− 2020 - جىلعى پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋدەن ەسەپ بەرۋ، باعالاۋ، ساراپتاۋ تۋرالى جالپى شولۋ
□ شينحۋا اگەنتتىگىنىڭ تىلشىلەرى
”وسىندا وتىرعان ءاربىرىمىز نەگىزگى ساتى پارتيا قۇرىلىسىن يگەرۋدەگى ءبىرىنشى جاۋاپتى ادامدارمىز، بارلىعىمىز نەگىزگى ساتى پارتيا قۇرىلىسىنا، شىنىندا، ءمان بەرىلدى مە، جوق پا، اۋىز جۇزىندە ماڭىزدى دەلىنىپ، جۇمىس بارىسىندا ماڭىزسىزداۋ ورىنعا سىرعيتىن، قاربالاس جۇمىس بارىسىندا قاعىس قالىپ قوياتىن ماسەلەلەر بار ما، جوق پا، بۇل جۇمىستى يگەرگىسى كەلمەيتىن، يگەرۋگە وراشولاق بولاتىن، قالاي يگەرۋدى بىلمەيتىن ماسەلە بار ما؟ نەگىزگى ساتى پارتيا قۇرىلىسى قىزمەتىن يگەرۋگە شىن مانىندە ساياسي تۇرعىدان مامىلە جاسالدى ما، جوق پا، نەگىزگى ساتى پارتيا ۇيىمدارىنىڭ ساياسي يقۋاتىن كۇشەيتۋ ءتيىستى ورىنعا قويىلدى ما، جوق پا؟ قىزمەت بارىسىندا قىزمەت اتقارماۋ، جاۋاپكەرسىزدىك ىستەۋ جايتى بار ما، جوق پا، جاۋاپكەرشىلىكتى جەتكىزۋ، قىسىمدى جەتكىزۋ تىڭعىلىقتى، تۇبەگەيلى بولماۋ ماسەلەسى بار ما، جوق پا؟ دەگەندەر جونىندە جۇرەگىمىزدىڭ تۇكپىرىنەن وزىمىزگە سۇراۋ قويۋىمىز كەرەك“.
”مەنىڭ وزىمنەن باستاپ رايوندىق كوميتەتتىڭ شۋجيلەرىنە، ونان مالىلەردەگى، اۋىل - قالاشىقتارداعى، الەۋمەتتىك اۋماقتار مەن اۋىل - قىستاقتارداعى پارتيا ۇيىمدارىنىڭ شۋجيلەرىنە دەيىن تۇگەلدەي ءوزىمىز تىكەلەي كىرىسىپ، ’تاس ءتۇيىن دايىندالىپ‘، پارتيا قۇرىلىسى قىزمەتىن شىنايى يگەرۋىمىز، ناقتى يگەرۋىمىز كەرەك. ەڭ الدىمەن ’ءبىرىنشى كۇشتى‘ ىسكە سالىپ، پارتيا قۇرىلىسى قىزمەتىن يگەرۋدىڭ قابىلەت - ونەرىن جوعارىلاتىپ، ءادىس - تاسىلمەن يگەرۋىمىز، پارمەندى يگەرۋىمىز، ءونىمدى يگەرۋىمىز كەرەك؛ ونان سوڭ، ’ءبىرىنشى ۋاقىتتى‘ ارناپ، ۋاقىت پەن زەيىندى پارتيا قۇرىلىسى قىزمەتىنە جەتكىلىكتى ءبولىپ، اقىلداسۋعا تيىستىلەرىن اقىلداسىپ، ىلگەرىلەتۋگە تيىستىلەرىن ىلگەرىلەتىپ، شەشۋگە تيىستىلەرىن شەشىپ، شىن مانىندە كۇش - قايرات جۇمساۋىمىز كەرەك“.
بۇل 2020 - جىلعى پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتى پارتيا قۇرىلىسى قىزمەتىن يگەرۋ جونىندە ەسەپ بەرۋ، باعالاۋ ماجىلىسىندە ءبىر ءبولىم ولكەلىك، رايوندىق، قالالىق پارتكوم شۋجيلەرىنىڭ باعا بەرگەندەگى سوزدەرى. 2014 - جىلدان باستاپ ءار دارەجەلى پارتكومدار (پارتيا باسشىلىق گرۋپپالارى) ۇدايى 7 جىل پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتى پارتيا قۇرىلىسىن يگەرۋ قىزمەتى جونىندە ەسەپ بەرۋىن، باعالاۋىن، ساراپتاۋىن ورىستەتىپ، قىسىمدى جەتكىزىپ، قوزعاۋشى كۇش قاۋلاتىپ، پارتيانى باسقارۋ، پارتيانى جونگە سالۋ، نەگىزدى نىعايتىپ، تاعاندى بەكەمدەۋ ساياسي جاۋاپكەرشىلىگىن تياناقتاندىرۋدى ىلگەرىلەتتى.
2020 - جىل جاڭا جۇڭگو تاريحىندا ايرىقشا وزگەشە ءبىر جىل بولدى. قاتاڭ دا كۇردەلى جاعداي جانە ماشاقاتتى دا اۋىر مىندەت الدىندا، ءار دارەجەلى پارتكومدار (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ جاۋاپكەرشىلىگىن مۇقيات اتقارىپ، نەگىزگى ساتىنى يگەرۋ، نەگىزدى بەكەمدەۋ قىزمەتىن تىڭعىلىقتى تۇردە ويداعىداي ىستەپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ بۇيرىقتى الا سالا اتتانىسقا كەلۋىن، اتويلاپ الدا ءجۇرۋىن ىلگەرىلەتىپ، ۇلكەن شايقاستا، ۇلكەن سىناقتا جەڭىسكە جەتۋگە پارمەندى ۇيىمدىق كەپىلدىك ازىرلەدى. وسىنداي جاعدايدا ەسەپ بەرۋ، باعالاۋ، ساراپتاۋ قىزمەتىندە تۇرلىشە ەرەكشەلىكتەر جارىققا شىقتى.
