انار بۇلت/شينجياڭ گازەتىنىڭ ءتىلشىسى حي حۇڭۋي 5 - ايدىڭ 11 - كۇنى حايكوۋدان حابارلايدى. 5 - ايدىڭ 10 - كۇنى تۇڭعىش كەزەكتى جۇڭگو حالىقارالىق تۇتىنۋ بۇيىمدارى كورمەسى (تومەندە قىسقارتىلىپ تۇتىنۋ بۇيىمدارى كورمەسى دەلىندى) حايكوۋدا تابىسپەن جابىلدى. كورمە كەزىندە رايونىمىزدان كورمەگە قاتىناسقان كاسىپورىندار ەل ءىشى - سىرتىنداعى كوپتەگەن ساتىپ الۋشى ساۋداگەرلەر مەن كاسىپتىك كورەرمەندەردى قابىلداپ، ءبىر قىدىرۋ سەلبەستىك جاساسۋ نيەتىنە كەلىسىپ، 27 نيەتتىك نىسانعا قول قويىپ، 14 ميلليارد يۋاندىق نيەتتىك كەلىسىمىن جاساسىپ، كەلىسىم جاساسقان سوما 50 ميلليون يۋان بولدى.
تۇڭعىش كەزەكتى تۇتىنۋ بۇيىمدارى كورمەسى الەمدىك تۇتىنۋ سارا بۇيىمدارىن كورمەگە قويۋ، ساۋدالاۋ تۇعىرىن ورناتۋ، الەمنىڭ باستى ماركالارىن شوعىرلاۋ، بۇكىل مەملەكەتتەگى سارا تۇتىنۋ بۇيىمدارىن توپتاۋ، ەل ءىشى - سىرتىنداعى ماڭىزدى ساتىپ الۋ ساۋداگەرلەرىنىڭ باسىن ءبىر اراعا قوسۋ ارقىلى الەمدىك تۇتىنۋ سارا بۇيىمدارى كاسىپورىندارىنىڭ جۇڭگونىڭ الىپ بازارىنا كىرۋىنە دانەكەر بولدى. شينجياڭ تۇڭعىش كەزەكتى تۇتىنۋ بۇيىمدارى كورمەسىندە 150 شارشى مەترلىك كورمە اۋماعىن قۇرىپ، تيانشان توقىماشىلىعى، جۇڭتو، شييۇيچۇن سياقتى 26 كاسىپورىندى كورمەگە قاتىناسۋعا ۇيىمداستىرىپ، تۇتىنۋ بۇيىمدارى كورمەسى تۇعىرىنان پايدالانىپ دۇنيە جۇزىنە رايونىمىزداعى ايگىلى، ساپالى، ەرەكشە، جاڭا تۇتىنۋ بۇيىمدارىن شوعىرلى تۇردە كورسەتتى.
تۇتىنۋ بۇيىمدارى كورمەسى كەزىندە شينجياڭ ساۋدا توبى الۋان ءتۇرلى تانىستىرۋ قيمىلىن وتكىزىپ، رايونىمىزداعى ەرەكشە باسىمدىققا يە كاسىپ سالاسىن ۇستىندە تانىستىرىپ، رايونىمىزداعى ايگىلى، ساپالى، ەرەكشە، جاڭا تۇتىنۋ بۇيىمدارىنىڭ حالىقارالىق بازارمەن ۇشتاسۋىن اناعۇرلىم جەبەدى. ”شينجياڭ جاقسى جەر“ وبرازى كورمەگە قاتىناسقان ساۋداگەرلەردىڭ القاۋىنا بولەندى، شينجياڭ سارايى ”سىزگە ءبىر شوق ماقتا ۇسىنادى“ ينتەرنەتتەگى قىزۋ تۇيىنگە اينالدى، ”شينجياڭنىڭ ساپالى بۇيىمى“ قاتتى قىزىقتىردى، شينجياڭ حىچۋاڭ مەيشين باجىسىز حالىقارالىق ساۋدا شەكتى سەرىكتەستىگى مەن باۋلي كاسىپورىن توبى (حاينان) شەكتى سەرىكتەستىگى سول جەردە 50 ميلليون يۋاندىق ستراتەگيالىق سەلبەستىك كەلىسىمىنە قول قويدى.
اۆتونوميالى رايوندىق ساۋدا ىستەرى مەڭگەرمەسىنىڭ قاتىستى جاۋاپتىسى مىنالاردى ءبىلدىردى: وسى رەتكى تۇتىنۋ بۇيىمدارى كورمەسى شينجياڭنىڭ كورمەگە قاتىناسقان كاسىپورىندارىنىڭ ونىمدەرىن ۇگىتتەپ، تانىستىرىپ، كاسىپورىننىڭ تانىمالدىق دەڭگەيىن كەڭەيتىپ، ونىمدەردىڭ ايگىلەنۋ سالىستىرماسىن جوعارىلاتتى. تۇڭعىش كەزەكتى تۇتىنۋ بۇيىمدارى كورمەسى تۇعىرىنان پايدالانىپ، شينجياڭ كاسىپورىندارىنىڭ دەر كەزىندە حالىقارالىق، ەل ءىشى تۇتىنۋىنىڭ الدىڭعى لەگى اۋقىمىن مەڭگەرۋىن ىلگەرىلەتىپ، ساتۋ ارناسىن كەڭەيتىپ، ساتۋ ۇلگىسىندە جاڭالىق اشىپ، ءونىم قۇرىلىمىن ساپالىلاندىرىپ، ەل ءىشى ۇلكەن اينالىمىن نەگىزگى تۇلعا ەتەتىن، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىمەن بەلسەنە توعىسۋىن ءۇمىت ەتەمىز.
