□ انار بۇلت / شينجياڭ گازەتىنىڭ ءتىلشىسى فۋ شياڭلۇڭ
5 - ايدىڭ 10 - كۇنىنە دەيىن، جۇڭگو - ەۆروپا كەزەكشى پويەزدارىنىڭ ءۇرىمجى شوعىرلاندىرۋ ورتالىعىنان بيىل جيىنى 305 جۇڭگو - ەۆروپا كەزەكشى پويەزى جولعا شىقتى. بيىل جىل باسىنان بەرى ءۇرىمجى حالىقارالىق قۇرلىق پورت اۋماعى ”تاۋار شوعىرلاندىرۋ، باقشا قۇرۋ، كاسىپ سالالارىن توپتاۋ“ جالپى تۇلعالىق دامۋ وي جەلىسىن مىقتاپ ارقاۋ ەتىپ، كەشەندى قىزمەت وتەۋ قابىلەتىن ۇزدىكسىز جوعارىلاتىپ، جۇڭگو - ەۆروپا كەزەكشى پويەزدارىنىڭ نىق قاداممەن الىسقا تارتۋىنا دەم بەردى.
تاۋار شوعىرلاندىرۋ قابىلەتىن جوعارىلاتتى
ءۇرىمجى حالىقارالىق قۇرلىق پورت اۋماعىن باسقارۋ كوميتەتىنىڭ ارناۋلى مىندەتتەگى ورىنباسار مەڭگەرۋشىسى ليۋ شاۋحۋا بىلاي دەپ قارادى: ءۇرىمجى حالىقارالىق قۇرلىق پورت اۋماعى جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ ماڭىزدى ارقالاۋشى نىسانى رەتىندە، وسى توراپ پەن ءتۇيىندى زورايتۋ، كۇشەيتۋ ءۇشىن، تاۋار شوعىرلاندىرۋ قابىلەتىن جوعارىلاتۋى، ەل ءىشى - سىرتىنداعى كاسىپورىنداردىڭ بىتىراڭقى زاتتارىن شوعىرلاندىرىپ، تاسىمالداۋعا، جەتكىزۋگە قولايلىلىق ازىرلەپ، توڭىرەكتىڭ ءتورت بۇرىشىنا جەتۋىنە مۇمكىندىك جاساۋى كەرەك.
شينجياڭنىڭ ءىشى - سىرتىنداعى قاريدارلاردىڭ دارالانعان زات اينالىم قاجەتىنە مەڭزەس، جۇڭگو - ەۆروپا كەزەكشى پويەزدارى ءۇرىمجى شوعىرلاندىرۋ ورتالىعى قاريدارلارعا جالپى بارىستىق زات اينالىم جوباسىن جوسپارلاپ جاساپ، ىشكى وڭىرلەردەگى ەكسپورتتالاتىن زاتتىق ماتەريالداردى ”بىتىراندىلىقتان ءبىر تۇتاستاندىرۋ“ بويىنشا ۇرىمجىدە قايتا جيناۋعا باۋرادى. سونىمەن بىرگە، جۇڭگو - ەۆروپا كەزەكشى پويەزىنىڭ قايتار جولىنداعى تاۋار قاينارىنىڭ بىتىراڭقى بولۋ، كوپ جەرگە ورنالاسۋ سىندى ەرەكشەلىگىنە مەڭزەس، تاۋار كوتەرىپ الۋ تۇعىرى باسىمدىعىنان پايدالانىپ، شينجياڭنىڭ ءىشى - سىرتىنداعى زات اينالىمى كاسىپورىندارىمەن سەلبەسىپ، ءوڭىر اتتاپ شوعىرلاندىرعان سوڭ ءبىر تۇتاس ۇلەستىرىپ، قايتقان بوس پويەزدارمەن تاۋار قاينارىن توپتاپ، وسى شوعىرلاندىرۋ ورتالىعىنا جەتكەننەن كەيىن، قايتادان ىشكى وڭىرلەرگە ءبولىپ جونەلتىپ، تاسىمال قۋاتىن تولىق پايدالانۋدى جۇزەگە اسىردى.
2019 - جىلى 1 - ايدىڭ 18 - كۇنى «جۇڭگو - ەۆروپا كەزەكشى پويەزدارى وڭتۇستىك شينجياڭ جيناۋ - جونەلتۋ ورتالىعى قۇرىلىسى ستراتەگيالىق سەلبەستىك كەلىسىمىنە» قول قويىلدى جانە جۇڭگو - ەۆروپا كەزەكشى پويەزدارى وڭتۇستىك شينجياڭ جيناۋ - جونەلتۋ ورتالىعى كورلا قالاسىندا ماڭدايشالىق اسىپ، جۇڭگو - ەۆروپا كەزەكشى پويەزدارىنىڭ وڭتۇستىك شينجياڭدا حالىقارالىق جۇكقوراپ كەزەكشى پويەزدارىن تاسىمالداۋىنىڭ جاڭاشا ۇلگىسىن اشتى. سول جىلى 12 - ايدىڭ 25 - كۇنى جاڭعاق جانە جاڭعاق ءدانىن تيەگەن ءبىر تاسىمال پويەزى جۇڭگو - ەۆروپا كەزەكشى پويەزدارى ءۇرىمجى شوعىرلاندىرۋ ورتالىعىنان شىعىپ، ەۆروپاعا قاراي اتتاندى. وسى جاڭعاقتىڭ ءبارى حوتان ايماعىنان، قاشقار ايماعىنان جانە اقسۋ ايماعىنان اكەلىنگەن.
شينجياڭ حۋاتيە شينچياۋ حالىقارالىق زات اينالىم شەكتى سەرىكتەستىگى جۇڭگو - ەۆروپا كەزەكشى پويەزدارىمەن بىرگە جەتىلىپ زورايعان كوپ سەرىكتەستىكتىڭ ءبىرى. جۇڭگو - ەۆروپا كەزەكشى پويەزدارىن جۇرگىزۋدىڭ العاشقى كەزىندە سەرىكتەستىكتىڭ ۋاكىلەتتىكپەن جونەلتەتىن تاۋارلارى كيىم - كەشەك، توقىماشىلىق بۇيىمدار، ءتۇرلى بۇيىمدار، قۇرىلىس ماتەريالدارىنا شوعىرلانىپ، نەگىزگى نىسانالى جەرى توڭىرەكتەگى ەلدەر بولاتىن. جۇڭگو - ەۆروپا كەزەكشى پويەزدارىنىڭ جۇرەتىن جولدارىنىڭ كوبەيۋىمەن، سەرىكتەستىكتىڭ كاسىپ بازارى ۇزدىكسىز ۇلعايىپ، جونەلتىلەتىن تاۋار تۇرلەرى كوبەيىپ، سىرتقا جەتكىزۋ نىسانالى جەرى ورتا ازيا مەن ەۆروپاداعى 13 ەلگە كەڭەيدى.
شينجياڭ شينتيە حالىقارالىق زات اينالىم شەكتى جاۋاپكەرشىلىك سەرىكتەستىگى قازىر ەل ءىشى - سىرتىنداعى، 200گە تاياۋ يمپورت - ەكسپورت كاسىپورىندارىمەن سەلبەستىك جاساسىپ، زات قاينارىن ۇيىمداستىرۋى گۋاڭجوۋ، جىجياڭ، سىچۋان، شاندۇڭ، بەيجيڭ، شاڭحاي، چۇڭچيڭ سياقتى 10نان استام ولكە، قالانى شارپىدى.