− دەڭگەيدى جوعارىلاتۋعا اناعۇرلىم ءمان بەردى. ەسەپ بەرۋدى، باعالاۋدى، ساراپتاۋدى پارتيانى جاپپاي قاتاڭ جونگە سالۋ تالابىن تياناقتاندىرۋدىڭ ماڭىزدى تۇزىمدىك ورنالاستىرۋى، پارتيانىڭ باسشىلىعىن كۇشەيتۋدىڭ، پارتيا قۇرىلىسىن ىلگەرىلەتۋدىڭ ماڭىزدى امالياتتىق فورماسى ەتتى. ولكەلىك، رايوندىق، قالالىق پارتكومدار، ورتالىق پەن مەملەكەت ورگاندارى قىزمەت كوميتەتى، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومى ارناۋلى ورنالاستىرۋ جاساپ، پارتكوم (پارتيا باسشىلىق گرۋپپاسى) شۋجيلەرى تىكەلەي زەرتتەۋ جۇرگىزىپ، جوسپارلاپ، ءبىرىنشى شەپكە بارىپ تەكسەرۋ - زەرتتەۋ جۇرگىزىپ، پارتكومنىڭ تۇراقتى كوميتەتىنىڭ (كەڭەيتىلگەن) ءماجىلىسىن نەمەسە پارتيا باسشىلىق گرۋپپاسىنىڭ ءماجىلىسىن باسقارىپ اشىپ ەسەپ بەرۋدى تىڭداپ، ءار دارەجەلى پارتيا ۇيىمى شۋجيلەرىنىڭ جاۋاپكەرشىلىكتى كوكەيدە ساقتاۋىنا، جاۋاپكەرشىلىكتى ارقالاۋىنا، جاۋاپكەرشىلىكتى ءىس - ارەكەتتە اتقارۋىنا ۇلگى كورسەتىپ، جەتەكشىلىك جاسادى. ءبىرسىپىرا شۋجيلەر پارتيانى جاپپاي قاتاڭ جونگە سالۋ جاي قىزمەت جاۋاپكەرشىلىگى، كاسىپ جاۋاپكەرشىلىگى ەمەس، ساياسي جاۋاپكەرشىلىك، تۇلعالىق جاۋاپكەرشىلىك، باس تارتۋعا بولمايتىن بورىش، قاشقالاقتاۋعا بولمايتىن مىندەت سانالادى دەدى.
− كەلەلى جاعدايعا قىزمەت وتەۋگە اناعۇرلىم ءمان بەردى. نەگىزگى ساتى پارتيا ۇيىمدارى مەن قالىڭ پارتيالى كادرلاردى ىندەتپەن شايقاسۋ، تاسقىنعا قارسى اتتانۋ، كەدەيلىكتەن ارىلتۋدى يگەرۋ، حالىق تۇرمىسىنا تيىمدىلىك جاساۋ، ارتۋدى ساقتاۋ، كەلەلى جاعدايدى ورنىقتىرۋ جاعدايىن ەسەپ بەرۋدەگى، باعالاۋداعى، ساراپتاۋداعى ”بۇلتارتپاس كورسەتكىش“ ەتۋگە اتتانىسقا كەلتىرۋ، ۇيىمداستىرۋ ارقىلى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، كەلەلى مىندەتتەردىڭ تياناقتانۋىن يگەرۋدىڭ ناتيجەسى ارقىلى نەگىزگى ساتى پارتيا قۇرىلىسى قىزمەتىنىڭ ناتيجەسىن تەكسەردى. كوپشىلىك جاپپاي مىنانى اڭىس ەتتى: كەلەلى جاعدايعا قىزمەت وتەۋ بارىسىندا پارتيا ۇيىمىنىڭ جاۋىنگەرلىك قۋاتى كورنەكتىلەندىرىلىپ، ءار دارەجەلى پارتيا ۇيىمى شۋجيلەرىنىڭ پارتيا قۇرىلىسىن يگەرۋ ساپاسى تەكسەرىلدى، نەگىزگى ساتى پارتيا قۇرىلىسى مەن وزەكتى مىندەت نەعۇرلىم تىعىز بىرلەستىرىلىپ، نەعۇرلىم ويداعىداي توعىستىرىلسا، ناتيجەسى دە سولعۇرلىم ايقىن، يگەرۋ دە سولعۇرلىم مىعىم بولادى ەكەن.
− ماسەلەلەرمەن بەتپە - بەت كەلۋگە اناعۇرلىم ءمان بەردى. قىزمەتتەن ەسەپ بەرگەن شۋجيلەر شىن مانىندە وزىمەن بايلانىستىرىپ، ءبىرىنشى جاق ”مەنمەن“ بايانداۋدى كورنەكتىلەندىرىپ، ىرىقتىلىقپەن ءمىنىن اشىپ، جەتەرسىزدىكتەرىن كورسەتتى، سالعان جەردەن ەڭبەگىن باعالاۋدان، جاقسى جاعىن كورسەتۋدەن، جاۋاپكەرشىلىكتىڭ تياناقسىز، بوس سىلدىر بولۋىنان، كەيبىرەۋلەردىڭ تەك ”ءمىنىن“ عانا ايتىپ، ”ارتىقشىلىعى“ جايلى اۋىز اشپاۋدان ساقتاندى. كەيبىر جەرلەر مەن مەكەمە - ورىندار شارلاۋ، شارلاپ تەكسەرۋ، ارىز - ارمان اڭىس ەتۋ، ارنايى باقىلاۋ - تەكسەرۋ، كەزدەيسوق تۇردە تەكسەرۋ - زەرتتەۋ سياقتىلاردا بايقالعان ماسەلەلەردى جۇيەلى تۇردە سالالاپ، ماسەلەلەر ءتىزىمىن، جاۋاپكەرشىلىك ءتىزىمىن، رەتتەۋ - تۇزەتۋ ءتىزىمىن جاسادى. ەسەپ بەرۋدى تىڭداعان جوعارى دارەجەلى پارتيا ۇيىمىنىڭ شۋجيلەرى قاتاڭ، مۇقيات باعا بەردى، كەيبىرى ناتيجە تۋرالى ايتپاي، تەك ماسەلەلەردى كورسەتىپ، كىم، قاي ءىس ەكەنىن اشىق ايتىپ، كەسىرلى تۇيىندەردى توتە كورسەتىپ، شىمبايىنا جەتكىزە ايتتى. ءبىرتالاي جولداستار مىنانى ءبىلدىردى: ۇدايى بىرنەشە جىلدىق اماليات ەسەپ بەرۋدىڭ، باعالاۋدىڭ، ساراپتاۋدىڭ ساپاسى كوپ جاعدايدا شۋجيدىڭ باعا بەرۋ ساپاسىنا بايلانىستى بولاتىندىعىن دالەلدەدى.
