اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى ”پارتيانىڭ 100 جىلدىق كۇرەس تاريحىن“ ارناۋلى تاقىرىپتا ۇيرەندى
جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسىن ەستە بەرىك ساقتاپ، اناعۇرلىم جاقسى اقىل - پاراسات جانە كۇش - قۋات قابىلداپ، جاڭا داۋىردەگى ۇزاق جورىق جولىن جاقسى باسۋ كەرەك
چىن چۋانگو باسقاردى
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 9 - كۇنى ۇرىمجىدەن حابارلايدى. 5 - ايدىڭ 9 - كۇنى تۇستەن بۇرىن اۆتونوميالى رايوندىق پارتكومنىڭ نازاريا ۇيرەنۋ وزەكتى گرۋپپاسى پارتيا تاريحىن ۇيرەنۋ تاربيەسى ”پارتيانىڭ 100 جىلدىق كۇرەس تاريحى“ ارناۋلى تاقىرىپتىق ۇيرەنۋ ءماجىلىسىن وتكىزىپ، باس شۋجي شي جينپيڭنىڭ جۇڭگو كوممۋنيستىك پارتياسىنىڭ تاريحى جونىندەگى ماڭىزدى بايىمداۋلارىن ىشكەرىلەي ۇيرەنىپ، پارتيانىڭ 100 جىلدىق ۇلى كۇرەس بارىسىنان ۇزدىكسىز العا ىلگەرىلەۋدىڭ اقىل - پاراساتى مەن كۇش - قۋاتىن قابىلدادى. اۆتونوميالى رايوندىق پارتكومنىڭ شۋجيى چىن چۋانگو ۇيرەنۋ ءماجىلىسىن باسقاردى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، شۇي حايرۇڭ، تيان ۋىن، لي يفي، سارقىت اقان ماجىلىسكە قاتىناستى.
اۆتونوميالى رايوندىق پارتكوم ۇگىت لەكسيا ۇيىرمەسىنىڭ مۇشەسى، شينجياڭ داشۋەسىنىڭ ورىنباسار باستىعى ۋاڭ جانرىن ارناۋلى تاقىرىپتىق پىسىقتاۋ بايانداماسىن جاسادى. ۋاڭ جانرىن پارتيانىڭ 100 جىلدىق كۇرەس بارىسىن تىعىز ارقاۋ ەتىپ، جۇڭگو كوممۋنيستىك پارتياسىنىڭ 100 جىلدىق تاريحىنىڭ نەگىزگى تاقىرىبى مەن نەگىزگى جەلىسى، جۇڭگو كوممۋنيستىك پارتياسىنىڭ 100 جىلدىق تاريحىنىڭ نەگىزگى اعىنى مەن ءمانى، ايقىن تۋ ۇستاي وتىرىپ تاريحتى تەرىستەۋشىلىككە قارسى تۇرۋ سىندى 3 جاقتان نەگىزگى تاقىرىبى ايقىن، مازمۇنى باي تۇسىندىرمە جاسادى.
چىن چۋانگو، شوكىرات زاكىر، تيان ۋىن ۇيرەنۋ اسەرلەرىن سويلەدى، اۆتونوميالى رايوندىق پارتكومداعى باسقا دا تۇراقتى مۇشە جولداستار مەن اۆتونوميالى رايوندىق حالىق قۇرىلتايىنداعى، ساياسي كەڭەستەگى نەگىزگى جاۋاپتى جولداستار جازباشا پىكىر اۋىستىرىپ ءسوز سويلەدى. كوپشىلىك ءبىر اۋىزدان مىنالاردى ءبىلدىردى: 100 جىلدىق ۇزدىكسىز كۇرەس بارىسىندا پارتيا حالىققا باسشىلىق ەتىپ ۇلى تاريح جاراتىپ، ۇلى رۋح سومداپ، قىمباتتى تاجىريبەلەر قالىپتاستىرىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الىپ، جۇڭحۋا ۇلتىنىڭ دامۋ تاريحىنداعى، ادامزات قوعامىنىڭ العا باسۋ تاريحىنداعى ۇلى كەرەمەتتى جاراتتى. باس شۋجي شي جينپيڭنىڭ پارتيانىڭ تاريحى جونىندەگى ماڭىزدى بايىمداۋلارىن، اسىرەسە، پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنىپ، ءتۇسىنىپ، يدەيالىق تانىم مەن ارەكەت بەتالىسىن بىرلىككە كەلتىرىپ، اۋەلگى ماقساتتى، بورىشتى جانە كۇرەس رۋحىن شىڭداپ، ءىس تىندىرىپ، ناتيجە شىعارۋداعى ساياسي جاۋاپكەرشىلىك سەزىم مەن تاريحي بورىشتىلىق سەزىمدى قاۋلاتىپ، كورىكتى شينجياڭ قۇرۋ جولىندا، وتان ارمانىن بىرگە جۇزەگە اسىرۋ جولىندا قۇلشىنا كۇرەس جاساۋ كەرەك.
چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ تاريحىن قورىتىندىلاۋعا، پايدالانۋعا ايرىقشا ءمان بەرىپ، بۇكىل پارتيادا پارتيا تاريحىن ۇيرەنۋ تاربيەسىن شوعىرلى ورىستەتۋ كەلەلى شەشىمىن جاسادى. باس شۋجي شي جينپيڭنىڭ پارتيا تاريحىن ۇيرەنۋ تاربيەسىنە جۇمىلدىرۋ جينالىسىندا سويلەگەن ماڭىزدى ءسوزى مەن «جۇڭگو كوممۋنيستىك پارتياسىنىڭ تاريحى جونىندە» قاتارلى ماڭىزدى بايىمداۋلاردان ۇزىندىلەر بۇكىل پارتيانىڭ پارتيانىڭ تاريحىن مۇقيات قورىتىندىلاۋىنا، پارتيانىڭ تاريحىنا عىلمي مامىلە جاساۋىنا، پارتيانىڭ تاريحىن ۇيرەنۋگە ءمان بەرۋىنە، پارتيانىڭ تاريحىن شەبەرلىكپەن پايدالانۋىنا ءتۇبىرلى بويسۇنۋ ولشەمىن ازىرلەدى. بەرىك، باتىل تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزى مەن پارتيا تاريحى جونىندەگى، پارتيا تاريحىن ۇيرەنۋ تاربيەسىن ورىستەتۋ جونىندەگى ماڭىزدى بايىمداۋلارىمەن بىرلىككە كەلتىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، تاريحتى ۇيرەنۋ ارقىلى قاعيدانى تۇسىنۋگە، تاريحتى ۇيرەنۋ ارقىلى سەنىمدى ارتتىرۋعا، تاريحتى ۇيرەنۋ ارقىلى ءمورالدى اسقاقتاتۋعا، تاريحتى ۇيرەنۋ ارقىلى ۇمتىلا ىستەۋگە تاباندى بولىپ، وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن پارتيا تاريحىن ۇيرەنۋ تاربيەسىن تىڭعىلىقتى ويداعىداي ورىستەتىپ، پارتيا تاريحىن ۇيرەنۋدى، يدەيانى ءتۇسىنۋدى، ناقتى ءىس ىستەۋدى، جاڭا جاعداي اشۋدى ورىنداۋ كەرەك.
ءبىرىنشى، ساياسي قۇرىلىستى كۇشەيتۋ، ساياسي قابىلەتتى جوعارىلاتۋ كەرەك. پارتيا تاريحىن ۇيرەنۋ تاربيەسىن پارتيانىڭ ساياسي قۇرىلىسىن كۇشەيتۋدىڭ ماڭىزدى شاراسى ەتۋگە تاباندى بولىپ، دۇرىس بەتالىستى يگەرىپ، ساياسي جەتەكشىلىكتى كۇشەيتىپ، پارتيانى ءسۇيۋ، وتاندى ءسۇيۋ، سوتسياليزمدى ءسۇيۋ سەزىمىن قويۋلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بارلىق ارەكەتتە پارتيا ورتالىق كوميتەتىنىڭ بۇيرىعى مەن قولباسشىلىعىنا بويسۇنۋ كەرەك.
