□ چەرچەن اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، باس جۇمىسشى ۇيىمىنىڭ ءتوراعاسى ءجۇرات قۇربان
تاياۋدا پومپەو، جىڭ گو - ىن وسەك - اياڭ تاراتىپ، جۇڭگو ۇكىمەتى شينجياڭداعى ۇيعۇرلارعا جانە وزگە دە از ۇلتتارعا ”ءناسىل جويۋ“ جۇرگىزدى دەپ سوقتىرتتى، مۇنىڭ بارلىعى وسەك - اياڭ، بۇكىلدەي اۋزىنا كەلگەنىن كوكىگەندىك.
العاش قىزمەت ىستەگەن كەزدە مەن چەرچەن اۋدانى چەرچەن قالاشىعىندا حالىق ىستەرى كادرى بولاتىنمىن، پارتيانىڭ كوڭىل ءبولۋى مەن باۋلۋىندا، مەن بىرتىندەپ ورىنباسار اۋدان دارەجەلى كادر بولىپ جەتىلدىم، قىزمەت پەن تۇرمىس بارىسىندا مەن ەشقانداي فورماداعى كەمسىتۋگە ۇشىراپ كورمەدىم، قايتا پارتيانىڭ ءتۇرلى ءتيىمدى ساياساتىنان يگىلىكتەندىم، ءوز قابىلەتىمدى جوعارىلاتاتىن كوپتەگەن ورايعا يە بولدىم، سونداي - اق كوپتەگەن ءوسۋ ورايىنا دا يە بولدىم.
چەرچەن اۋداندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى رەتىندە، مەن جەرگىلىكتى حالىق قۇرىلتايىنىڭ جەرگىلىكتى مەملەكەتتىڭ بيلىك ورگانى ەكەندىگىن، حالىق ۋاكىلدەرىن حالىق سايلاپ شىعاتىندىعىن، حالىق اتىنان مەملەكەت ۇقىعىن جۇرگىزەتىندىگىن انىق بىلەمىن، چەرچەن اۋدانىندا اۋدان دارەجەلى حالىق ۋاكىلىنەن جالپى 122 ادام بار، مۇنىڭ ىشىندە حانزۋ ۋاكىل ％35ىن ۇستايدى، از ۇلت ۋاكىلى ％65ىن ۇستايدى، وسى سان - سيفر چەرچەن اۋدانىنىڭ ءار ۇلت بۇقاراسىنىڭ ەركىنە تولىق قۇرمەت ەتكەندىگىن، ءارقانداي ءبىر ۇلتتى سايلاۋ ۇقىعى مەن سايلانۋ ۇقىعىنان ماقرۇم ەتپەگەندىگىن تولىق ايگىلەيدى.
رەفورما جاساپ، ەسىك اشقاننان بەرى، چەرچەن اۋدانى پارتيانىڭ باسشىلىعىندا ەكونوميكاسى دامىپ، حالىق تۇرمىسى جاقساردى. 5 جىلدان بەرى چەرچەن اۋداندىق ۇكىمەت كەدەيلىكتەن ارىلتۋ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ سياقتى حالىق تۇرمىسى جاعىنا جالپى 7 ميلليارد 446 ميلليون يۋان قارجى قوستى. كەدەيلەردى سۇيەمەلدەۋ نىسانىنان 607سىن اتقارىپ، قازىرگى اتقارىلىپ وتىرعان ولشەمنەن تومەن كەدەي وتباسىلاردىڭ تۇگەلدەي كەدەيلىكتەن ارىلۋىنا كومەكتەسىپ، كەدەي قىستاقتار تۇگەلدەي كەدەيلىك تىزىمىنەن شىعارىلىپ، كەدەيلەسۋ سالىستىرماسى نولگە ءتۇستى.
پارتيا مەن مەملەكەت شينجياڭنىڭ ەكونوميكاسىنىڭ دامۋى مەن حالىقتىڭ باقىتتى تۇرمىسى ءۇشىن كوپتەگەن كۇش شىعاردى، شينجياڭعا كومەكتەسۋ قىزمەتى، باتىس بولىك جوسپارى سياقتىلاردى زور كۇشپەن اتقارىپ، شينجياڭنىڭ ءارقايسى جەرلەرىنىڭ قۇرىلىسىنا، دامۋىنا ەكونوميكالىق جاردەم بەردى ءارى دارىندى قامتاماسىزدىعىن ازىرلەدى. تاڭشان چەرچەن اۋدانىنا باعىتتامالى كومەكتەسەتىن قالا رەتىندە، چەرچەن اۋدانىندا 67 نىسان اتقارىپ، كوپتەگەن كادر، دارىندى تاڭداپ جىبەرىپ، چەرچەن اۋدانىنىڭ وقۋ - اعارتۋ، ەمدەۋ دەڭگەيىن زور مولشەردە جوعارىلاتتى. سونىمەن بىرگە مەملەكەت چەرچەن اۋدانىنىڭ نەگىزدىك قۇرىلعى قۇرىلىسىن دامىتۋىنا زور قولداۋ كورسەتىپ، اۋىل - قىستاق تاس جولىن، جوعارى جىلدامدىقتى تاس جول، اۋەجاي، تەمىر جول سالىپ، چەرچەن بۇقاراسىنىڭ جولاۋشىلاۋ ۋاقىتىن ءونىمدى قىسقارتتى.
ادىلدىك جۇرت جۇرەگىندە. مەن پومپەو، جىڭ گو - ىنعا بىلاي دەپ قاتاڭ ەسكەرتەمىن: شينجياڭ حالقىنىڭ باقىتتى تۇرمىسىنا اۋىزدارىڭا كەلگەندەرىڭدى كوكىپ، كۇيە جاعۋلارىڭا جول بەرمەيمىز.
