ما لي ۇيىندە گۇل باپتاۋدا. سۋرەتتى ءتىلشىمىز ياڭ شۋحان تۇسىرگەن
تيانشان تورى - شينجياڭ گازەتىنىڭ حابارى (حابارىن جازعان ءتىلشى ياڭ شۋحان، پراكتيكانت رۋماناي ەركىن). ءبىرقانشا جىلدىڭ الدىندا، شاعانتوعاي اۋدانى جۇنجۇرەك قىستاعىنىڭ تۇرعىنى ما ليدىڭ باسپاناسى كونەتوز، الاسا، 30 شارشى مەترگە جەتپەيتىن تام ءۇي بولاتىن، ۇيىندە ءوڭى ءتۇزۋ ۇستەل، ورىندىق تا جوق ەدى؛ قازىر، ما لي وتباسى كەڭ ءارى جارىق ۇيگە كوشىپ كىردى، سافا، رەڭدى تەلەۆيزور، قوس ەسكتى مۇزداتقىش، زاماناۋي ىشكاپتارى تولىق بولدى، 2019 - جىلى ما لي وتباسىنداعىلاردىڭ ورتاشا كىرىسى 30 مىڭ يۋانعا جەتىپ، كەدەيلىكتەن ارىلىپ اۋقاتتانۋعا شىنايى قول جەتكىزدى.
قىسقا عانا ۋاقىت ىشىندە، ما لي وتباسىندا نەلىكتەن وسىنشاما زور وزگەرىس تۋىلدى؟
”مۇنىڭ بارلىعى تۋىسىمنىڭ ەڭبەگى“،- دەدى ما لي.
”العاشىندا، ءبىز ەڭ تومەنگى تۇرمىسى قامتاماسىزداندىرىلاتىن وتباسى بولىپ، ءار ايدا تۇرمىس قاراجاتىن الۋ نەدەگەن جاقسى دەپ ويلاپ جۇردىك“، بۇل ءسوزدى ايتقاندا ماليدىڭ ەكى بەتى ءسال قىزارىپ، كيىمىنىڭ ەتەگىن ەكى قولىمەن ۇستاي بەردى.
”ول كەزدە، جولداسىمىز ەكەۋمىز كوپ اڭگىمەلەسپەيتىنبىز، ول تەمەكىسىن تارتىپ، كۇرسىنىپ قانا وتىراتىن، ۇيالىپ ەسىكتەن دە شىعا المايتىن. كوپشىلىك قىزۋ ىنتامەن باعىمشىلىقپەن، ەگىنشىلىكپەن شۇعىلدانىپ جاتقاندا، تەك ءبىز عانا قول قۋسىرىپ قاراپ وتىردىق“،- دەدى ما لي.
2017 - جىلى، جۇڭگو حالىق بانكەسى تارباعاتاي ايماقتىق ورتالىق تارماق بانكەسىنىڭ پارتكوم شۋجيى، بانكە باستىعى جاڭ جيانحۋا ونىمەن جۇپ قۇراپ تۋىس بولدى. ”ون ەكى مۇشەلەرىڭىزساپ - ساۋ، وتاعاسى ءتىپتى كۇش - قۋاتى مىعىم ەڭبەككۇش سانالادى، نەلىكتەن بەلسەنە قۇلشىنبايسىزدار، قىستاقتاعى ارتتا قالعان ’جالقاۋعا‘ اينالعىلارىڭىز كەلە مە“، - دەيدى جاڭ جيانحۋا.
بۇل ءسوز ما ليدىڭ ءسوزسىز قۇلشىنىپ، قازىرگى جاعدايىن وزگەرتۋ سەنىمىن بەكەمدەدى.
ما لي وتباسىندا ەشقانداي قازىنالىق قور جوق ەكەنىن بىلگەننەن كەيىن، جاڭ جيانحۋا وعان ءوسىمى كەشىرىم ەتىلەتىن امانات قارىزىن ءوتىنىش ەتىپ بەردى، جانە وعان ۇنەمى سىرتتاعى دۇنيەنى، ايەل كاسىپ جاراتۋشىلاردى اڭگىمەلەپ بەرىپ، ما لي مەن جولداسىنىڭ يدەياسىن بىرتىندەپ وزگەرتتى.
جاڭ جيانحۋانىڭ شابىت بەرۋىندە، ما لي مەن جولداسى امانات قارىز اقشاعا قوزى ساتىپ الىپ، بار زەيىن - زەردەسىمەن باعىمشىلىق تەحنيكاسىن ۇيرەنۋگە كىرىسەدى. قازىر، ونىڭ وتباسىندا 200 تۇياقتان ارتىق قوي بار بولىپ، بيىل جانە 100 تۇياق قوي ساتىپ الماقشى. سونىمەن بىرگە ول جەردى كوتەرەگە الىپ، كۇلگىن ءتۇستى ۋسارىمساق پەن كارتوپ ەكتى، جانە اۋلاسىنا ەرەكشە شارۋاشىلىق ونىمدەرىن دە ەكتى.
قازىر ما لي قىستاقتاعى كەدەيلەردى سۇيەمەلدەۋگە جاۋاپتى ارناۋلى كادر، ۇگىتشى. ”ءوز كەشىرمەلەرىمە بىرلەستىرىپ، ءتىپتى دە كوپتەگەن قىستاق تۇرعىندارىنا پارتيانىڭ ابزال ساياساتىن، پارتيا تاريحىن سويلەپ بەرىپ، ءتىپتى دە كوپ ادامداردىڭ ماعان ۇقساس، پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسۋىن ءۇمىت ەتەمىن“،- دەدى ما لي. پارتيا مەن ۇكىمەت ولارعا ءتيىمدى ساياسات بەردى، تۋىسىنىڭ كومەگى بەينە جارىق نۇر ىسپەتتى ونىڭ تۇرمىسىن نۇرلاندىرىپ، وتباسىن باقىتقا باستادى.
