ورنالاستىرۋدى، شۇعىل جاعدايعا توتەپ بەرۋ بويىنشا ءبىر جاقتى ەتۋدى كۇشەيتىپ، سۋ قويمالارىنىڭ تاسقىن مەزگىلىنەن امان وتۋىنە شىنايى كەپىلدىك ەتۋ كەرەك
انار بۇلت / شينجياڭ گازەتىنىڭ ءتىلشىسى ياڭ شۋحان، پراكتيكانت رۋماناي ەركىن 5 - ايدىڭ 10 - كۇنى ۇرىمجىدەن حابارلايدى. 5 - ايدىڭ 10 - كۇنى اۆتونوميالى رايوننىڭ سۋ قويمالارىنىڭ تاسقىن مەزگىلىنەن امان ءوتۋى جونىندەگى بەينە ەكران ءماجىلىسى اشىلدى، ءماجىلىس باس شۋجي شي جينپيڭنىڭ اپاتتان ساقتانۋ، اپاتتىڭ زيانىن ازايتۋ، اپاتتان قۇتقارۋ قىزمەتى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، سۋ قويمالارىنىڭ تاسقىن مەزگىلىنەن امان ءوتۋ جاعدايىنا ىشكەرىلەي تالداۋ جاساپ، سۋ قويمالارىنىڭ بيىلعى تاسقىن مەزگىلىنەن امان ءوتۋ قىزمەتىن ورنالاستىردى، جايعاستىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: جۋىرداعى جىلداردان بەرى ءار دارەجەلى پارتكومدار مەن ۇكىمەتتەر سۋ قويمالارىنىڭ حاۋىپسىز اينالىمىن جانە تاسقىن مەزگىلىنەن امان ءوتۋىن باقىلاۋ - باسقارۋدى كۇشەيتىپ، سۋ قويمالارىنىڭ حاۋىپسىز اينالىمى جاعدايىن ورنىقتى تۇردە جاقسارتتى. الايدا رايونىمىزدىڭ كليمات جاعدايى كۇردەلى، تاسقىن مەزگىلىندە سەل، تاسقىن، قۋاڭشىلىق قاباتتاسىپ كەلەتىندىكتەن، وعان قوسا جۋىردان بەرى اۋا تەمپەراتۋراسىنىڭ تەز جوعارىلاۋىنا بايلانىستى، تاسقىننان ساقتانۋ قىزمەتى شەشۋشى مەزگىلگە ءوتتى. جەر - جەر، تاراۋلار ماسەلەنى باعدار ەتۋگە تاباندى بولىپ، سۋ قويمالارىن تاسقىن مەزگىلىنەن امان وتكىزۋ قىزمەتىندەگى ولقىلىقتاردى، ءالسىز تۇستاردى جەتە تانىپ، رەتتەۋ - تۇزەتۋ تەبىنىن ارتتىرىپ، حاۋىپسىزدىك قاتەرىن باتىل جويۋ كەرەك.
ءماجىلىس مىنالاردى تالاپ ەتتى: جەر - جەر، تاراۋلار ساياسي دەڭگەيدى جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، تاسقىن مەزگىلىندە سۋ قويمالارىن تاسقىننان امان وتكىزۋ قىزمەتىنىڭ ماڭىزدىلىعىن، كوكەي تەستىلىگىن جەتە تانىپ، باتىل تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىمەن بىرلىككە كەلتىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، كەزەكتەگى تاسقىننان ساقتانۋ، سەلگە قارسى اتتانۋ جانە سۋ قويمالارىنىڭ تاسقىننان امان ءوتۋ جاعدايىمەن، مىندەتىمەن بىرلىككە كەلتىرىپ، بيىلعى سۋ قويمالارىنىڭ حاۋىپسىزدىگىن باسقارۋ قىزمەتىن بار كۇشپەن جاقسى ىستەپ، ورنالاستىرۋ جانە شۇعىل جاعدايعا توتەپ بەرۋ بويىنشا ءبىر جاقتى ەتۋ قامتاماسىزدىق شارالارىن كۇشەيتىپ، سۋ قويمالارى حاۋىپسىزدىگىنىڭ باستان - اياق تىزگىندەلەتىن كۇيدە تۇرۋىنا شىنايى كەپىلدىك ەتىپ، حالىق بۇقاراسىنىڭ ءومىرى مەن مال - مۇلكىنىڭ اماندىعىن باتىل قامتاماسىز ەتۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار مىقتاپ يگەرۋگە، ناقتى يگەرۋگە، ەگجەي - تەگجەيلى يگەرۋگە تاباندى بولىپ، سۋ قويمالارىن تاسقىن مەزگىلىنەن