− قاتاڭ، ولشەمدى بولۋعا اناعۇرلىم ءمان بەردى. قازىر ەسەپ بەرۋ، باعالاۋ، ساراپتاۋ قالالاردى، اۋدانداردى، اۋىلداردى جانە ورگانداردى، مەملەكەت مەنشىگىندەگى كاسىپورىنداردى، جوعارى مەكتەپتەردى، ۇكىمەتتىك شيپاحانالاردى تولىق قامتىدى. ورتالىق پەن مەملەكەت ورگاندارى قىزمەت كوميتەتى ءارقايسى تاراۋلاردىڭ ورگان پارتكومىنىڭ ىشكى قۇرىلىمدار مەن توتە قاراستى ورىنداردىڭ ەسەپ بەرۋدى، باعالاۋدى، ساراپتاۋدى ورىستەتۋىنە جەتەكشىلىك ەتتى، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومى ورتالىق كاسىپورىندارىنىڭ ەسەپ بەرۋدى، باعالاۋدى، ساراپتاۋدى ويداعىداي يگەرۋىنە جەتەكشىلىك ەتتى. ماجىلىستەن بۇرىن تەكسەرۋ - زەرتتەۋ جۇرگىزۋ، ەسەپ بەرۋدى باعالاۋ، قاتاڭ ساراپتاۋ جۇرگىزۋ، ناتيجەسىن پايدالانۋ، رەتتەۋ - تۇزەتۋدى تياناقتاندىرۋ سياقتى بۋىندارداعى قىزمەتتەردى كۇش سالا ويداعىداي يگەرىپ، جىل باسىندا ورنالاستىرۋ، جىل ورتاسىندا تياناقتاندىرۋدى ىلگەرىلەتۋ، جىل سوڭىندا ەسەپ بەرۋ، باعالاۋ، ساراپتاۋ ءتاسىلىن قولدانىپ، قىزمەتتىڭ ۇلاسپالى اينالىمىن قالىپتاستىردى.
− ساپالىلاندىرۋعا، جاقسارتۋعا اناعۇرلىم ءمان بەردى. كوپتەگەن جەرلەر مەن ورىندار نەگىزگى ساتى پارتيا قۇرىلىسىنىڭ ءتۇيىندى مىندەتتەرىن ورىنداۋ جاعدايىن ءماجىلىس ۇستىندە حابارلاندىردى، كەيبىرى ءماجىلىس ۇستىندە نەگىزگى ساتى پارتيا قۇرىلىسى قىزمەتىنەن ەستەلىك فيلم كورسەتىپ، باقىلاۋ - تەكسەرۋدەن، جاسىرىن تەكسەرۋدەن بايقالعان كورنەكتى ماسەلەلەردى قاز - قالپىندا جاريالادى. باقىلاۋ - تەكسەرۋ، تەكسەرۋ، ساراپتاۋ تىم كوپ، تىم ءجيى بولۋ ماسەلەسىن رەتتەپ، جونگە سالىپ، نەگىزگى ساتى پارتيا قۇرىلىسىن ساراپتاۋدى ۇزدىكسىز ساپالىلاندىرىپ، جاقسارتىپ، نەعۇرلىم تومەنگە تۇسكەن سايىن ساراپتاۋ قىزمەتى سولعۇرلىم ىقشام بولۋىن، ساتى - ساتى بويىنشا سالماق ۇستەۋگە، جيىن اشىپ حۇجات تاراتۋ، ەستەلىككە الىپ ءىز قالدىرۋ سياقتىلار ارقىلى قىزمەتتىڭ جاقسى - جاماندىعىن باعالاۋعا بولمايتىندىعىن ايقىنداپ، كوپ جاق بولىپ ساراپتاۋ، ءىز قالدىرۋعا ءمان بەرىپ، ناتيجەگە سەلقوس قاراۋ سياقتى ماسەلەلەردى شەشىپ، فورماشىلدىقتان ساقتانىپ، نەگىزگى ساتىنىڭ اۋىرتپالىعىن جەڭىلدەتتى.
ءار دارەجەلى پارتكوم (پارتيا باسشىلىق گرۋپپاسى) ەسەپ بەرۋ، باعالاۋ، ساراپتاۋدى ”باعدار كورسەتكىش“ ەتىپ، نازاردى ءتۇيىندى مازمۇنعا شوعىرلاندىرىپ، ماسەلەلەردى رەتتەۋ - تۇزەتۋگە قاداعالاي قۋزاپ، ەسەپ بەرگەن شۋجيلەردىڭ ”ناقپا - ناق“ ەسەپ بەرۋىن، پارتيا قۇرىلىسىن يگەرۋدىڭ قاتاڭ شارالارىن، ناقتى شارالارىن، الشاقتىقتاردى، ولقىلىقتاردى جانە اسەر - تۇسىنىكتەردى ورتاعا سالىپ، ”ءبىرىنشى جاۋاپكەرشىلىكتى“ تياناقتاندىرۋدىڭ، نەگىزگى ساتىنىڭ نەگىزىن بەكەمدەۋدىڭ جىلدىق ”جاۋاپناماسىن“ تاپسىرۋىن ىلگەرىلەتتى.
