ورتالىق كوميتەت كەڭسەسى پىكىر باسىپ تاراتتى
ءتۇيىندى اۋىل - قىستاقتارعا قىستاقتا تۇراتىن ءبىرىنشى شۋجيلەر مەن قىزمەت اترەتتەرى ۇزدىكسىز تاڭداپ جىبەرىلەدى
شينحۋا اگەنتتىگىنىڭ 5 - ايدىڭ 11 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «ءتۇيىندى اۋىل - قىستاقتارعا قىستاقتا تۇراتىن ءبىرىنشى شۋجيلەر مەن قىزمەت اترەتتەرىن ۇزدىكسىز تاڭداپ جىبەرۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، وڭىرلەردەن، تاراۋلاردان ءىس جۇزىندىك جاعدايمەن ۇشتاستىرىپ مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ جاڭا جاعدايىنا، جاڭا مىندەتىنە، جاڭا تالابىنا سايكەسىپ، قىستاقتا تۇرۋ قىزمەتىن ۇدايىلاندىرۋ مەحانيزمىن اقاۋسىزداندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە، كەدەيلىكتەن ارىلتۋدان قامال الۋ جەتىستىگىن بەكەمدەۋگە، كەڭەيتۋگە پارمەندى ۇيىمدىق كەپىلدىك جانە كادر - دارىندىلار قولداۋىن ازىرلەۋ كەرەك.
ءتارتىپتى تۇردە ۇشتاستىرۋعا، ورنىقتى تۇردە وتۋگە تاباندى بولىپ، كەدەي وڭىرلەردە ”ءتورتتى توقتاتپاۋ“ تالابىن قاتاڭ تياناقتاندىرۋ نەگىزىندە، تاڭداپ جىبەرۋ كولەمىن ۇيلەسىمدى رەتتەپ، قىستاقتا تۇراتىن كۇشتەردى ساپالىلاندىرىپ، قىزمەت مازمۇنىن كەڭەيتىپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋگە قاراي بىرتىندەپ ويىسۋ؛ اۋدان دارەجەلى ورىنداردى ءبىر تۇتاس جوسپارلاۋعا، دالمە - ءدال تاڭداپ جىبەرۋگە تاباندى بولىپ، الدىمەن قىستاقتى تۇراقتاندىرۋ، ونان كەيىن ادامدى تۇراقتاندىرۋ پرينسيبى بويىنشا اۋدان دارەجەلى پارتكوم مەن ۇكىمەتتەر تاڭداپ جىبەرۋ قاجەتىن انىقتاپ، ءار دارەجەلى تاڭداپ جىبەرىلەتىن كۇشتەردى ءبىر تۇتاس جوسپارلاپ، قىستاق جاعدايىنا قاراي ادام جىبەرۋ، اترەتتى عىلمي ۇيىمداستىرۋ؛ مىقتىلاردى جىبەرىپ ويداعىداي پايدالانۋعا، قاتاڭ باسقارىپ، ەرەكشە قامقورلىق جاساۋعا تاباندى بولىپ، ادام تاڭداۋ ولشەمىن قاتايتىپ، باسقارۋ - باقىلاۋدى كۇشەيتىپ، كوڭىل بولۋگە، شابىتتاندىرۋعا باسا ءمان بەرىپ، ۇزدىكتەردى تاڭداۋعا، تومەنگە تۇسە الۋعا، ىشتەسىپ توعىسىپ كەتە الۋعا، جاقسى ىستەي الۋعا شىنايى كەپىلدىك ەتۋ؛ شىنايى يگەرىپ، ناقتى ىستەۋگە، ناقتى ونىمدىلىككە ۇمتىلۋعا تاباندى بولىپ، ءبىرىنشى شۋجيلەردىڭ جانە قىزمەت اترەتى مۇشەلەرىنىڭ زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ قىستاقتا تۇرىپ قىزمەتتى جاقسى ىستەۋىن ىلگەرىلەتىپ، سىرتقى كومەكتى، سۇيەمەلدەۋدى كۇشەيتۋ مەن ىشكى قوزعاۋشى كۇشتى قاۋلاتۋدىڭ قاتىناسىن ويداعىداي ءبىر جاقتى ەتۋگە ءمان بەرىپ، تۇتاس تۇلعالىق بىرىككەن كۇش قالىپتاستىرۋ كەرەك.
«پىكىردە» مىنالار اتاپ كورسەتىلدى: كەدەيلىكتەن ارىلعان قىستاقتارعا، كەدەيلەردى قونىس جاڭالاپ سۇيەمەلدەۋ بويىنشا كوشىرىلىپ ورنالاستىرىلعان قىستاقتارعا (الەۋمەتتىك اۋماقتار) ءبىرىنشى شۋجيلەر مەن قىزمەت اترەتتەرىن ۇزدىكسىز تاڭداپ جىبەرىپ، اۋىل - قىستاقتى گۇلدەندىرۋدە ءتۇيىندى كومەك كورسەتىلىپ سۇيەمەلدەنەتىن اۋداندارداعى كەدەي قىستاقتاردى ءتۇيىن ەتىپ، تاڭداپ جىبەرۋ تەبىنى ارتتىرىلادى. مۇنىڭ ىشىندە كەدەيلىكتەن ارىلتۋدان قامال الۋ جەتىستىگىن بەكەمدەۋ مىندەتى ءبىرشاما جەڭىل قىستاقتارعا ءىس جۇزىندىك جاعدايدى شىعار ءتۇيىن ەتىپ، تاڭداپ جىبەرىلەتىن ادام سانىن ۇيلەسىمدى ىقشامداۋعا بولادى. جەر - جەر اۋىل - قىستاقتى گۇلدەندىرۋ مىندەتى اۋىر ءبىر توپ قىستاقتى تاڭداپ، ءبىرىنشى شۋجيلەردى نەمەسە قىزمەت اترەتتەرىن تاڭداپ جىبەرىپ، ۇلگىلىك، باستاماشىلىق رولىن ساۋلەلەندىرۋ كەرەك. پارتيا ۇيىمى ءالسىز، بىتىراڭقى قىستاقتاردى ۇدايىلانعان، باياندى رەتتەۋ قۇرىلىسىنىڭ تالابى بويىنشا تاڭداپ جىبەرىلەتىن شۋجيلەرمەن ۇزدىكسىز جاپپاي قامتۋ كەرەك. باسقا تۇردەگى قسىتاقتار جونىندە جەر - جەر ءىس جۇزىندىك قاجەتىنە قاراي تاڭداپ جىبەرۋ ورنالاستىرۋىن جاساۋىنا بولادى.