امان وتكىزۋ قىزمەتىن بار كۇشپەن تىڭعىلىقتى ىستەۋ كەرەك. جاپپاي قامتۋ تالابى بويىنشا قاراستى سۋ قويماسىنىڭ ءتۇيىندى توسپا بولىكتەرىنە، ءتۇيىندى ساقتانۋ ورىندارىنا جالپى بەتتىك جۇيەلى تەكسەرۋ جۇرگىزۋ كەرەك. تاسقىننان ساقتانۋداعى ءالسىز بۋىنداردى، سونداي - اق ءىرى، ورتا تۇرپاتتى سۋ قويمالارىن رەتتەپ پايدالانۋدى، شاعىن سۋ قويمالارىنىڭ تاسقىن مەزگىلىنەن امان ءوتۋىن ءتۇيىن ەتىپ، ينجەنەريالاردى رەتتەپ پايدالانۋ دايىندىعى، تاسقىن مەزگىلىندەگى حاۋىپسىزدىك جاۋاپكەرشىلىگى ءتۇزىمىنىڭ تياناقتانۋى، ءتۇرلى شۇعىل جاعدايعا توتەپ بەرۋ بويىنشا حاۋىپتەن اراشالاۋ جوبالارىنا وزگەرىس ەنگىزۋ، كەمەلدەندىرۋ، جاۋىن - شاشىن جاعدايىن باقىلاۋ - ولشەۋ، ساقتاندىرۋ قۇرىلعىلارىنىڭ اينالىس جاعدايى سياقتىلاردى جالپى بەتتىك تەكسەرىپ، ءتۇرلى دايىندىق جوبالارىن اتقارۋدى كۇشەيتۋگە جانە جاتتىعۋ جاساۋعا قۋزاپ، سۋ قويمالارىنىڭ تاسقىن مەزگىلىنەن ەش قاتەرسىز امان وتۋىنە شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: جەر - جەر، تاراۋلار الدىن الا مالىمدەۋ، الدىن الا ساقتاندىرۋ، الدىن الا جاتتىعۋ، الدىن الا جوبالاۋ سىندى ”4 الدىن الا شاراسىن“ كۇشەيتىپ، سۋ قويمالارىنىڭ باقىلاۋ - ولشەۋ، ساقتاندىرۋ جۇيەسىن جەدەل ورناتۋ كەرەك. كومەسكى قاتەرلەردى الاستاۋدى، توسپالاردى بەكەمدەۋدى جانە باسقارۋ - كۇتىمدەۋدى مىقتاپ يگەرىپ، سۋ قويمالارىن رەتتەپ، پايدالانۋدى عىلمي ورىستەتۋ كەرەك. سۋ قويمالارىن، سۋ ەلەكتر ستانسيالارىن باسقارۋ ورىندارى حاۋىپسىزدىك تومەنگى شەگىن بەرىك ورناتىپ، تاسقىن سۋ شەگى سىندى قىزىل سىزىقتى باتىل ساقتاپ، تاسقىن مەزگىلىندە استە تاسقىن شەگىنەن اسىرىپ سۋ ساقتاماۋ كەرەك. كىناراتى، حاۋىپ - قاتەرى بار سۋ قويمالارىنىڭ نەمەسە كومەسكى قاتەرى الاستالىپ، بەكەمدەلىپ جاتقان سۋ قويمالارىنىڭ سۋ دەڭگەيىن تومەندەتىپ جۇمىس جۇرگىزۋ كەرەك، سۋ دەڭگەيىن ءوز بەتىمەن جوعارىلاتۋعا بولمايدى.
ءماجىلىس مىنالاردى باسا دارىپتەدى: كەزەكتە بۇكىل رايونداعى سۋ يگىلىگى نەگىزدىك قۇرىلعى قۇرىلىسى جەدەل ىلگەرىلەتىلۋدە، ەلەۋلى تىزگىندەۋ سيپاتتى ينجەنەريالار، ءتۇرلى سۋ قويمالارى دابىرالى دا جەدەل قۇرىلىس جۇرگىزۋدە، جەر - جەر، تاراۋلار سالىنىپ جاتقان ينجەنەريالاردىڭ تاسقىن مەزگىلىنەن امان وتۋىنە ايرىقشا ءمان بەرىپ، سالىنىپ جاتقان سۋ قويمالارىنىڭ حاۋىپسىز قۇرىلىس جۇرگىزۋىن باسقارۋدى كۇشەيتۋ كەرەك. باسقارۋ جاۋاپكەرشىلىگىن قاتاڭ تياناقتاندىرىپ، قۇرىلىس جۇرگىزۋدى ۇيىمداستىرۋدى جاقسارتىپ، تاسقىن مەزگىلىنەن ءوتۋ شارالارىن تياناقتاندىرىپ، سالىنىپ جاتقان ينجەنەريالاردىڭ تاسقىن مەزگىلىنەن امان ءوتۋىن باقىلاۋ، شارلاپ تەكسەرۋ تەبىنىن ارتتىرىپ، ماسەلە بايقالسا دەر كەزىندە رەتتەپ - تۇزەتۋگە قۋزاۋ كەرەك.
اۆتونوميالى رايوننىڭ باسشىلارىنان ەركىن تۇنياز، جاۋ چيڭ قاتارلىلار ماجىلىسكە قاتىناستى.
