5 - ايدىڭ 8 - كۇنى اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوندىق جۇڭي شيپاحاناسىنا كەلىپ، وپەراتسيادان كەيىن ەمدەلىپ جاتقان، ۇزىلگەن بىلەگى قايتا جالعانعان حوتاندىق ۇيعۇر ۇل بالا شياۋمايدان (جاناما اتى) جانە ۇيىندەگىلەردەن شىن ىقىلاسپەن حال سۇرادى. سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 8 - كۇنى ۇرىمجىدەن حابارلايدى. 5 - ايدىڭ 8 - كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو اۆتونوميالى رايوندىق جۇڭي شيپاحاناسىنا كەلىپ، وپەراتسيادان كەيىن ەمدەلىپ جاتقان، ۇزىلگەن بىلەگى قايتا جالعانعان حوتاندىق ۇيعۇر ۇل بالا شياۋمايدان (جاناما اتى) جانە ۇيىندەگىلەردەن شىن ىقىلاسپەن حال سۇرادى.
چىن چۋانگو ناۋقاس بولمەسىنە كىرىپ، ناۋقاس توسەگى الدىنا كەلىپ، ەڭكەيىپ شياۋمايدىڭ سول قولىن اقىرىن ۇستاپ، ەمدەۋ جانە ساۋىعۋ جاعدايىن مەيرىممەن سۇرادى. ”بىلەگىڭ ءالى اۋىرا ما؟ وسى 2 كۇندەگى تاماق ءىشۋىڭ قالاي؟ تۇندە جاقسى ۇيىقتاي الاسىڭ با؟“.
”چىن اتا امانسىز با! اۋىرمايتىن بولدى، ازداپ قىشيدى. بۇل ارانىڭ تاماقتارى ءدامدى، الدىڭعى كۇنى شيپاگەر اعاي مەنىڭ قايسارلىعىمدى ماداقتاپ، ماعان تاعى ەڭ ۇناتىپ جەيتىن كاۋاپ الىپ بەردى“.
بالاقايدىڭ وپەراتسيادان كەيىنگى جاعدايىنىڭ جاقسى ەكەندىگىن، جالعانعان بىلەگىنىڭ ىسىگى قايتقاندىعىن، تاماقتانۋ، دارەت سىندىرۋ سياقتى جاعدايلارى جارالانۋدان بۇرىنعى كۇيىنە كەلگەندىگىن ءبىلىپ، چىن چۋانگو توتەنشە قۋاندى.
”قايسار جاقسى بالا ەكەنسىڭ، اۋرۋدى باتىلدىقپەن جەڭىپ شىق، شيپاگەرلەر مەن سەسترالاردىڭ سوزىنە قۇلاق اس، ەمدەۋگە جاقسى سايكەس، ەرتەرەك ساۋىعىپ، شيپاحانادان شىعۋعا ۇمتىل“. چىن اتاسىنىڭ ايتقاندارىن تىڭداپ، شياۋماي اقىلدىلىقپەن باس يزەدى.
چىن چۋانگونىڭ كەلۋى ناۋقاس توسەگىنىڭ قاسىندا وتىرعان شياۋمايدىڭ اناسىن قاتتى اسەرلەندىردى. چىن چۋانگو ونى جۇباتىپ بىلاي دەدى: ”بالانىڭ جارالانۋى باقىتسىزدىق، جانىمىز ەرەكشە اشىدى. الايدا، ول تالەيلى ەكەن، ويتكەنى ول جۇڭگوشا سوتسياليستىك جاڭا داۋىردە جاساپ جاتىر، پارتيا مەن ۇكىمەت ونىڭ بەرىك سۇيەنىشى، بۇكىل شينجياڭ، ءتىپتى بۇكىل ەلدەگى ءار ۇلت حالقى تۇگەلدەي وعان كوڭىل ءبولىپ، ونى قولداپ جاتىر. بالانىڭ، ءسوزسىز، تەز ارادا ساۋىعىپ كەتەتىندىگىنە سەنەمىز“. بالانىڭ شەشەسى تەبىرەنىپ بىلاي دەدى: ”پارتيا مەن ۇكىمەتتىڭ قامقورلىعى، بۇكىل قوعامنىڭ كومەگى بولعاندىقتان، بالام بىلەگىن ساقتاپ قالدى، ءبىز ءۇي ىشىمىزبەن كوپشىلىككە شىن جۇرەكتەن العىس ايتامىز!“.
