مەن ءوزىمىزدىڭ ماقتامىزدى سۇيەمىن

□ جىڭ اۋدانى تاقيا قالاشىعى اۋىل شارۋاشىلىق ماشينالارى شەبەرى كەرىمجان قيىمجان

　　مەن ءبىر اۋىل شارۋاشىلىق ماشينالارى شەبەرىمىن، 20 جىلدىق ءىرى تۇرپاتتى اۋىل شارۋاشىلىق ماشينالارىن جۇرگىزۋ ستاجىم بار، ۇلكەن ات كۇشىندىك تراكتوردى، قازۋ ماشيناسىن، ماقتا تەرۋ ماشيناسىن جۇرگىزگەنمىن، ماقتا ەگەتىن ءىرى وتباسىلارمەن ۇنەمى قارىم - قاتىناستا بولامىن. تاياۋدا ءىشىنارا شەتەل كاسىپورىندارى شينجياڭنىڭ ماقتاسىن شەكتەدى ءارى ۇكىمەتىمىزگە از ۇلتتاردى ماقتا ەگۋگە، ماقتا تەرۋگە زورلادى دەگەن جالا جاپتى، مۇنىسى اۋزىنا كەلگەندى كوكىگەندىك، ويدان قۇراستىرىلعاندىق.

　　تاياۋ 4 جىلدان بەرى مەن قىستاقتاعى جاستاردى ماقتا سۋارۋ، تەرۋ مەزگىلىندە تاياۋ ماڭداعى ماقتا ەگەتىن ءىرى وتباسىلاردىڭ اتىزدارىنا بارىپ جۇمىس ىستەپ اقشا تابۋعا ۇنەمى ۇيىمداستىرىپ كەلەمىن، ءار جولى 40 تا 50 ادام مەنىمەن بىرگە باردى. ءار جىلعى قىسقى ەگىس ارەدىگىندە تاقيا قالاشىعى ءتۇرلى شەبەرلىككە باۋلۋ كۋرسىن وتكىزەدى. مەن بىلتىر اۋىل شارۋاشىلىق ماشينالارىن جۇرگىزۋ جانە جوندەۋ باۋلۋىنا تىزىمدەلىپ قاتىناسىپ، اۋىل شارۋاشىلىق ماشينالارىن جۇرگىزۋ، جوندەۋ تەحنيكاسىن ۇيرەندىم. كەيىن كەلە ماقتا ەگەتىن ءىرى وتباسىلاردىڭ اتىزىنا بارىپ جۇمىس ىستەگەن كەزدە اۋىل شارۋاشىلىق ماشينالارىنان كىنارات شىقسا، مەن بارىپ كومەكتەسىپ جوندەپ بەرەتىن بولدىم. ماقتا ەگۋشىلەر ەرەكشە قۋانىپ، مەنىڭ ەڭبەكاقىمدى ۇستەمەلەپ بەردى. مەن پارتيا مەن ۇكىمەتتىڭ ماعان ءبىر ونەر ۇيرەنىپ، كىرىس كوزىن كوبىرەك اشۋىما مۇمكىندىك جاساعاندىعىنا العىس ايتامىن.

　　مەنىڭ ايەلىم دە تىزىمدەلىپ باۋلۋ كۋرسىنا قاتىناسىپ، نان جابۋ جانە بالكۇلشە جاساۋ تەحنيكاسىن ۇيرەنىپ الدى. بىلتىر 7 - ايدا قىستاق ”ەكى كوميتەتى“ مەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ كومەگىندە قىستاعىمىزدا نان جابۋ سەلبەستىك كووپەراتيۆى قۇرىلدى. قىزمەت اترەتىنىڭ مۇشەلەرى تاعى ءبىزدىڭ باسقا اۋىل، قالاشىقتارداعى جانە بۇراتالا قالاسىنداعى دۇكەن، ەرەن بازارلارمەن بايلانىس جاساۋىمىزعا ىرىقتىلىقپەن كومەكتەسىپ، نان ساتۋ ماسەلەسىن شەشتى. قازىر قىستاعىمىزدا كەشكى بازار اشىلدى، ايەلىم ەكەۋىمىز لياڭپي، قاقتاما تاعام ساتامىز. ءبىزدىڭ تۇرمىسىمىزدىڭ اجارى ءتىپتى دە اشىلا ءتۇستى.

　　ماقتا اتىزىندا جۇمىس ىستەۋ، اۋىل شارۋاشىلىق ماشينالارىن جۇرگىزۋ، نان جابۋ سەلبەستىك كووپەراتيۆىن قۇرۋ، وسىلاردىڭ بارلىعى ءبىز تاڭداعان تۇرمىس ءتاسىلى، ءبىزدى ەشكىم دە زورلاعان جوق. ەڭبەكپەن بايۋ ءبىزدىڭ ەركىندىگىمىز ءارى ءبىزدىڭ ۇقىعىمىز. اناۋ شەتەل كاسىپورىندارى ءبىزدىڭ شينجياڭنىڭ ناقتى جاعدايىن تۇسىنبەي، وسەك - اياڭ تاراتىپ، شينجياڭ مەن شينجياڭ ماقتاسىنا كۇيە جاعىپ، جالا جابۋدا، شينجياڭداعى ءار ۇلت بۇقاراسى بۇعان باتىل قارسى تۇرادى. مەنىڭ ايتايىن دەگەنىم: مەن شينجياڭدى سۇيەمىن، مەن ءوزىمىزدىڭ ماقتامىزدى سۇيەمىن!