تيانشان تورى   ›   جاڭالىقتار   ›   ساياحات

نارات كورىنىس رايونى: دالمە – ٴدال جەتەكشىلىك ەتىپ، ساياحاتتىڭ ورلەۋى كوتەرىلدى

[شينجياڭ جاقسى جەر]

  گازەتىمىزدىڭ كۇنەستەن بەرگەن حابارى انار بۇلت / شينجياڭ گازەتىنىڭ ٴتىلشىسى رىن جياڭ، ەرىكتى ٴتىلشى ما شياۋما حابارلايدى: جاڭا عانا وتكەن ”1 - مامىر“ دەمالىسىندا ”كوكتەگى ساحارا“ نارات كورىنىس رايونى 271 مىڭ 900 ادام – رەت ساياحاتشى قابىلداپ، بىلتىرعى سول تۇستاعىدان %136.44 ارتىپ، ساياحاتتىڭ قاۋىرت مەزگىلىنىڭ ٴساتتى باستاماسىنا قول جەتكىزدى.

  بيىل جىل باسىنان بەرى، نارات كورىنىس رايونى ورايدى مىقتى يگەرىپ، ساياحات كاسىبىنىڭ دامۋىن جەدەل ىلگەرىلەتتى. اسىرەسە، مادەنيەت جانە ساياحات توعىسقان ونىمدەر ارقىلى ۇگىت اۋقىمىن قالىپتاستىرىپ، ەرتە باستان ۇگىتتەپ، دالمە – ٴدال جەتەكشىلىك ىستەدى.

   «كوكتوعايداعى شوپان» اتتى ٴان چاڭجياڭ ٴدارياسىنىڭ وڭتۇستىگى مەن سولتۇستىگىنە كەڭىنەن تارالدى، كولەمدى تاريحي فيلم «ۇلى چين حاندىعىنىڭ جىرى» ورتالىق تەلەۆيزياسىنىڭ التىن ۋاقىتىندا قويىلىپ، نارات كورىنىس رايونى اندە شىرقالعان ٴتۇيىندى ورىن جانە تەلەفيلم كورىنىسى الىنعان جەر رەتىندە اتاعى اسپانداي ٴتۇستى. وسى كورىنىس رايون «ناراتتاعى ومارتاشى قىز»، «ومارتاشى قىزدىڭ سىرى» سياقتى تۋىندىلاردى ارت – ارتىنان شىعارىپ، ۇگىتتەۋ، تانىستىرۋ تەبىنىن ارتتىرىپ، ينتەرنەتكە تانىمالى ساياحات وڭىرىنە اينالدى. ”1 - مامىر“ دەمالىسىندا بۇل كورىنىس رايونى تاعى ساحارا مۋزيكا مەرەكەسى، 3 – كەزەكتى ”ناراتتىقتار . نارات ۆەلوسيپەتى . نارات تاۋى“ اتىنداعى گۈل فورماسىنداعى ۆەلوسيپەد ٴمىنىپ تاۋعا شىعۋ جارىسى سياقتى جەلىلەس مادەنيەت – ساياحات قيمىلدارىن وتكىزىپ، ساياحات بازارىن قىزدىردى.

  نارات كورىنىس رايونى پارتكومىنىڭ مۇشەسى، ساياحاتتى دامىتۋ مەكەمەسىنىڭ باستىعى ۋاڭ سۋۋىن بىلاي دەپ تانىستىردى: ”1 - مامىر“ قارساڭىندا، كورىنىس رايونى نەگىزدىك قۇرىلعىلاردىڭ دارەجەسىن ٴوسىرۋ، جاڭالاۋدى جەدەل ىلگەرىلەتىپ، وزەن اڭعارى جايلاۋىنداعى دايگلاس، جايلاۋ بويجەتكەنى سياقتى 5 كورىنىس ٴوڭىرىنىڭ دارەجەسىن ٴوسىرىپ جاڭالادى، سونداي - اق كورىنىس رايونى ىشىندەگى جولداردىڭ دارەجەسىن ٴوسىرۋ، نارات مەيمانحاناسىنىڭ دارەجەسىن ٴوسىرۋ، جاڭالاۋ نىسانى سياقتىلاردى اتقارىپ، ساياحاتشىلاردىڭ سەزىنۋ دەڭگەيىن جوعارىلاتتى.

  اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى