اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى:
كاسىپورىندار ءۇشىن ناقتى ءىس ىستەپ، قيىن ماسەلەلەردى شەشتى
انار بۇلت / شينجياڭ گازەتىنىڭ ءتىلشىسى ما ينيڭ 5 - ايدىڭ 9 - كۇنى ۇرىمجىدەن حابارلايدى. 5 - ايدىڭ 7 - كۇنى اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا تاريحىن ۇيرەنۋ تاربيەسىنىڭ ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن ارقاۋ ەتىپ، ”پارتيا تاريحىن ۇيرەنۋ، ناقتى ءىس ىستەۋ، دامۋدى جەبەۋ“ پارتيا تاريحىن ۇيرەنۋ تاربيەسى كاسىپكەرلەر اڭگىمە ءماجىلىسىن وتكىزىپ، كاسىپورىن، قوعام ۋاكىلدەرىن ۇسىنىس ەتىپ، ورىن تەپكەن قيىنشىلىقتار، ماسەلەلەر جونىندە بەتپە - بەت اڭگىمەلەسىپ، كۇدىكتەن ارىلتىپ، سەنىمدى بەكەمدەپ، دامۋدىڭ جاڭا باسىمدىعىن بىرگە سومدادى.
اڭگىمە ماجىلىستە شينچيكاڭ دارىگەرلىك شەكتى جارنا سەرىكتەستىگىنىڭ ورىنباسار باس ديرەكتورى لي كى - اۋ بىلاي دەدى: ”اۆتونوميالى رايوننىڭ شيپاگەرلىك، دارىگەرلىك كاسىپ سالاسىن ەرەكشەلىككە يە تىرەكتى كاسىپ سالاسى قاتارىنا ەنگىزىپ، شيپاگەرلىك، دارىگەرلىك كاسىبىن ساياساتپەن سۇيەمەلدەۋدى كۇشەيتۋدى ۇسىنىس ەتەمىن“. بۇل جونىندە تۇتىنۋ بۇيىمدارى ونەركاسىبى باسقارماسىنىڭ ورىنباسار باستىعى لۋ شياۋلي مىنالاردى ءبىلدىردى: ”اۆتونوميالى رايون جۇڭي شيپاگەرلىگىن، دارىگەرلىگىن جالعاستىرۋدى، جاڭالىق اشا دامىتۋدى جەبەۋ جونىندەگى اتقارۋ پىكىرى سياقتى دارىگەرلىك كاسىبىنىڭ جوعارى ساپالى دامۋىن جەبەيتىن ساياساتتىق شارالاردى العا قويدى، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسى ايرىقشا ءمان بەرىپ، ونەركاسىپ جانە ينفورماتسيالاندىرۋ مينيسترلىگى سياقتى تاراۋلارمەن بەلسەنە ۇشتاسىپ، مەملەكەتتىڭ شينجياڭنىڭ جۇڭگوشا دارىگەرلىگىن، ۇلتتىق دارىگەرلىگىن سەرپىندى قولداۋىنا قول جەتكىزىپ، بيولوگيالىق ءدارى - دارمەك كاسىپ سالاسىن شينجياڭنىڭ ەرەكشە كاسىپ سالاسىنداعى تىرەكتى كاسىپكە اينالدىرۋعا قۇلشىنۋدا“.شينجياڭ مەحانيكا، ەلەكترون كاسىپ سالاسى قوعامىنىڭ باس حاتشىسى لي جيان: ”قازىر بازار اشۋ قابىلەتى جەتەرسىز، بازار سۇرانىسىنا جەتەكشىلىك ەتۋ سەرپىنىن ارتتىرىپ، جەرگىلىكتى سايكەستى كاسىپ سالالارىنىڭ دامۋىن قولداۋعا بولا ما، جوق پا؟“ دەگەندى ورتاعا قويعاندا، جابدىق ونەركاسىبى باسقارماسىنىڭ ورىنباسار باستىعى جاڭ شياۋچۋان بىلاي دەپ جاۋاپ قايتاردى: ”كاسىپورىنداردى حالىقارالىق ءوندىرىس قۋاتى سەلبەستىگىنە قاتىناسۋعا شابىتتاندىرۋدا جانە جەتەكشىلىك ەتۋدە جۇڭگونىڭ قاتىستى ەلدەردەگى قۇرىلىس نىسانىنا سۇيەنىپ، جابدىق ونىمدەرىن باعىتتامالى تۇردە جاساپ، كاسىپورىنداردىڭ ’سىرتقا شىعۋ‘ ناقتى قابىلەتىن