چىن چۋانگو اۆتونوميالى رايوندىق پارتكوم مەن ۇكىمەت اتىنان بىلەگى ۇزىلگەن ۇل بالانى قۇتقارۋعا، كومەكتەسۋگە، ەمدەۋگە ات سالىسقان ءار تاراپتىڭ ادامدارىنان حال سۇرادى جانە قۇرمەت ءبىلدىردى. ول شينجياڭ مەديتسينا داشۋەسىندەگى جانە شيپاحاناداعى جاۋاپتى جولداستارمەن، ەمدەۋگە جاۋاپتى شيپاگەرلەرمەن، جاۋاپتى سەسترالارمەن ىقىلاستى اڭگىمەلەسىپ، ۇل بالانىڭ وپەراتسيا جاعدايى مەن ساۋىقتىرۋ جوسپارىن ەگجەي - تەگجەيلى ۇعىسىپ، كوپشىلىككە بار كۇشتى سالىپ، زەيىن قويا ەمدەپ، ءسوز جوق، بالانى ويداعىداي ەمدەپ، ويداعىداي كۇتىمدەپ، ويداعىداي ساۋىقتىرىپ، ەڭ زور قۇلشىنىسپەن بالاقايدىڭ بىلەگىنىڭ قالىپتى يقۋاتىن قالپىنا كەلتىرۋدى تاپسىردى.
چىن چۋانگو بىلاي دەدى: وسى رەتكى 1400 شاقىرىمنان استام جول باسىپ، 7 ساعاتقا جالعاسقان ۇزىلگەن بىلەكتى قايتا جالعاۋدىڭ تىرشىلىك ۇتىلاماسىندا، ءار دارەجەلى پارتيا ۇيىمدارى مەن ءار سالاداعى، تۇرلىشە قىزمەتپەن شۇعىلداناتىن ءار ۇلت پارتيالى كادر - بۇقارا تىنىستاس، تاعدىرلاس بولىپ، ۋاقىتپەن تالاسىپ، بار كۇشپەن قۇلشىنىپ، مەيىرىم ارقىلى قۇتقارۋ ارناسىن سالىپ، ماڭداي تەرلەرى ارقىلى قىمباتتى ۋاقىتتى ۇتىپ، جاۋاپكەرشىلىكتەرى ارقىلى ەڭ سوڭعى جەڭىسكە قول جەتكىزدى. بۇل حالىقتى وزەك ەتۋ يدەياسىنىڭ تولىق ايگىلەنۋى، بۇل ءومىردى بارىنەن جوعارى قويۋدىڭ، حالىقتى بارىنەن جوعارى قويۋدىڭ پارمەندى تۇسىندىرمەسى، بۇل ادامگەرشىلىك شۇعىلاسىنىڭ، ءمورالدىق كۇش - قۋاتتىڭ ەڭ كوركەم ساۋلەسى، بۇل ءبىر ءۇيلى جانداي ەتەنە سۇيىسپەنشىلىك، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، جۇڭگوشا سوتسياليستىك ءتۇزىمنىڭ ابزالدىلىعىن تولىق ايگىلەپ، شينجياڭداعى بولاتتاي بەرىك ۇلتتار ىنتىماعىن شوعىرلى ايگىلەدى. بۇكىل رايونداعى ءار دارەجەلى پارتيا ۇيىمدارى مەن ءار ۇلت كادر - بۇقاراسى وسى رەتكى تىرشىلىك ۇتىلاماسىنا قاتىناسقان وزات تيپتەردى ۇلگى ەتىپ، ولاردىڭ وسكەلەڭ قاسيەتى مەن قالتقىسىز رۋحىنان ۇيرەنىپ، سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسىپ، پارتيانى قىزۋ ءسۇيىپ، وتاندى قىزۋ ءسۇيىپ، جۇڭحۋا ۇلتى ۇلى شاڭىراعىن قىزۋ ءسۇيىپ، باستى ماقساتتى ەستە بەرىك ساقتاپ، شىنايى سۇيىسپەنشىلىكپەن حالىق ءۇشىن ىستەپ، قالتقىسىزدىقپەن ءوزىن ارناپ، باسقالارعا كومەكتەسۋدى قۋانىش ساناپ، ەتەنە بولىپ، ءوزارا قارايلاسىپ، جۇڭحۋا ۇلتى ورتاق تۇلعا تانىمىن بەرىك سومداپ، اناردىڭ دانىندەي تىعىز ۇيىسىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جاساۋ كەرەك.
ناۋقاس ۇيىنەن شىعاردا، چىن چۋانگو شياۋمايدىڭ كىشكەنتاي قولىنان ۇستاپ، ونىڭ ساۋىققاننان كەيىن جاقسى ۇيرەنىپ، تولىسا ەسەيىپ، ونەر يگەرىپ، ەسەيگەندە دارىندى بولىپ، كورىكتى شينجياڭدى قۇرۋعا، ۇلى وتاننىڭ ءۇمىتىن اقتاۋعا شابىتتاندىردى.