− پارتيانىڭ عىلمي نازاريالارىنان پايدالانىپ تىلەك توعىستىرۋدى، رۋح سومداۋدى كورنەكتىلەندىرىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋىن، دايەكتىلەندىرۋىن ىلگەرىلەتتى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ەسەپ بەرۋدەگى، باعالاۋداعى، ساراپتاۋداعى ”ءسوزسىز، جاۋاپ بەرەتىن سۇراۋ“ ەتىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ تابىستارىن بەكەمدەپ، تەرەڭدەتىپ، نازاريامەن قارۋلانۋدى ۇزدىكسىز كۇشەيتتى. جىجياڭ اۋىل - قىستاقتى گۇلدەندىرۋ ساباقحاناسى، ”ون مىڭ كەزەك پارتيا ساباعىن نەگىزگى ساتىعا جەتكىزۋ“ سياقتى قيمىلدار ورىستەتتى. فۋجيان ”باسقان ىزدەردى ىزدەپ، جاۋاپ حاتتى ۇعىنۋ“ ۇيرەنۋ، ارالاۋ قيمىلىن ورىستەتىپ، «شي جينپيڭ فۋجياندا» سياقتى جاندى وقۋلىقتاردان ويداعىداي پايدالانىپ، قالىڭ پارتيالى كادرلاردى يدەيانىڭ ۇلى كۇشىن تەرەڭ ۇعىنۋعا تاربيەلەدى، جەتەكتەدى. بەيجيڭ، حۋبەي، شانشي، سانشي، نيڭشيا، جيلين، انحۇي، گۋاڭدۇڭ، جياڭسۋ قاتارلى جەرلەر باس شۋجي شي جينپيڭ قىزمەت تەكسەرگەن كەزدەگى ماڭىزدى نۇسقاۋلارىنىڭ رۋحىن مۇقيات ۇيرەنىپ، دايەكتىلەندىرىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ ىندەتپەن شايقاسۋ، كەدەيلىكپەن شايقاسۋ، تاسقىنمەن شايقاسۋ بارىسىندا اتويلاپ الدا ءجۇرۋىن، اۋىر مىندەت ارقالايتىن، نەگىزگى كۇش بولۋىن ىلگەرىلەتتى. شاڭحاي ”ءتورت تاريحتى“ ۇيرەنۋ تاربيەسىن الدىمەن ورىستەتىپ، تاريحتى ءبىلىپ پارتيانى ءسۇيۋ، تاريحتى ءبىلىپ وتاندى ءسۇيۋ بارىسىندا پارتيانىڭ جاسامپاز نازارياسى تۋرالى تۇسىنىكتى تەرەڭدەتتى. حۋنان ”جارتى كورپە“، ”ىشەگىن ءۇزىپ، مۇراتىن ايگىلەۋ“ سياقتىلاردا قامتىلعان اسقاق رۋحتاردى زور كۇشپەن اسقاقتاتىپ، پارتيا مۇشەلەرى مەن بۇقارانى پارتيانىڭ تاريحىنان ەكپىندەي العا ۇمتىلۋدىڭ رۋحاني كۇش - قايراتىن الۋعا جەتەكتەدى. حيلۇڭجياڭ ”پارتيا ساباعى باستالدى“ قيمىلىن نازاريامەن قارۋلانۋدىڭ ماڭىزدى دانەكەرى ەتىپ، 58 مىڭ رەت پارتيا ساباعىن ءوتتى، وعان پارتيا مۇشەلەرىنەن 2 ميلليون 800 مىڭ ادام (رەت) قاتىناستى. حىنان پارتيانىڭ جاسامپاز نازاريالارىن پارتيا مۇشەلەرىن تاربيەلەۋدىڭ، باۋلۋدىڭ باستى ساباعى ەتىپ، ”10 مىڭ پارتيا ياچەيكاسى شۋجيىن قاۋىرت باۋلۋ“، ”ميلليون پارتيا مۇشەسى پارتيا مەكتەبىنە بارۋ“ قيمىلىن ورىستەتتى. سانشي ”سانشي ۇزدىكتەرى“، ”جاقسى كادرلار جەلىدە“ تۇعىرىنان پايدالانىپ، پارتيالى كادرلاردىڭ ۇيرەنۋدى، ويلانۋدى، پايدالانۋدى توعىستىرۋىن، تانىمدى، سەنىمدى، ارەكەتتى بىرلىككە كەلتىرۋىن ىلگەرىلەتتى. ەسەپ بەرۋ، باعالاۋ، ساراپتاۋ ارقىلى نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنۋىن، جەتە ءتۇسىنۋىن، شىنايى تياناقتاندىرۋىن ىلگەرىلەتىپ، سانالى تۇردە پارتيانىڭ جاسامپاز نازاريالارىمەن وي - سانانى قارۋلاندىردى، امالياتقا جەتەكشىلىك ەتتى، قىزمەتتەردى العا ىلگەرىلەتتى.
− ساياسي فۋنكتسيانى كۇشەيتۋدى كورنەكتىلەندىرىپ، نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ ”ەكىنى قورعاۋ“ ساياسي جاۋاپكەرشىلىگىن باتىل تياناقتاندىرۋىن ىلگەرىلەتتى. ساياسي قۇرىلىستى ماڭداي الدى ورىنعا قويۋعا تاباندى بولىپ، ”ەكىنى قورعاۋدى“ ەسەپ بەرۋدىڭ، باعالاۋدىڭ، ساراپتاۋدىڭ جالپى بارىسىنا، نەگىزگى ساتى پارتيا قۇرىلىسى قىزمەتىنىڭ ءار جاعىنا ءسىڭىرىپ، پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن جانە باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن باتىل دايەكتىلەندىردى، تياناقتاندىردى. گۋاڭدۇڭ ”ەكىنى قورعاۋدى“ باتىل تياناقتاندىرۋ ءتۇزىم - مەحانيزمىن ورناتىپ، اقاۋسىزداندىرىپ، ”قاۋىرت ۇيرەنۋ، ىشكەرىلەي تەكسەرۋ - زەرتتەۋ جۇرگىزۋ، شىنايى تياناقتاندىرۋ“ قىزمەت مەحانيزمىن ۇزدىكسىز تەرەڭدەتتى. گۇيجوۋ ”تاپسىرمانى ەستە بەرىك ساقتاۋ · العىس ايتىپ ۇدەرە العا ۇمتىلۋ“ تاربيەسىن ۇزدىكسىز ورىستەتىپ، باس شۋجي شي جينپيڭنىڭ ماڭىزدى نۇسقاۋلارىن، بەكىتۋلەرىن دايەكتىلەندىرۋ، تياناقتاندىرۋ جاعدايىنا مەرزىمدى ۋاقىتپەن ”قايتا قاداعالاۋ“ جۇرگىزدى. تيانجين پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋگە تاباندى بولىپ، بۇقارانىڭ قاجەتىمەن تىعىز بايلانىستىرىپ كوكونىس بازارى، زەينەتكەرلىك قۇرىلىمدارى سياقتىلارداعى پارتيا قۇرىلىسى قىزمەتىن كۇشەيتىپ، پارتيا باسشىلىعىنىڭ ناقتى تياناقتانۋىن ىلگەرىلەتتى. شيزاڭ جاڭا داۋىردەگى پارتيانىڭ شيزاڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، پارتيا مۇشەلەرىن ۋادە بەرۋ قيمىلىن ورىستەتۋگە ۇيىمداستىرىپ، ساياسيداعى ەكىبەتكەيلەردى، ”جاعىمپازداردى“، ”ماڭگۇرتتەردى“ باتىل تۇردە ادا - كۇدە تيدى. شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ىشكەرىلەي ۇيرەنىپ، دايەكتىلەندىرىپ، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ قيمىلىن كەڭىنەن ورىستەتتى. ورتالىق پەن مەملەكەت ورگاندارى ساياسي ورگان تانىمىن كۇشەيتۋ تاربيەسىن ىشكەرىلەي ورىستەتىپ، باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىن تىڭعىلىقتى تياناقتاندىرۋدى ىلگەرىلەتتى. ەسەپ بەرۋ، باعالاۋ، ساراپتاۋ ارقىلى نەگىزگى ساتى پارتيا ۇيىمدارى مەن قالىڭ پارتيا مۇشەلەرىنىڭ ”ءتورت تانىمدى“ كۇشەيتۋىن، ”ءتورت سەنىمدى“ بەكەمدەۋىن، ”ەكىنى قورعاۋدى“ ورىنداۋىن ىلگەرىلەتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدى اتتانىسقا كەلتىرۋ قابىلەتىن ۇزدىكسىز كۇشەيتتى.