كۇشەيتۋ كەرەك“. ول بىلاي دەپ ءتۇسىندىردى: قازىر شينجياڭ ىشىندەگى باس قۇرىلعى (ماشينا) كاسىپورىندارىنىڭ شينجياڭ ىشىندە وندىرىلگەن ۇساق بولشەكتەردى ساتىپ الۋ كولەمىن كەڭەيتۋىن سيلاۋدىڭ ناقتى ءادىسى زەرتتەلۋدە، ارتىقشىلىققا يە كاسىپ سالالارىنىڭ سايكەستى قۇراستىرۋلى ماشينا وندىرەتىن ۇساق بولشەك جاساۋ كاسىپورىندارىن ەنگىزۋىن ءتۇيىندى تۇردە ارقاۋ ەتىپ، ۇساق بولشەكتەردى ءوندىرۋ جاعىنداعى سەلبەسۋدى جانە سايكەستىرۋدى تارتىپپەن ىلگەرىلەتىپ، باسىم كاسىپ سالالارىنىڭ باس قۇرىلعى جابدىقتارىنىڭ شينجياڭ ىشىندەگى سەلبەسۋ، سايكەستىرۋ مولشەرىن جوعارىلاتىپ، ۇلكەننىڭ كىشكەنەنى جەتەكتەۋ، كىشكەنە ارقىلى ۇلكەندى جەبەۋ، ارتىقشىلىقتارمەن ءبىر - ءبىرىن تولىقتاۋ، سايكەستى دامۋ سىندى كاسىپ سالاسى ارناسىن قالىپتاستىرۋ كەرەك.
ۇعىسۋعا قاراعاندا، اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى جۇمىس باسىندا تەكسەرۋ، اڭگىمە ءماجىلىسىن اشىپ تەكسەرۋ - زەرتتەۋ ارقىلى 28 كاسىپورىننىڭ جانە قوعامنىڭ دامۋىندا ورىن تەپكەن ماسەلەلەردى جانە قيىن تۇيىندەردى توپتاپ، رەتتەپ، دەر كەزىندە سالالاپ، قاتىستى شارا بەلگىلەپ، ورتا، شاعىن كاسىپورىنداردىڭ دامۋى ءۇشىن اناعۇرلىم جاقسى قىزمەت وتەگەن.
اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي گاڭ مىنالاردى ءبىلدىردى: بيىل ونەركاسىپ جانە ينفورماتسيالاندىرۋ مەڭگەرمەسى اۆتونوميالى رايوندىق ورتا، شاعىن كاسىپورىنداردىڭ، حالىقتىق شارۋاشىلىقتىڭ دامۋىن جەبەۋ جانە كاسىپورىنداردىڭ اۋىرتپالىعىن جەڭىلدەتۋ باسشىلىق گرۋپپاسى كەڭسەسىنىڭ فۋنكتسيالىق رولىن ويداعىداي ساۋلەلەندىرىپ، ىشكەرىلەگەن تۇردە تاماشا دامۋ ورتاسىن ازىرلەپ، قازىنا - سالىق بويىنشا قولداۋ ساياساتىن كەمەلدەندىرىپ، ءتۇرلى ۇيلەسىمسىز اقى الۋلاردى جويىپ، ورتا، شاعىن كاسىپورىنداردىڭ ءتىپتى كوپ ناقتى تيىمدىلىكتەرگە يە بولۋىنا مۇمكىندىك جاسايدى. سونىمەن قاتار، ”ماماندانعان، سارالانعان، ەرەكشە، جاڭا“ كاسىپورىنداردى جەتىلدىرۋ، ورتا، شاعىن كاسىپورىنداردىڭ الەۋمەتتىك قىزمەت وتەۋ تۇعىرى تورى، ۇلگى كورسەتۋ تۇعىرى، شارۋاشىلىق قۇرۋ، جاڭالىق اشۋ بويىنشا ۇلگى كورسەتۋ بازا قۇرىلىسى سياقتى جاقتاردان قىزمەت وتەۋ ناقتى ونىمدىلىگىن جوعارىلاتادى ءارى كاسىپورىنداردىڭ قارجى قۇراۋ جاقتارداعى سۇرانىسىن شەشۋگە ۇزدىكسىز كومەكتەسىپ، ورتا، شاعىن كاسىپورىنداردىڭ دامۋىنا ومىرشەڭدىك كۇش ۇستەيدى.
بىلتىر رايونىمىزداعى ورتا، شاعىن، ۇساق كاسىپورىندار جانە جەكە ساۋدا - ونەركاسىپشىلەر ءتۇرلى ساياساتتى تياناقتاندىرۋ بارىسىندا يگىلىكتەنگەن قارجىسى جيىنى 131 ميلليارد 732 ميلليون يۋانعا جەتتى.
