تيانشان تورى   ›   جاڭالىقتار   ›   شينجياڭ حابارلارى

بۇلتارماس فاكتپەن وسەك - اياڭعا تويتارىس بەرەمىز

شيحۋ قالاسى شينحى توقىماشىلىق شەكتى جاۋاپكەرشىلىك سەرىكتەستىگى:

بۇلتارماس فاكتپەن وسەك - اياڭعا تويتارىس بەرەمىز

  جۋىردا امەريكاداعى، باتىستاعى جۇڭگوعا قارسى كۇشتەر مەن شەتەل كاسىپورىندارى بىرگە بۇزاقىلىققا باسىپ، شينجياڭدا ايتىلمىس ”زورلىقپەن ەڭبەككە سالۋ“ ءومىر سۇرۋدە دەگەندى ويدان قۇراستىرىپ، شينجياڭ ماقتاسى مەن ماقتا توقىما بۇيىمدارىن شەكتەپ، شينجياڭنىڭ ادامدىق ۇقىق جاعدايىنا قيسىنسىز كۇيە جاقتى. سەرىكتەستىگىمىزدەگى بارلىق جۇمىسشى - قىزمەتكەرلەر مۇنى قاتاڭ جازعىرادى جانە وعان باتىل قارسى تۇرادى!

  ءبىزدىڭ سەرىكتەستىگىمىز شيحۋ قالاسىنا 2015 - جىلى ىرگە تەپكەن، قازىر ءار ۇلت جۇمىسشى - قىزمەتكەرلەرىنەن 50دەن استام ادام بار. جۇمىسشى - قىزمەتكەرلەردىڭ بارلىعى قىزمەتكە ءوز ەرىكتەرىمەن اشىق قابىلدانعان ءارى زاڭ بويىنشا ەڭبەك توقتامىنا قول قويعان. سەرىكتەستىك جۇمىسشى - قىزمەتكەرلەرگە ”بەس قامسىزداندىرۋىن“ تاپسىرىپ، ىشەر اس، جاتىن ورىنمەن اقىسىز قامداپ، مەرەكە - مەيرام، دەمالىستاردا يگىلىك تاراتادى، جۇمىسشى - قىزمەتكەرلەر كاسىپورىنعا ءدان ريزا.

  سەرىكتەستىكتەگى از ۇلت جۇمىسشى - قىزمەتكەرلەرىنىڭ ىشىندە ەڭ ۇزاق بولعاندا 3 جىلدان استام ۋاقىت قىزمەت ىستەگەندەر بار، ولاردىڭ كەيبىرى كەزىندە وتباسى ايەلدەرى، كەيبىرى كاسىپ كۇتكەندەر بولاتىن، قازىر وزدەرىنىڭ قۇلشىنىستارى ارقىلى بىرتە - بىرتە كاسىپ سالاسىنىڭ مايتالمان جۇمىسشىسىنا اينالىپ، كىرىسى دە العاشقى كەزدەگى 2000 يۋاننان استامنان 4000 − 5000 يۋانعا دەيىن ءوستى. قىزمەتتەن تۇسكەننەن كەيىن، كوپشىلىك ساۋدا سارايلارىن ارالاۋعا، باقشادا سەيىلدەۋگە ۋادەلەسىپ، بولاشاق تۇرمىستارىن جوسپارلاپ، وزدەرىنىڭ ويعا تۇيگەندەرىن ايتىسادى. ولار قوس قولىمەن ەڭبەكتەنىپ ورنىقتى كىرىسكە يە بولدى، تۇرمىس ساپاسى دا ىلەسە جوعارىلادى، تابىس سەزىمى، باقىت سەزىمى كۇننەن - كۇنگە جوعارىلاپ، قىزمەتكە بار ىنتالارىمەن كىرىستى. ءبىزدىڭ سەرىكتەستىگىمىزدىڭ وسىنشاما كوپ جۇمىستانۋ ورنىمەن قامداۋى ءوڭىردىڭ ەكونوميكالىق دامۋىن ىلگەرىلەتتى، بۇعان ءبىز دە قۋانىشتىمىز.

  بۇدان بىلاي، سەرىكتەستىگىمىز اۋەلگىدەي ءار ۇلت جۇمىسشى - قىزمەتكەرلەرىنە ويداعىداي قىزمەت ورتاسىن ازىرلەپ، جۇمىسشى - قىزمەتكەرلەردىڭ ءتۇرلى زاڭدى ۇقىق - مۇددەسىن زاڭ بويىنشا قامتاماسىز ەتىپ، بۇلتارماس فاكتپەن امەريكانىڭ، باتىستىڭ وسەك - اياڭىنا تويتارىس بەرەدى!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.