− ۇلكەن شايقاستا، ۇلكەن سىناقتا ۇيىمدىق ارتىقشىلىقتى ساۋلەلەندىرۋدى كورنەكتىلەندىرىپ، ءار سالاداعى نەگىزگى ساتى پارتيا ۇيىمدارىنىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ”ەڭ سوڭعى ءبىر كيلومەترىن“ ىركىلىسسىزدەندىرۋدى ىلگەرىلەتتى. نەگىزگى ساتى پارتيا ۇيىمدارى مەن قالىڭ پارتيالى كادرلاردى ىندەتتەن ساقتانۋ - تىزگىندەۋگە، كەدەيلىكتەن ارىلتۋدان قامال الۋعا، جۇمىستى، ءوندىرىستى قالپىنا كەلتىرۋگە، تاسقىننان ساقتانىپ، اپاتتان قۇتقارۋعا ات سالىسۋعا ۇيىمداستىرۋ، جۇمىلدىرۋ سياقتى جاعدايلاردى، ءسوزسىز، ەسەپ بەرۋ، ءسوزسىز، ساراپتاۋ مازمۇنى ەتىپ، نەگىزگى ساتى پارتيا ۇيىمدارىنىڭ جاۋىنگەر قامالدىق رولى مەن پارتيا مۇشەلەرىنىڭ اۆانگارد، ۇلگىلىك رولىن تولىق ساۋلەلەندىرىپ، پارتيا تۋىن كەلەلى كۇرەستىڭ ءبىرىنشى شەبىندە اسقاق جەلبىرەتتى. حۋبەي بۇكىل ولكەدەگى 180 مىڭ نەگىزگى ساتى پارتيا ۇيىمىن بىرلەسىپ ساقتانۋ، بىرلەسىپ تىزگىندەۋ شارالارىن جاپپاي تياناقتاندىرۋعا جۇمىلدىرىپ، فاڭساڭ شيپاحاناسى سياقتى ىندەتكە قارسى اتتانۋدىڭ ءبىرىنشى شەبىندە 19 مىڭنان استام ۋاقىتشا پارتيا ۇيىمىن قۇرىپ، 3 ميلليوننان استام پارتيالى كادر اتويلاپ الدا ءجۇردى. ورتالىق پەن مەملەكەت ورگاندارى حۋبەيدا بوگەلىپ قالعان پارتيالى كادرلاردى جاقىن ماڭدا، ىڭعايىنا قاراي الەۋمەتتىك اۋماقتارعا، قالاشىق - قىستاقتارعا ءتۇسىپ، ىندەتتەن ساقتانۋ - تىزگىندەۋ قىزمەتىنە ات سالىسۋعا ۇيىمداستىردى. ورتالىق كاسىپورىندارى نەگىزگى ساتى پارتيا ۇيىمدارى مەن قالىڭ پارتيا مۇشەلەرىن ىندەتكە قارسى اتتانۋدىڭ نەگىزگى شايقاس مايدانىنا اتتانىپ، ”التىنى ورنىقتىرۋ“ قىزمەتتەرىن ويداعىداي ىستەۋگە، ”التىنى قامتاماسىز ەتۋ“ مىندەتىن تياناقتاندىرۋعا جۇمىلدىردى. حىبەي ”پارتيا قۇرىلىسىن يگەرۋ، ىندەتتەن ساقتانۋ، كەدەيلىكتەن ارىلتۋدى جەبەۋ، دوڭگەلەك داۋلەتتىلىككە كەپىلدىك ەتۋ“ قيمىلىن ىشكەرىلەي ورىستەتىپ، قالىڭ پارتيا مۇشەلەرىن سالاۋاتتارىن ايگىلەۋگە، ءبىرىنشى شەپكە اتتانۋعا، اۆانگارد بولۋعا ۇيىمداستىردى. سىچۋان جالپى بەتتىك كومەكتەسۋ - سۇيەمەلدەۋ قىزمەت اترەتىن لياڭشانعا بارىپ شوعىرلى شايقاس جاساۋعا ۇيىمداستىرىپ، اۋىر كەدەي اۋدانداردىڭ دەر كەزىندە كەدەيلىك قالپاعىن الىپ تاستاۋىن ىلگەرىلەتتى. گۇيجوۋ، گانسۋ، چيڭحاي، نيڭشيا قاتارلى جەرلەر ءبىرىنشى شۋجيلەر مەن قىستاقتا تۇراتىن كادرلاردى ۇزدىكسىز تاڭداپ جىبەرىپ، نەگىزگى ساتى پارتيا ۇيىمدارى مەن پارتيا مۇشەلەرىنىڭ رولىن تولىق ساۋلەلەندىرىپ، كەدەي حالىقتىڭ دەر كەزىندە كەدەيلىكتەن ارىلۋىنا كومەكتەستى. جياڭشي، حۋبەي، حۋنان، چۇڭچيڭ قاتارلى جەرلەر پارتيا مۇشەلەرى جاۋاپكەرشىلىگى بوگەنىن، پارتيا مۇشەلەرى ەكپىندىلەر اترەتىن قۇرىپ، سەلدەن ساقتانىپ، تاسقىنعا قارسى اتتانۋدىڭ، حاۋىپتەن اراشالاپ، اپاتتان قۇتقارۋدىڭ ءبىرىنشى شەبىن تاپجىلماي قورعادى. بەيجيڭ پارتيا قۇرىلىسى ارقىلى ەرەكشە ءىرى قالانىڭ نەگىزگى ساتىلارىن جونگە سالۋدى جەتەكتەۋدى ىلگەرىلەتۋ جونىندە ىزدەنىس جاساپ، ىندەتتەن ساقتانۋ - تىزگىندەۋ مەن ”ىسقىرىق شالعان زامان مالىمدەلۋ“، ”ارىزدى تاپسىرىپ العان زامان ءبىر