7 ميلليارد 625 ميلليون يۋان قارجى قوسىلدى
انار بۇلت / شينجياڭ گازەتىنىڭ ءتىلشىسى لۋ فىڭباۋ 5 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسى اشقان 2021 - جىلعى بۇكىل رايوننىڭ تاس جول نىسان قۇرىلىسىن 2 - رەتكى ىلگەرىلەتۋ ماجىلىسىنەن ۇعىسۋعا قاراعاندا، 1 - ايدان 4 - ايعا دەيىن رايونىمىزدا جالعاستى سالىناتىن مەملەكەت، ولكە تاس جولدارى نىساندارى تۇگەلدەي جۇمىستى قالپىنا كەلتىرىپ، قۇرىلىس جۇرگىزىپ، بۇعان 7 ميلليارد 625 ميلليون يۋان قارجى قوسىلىپ، سايكەس مەزگىلدەگىدەن ％141.3 ارتقان.
1 - ايدان 4 - ايعا دەيىن بۇكىل رايونداعى جالعاستى سالىناتىن 56 مەملەكەت، ولكە تاس جولى نىسانى تۇگەلدەي جۇمىستى قالپىنا كەلتىرىپ، قۇرىلىس جۇرگىزدى. جالعاستى سالىناتىن نىساندار ىشىندە G0711 ءۇرىمجى − لوپنۇر سياقتى نىسانداردىڭ اياق الىسى ءساتتى بولىپ، قارجى ۇسىنىلىمى ۇزدىكسىز ارتتى؛G7 ۋتۇڭ داچۋان - موري جوعارى جىلدامدىقتى تاس جولى، G219 شاۋەشەك - شاعانتوعاي 1 - دارەجەلى تاس جولى سياقتى 26 نىساننىڭ وسى جىل ىشىندە سالىنىپ ءبىتىپ، اۆتوكولىك قاتىنايتىندىعى جوسپارلاندى، نىسان جەدەل ىلگەرىلەۋدە.
”5 - ايدىڭ باسىندا ۋتۇڭ داچۋان - اراتۇرىك، اراتۇرىك - باركول بولىكتەرىنىڭ جول بەتىنە اسفالت جاتقىزىلىپ بولدى، باركول - موري بولىگىندەگى جول بەتىنە اسفالت جاتقىزۋ جۇمىسىندا جولدىڭ ءبىر جاعىنداعى 86 كيلومەتر جەردىڭ بەت قاباتىنا عانا اسفالت جاتقىزىلعان جوق، ءۇي قۇرىلىس ينجەنەرياسىنىڭ ％10ى قالدى“، - دەدى جۇڭگو تەمىر جول قۇرىلىسى شينجياڭ بەيجيڭ - شينجياڭ جوعارى جىلدامدىقتى تاس جول شەكتى سەرىكتەستىگىنىڭ القا باستىعى دا ۋىنبين.
كەزەكتە G7 بەيجيڭ - شينجياڭ جوعارى جىلدامدىقتى تاس جولىنىڭ ”ەڭ سوڭعى ءبىر كيلومەتر“ جەرى اتالعان ۋتۇڭ داچۋان - موري بولىگى قۇرىلىس جۇرگىزۋدىڭ ۋاقىتتى شەگەرىپ ساناۋ كەزەڭىنە ءوتتى، 6 - ايدىڭ 30 - كۇنى اۆتوكولىك قاتىنايتىندىعى جوسپارلاندى.
بيىل بۇكىل رايون بويىنشا قاتىناس نەگىزدىك قۇرىلعىلار قۇرىلىسىنا 60 ميلليارد يۋان قارجى قوسۋ جوسپارلاندى. ”شينجياڭنىڭ تاس جول قۇرىلىسىنىڭ ءونىمدى قۇرىلىس جۇرگىزۋ مەرزىمى ءبىرشاما قىسقا، تۇتاس جىلدىق مىندەتتى ورىنداۋدا ءالى دە ءبىرشاما زور سىن - سايىستارعا ءدوپ كەلىپ وتىر، ءتۇرلى قۇرىلىس نىساندارىندا بار كۇشتى سالىپ، قۇرىلىس قارقىنىن مىقتاپ يگەرىپ، ءتۇرلى كەزەڭدەگى قۇرىلىس نىساندارىن ءوز ۋاعىندا ورىنداۋعا شىنايى كەپىلدىك ەتۋگە تۋرا كەلەدى“، - دەدى اۆتونوميالى رايوندىق قاتىناس - تاسىمال مەڭگەرمەسىنىڭ ورىنباسار مەڭگەرمە دارەجەلى كادرى جىڭ ميڭچۋان.
