جۇمىس باستاۋى، قارجى قوسۋدى اياقتاتۋى سياقتى جاعدايلارى جاقسى بولعاندىعى ءۇشىن؛ اقسۋ قالاسى اۋىل شارۋاشىلىق ونىمدەرى اينالىمىنىڭ وسىزاماندانۋىن ىلگەرىلەتكەندىگى، اۋىل - قىستاق ەلەكتروندى ساۋدا مەن ءوندىرۋدى جانە ساتۋدى ۇشتاستىرۋدى بەلسەندى دامىتۋدا ونىمدىلىگى كورنەكتى بولعاندىعى ءۇشىن؛ سانجى قالاسى ساپا قىزمەتىن ىلگەرىلەتۋدە ونىمدىلىگى كورنەكتى بولعاندىعى ءۇشىن؛ سانجى قالاسى لاشىقتى اۋماقتاردى جاڭالاۋ، اۋىل - قىستاقتاعى قاتەرلى ۇيلەردى جاڭالاۋ قىزمەتىن بەلسەندى، ىرىقتى جۇرگىزىپ، ونىمدىلىگى كورنەكتى بولعاندىعى ءۇشىن؛ باي اۋدانى، بيڭتۋان 10 - شىسى بەيتۇن قالاسى ۇكىمەت قۇرعان شيپاحانانى جالپىلىق رەفورمالاۋدا ونىمدىلىگى ءبىرشاما كورنەكتى بولعاندىعى ءۇشىن؛ اۆتونوميالى رايون زەينەتكەرلىك قىزمەت وتەۋ كاسىبىن قولداۋ ساياساتىن بەلسەندى، ىرىقتى ىلگەرىلەتىپ، زەينەتكەرلىك قىزمەت وتەۋ جۇيەسى قۇرىلىسىندا ونىمدىلىگى كورنەكتى بولعاندىعى ءۇشىن؛ قارامايلى قالاسى، بيڭتۋان 1 - شىسى ارال قالاسى قاتىستى ەلەۋلى ساياساتتاردى، شارالاردى تياناقتاندىرۋدا ونىمدىلىگى كورنەكتى بولعاندىعى ءۇشىن تيپتىك تاجىربيە - ادىستەردى جاراتقاندىعى ءۇشىن، مەملەكەتتىك كەڭەستىڭ قۋزاۋ - تەكسەرۋى بويىنشا ماداقتاۋعا يە بولدى.
مەملەكەتتىك كەڭەس كەڭسەسى شينجياڭنىڭ وسى 12 ءىس تۇرىنە قارجى، نىسان، رەفورمانى الدىمەن اتقارۋ، الدىمەن سىناق ەتۋ سياقتى جاقتاردان ماراپاتتاۋدى، قولداۋدى بەلگىلەدى. مۇنىڭ ىشندە، اۆتونوميالى رايوندى ورتالىق قازىنامەن ۇشتاسىپ اۋىل - قىستاقتى گۇلدەندىرۋدى ىلگەرىلەتۋگە بولىنگەن تولىقتاما قاراجاتىنان شىعارىپ ماراپاتتادى، بۇل جىلۋ اتاۋدىڭ ورنىنا جۇمىس تاۋىپ بەرۋ قارجىلىق ورنالاستىرۋىنا بەيىمدەلىپ، كەدەيلىكتەن ارىلعان وڭىرلەردىڭ نەگىزدىك قۇرىلعى شارت - جاعدايىن جاقسارتۋدى قولداۋعا، ورتالىقتىڭ مەجە ەسەبىنەن قارجى قوسىلعان ءارى ارناۋلى نىساندارعا ارناۋلى ورنالاستىرىلعان قارجىدان شىعارىپ، قاتىستى ارناۋلى نىسان قۇرىلىستارىن ماراپاتتاۋعا، قولداۋعا پايدالانىلادى؛ بۋىرشىن اۋدانى 10 ميلليون يۋانعا يە بولدى، بۇل وزەن باستىعى، كول باستىعى ءتۇزىمى جانە وزەن - كول باسقارۋ، قورعاۋ قىزمەتىنە پايدالانىلادى؛ ارال قالاسى 20 ميلليون يۋاندىق شابىتتاندىرۋعا، قولداۋعا يە بولدى، بۇل نەگىزىنەن ”دارەتحانا توڭكەرىسى“، اۋىل - قىستاقتى رەتتەۋدى ىلگەرىلەتۋگە، اۋىل - قىستاق بەت - بەينەسىن رەتتەۋ، جونگە سالۋ، دارەجەسىن جوعارىلاتۋ سياقتى اۋىل - قىستاقتىڭ قونىس ورتاسىن رەتتەۋ، جونگە سالۋعا قاتىستى قۇرىلىستارعا پايدالانىلادى؛ قارامايلى قالاسى شەتەل ساۋداگەرلەرى قارجى قوسقان كاسىپورىنداردى الدىمەن تىزىمگە الۋ، تىركەۋ ۇقىق شەگىن بەرۋدە، مەملەكەتتىك جارناما كاسىپ سالاسى باقشاسىن بەكىتۋدە الدىمەن قولداۋعا يە بولادى؛ باي اۋدانى، بيڭتۋان 10 - شىسى بەيتۇن قالاسى جەكە - جەكە 5 ميلليون يۋان ماراپاتتاۋ قارجىسىنا يە بولدى؛ قارامايلى قالاسى، ارال قالاسى 2021 - جىلعى مەملەكەتتىك كەڭەس كەڭسەسى ۇيىمداستىرىپ ورىستەتكەن مەملەكەتتىك كەڭەستىڭ زور قۋزاۋ - تەكسەرۋىندە جانە ارناۋلى قۋزاۋ - تەكسەرۋىندە ”قۋزاۋ - تەكسەرۋدى كەشىرىم ەتۋدەن“ يگىلىكتەنەدى.