جايلى ەتۋ“ رەفورماسىن ءبىر تۇتاس جوسپارلاپ ويداعىداي يگەردى. حاينان رەفورما جاساۋ، ەسىك اشۋدى جاپپاي تەرەڭدەتۋ مەن جۇڭگوشا ەرەكشەلىككە يە ەركىن ساۋدا پورتىن قۇرۋدى ارقاۋ ەتىپ، پارتيانىڭ ۇيىمدىق جۇيەسىن كەمەلدەندىرىپ، نەگىزگى ساتىنى جونگە سالۋ ورەسىن جوعارىلاتتى. قىزمەتىنەن ەسەپ بەرۋ، باعالاۋ، ساراپتاۋ ارقىلى نەگىزگى ساتى پارتيا قۇرىلىسى قىزمەتىنىڭ اناعۇرلىم ويداعىداي وزەكتى ارقاۋ ەتۋىن، كەلەلى جاعدايعا قىزمەت وتەۋىن ىلگەرىلەتتى، نەگىزگى ساتى پارتيا ۇيىمى كەلەلى مىندەتتى تياناقتاندىرۋدى يگەرۋ بارىسىندا باسشىلىق رولىن اناعۇرلىم ويداعىداي ساۋلەلەندىردى، پارتيانىڭ ساياسي ارتىقشىلىعى، ۇيىمدىق ارتىقشىلىعى جانە بۇقارامەن تىعىز بايلانىس ورناتۋ ارتىقشىلىعى ۇزدىكسىز كورنەكتىلەندى.
− ولقىلىقتاردى تولىقتاۋدى، ءالسىز تۇستاردى كۇشەيتۋدى، ءتۇبىرلى نەگىزدى بەكەمدەۋدى، ارتىقشىلىقتى ساۋلەلەندىرۋدى كورنەكتىلەندىرىپ، ءار سالاداعى نەگىزگى ساتى پارتيا ۇيىمدارىنىڭ جاپپاي العا باسۋىن، تۇلعالىق دەڭگەيىن كوتەرۋىن ىلگەرىلەتتى. قىزمەتتەن ەسەپ بەرۋ، باعالاۋ، ساراپتاۋ بارىسىندا، ءار دارەجەلى پارتيا ۇيىمدارى شۋجيلەرى وتكەن جىلى تەكسەرىپ ورتاعا سالىنعان ماسەلەلەردى رەتتەۋ - تۇزەتۋ جاعدايىنا بەلسەنە جاۋاپ بەرىپ، مىندەت وتەپ، جاۋاپكەرشىلىكتى ادا ەتۋدە، پارتيا قۇرىلىسىن يگەرۋدە ورىن تەپكەن كورنەكتى ماسەلەلەرگە ىشكەرىلەي تالداۋ جاساپ، ءالسىز، بىتىراڭقى نەگىزگى ساتى پارتيا ۇيىمدارىن رەتكە سالۋ سياقتىلاردى ىلگەرىلەتۋدە جاڭا ونىمدىلىكتەرگە قول جەتكىزدى. انحۇي پارتيا قۇرىلىسى ارقىلى سەنىمدى قىستاق قۇرىلىسىن جەتەكتەپ، قىستاق دارەجەلى كوللەكتيۆ شارۋاشىلىقتى سۇيەمەلدەدى، زورايتتى. شانشي ”مىڭ قىستاق ۇلگى كورسەتۋ، ون مىڭ قىستاق ولشەمگە جەتۋ“ 3 جىلدىق جوسپارىن ۇزدىكسىز اتقارىپ، ولشەمدەندىرۋ، ارناعا ءتۇسىرۋ قۇرىلىسىنان ۇلگى كورسەتەتىن قىستاقتاردى تاڭدادى. شاندۇڭ پارتيا قۇرىلىسى ارقىلى قالانىڭ نەگىزگى ساتىلارىن جونگە سالۋدى جەتەكتەۋدە ورىن تەپكەن ولقىلىقتارعا مەڭزەس، مالىلەردى باسقارۋ ءتۇزىلىسى رەفورماسىن تەرەڭدەتىپ، الەۋمەتتىك اۋماق قىزمەتكەرلەرى كاسىپتىك جۇيەسىن ورناتىپ، پارتيا مۇشەلەرىنە، بۇقاراعا قىزمەت وتەۋ ورتالىعىنىڭ ورنالاسۋىن ساپالىلاندىرىپ، توركوزدەندىرىلگەن پارتيا قۇرىلىسىن ىلگەرىلەتتى. لياۋنيڭ ”پارتيا مۇشەلەرى مەن بۇقارا ءبىر توركوزدە بولۋ، قىزمەت كورسەتۋدى ويداعىداي ىستەۋ“ بويىنشا پارتيا قۇرىلىسى ارقىلى نەگىزگى ساتىنىڭ قوعامدىق جونگە سالۋىندا جاڭالىق اشۋعا جەتەكشىلىك ەتۋدى ىلگەرىلەتىپ، ورگاندا ”پارتيا قۇرىلىسى + شارۋاشىلىق ساۋدا ورتاسى قۇرىلىسى“ ارەكەتىن ورىستەتتى. چۇڭچيڭ ەكى جاڭاشا ۇيىمداردا ”ەكىنىڭ قامتىلۋى“ ءالسىز بولۋداي جاعدايعا مەڭزەس، شوعىرلى قامال الۋ ارەكەتىن ورىستەتتى. گانسۋ ”ءتورتتى يگەرۋ، ەكىنى رەتتەۋ - جونگە سالۋدى“ ىشكەرىلەي ىلگەرىلەتىپ، تىرەكتى قوسىندى يگەرىپ، شەپ قۇرىلىسىن يگەرىپ، ۇيىمدىق تۇرمىستى يگەرىپ، نەگىزدى قامتاماسىزداندىرۋدى يگەرىپ، ءالسىز، بىتىراڭقى نەگىزگى ساتى پارتيا ۇيىمدارى مەن ”قىستاق زورەكەرلەرى“ سياقتى كورنەكتى ماسەلەلەردى