انار بۇلت / شينجاڭ گازەتىنىڭ ءتىلشىسى سۋ لۋپيڭ، جاۋ شييا 5 - ايدىڭ 10 - كۇنى ۇرىمجىدەن حابارلايدى. جۇڭگوشا، باتىسشا ەمدەۋدى ۇشتاستىرىپ ەمدەۋ ارقىلى بىلەگى ۇزىلگەن بالانىڭ اسقازان - ىشەك قىزمەتى جەدەل قالپىنا كەلىپ، اسقا تابەتى شۇعىل ارتتى.
4 - ايدىڭ 30 - كۇنى ساعات 20 مولشەرىندە 7 جاسار حوتاندىق ۇل بالانىڭ وڭ بىلەگىن تراكتوردىڭ تاسپالى دوڭگەلەگى وراپ كەتەدى، قوعامداعى ءار سالانىڭ كۇش سالا كومەك بەرۋىندە بالا شينجياڭ مەديتسينا داشۋەسىنە قاراستى جۇڭي شيپاحاناسىنا جەتكىزىلىپ قۇتقارۋ - ەمدەۋگە الىنادى. قازىر ۇزىلگەن بىلەگى قايتا جالعانعان بالا قاتەرلى مەزگىلدەن امان ءوتىپ، جەرگە ءتۇسىپ شىنىعا باستادى.
تاڭەرتەڭ ءبىر ماي شەلپەك، تۇستە جارتى تارەلكەدەن كوبىرەك ەتتى لاعمان جەدى، 2 رەت قورەكتىك تالقان، 2 رەت ايران ءىشىپ، بىرنەشە تال جەمىس جەدى... 5 - ايدىڭ 10 - كۇنى جەرگە ءتۇسىپ شىنىعۋدىڭ 2 - كۇنى، بىلەگى ۇزىلگەن بالانىڭ تابەتىنىڭ شۇعىل ارتقاندىعى شەشەسى سۇديمما يمىنتوحتىنى تاڭ قالدىردى. ۇلىنىڭ كۇپتى بولۋىنان الاڭداعان سۇديمما ۇلىنىڭ تاماقتى تارتا بەرۋدى ويلاستىرادى، ءبىراق شيپاگەر مۇنىسىن قۇپتامادى.
”بالانىڭ تابەتىنىڭ جاقسارۋى دەنساۋلىعىنىڭ جەدەل قالپىنا كەلە باستاعاندىعىنان دەرەك بەرەدى“، - دەدى وسى شيپاحانانىڭ بالالار اۋرۋى ءبولىمىنىڭ مەڭگەرۋشىسى جاڭ شۋەچيڭ، 7 جاسار بالانىڭ تەز جەتىلۋ مەزگىلىندە تۇرعاندىعىن ويلاستىرۋدان ولار بىلەگى ۇزىلگەن بالانى تاماقتان تارتۋدىڭ ورنىنا جۇڭگوشا قايناتپا ءدارى ارقىلى بالانىڭ اسقازان - ىشەك قىزمەتىن جاقسارتتى، ”ۇناتقان تاماعىن بەردى، كوڭىل كۇيى جاقسى بولسا تابەتى دە ارتا تۇسەدى“.
5 - ايدىڭ 5 - كۇنى مەملەكەتتىك تانىمالى، ساقا جۇڭگوشا شيپاگەرلىك، دارىگەرلىك مامانى، وسى شيپاحانانىڭ سۇيەك اۋرۋلارى ءبولىمىنىڭ اعا شيپاگەرى ۋاڭ جيشيان ناۋقاستار بولمەسىن ارالاپ، اۋىر جاراقاتتان سوڭ بىلەگى ۇزىلگەن بالانىڭ ءال - دارمەنىنىڭ قۇرۋ جاعدايىنا قاراتا 3 قايناتىم ايۋبالدىرعان قان تولىقتاۋ سورپاسىن بەردى. سونىمەن جۇڭگوشا، باتىسشا ەمدەۋدى ۇشتاستىرا ەمدەۋدەن بىلەگى ۇزىلگەن بالانىڭ دەنساۋلىعى جەدەل قالپىنا كەلە باستادى. جاراقات العان سۇيەگىنىڭ ءبىتۋىن تەزدەتۋ ءۇشىن ۋاڭ جيشيان بىلەگى ۇزىلگەن بالانىڭ دارىلەرىن قايتا رەتتەپ، سۇيەكتىڭ ءبىتۋىن تەزدەتەتىن 2 ءتۇرلى جۇڭگوشا ءدارى قوسىپ جازدى.
”قازىر بىلەگى ۇزىلگەن بالا باستاپقى ساۋىعۋ مەزگىلىندە تۇر“، - دەدى جاۋاپتى شيپاگەر لي لي، - بالانىڭ توسەكتەن تۇسە الماۋىنان اسقا تابەتىنىڭ تارتپاي، كەيىن كەلە تومەن بەلوكتى اق قان اۋرۋىنىڭ پايدا بولۋىنىڭ الدىن الۋ ءۇشىن، تاعى 4 ءتۇرلى ءدان سورپاسى مەن باۋ حىۋاندى قوسىپ، كەمىتىپ بەرۋ ارقىلى بىلەگى ۇزىلگەن بالنىڭ اسقازان - ىشەك قىزمەتىنىڭ قالپىنا كەلۋىن تەزدەتەمىز. ”1 − 2 كۇننەن كەيىن بىلەگى ۇزىلگەن بالاعا جانە ءبىر رەت جەڭىل وپەراتسيا جاساپ، ونىڭ جاراقات العان سۇيەگىنىڭ ءبىتۋ جاعدايىن بايقايمىز“، - دەدى لي لي.
