ءداۋىر ونەگەسىن ەسكە الىپ، وزات حالىق قۇرىلتايى ۋاكىلى بولۋعا ۇمتىلايىق
2021 - جىلعى 1 - مەرزىمدىك اۆتونوميالى رايوندىق حالىق قۇرىلتايى ۋاكىلدەرى ۇلكەن ساباقحانا قيمىلى وتكىزىلدى
انار بۇلت / شينجياڭ گازەتىنىڭ ءتىلشىسى لياڭ ليحۋا 5 - ايدىڭ 11 - كۇنى ۇرىمجىدەن حابارلايدى. 5 - ايدىڭ 10 - كۇنى تۇستەن كەيىن 2021 - جىلعى 1 - مەرزىمدىك اۆتونوميالى رايوندىق حالىق قۇرىلتايى ۋاكىلدەرى ۇلكەن ساباقحانا قيمىلى ۇرىمجىدە وتكىزىلدى، وسى رەتكى ۇلكەن ساباقحانانىڭ نەگىزگى تاقىرىبى − ”مەملەكەتتىك حالىق قۇرىلتايىنىڭ ۋاكىلى، ءداۋىر ونەگەسى لاچين بايەكە جولداستان ۇيرەنىپ، پارتيا مەن حالىق رازى بولاتىن جاقسى ۋاكىل بولۋعا ۇمتىلايىق“. كابانۋ سەيىتقادام، گۇلبارگىم شاھشاھ، سۇي جيۋشيۋ، مۇساجان نۇردۇن سىندى 4 حالىق قۇرىلتايى ۋاكىلى لاچين بايەكە جولداستىڭ وتاندى قورعاپ شەكارانى كۇزەتكەن، سۋعا ءتۇسىپ كەتكەن بالانى ەرلىكپەن قۇتقارعان وزات ىزگى ىستەرىن توڭىرەكتەي وتىرىپ نەگىزگى تاقىرىپتىق لەكسيا جاسادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ۇلكەن ساباقحانا قيمىلىنا قاتىناستى.
”لاچين بايەكە ءبىر وتباسىنداعى 3 ۇرپاق 70 جىل بويى كۇش جالعاپ شەكارا قورعادى، شەكارا كۇزەتتى، وتاننىڭ شەكارا قورعانىسى جەلىسىن توتەنشە ادالدىقپەن قورعادى، ءوزىنىڭ ومىرىمەن جانە ىستىق قانىمەن مىزعىماس قۇرىش قورعان سوقتى“. ”لاچين بايەكە ءار رەت قاتەرلى شەكارا شارلاۋ مىندەتىن اتقاراردان بۇرىن تۇگەلدەي ۇيىندەگىلەرگە وسيەت قالدىرادى ەكەن، مۇنان 2 جىل بۇرىن ول ۇيىندەگىلەردەن دەنە مۇشەلەرىن جىلۋعا اتاۋ تۋرالى توقتامعا قول قويعانىن جاسىرىپ كەلىپتى“... ءبىر - بىرلەگەن اسەرلى اڭگىمەلەر ءبىر حالىق قۇرىلتايى ۋاكىلىنىڭ پارتيانى سۇيەتىن، وتاندى سۇيەتىن، قىزمەتتىڭ تالابىنان شىققان، بۇقارامەن ەتەنە بولعان، باستى ماقساتتى ەستە بەرىك ساقتاعان، سەرتىنەن تايماي اۋەلگى ماقساتتى، بورىشتى امالياتتا ايگىلەگەن قاھارمان وبرازىن تاعى دا ايگىلەپ، ادامعا تەرەڭ اسەر بەرىپ، كوزگە جاس الدىردى. جيىنعا كەلگەن حالىق قۇرىلتايى ۋاكىلدەرى ءالسىن - ءالى كوز جاستارىن ءسۇرتىپ جاتتى. كوپشىلىك مىنالاردى ءبىلدىردى: لاچين بايەكە جولداستى ۇلگى ەتىپ، ومىرلىك مۇراتتى، وتباسى باقىتىن مەملەكەتتىڭ بايۋى، قۇدىرەتتەنۋى، ۇلتتىڭ گۇلدەنۋى ۇلى ىسىنە ءسىڭىرىپ، پارتياعا شارتسىز ادال بولۋداي ساياسي سەنىمدى باستان - اياق بەرىك ساقتاپ، قىزمەت ورنىن شەپ رەتىندە تاباندىلىقپەن ساقتاپ، قىزمەتتى كاسىپ رەتىندە ىستەپ، ۇلەس قوسۋدى بورىش ساناپ، حالىقتى بارىنەن جوعارى قويۋ يدەياسىن قىزمەتتى ادا ەتۋدىڭ تۇتاس بارىسىندا، ءتۇرلى جاقتارىندا دايەكتىلەندىرىپ، تياناقتاندىرىپ، تالاپتانعان تاس جاراتىن رۋحاني بەينەمەن، ارىنداي العا باسقان كۇرەس جاساۋ بەينەسىمەن ءار ۇلت بۇقاراسىن ىنتىماقتاستىرىپ، باستاپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ تاسقىنداعان كۇشىن توپتايمىز.
تانىستىرۋعا قاراعاندا، اۆتونوميالى رايوندىق حالىق قۇرىلتايى ۋاكىلدەرى ۇلكەن ساباقحاناسى اۆتونوميالى رايوندىق 13 - كەزەكتى حالىق قۇرىلتايى تۇراقتى كوميتەتىنىڭ پارتيانىڭ وزەكتى قىزمەتىن تىعىز ارقاۋ ەتىپ، ۋاكىلدەر قىزمەتىن كۇشەيتۋدەگى جانە جاقسارتۋداعى جاسامپاز شارا، ۋاكىلدەردى باۋلۋ ءادىسىن كەڭەيتۋدەگى، ۋاكىلدەردىڭ مىندەتىن ادا ەتىپ، بارىس - كەلىسىن كۇشەيتۋدەگى ءونىمدى تۇعىر ەكەن. 2020 - جىلى جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، تۇراقتى كوميتەت ۋاكىلدەردى باۋلۋ ادىسىندە جاڭالىق اشىپ، حالىق قۇرىلتايى ۋاكىلدەرىنىڭ ”بۇلتتق تەرمينال“ ۇلكەن ساباقحاناسىن 2 كەزەك وتكىزىپ، ۋاكىلدەردىڭ ۇيرەنۋىنىڭ، باۋلىنۋىنىڭ جاڭا جولىن اشىپ، ينتەرنەت جەلىسىندە جانە جەلىدەن سىرت ۇيرەنۋدى، باۋلۋدى تەڭ قادامدا ىلگەرىلەتىپ، ءار دارەجەلى حالىق قۇرىلتايى ۋاكىلدەرىنىڭ ءوزارا ۇيرەنۋىن، مىندەتىن ادا ەتىپ، تاجىريبە اۋىس - كۇيىسىن جاساۋىن جەبەدى.
دۇڭ شينگۋاڭ، مۇقيات جارمۇقامەت، قۇرماش سىرجان، ءمۇتالىپ روزى، لاچين بايەكەنىڭ اكەسى بايەكە كالدىبەك، ايەلى ءامينا الىپشا، قىزى دۇرحان لاچين ۇلكەن ساباقحانا قيمىلىنا قاتىناستى.