رەتتەپ جونگە سالىپ، نەگىزگى ساتىنىڭ نەگىزىن ۇزدىكسىز بەكەمدەدى. جياڭشي ”پارتيا قۇرىلىسى + زەينەتكەرلىك قىزمەت وتەۋى“ جاعىندا بەلسەنە ىزدەنىس جاساپ، اۋىل - قىستاقتاعى قيىنشىلىعى بار قارتتاردىڭ كۇندەلىكتى حال - جاعدايىن ۇعىسۋ، مەرزىم بويىنشا كەزدەسۋ جانە جۇپ قۇراپ كومەكتەسۋ - سۇيەمەلدەۋ ءتۇزىمىن ورناتىپ، اۋىل - قىستاق پارتيا مۇشەلەرىنىڭ قارتتاردى ايالاۋىن، قارتتارعا كومەكتەسۋىن ۇدايىلاندىردى. ورتالىق پەن مەملەكەت ورگاندارى پارتيا ياچەيكالارىن ولشەمدەندىرۋ، ارناعا ءتۇسىرۋ قۇرىلىسىن ۇزدىكسىز ىلگەرىلەتىپ، ورگان پارتيا قۇرىلىسىنداعى ”شامنىڭ ءتۇبى قاراڭعى بولۋ“ ماسەلەسىن رەتتەپ جونگە سالدى. قىزمەتتەن ەسەپ بەرۋ، باعالاۋ، ساراپتاۋ ارقىلى ءار دارەجەلى پارتكومداردىڭ (پارتيا باسشىلىق گرۋپپاسى) باستان - اياق ماسەلەلەردى قاداعالاپ يگەرۋىن، ماسەلەلەرگە باعىتتاي وتىرىپ تۇزەتۋىن ىلگەرىلەتىپ، ۇزدىكسىز ماسەلەلەردى تەكسەرىپ ورتاعا سالۋ، ماسەلەلەردى شەشۋ بارىسىندا نەگىزگى ساتى پارتيا ۇيىمدارىنىڭ يقۋاتىن ارتتىرىپ، بۇقارا ەڭ كوڭىل ءبولىپ وتىرعان، ەڭ تىكە، ەڭ رەال مۇددە ماسەلەلەرىن كۇش سالا شەشىپ، نەگىزگى ساتى پارتيا قۇرىلىسىنداعى ءالسىز بۋىنداردى ۇزدىكسىز كۇشەيتتى.
− پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن نىعايتۋدى كورنەكتىلەندىرىپ، ءار دارەجەلى پارتيا ۇيىمدارى شۋجيلەرىنىڭ ءبىرىنشى جاۋاپتى ادامدىق قىزمەت جاۋاپكەرشىلىگىن مۇقيات اتقارۋىن ىلگەرىلەتتى. پارتيا ۇيىمى شۋجيلەرىنىڭ پارتيا قۇرىلىسىنداعى جاۋاپكەرشىلىگىن ويداعىداي وتەۋىن ىلگەرىلەتۋدى قىزمەتتەن ەسەپ بەرۋ، باعالاۋ، ساراپتاۋدىڭ نەگىزگى جەلىسى ەتىپ، جاۋاپكەرشىلىگىنەن مۇقيات ەسەپ بەرۋ، جاۋاپكەرشىلىگىن جۇيەلى باعالاۋ، جاۋاپكەرشىلىگىن قاتاڭ ساراپتاۋ ارقىلى پارتكومداردىڭ (پارتيا باسشىلىق گرۋپپاسى) نەگىزگى ساتى پارتيا قۇرىلىسىنداعى نەگىزگى تۇلعالىق جاۋاپكەرشىلىگىن تياناقتاندىرۋىن، القا مۇشەلەرىنىڭ ”ءبىر قىزمەت ورنىندا ەكى جاۋاپكەرشىلىك ارقالاۋىن“ جەبەدى. گۋاڭشي پارتكوم (پارتيا باسشىلىق گرۋپپاسى) شۋجيى مەن القا مۇشەلەرىنىڭ پارتيا ياچەيكالارىمەن قىزمەت بايلانىسى ءتۇيىنى ءتۇزىمىن ورناتتى، اقاۋسىزداندىردى، اۆتونوميالى رايوندىق پارتكوم شۋجيى باستاماشى بولىپ، ءار دارەجەلى پارتيالى باسشى كادرلاردى ۇدايى بايلانىس تۇيىنىنە بارىپ تەكسەرۋ - زەرتتەۋ جۇرگىزۋگە، پارتيا ساباعىن وتۋگە، ماسەلەلەردى شەشۋگە جەتەكتەدى. جيلين ولكە، قالا، اۋدان 3 دارەجەلى قالا، اۋىل نەگىزگى ساتىنى جونگە سالۋ قىزمەت كوميتەتىن قۇرىپ، پارتكوم شۋجيلەرى تىكەلەي يگەرىپ، قالا نەگىزگى ساتى پارتيا قۇرىلىسىنداعى ”1 - ءنومىرلى ينجەنەريانى“ جۇرگىزىپ، نەگىزگى ساتىنى جونگە سالۋداعى قيىن ماسەلەلەردى كۇش سالا شەشتى. تيانجين رايوندىق پارتكوم شۋجيلەرىنىڭ ءار جىلى قالاشىق، مالىلەردى تۇگەل ارالاۋىن، قالاشىق، ءمالى شۋجيلەرىنىڭ قىستاقتاردى (الەۋمەتتىك اۋماقتاردى) تۇگەل ارالاۋىن، قىستاق (الەۋمەتتىك اۋماق) ”ەكى كوميتەتى“ كادرلارىنىڭ تۇرعىنداردى تۇگەل ارالاۋىن ىلگەرىلەتتى. جياڭسۋ نەگىزگى ساتى پارتيا قۇرىلىسىنداعى قالا، اۋدان، اۋىل ”شۋجي نىساندارىن“ اتقارىپ، ءتۇيىن ارقىلى كولەمدى جەتەكتەدى، ۇيرەنۋدە باسەكەلەسىپ، باسىپ وزۋعا ۇمتىلدى. جىجياڭ ولكەلىك پارتكوم باستاماشىلدىقپەن جاۋاپكەرشىلىك ارقالاپ، شۋجي باس بولىپ جورىققا شىعىپ، قالا باسشىلارىنىڭ اۋداندارمەن بايلانىس ورناتىپ، تۇيىندەردە تۇرۋىن ىلگەرىلەتتى، اۋدان دارەجەلى باسشىلىق القاسىنىڭ مۇشەلەرى اۋىلدى كوتەرمەگە الىپ، قىستاقتاردى ارالاپ، قىستاق (الەۋمەتتىك اۋماق) ”ەكى كوميتەتىنىڭ“ كەزەك اۋىستىرۋ قىزمەتىن الدىمەن جۇرگىزىپ، الدىمەن سىناق ەتىپ، ويداعىداي يگەردى. حىبەي، لياۋنيڭ، شاندۇڭ، حىنان، گۋاڭشي، حاينان، چيڭحاي، نيڭشيا قاتارلى جەرلەردىڭ پارتكوم شۋجيلەرى قىستاق (الەۋمەتتىك اۋماق) ”ەكى كوميتەتىنىڭ“ كەزەك اۋىستىرۋ قىزمەتىنە وزدەرى اتتانىسقا كەلتىرىپ، ورنالاستىرۋ جاساپ، ءار دارەجەلى پارتيا ۇيىمى شۋجيلەرىن مىندەتتەرىن اتقارىپ، جاۋاپكەرشىلىكتەرىن ادا ەتىپ، جاقسى باسشىلىق القاسىن، جاقسى ستيل، جاقسى ناتيجە الىپ شىعۋعا جەتەكتەدى. يۇننان ولكەلىك پارتكوم تۇراقتى كوميتەتىنىڭ پارتيانى جاپپاي قاتاڭ جونگە سالۋ نەگىزگى تۇلعالىق جاۋاپكەرشىلىگى ءتىزىمى مەن جىلدىق مىندەت ورنالاستىرۋىن جاساپ اتقارىپ، جاڭا داۋىردەگى پارتيانىڭ ۇيىمدىق لۋشيانىن پارمەندى تۇردە اتقارماعان قالا، رايون پارتكوم شۋجيلەرىن شاقىرىپ اڭگىمەلەستى. قىزمەتتەن ەسەپ بەرۋ، باعالاۋ، ساراپتاۋ ارقىلى پارتيا قۇرىلىسىن ويداعىداي يگەرۋ ەڭ زور ساياسي ناتيجە دەگەن ۇستانىم جۇرت جۇرەگىنە ۇيالاپ، ءار دارەجەلى پارتكوم (پارتيا باسشىلىق گرۋپپاسى) شۋجيلەرىنىڭ نەگىزگى ساتىنى مىقتاپ يگەرۋ، نەگىزدى نىعايتىپ، تاعاندى بەكەمدەۋ تانىمى اناعۇرلىم كۇشتى، ارەكەتتەرى اناعۇرلىم سانالى، شارالارى اناعۇرلىم پارمەندى بولدى.
كوپشىلىك جاپپاي بىلاي دەپ قارادى: وسى جىلداردا نەگىزگى ساتى پارتيا قۇرىلىسى بارعان سايىن ناقتى يگەرىلدى، جاپپاي ىلگەرىلەتىلدى، تۇتاس تۇلعالىق جاقتان جوعارىلاتىلدى، ەڭ ماڭىزدىسى، قىزمەتتەن ەسەپ بەرۋ، باعالاۋ، ساراپتاۋ ارقىلى باس شۋجي شي جينپيڭنىڭ ماڭىزدى نۇسقاۋلارىنىڭ، بەكىتۋلەرىنىڭ رۋحىنىڭ تياناقتاندىرىلۋى ىلگەرىلەتىلىپ، پارتيانى باسقارۋ، پارتيانى جونگە سالۋ نەگىزگى تۇلعالىق جاۋاپكەرشىلىگىن اتقارۋدىڭ ”تىزگىنى“ مىقتى ۇستالىپ، ”قولباسشىلىق“ رولى ساۋلەلەندىرىلىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانۋىنا، ناقتىلانۋىنا شىنايى كەپىلدىك ەتىلدى، اسىرەسە، كەدەيلىكتەن ارىلتۋدان قامال الۋ، ىندەتتەن ساقتانۋ - تىزگىندەۋ سياقتى شۇعىل، قيىن، قاتەرلى، اۋىر مىندەتتەر بارىسىندا سىننان ءوتتى. ءبىرسىپىرا شۋجيلەر ءبىر جىلدا ءبىر كەلەتىن ەسەپ بەرۋ، باعالاۋ، ساراپتاۋدىڭ قاتاڭ ساياسي تۇرمىس، قاتاڭ ساياسي جاتتىعۋ ەكەندىگىن، ”ءبىر ساحنادا ونەر سىناسۋ“، ءوزارا اۋىس - كۇيىس جاساۋ، شىنايى، ناقتى يگەرۋ ارقىلى پارتيا قۇرىلىسىن يگەرۋ سانالىلىقتارى كۇشەيگەندىگىن، پارتيا قۇرىلىسىن يگەرۋ قابىلەتتەرى شىڭدالعاندىعىن، ساياسي تۇجىرىمداۋ قابىلەتتەرىنىڭ، ساياسي ءتۇسىنۋ قابىلەتتەرىنىڭ، ساياسي اتقارۋ قابىلەتتەرىنىڭ جوعارىلاعاندىعىن ايتتى.
(شينحۋا اگەنتتىگىنىڭ 5 - ايدىڭ 9 - كۇنى بەيجيڭنەن بەرگەن حابارى)