”كىمدە اناعۇرلىم كوپ زات قاينارى بولسا، سول بازارلانعان باسەكەدە ىرىقتىلىق ۇقىقتى يەلەۋى مۇمكىن“. ليۋ شاۋحۋانىڭ قاراۋىنشا، جۇڭگو - ەۆروپا كەزەكشى پويەزدارىنىڭ جوعارى ساپالى دامۋىن ىلگەرىلەتۋ ءۇشىن، جالاڭ ارنا ەكونوميكاسىنان جالپىلىق كاسىپ سالاسى ورنالاسۋى مەن كاسىپ سالاسى تىزبەگىن ۇزارتۋعا جەتەكتەۋگە قاراي كەڭەيتۋ كەرەك ەكەن.
باقشا رايونىنىڭ دامۋىنا دەم بەردى
2021 - جىلى ءۇرىمجى قالاسى 8 ۇلكەن اۋماقتى ارقاۋ ەتىپ، ءتۇيىندى نىسان قۇرىلىسىن ىلگەرىلەتتى. مۇنىڭ ىشىندە ءۇرىمجى حالىقارالىق قۇرلىقتىق پورت اۋماعىنىڭ ءتۇيىندى نىسانى باينياۋحۋ پورت ماڭى ونەركاسىپ كاسىپ سالاسى باقشاسى، ءۇرىمجى تەمىر جول شەكارا وتكەلى جەدەل جولداما ورتالىعى − حالىقارالىق جانە ەل ءىشى قامبادا ساقتاۋ اۋماعى، ەل ءىشى جەدەل جولداما اۋماعى، شەكارا اتتاعان ەلەكتروندىق ساۋدا اۋماعى، جۇڭگو - ەۆروپا كەزەكشى پويەزدارى ءۇرىمجى شوعىرلاندىرۋ ورتالىعىنىڭ كوپ ۇلگىدە بىرلەسىپ تاسىمالداۋ ءۇشىن تاۋار توپتاۋ اۋماعى سياقتىلاردى قامتيدى.
ليۋ شاۋحۋا مىنانى ءبىلدىردى: وسى يقۋاتتىق تۇعىرلاردىڭ رولىن ويداعىداي ساۋلەلەندىرۋ ءۇشىن قۇرلىقتىق پورت رايونى وزىندىك دامۋ ورنىن تۇراقتاندىرۋدى تياناق ەتىپ، توڭىرەكتەگى ەلدەر كاسىپ سالاسىنىڭ دامۋىن، بايلىق باسىمدىعىن ارقاۋ ەتىپ، تاۋار ساۋدا زات اينالىمى، وزىق جاساۋ سياقتى ءتۇيىندى كاسىپ سالالارىن دامىتىپ، ءۇرىمجى حالىقارالىق قۇرلىقتىق پورت اۋماعىن اشىق وسىزاماندانعان كاسىپ سالالارىن شوعىرلاندىرۋدىڭ جاڭا بيىگىنە اينالدىرۋعا كۇش سالىپ، ءۇرىمجى ەكونوميكاسىنىڭ دامۋىن ونان ارى جەبەپ، بۇكىل شينجياڭنىڭ كاسىپ سالالارىن تيبىن وزگەرتىپ، دارەجەسىن جوعارىلاتۋعا جەتەكتەيدى.
2015 - جىلى ءۇرىمجى حالىقارالىق قۇرلىقتىق پورت اۋماعىنا سۇيەنىپ، باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى زات اينالىم تاسىمال بولىمشە سەرىكتەستىگىن قۇردى، 2021 - جىلى 2 - ايدا 200دەن استام جۇڭگو - ەۆروپا كەزەكشى پويەزىن اتتاندىردى. وسى سەرىكتەستىكتىڭ باس ديرەكتورى ۋاڭ بيڭنىڭ ايتۋىنشا، ”وندىرىلگەن جەردە تاۋار ۇيىمداستىرىپ شوعىرلاندىرۋ + ارناۋلى پويەزبەن كەدەن اۋىستىرىپ جونەلتۋ“ ۇلگىسى جەرگىلىكتى ورىندا وندىرىلگەن بولات ماتەريالدارىن ەكسپورتتاۋعا اناعۇرلىم قولايلى بولىپ قالماستان، كاسىپورىن تاعى قويما، تەمىر جول، بەكەت تەكشەسى قۇرىلعىلارى سياقتى باسىمدىقتاردى تولىق ساۋلەلەندىرىپ، سىرتقى بازاردى جوعارى ونىممەن كەڭەيتەدى.