«پىكىردە» مىنالار باسا دارىپتەلدى: ادام تاڭداۋ وتكەلىن قاتايتۋ كەرەك، سونداي - اق قىستاق پارتيا ۇيىمىن پارمەندى ەتىپ قۇرۋ، قىستاقتى كۇشەيتىپ، حالىقتى بايىتۋدى ىلگەرىلەتۋ، جونگە سالۋ دەڭگەيىن جوعارىلاتۋ، حالىق ءۇشىن ءىس ىستەۋ، قىزمەت وتەۋ سياقتى 4 جاقتان ءبىرىنشى شۋجيلەر مەن قىزمەت اترەتتەرىنىڭ نەگىزگى قىزمەت جاۋاپكەرشىلىگى، مىندەتى ايقىندالدى.
«پىكىردە» ”باسقارۋدى، ساراپتاۋدى كۇشەيتۋ“ جونىندە مىنالار اتاپ كورسەتىلدى: ءبىرىنشى شۋجيلەر مەن قىزمەت اترەتى مۇشەلەرىنىڭ مىندەت وتەۋ مەرزىمى ادەتتە 2 جىلدان كەم بولمايدى، مەرزىمى تولعاندا كەزەك اۋىسادى، ۇزدىكسىز وتكىزىپ بەرەدى، وتكىزىپ الادى. ءبىرىنشى شۋجي مەن قىزمەت اترەتى تەڭ قادامدا تاڭداپ جىبەرىلگەن قىستاقتاردا اترەت باستىعى مىندەتىن ءبىرىنشى شۋجي قوسىمشا اتقارادى، اترەت مۇشەلەرى ادەتتە 2 ادامنان كەم بولمايدى، مىندەتى اۋىرلارىنىڭ ادام سانىن ۇيلەسىمدى ارتتىرۋىنا بولادى. ساراپتاۋ ناتيجەسى وزاتتاردى باعالاۋدىڭ، ۇزدىكتەردى باعالاۋدىڭ، ءوسىرىپ ىستەتۋدىڭ، قىزمەت دارەجەسىن كوتەرۋدىڭ، اتاعىن تۇراقتاندىرۋدىڭ ماڭىزدى نەگىزى ەتىلەدى.
«پىكىردە» مىنالار تالاپ ەتىلدى: وڭىرلەردىڭ، تاراۋلاردىڭ، مەكەمە - ورىنداردىڭ پارتكومدارى (پارتيا باسشىلىق گرۋپپاسى) ءتۇيىندى اۋىل - قىستاقتارعا قىستاقتا تۇراتىن ءبىرىنشى شۋجيلەردى جانە قىزمەت اترەتتەرىن ۇزدىكسىز تاڭداپ جىبەرۋ قىزمەتىنە ايرىقشا ءمان بەرىپ، ونى پارتيا قۇرىلىسىن يگەرۋدىڭ، اۋىل - قىستاقتىڭ گۇلدەنۋىن جەبەۋدىڭ ماڭىزدى شاراسى ەتىپ، ۇيىمدىق باسشىلىقتى كۇشەيتىپ، تياناقتانىپ، ونىمدىلىك كورسەتۋىن ىلگەرىلەتۋ كەرەك. قامتاماسىزدىق قولداۋىن كۇشەيتۋ، كوڭىل ءبولۋدى، قامقورلىق جاساۋدى كۇشەيتۋ كەرەك. شىنايى يگەرىپ، ناقتى ىستەۋ، شىندىققا جۇگىنىپ، ناقتى ءىس ىستەۋ ستيلىمەن تاڭداپ جىبەرۋ قىزمەتىن ويداعىداي ىستەپ، فورماشىلدىقتى، تورەشىلدىكتى باتىل تەجەپ، نەگىزگى ساتىنىڭ اۋىرتپالىعىن شىن مانىندە جەڭىلدەتۋ كەرەك. قىستاقتا تۇرۋ قىزمەتى ارقىلى كادرلاردى تەكسەرىپ، سارالاپ، ىستەن ناتيجە شىعارعانداردى، بۇقارا مويىنداعانداردى الدىمەن ماڭىزدى قىزمەتكە قويىپ، قىزمەتتە جاۋاپكەرسىزدىك ىستەگەندەرگە سىن ايتىپ، تاربيە بەرىپ، قىزمەت ۇددەسىنەن شىعا الماعانداردى نەمەسە ناشار زارداپ تۋدىرعانداردى دەر كەزىندە رەتتەپ ءبىر جاقتى ەتىپ، ايقىن باعدار ورناتۋ كەرەك.
