ۇزدىكسىز ارتتى!
بۇكىل ەلدىڭ جان سانى ءبىر ميلليارد 411 ميلليون 780 مىڭ ادامعا جەتتى
شينحۋا اگەنتتىگىنىڭ 5 - ايدىڭ 11 - كۇنى بەيجيڭنەن بەرگەن حابارى (تىلشىلەر ۋي يۇيكۇن، زوۋ دو - ۋي). 5 - ايدىڭ 11 - كۇنى جاريالانعان مەملەكەت بويىنشا جان سانىن 7 - رەتكى جاپپاي تەكسەرۋ ناتيجەسىندە كورسەتىلۋىنشە، بۇكىل ەلدىڭ جان سانى ءبىر ميلليارد 411 ميلليون 780 مىڭ ادام بولىپ، 2010 - جىلعى مەملەكەت بويىنشا جان سانىن 6 - رەتكى جاپپاي تەكسەرۋ ساندى مالىمەتىمەن سالىستىرعاندا، 72 ميلليون 60 مىڭ ادام كوبەيىپ، ％5.38 ارتىپ، جىلدىق ورتاشا ارتۋ سالىستىرماسى ％0.53 بولعان، 2000 - جىلدان 2010 - جىلعا دەيىنگى جىلدىق ورتاشا ارتۋ سالىستىرماسى ％0.57 تەن 0.04 پايىز تومەندەگەن.
مەملەكەتتىك كەڭەستىڭ مەملەكەت بويىنشا جان سانىن 7 - رەتكى جاپپاي تەكسەرۋ باسشىلىق گرۋپپاسىنىڭ ورىنباسار باستىعى، مەملەكەتتىك ساناق مەكەمەسىنىڭ باستىعى نيڭ جيجى سول كۇنى وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە مىنانى ءبىلدىردى: ساندى مالىمەت ەلىمىز جان سانىنىڭ 10 جىلدان بەرى تومەن جىلدامدىقپەن ارتۋ جاعدايىن ۇزدىكسىز ساقتاپ كەلگەندىگىن كورسەتتى.
بۇكىل ەلدىڭ جان سانى ەلىمىز ۇلى قۇرلىعىنداعى 31 ولكەنىڭ، اۆتونوميالى رايوننىڭ، توتە قاراستى قالانىڭ جانە مىندەت وتەپ جاتقان اسكەريلەردىڭ جان سانىن كورسەتەدى، 31 ولكە، اۆتونوميالى رايون، توتە قاراستى قالادا قونىستانعان شياڭگاڭدىق، اۋمىندىق، تايۋاندىق تۇرعىندار مەن شەتەلدىكتەردى قامتىمايدى.جاپپاي تەكسەرۋ ناتيجەسى جىنىس قۇرىلىمىنىڭ جاقسارعاندىعىن كورسەتتى. جالپى جان سانىنىڭ جىنىس سالىستىرماسى 105.1 بولىپ، مەملەكەت بويىنشا جان سانىن 6 - رەتكى جاپپاي تەكسەرگەن كەزدەگى 105.2مەن سالىستىرعاندا، نەگىزىنەن قارايلاس بولىپ، ءسال تومەندەدى. تۋعان ادامداردان قاراعاندا، تۋعان ادامداردىڭ جىنىس سالىستىرماسى 2020 - جىلى 111.3 بولىپ، 2010 - جىلداعىدان 6.8 تومەندەپ، قالىپتى دەڭگەيگە بىرتىندەپ بەت الۋدا.
حالىقتىڭ ساپاسى ۇزدىكسىز ءوستى. 15 جاستاعى، سونداي - اق ودان جوعارى جاستاعى ادامداردىڭ ءبىلىم الۋ ورتاشا جىل مەرزىمى 2010 - جىلداعى 9.08 جىلدان 9.91 جىلعا جوعارىلادى. 16 - 59 جاس ارالىعىنداعى ەڭبەك جاسىنداعى ادامداردىڭ ءبىلىم الۋ ورتاشا جىل مەرزىمى 2010 - جىلعى 9.67 جىلدان 10.75 جىلعا جوعارىلادى، ساۋاتسىزدىق سالىستىرماسى 2010 - جىلداعى ％4.08 تەن ％2.67كە تومەندەدى.
جان سانىنىڭ جىلجۋى ءالى دە تەبىندى، جان سانىنىڭ شوعىرلانۋ اسەرى ونان ارى كورنەكتىلەندى. تۇرعان جەرى مەن نوپوس تۇرعان جەرى بىردەي بولماۋ جايتى ءبىرشاما جاپپاي ءومىر ءسۇرىپ وتىر، 2020 - جىلى ەلىمىزدە تۇرعان جەرى مەن نوپوسى بولەك تۇرعان جان سانى 493 ميلليونعا جەتىپ، جالپى جان سانىنىڭ شامامەن ％35ىن يەلەدى. مۇنىڭ ىشىندە جىلجىمالى جان سانى 376 ميلليون ادام بولىپ، 10 جىلدا ％70كە تاياۋ ارتتى.
جاپپاي تەكسەرۋ ناتيجەسىندە تاعى ەلىمىزدە 16 - 59 جاس ارالىعىنداعى ەڭبەك جاسىنداعى جان سانىنىڭ 880 ميلليون ادام بولىپ، ەڭبەككۇش بايلىعىنىڭ ءالى دە جەتكىلىكتى ەكەندىگى كورسەتىلدى.
نيڭ جيجى مىنانى ءبىلدىردى: 10 جىلدان بەرى ەلىمىزدىڭ جان سانى جالپى مولشەرى ۇزدىكسىز ارتىپ، ءالى دە دۇنيە جۇزىندە جان سانى ەڭ كوپ مەملەكەت بولىپ وتىر. حالىق ساپاسى ورنىقتى ءوسىپ، حالىقتىڭ ءبىلىم الۋ دەڭگەيى كورنەكتى جوعارىلادى. جان سانى قۇرىلىمى رەتتەلىپ، وزگەرىپ، جىنىس قۇرىلىمى جاقساردى. جان سانىنىڭ جىلجۋ، شوعىرلانۋ جاعدايى ونان ارى كورنەكتى بولىپ، قالا - قالاشىقتانۋ دەڭگەيى ۇزدىكسىز جوعارىلادى.
تانىستىرۋعا قاراعاندا، الدا ەلىمىز جان سانىنىڭ ارتۋ جىلدامدىعى ۇزدىكسىز باياۋلايدى، بولاشاقتاعى ءبىر مەزگىلدە ەلىمىز جان سانىنىڭ جالپى مولشەرى ءبىر ميلليارد 400 ميلليوننان استامدى ساقتاپ تۇرادى ەكەن.