2020 - جىلى 1 - ايدىڭ 15 - كۇنى جۇڭگونىڭ العاشقى كەدەن اۋىستىرىپ تىكە جەتكىزۋ TIR+ تاۋارلارى ءۇرىمجى حالىقارالىق قۇرلىقتىق پورت اۋماعىنان كەدەنگە مالىمدەلدى، بۇل ەلىمىزدىڭ TIR حالىقارالىق تاس جول تاسىمالى شەكارا اتتاعان ەلەكتروندىق ساۋداعا باعىتتاپ اۋە تاسىمال، تەڭىز تاسىمالى جانە تەمىر جول تاسىمالىنان تىس، 4 - ءتۇرلى يكەمدى جەدەل تاسىمال ءتاسىلىن تولىقتىرعاندىعىن اڭعارتادى.
تاۋار تاسىمالداۋشى جاق البىلاس تاسىمالى (شينجياڭ) شەكتى سەرىكتەستىگىنىڭ جۇمىس جۇرگىزۋ باس باقىلاۋشىسى ءدىلشات مامەتتىڭ ايتۋىنشا، وسى توپتاعى تاۋارلار شىنجىننان ءۇرىمجى حالىقارالىق قۇرلىقتىق پورت اۋماعىنا جەتكىزىلىپتى، تاۋارلار 37 مىڭنان استام ەلەكتروندىق ساۋدا تاۋارلارى ەكەن. ءۇرىمجى كەدەنىندە كەدەنگە مالىمدەلگەننەن كەيىن، ءۇرىمجى حالىقارالىق قۇرلىقتىق پورت اۋماعىنان اتتاندىرىلىپ، تىكەلەي قورعاس شەكارا وتكەلىنە جەتكىزىلىپ TIR تاۋار تاسىمالى ۇلگىسىمەن كەدەنگە مالىمدەلگەننەن كەيىن، قازاقستان، رەسەي، بەلورۋسسيا، پولشا، گەرمانيانى باسىپ، ەڭ سوڭىندا بەلگياعا جەتكىزىلەدى، مولشەرمەن 10 كۇن ۋاقىت كەتەدى، وزىندىك قۇنى اۋە تاسىمالىنان ％50 اينالاسىندا تومەندەيدى.
كاسىپ سالالارىنىڭ شوعىرلانۋىن جەدەلدەتتى
كاسىپ سالالارىنىڭ دامۋى وڭىرلىك دامۋدىڭ باستى تىرەگى. جۋىق جىلداردان بەرى ءۇرىمجى حالىقارالىق قۇرلىقتىق پورت اۋماعىنىڭ جالپىلىق قىزمەت وتەۋ سەرپىنىن ارتتىرۋىنا ىلەسە، ءتۇرلى فاكتورلار جىلدام شوعىرلانعان، دانەكەر بولعان، باستاعان، جەتەكتەگەن جالپىلىق يقۋاتى كۇن سايىن كورنەكتىلەندى، كاسىپ سالالارىنىڭ شوعىرلانۋىن دا اناعۇرلىم جەدەلدەتتى.
2017 - جىلى بايشى زات اينالىم سەرىكتەستىگى ءۇرىمجى حالىقارالىق قۇرلىقتىق پورت اۋماعىنا ىرگە تەپتى ءارى شەكارا اتتاعان ەلەكتروندىق ساۋدا جىكتەۋ، كەدەندىك راسىمدەۋ ورتالىعىن سالدى، بۇل ءۇرىمجى حالىقارالىق قۇرلىقتىق پورت اۋماعىنا العاش ىرگە تەپكەن شەكارا اتتاعان ەلەكتروندىق ساۋدا كاسىپورىنى سانالادى. الارماندارعا اناعۇرلىم ويداعىداي قىزمەت وتەۋ ءۇشىن، كەدەندىك راسىمدەۋ ورتالىعىندا كەدەن مەن شەكارادان كىرىپ - شىعۋدى تەكسەرۋ، كارانتيندەۋ قۇرىلىمى جۇمىس ورنىنا ورنالاسىپ جۇمىس جۇرگىزدى، 24 ساعات بويى كەدەندىك راسىمدەۋدى جۇزەگە اسىرا الادى.
شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى جوۋ كايدىڭ تانىستىرۋىنشا، ەلەكتروندىق ساۋدا جولدامالارى وسىندا كەدەندىك راسىمدەۋدەن وتكەننەن كەيىن، شەكارا اتتاعان ەلەكتروندىق ساۋدا كاسىپورىندارى ءۇرىمجى باتىسقا باعىتتالعان قۇرلىق، اۋە بايلىعى، جۇڭگو - ەۆروپا كەزەكشى پويەزدارىن شوعىرلاندىرۋ سياقتى بايلىق باسىمدىقتارىنان تولىق پايدالانىپ، كەدەننەن ءوتۋ ۋاقىتى مەن تاسىمالداۋ وزىندىك قۇنىن زور كولەمدە ۇنەمدەيدى. وسىنىڭ ءبارى ءۇرىمجىنىڭ شەكارا اتتاعان ەلەكتروندىق ساۋداسىنىڭ قىزمەت وتەۋ قابىلەتىن جوعارىلاتىپ، ءۇرىمجىنىڭ، ءتىپتى، بۇكىل شينجياڭنىڭ سىرتقى ساۋدا كاسىپورىندارىنىڭ تيبىن وزگەرتىپ، دارەجەسىن جوعارىلاتۋىنا بىرگە دەم بەرەدى.
ۇعىسۋىمىزشا، 2020 - جىلى ءۇرىمجى حالىقارالىق قۇرلىقتىق پورت اۋماعىنداعى شەكارا اتتاعان ەلەكتروندىق ساۋدا كاسىپورىندارى (9610) 2 ميلليوننان استام تاۋاردى ەكسپورتتاعان، بۇل 2019 - جىلعى تۇتاس جىلداعى جالپى مولشەردىڭ 2 ەسەسىنەن اسادى، شەكارا اتتاعان ەلەكتروندىق ساۋدانىڭ قۇرلىقتىق پورت اۋماعىنداعى سىرتقى ساۋدا كاسىپورىندار سالاسى جالپى تۇلعاسىنداعى ۇلەسى دە ۇزدىكسىز ارتۋدا.
قازىر ءۇرىمجى حالىقارالىق قۇرلىقتىق پورت اۋماعىنداعى كاسىپ سالالاردىڭ قامتۋ اسەرى بىرتىندەپ كورىلە باستادى، قۇرلىقتىق پورت اۋماعى كولەمىندە 2000نان استام كاسىپورىن بار، جۋىق جىلداردان بەرى حۋبەي، شاندۇڭ، حىنان، جىجياڭ سياقتى وڭىرلەردىڭ ازىق - تۇلىك وڭدەۋ، ماقتا توقىما بۇيىمدارى، ماشينا جاساۋ، ءۇي جيھازدارىن ءوندىرۋ، باجىسىز زات اينالىمى، وڭدەۋ جانە جاساۋ، شەكارا اتتاعان ەلەكتروندىق ساۋدا سياقتىلاردان 150دەن استام كاسىپورىن جاڭادان ەنگىزىلدى، قۇرلىقتىق پورت اۋماعىن وزەك ەتكەن قاتىناس، تاۋار ساۋدا زات اينالىمى ورتالىعى رولى بىرتىندەپ ساۋلەلەنىپ، سىرتقا باعىتتالعان كاسىپ سالالارىنىڭ شوعىرلانۋىن، دامۋىن پارمەندى جەبەدى.