ەكىنشى، جەتە ءتۇسىنۋ، جەتە يگەرۋ، شىنايى تياناقتاندىرۋ، نازاريامەن قارۋلانۋدى كۇشەيتۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تەرەڭدەي ۇيرەنۋدى، قانىق ءتۇسىنۋدى پارتيا تاريحىن ۇيرەنۋ تاربيەسىنىڭ كەلەلى ساياسي مىندەتى ەتۋگە تاباندى بولىپ، پارتيانىڭ 18 - قۇرىلتايىنان بەرگى پارتيا مەن مەملەكەت ىستەرى قول جەتكىزگەن تاريحي تابىستاردىڭ، تۋىلعان تاريحي وزگەرىستەردىڭ ۇردىسىمەن ۇشتاستىرىپ، وندا قامتىلعان وزەكتى ءماندى، رۋحاني ماعىنانى، باي مازمۇندى، امالياتتىق تالاپتى جەتە ءتۇسىنىپ، ونىمەن ساباقتاسقان ساياسي قاسيەتتى، قۇن تالپىنىسىن، رۋحاني دەڭگەيدى، ستيلدىك ءمورالدى جەتە ۇعىنىپ، شىن مانىندە ونان پايدالانىپ پارتيالىلىقتى جەتىلدىرىپ، مىنەز - قۇلىقتى شىڭداپ، وي - سانانى قارۋلاندىرىپ، امالياتقا جەتەكشىلىك ەتىپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيا رولىن ورنىقتى ۇستاپ، شينجياڭ قىزمەتىنىڭ باستان - اياق دۇرىس بەتالىسپەن العا ىلگەرىلۋىنە شىنايى كەپىلدىك ەتۋ كەرەك.
ءۇشىنشى، رۋحاني كۇرەس جىگەرىن قاۋلاتۋ، ورنىقتىلىقتى، دامۋدى ىلگەرىلەتۋ كەرەك. پارتيا تاريحىن ۇيرەنۋ تاربيەسىن پارتيانىڭ 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، تاجىريبەلەردى قورىتىندىلاۋمەن، رەالدىققا ۇڭىلۋمەن، قىزمەتتەردى ىلگەرىلەتۋمەن ۇشتاستىرىپ، ءار ۇلت بۇقاراسىن تاماشا تۇرمىس جاراتۋعا جۇمىلدىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ۇستاپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعىن، ىندەتتەن ساقتانۋ - تىزگىندەۋدى ۇدايىلاندىرۋدى، حاۋىپسىز ءوندىرىس قىزمەتىن شىن مانىندە ويداعىداي يگەرىپ، حالىق تۇرمىسىمەن تىعىز جاناسا وتىرىپ ەكونوميكانىڭ جوعارى ساپالى دامۋىن ىلگەرىلەتىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن تىڭعىلىقتى ويداعىداي ورىستەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.
ارناۋلى تاقىرىپتىق ۇيرەنۋ ءماجىلىسى تەلەۆيزور، تەلەفون ءماجىلىسى تاسىلىندە ءارقايسى ايماقتارعا دەيىن (وبلىس، قالا) اشىلدى. اۆتونوميالى رايوننىڭ پارتيا تاريحىن ۇيرەنۋ تاربيەسى باسشىلىق گرۋپپاسىنا مۇشە ورىندارداعى، سونداي - اق كەڭسەلەرىندەگى قاتىستى جاۋاپتى جولداستار، ۇرىمجىدەگى ءىشىنارا حالىق قۇرىلتايىنىڭ ۋاكىلدەرى، ساياسي كەڭەستىڭ مۇشەلەرى جانە دەموكراتيالىق پارتيا - توپتاردىڭ شينجياڭ رايوندىق كوميتەتتەرىندەگى جاۋاپتى جولداستار، ت. ب نەگىزگى جيىن زالىندا ۇيرەنۋگە قاتىناستى.
