تيانشان تورى
تيانشان تورى   ›   جاڭالىقتار   ›   سۋرەتتى حابار

اۆتونوميالى رايون بىلەگى ۇزىلگەن حوتاندىق ۇل بالاعا كومەكتەسكەن جانە ونى ەمدەگەن وزات ۇلگىلەردى ماداقتاپ - سيلادى

چىن چۋانگو قاتىناستى ءارى ءسوز سويلەدى

شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 11 - كۇنى ۇرىمجىدەن حابارلايدى. 5 - ايدىڭ 11 - كۇنى تۇستەن كەيىن اۆتونوميالى رايون ءماجىلىس اشىپ، بىلەگى ۇزىلگەن حوتاندىق ۇل بالاعا كومەكتەسكەن جانە ونى ەمدەگەن وزات ۇلگىلەردى ماداقتاپ - سيلادى. اۆتونوميالى رايوندىق پارتكومنىڭ شۋجيى چىن چۋانگو ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ءماجىلىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، تيان ۋىن، لي يفەي، سارقىت اقان، ۋاڭ ميڭشان قاتارلىلار ماجىلىسكە قاتىناستى.

  اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى لي يفەي ماداقتاۋ - سيلاۋ جونىندەگى قاراردى وقىدى. اۆتونوميالى رايوننىڭ باسشىلارى ماداقتالىپ - سيلانعان وزات كوللەكتيۆتەرگە جانە وزات جەكەلەرگە سيلىق تاراتتى. لي لي، جاۋ يان، تيان ۋي، ەركىن رەجەپ، يىزھار ءمامتىمىن قاتارلىلار ماداقتالىپ - سيلانعاندار اتىنان ءسوز سويلەدى.

  چىن چۋانگو سوزىندە بىلاي دەپ اتاپ كورسەتتى: بىلەگى ۇزىلگەن ۇل بالاعا كومەكتەسۋ جانە ونى ەمدەۋ − ءبىر رەتكى اسا عالامات ءومىردى جالعاۋ ارەكەتى، قۇلشىنىستىڭ ەڭ شەگىنە جەتكەن ءومىر كەرەمەتى، ىزگىلىككە تولعان ءبىر رەتكى ەنەرگيانىڭ توپتالۋى، ەتەنە باۋىرلاستىقتىڭ ءبىر جاندى وقۋلىعى. وسى ءومىردى جالعاۋ، مەيىردى جالعاۋ مەيىرىمدىلىك جەتكىزۋ ارەكەتى − حالىقتى وزەك ەتۋ يدەياسىنىڭ شوعىرلى بەينەسى، ءومىردى بارىنەن جوعارى قويۋدىڭ، حالىقتى بارىنەن جوعارى قويۋدىڭ پارمەندى انىقتاماسى، ادامگەرشىلىك ساۋلەسىنىڭ، ءمورال كۇشىنىڭ ەڭ كورىكتى شۇعىلاسى، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە جۇڭگوشا سوتسياليستىك ءتۇزىمنىڭ شەكسىز ابزالدىلىعىن تولىق ايگىلەدى، شينجياڭنىڭ قۇرىشتاي بەرىك، مىزعىماس ۇلتتار ىنتىماعىن شوعىرلى بەينەلەدى، شينجياڭداعى ءار ۇلت بۇقاراسىنىڭ تىرشىلىك ۇقىعى، سالاماتتىق ۇقىعى سياقتى نەگىزگى ادامدىق ۇقىعىنىڭ تولىق قامتاماسىز ەتىلگەن ناقتى جاعدايىن جاندى كورسەتتى.

  چىن چۋانگو بىلاي دەپ باسا دارىپتەدى: تۇتاس رايونداعى ءار دارەجەلى كادرلار، بۇقارا ماداقتالىپ - سيلانعان وزات كوللەكتيۆتەر مەن وزات جەكەلەردى ۇلگى ەتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسى جەتىستىگىن قىزمەتتى ىلگەرىلەتەتىن قۋاتتى قوزعاۋشى كۇشكە جانە امالياتتىق ناتيجەگە اينالدىرىپ، ەل بىرلىگىنەن بەرىك قامال تۇرعىزىپ، قايراتتانا العا ىلگەرىلەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك. ولاردىڭ باس ماقساتتى ەستە بەرىك ساقتاعان، شىنايى سۇيىسپەنشىلىگىن حالىققا ارناعان اۋەلگى ماقساتىنان، بورىشىنان ۇيرەنىپ، حالىق بۇقاراسىن باستان - اياق كوڭىلدىڭ ەڭ جوعارى ورنىنا قويىپ، ءتۇبىرلى باس ماقساتتى ەستە بەرىك ساقتاپ، ءار ۇلت بۇقاراسىنىڭ ”شۇعىل، قيىن، الاڭداعان، كوكەي تەستى“ ماسەلەلەرىن كۇش سالا ويداعىداي شەشۋ؛ ولاردىڭ قالتقىسىز ۇلەس قوساتىن، باسقالارعا كومەكتەسۋدى قۋانىش سانايتىن وسكەلەڭ قاسيەتىنەن ۇيرەنىپ، سوتسياليستىك وزەكتى قۇن كوزقاراسىن ىشكەرىلەي امالياتتا ايگىلەپ، جۇڭحۋا ۇلتىنىڭ ءداستۇرلى تاماشا ءمورالىن بارىنشا اسقاقتاتىپ، رۋحاني ءورىستى ۇزدىكسىز ءوسىرۋ، وركەنيەتتى سالت جەتىلدىرۋ؛ ولاردىڭ قيىندىققا قارسى اتتاناتىن، قيان - كەسكى شايقاستى باتىل جۇرگىزەتىن قايسار ستيلىنەن ۇيرەنىپ، ەڭ اۋىر جۇكتى ىرىقتىلىقپەن ارقالاپ، ەڭ قيىن ماسەلەلەردى شەشىپ، توسقاۋىلداردى تالقانداپ، قامال بۇزىپ اسۋدى الۋ بارىسىندا قايسار جىگەردى، باتىلدىقتى ايگىلەۋ؛ ولاردىڭ كەمەلدىلىككە تالپىناتىن، ۇزدىك بولۋعا ۇمتىلاتىن كاسىپتى قاستەرلەۋ رۋحىنان ۇيرەنىپ، ەڭبەك ەرى رۋحىن، ەڭبەك رۋحىن، ۇستا رۋحىن اسقاقتاتىپ، ءوز جۇمىسىن دەڭگەلەك اينالدىراتىن كاسىپتىك مىقتى مامان جانە شەبەر - مايتالمان بولۋعا قۇلشىنۋ؛ ولاردىڭ ەتەنە باۋىرلاس بولعان، ءوزارا قول ۇشىن بەرگەن سانالى ۇمتىلىسىنان ۇيرەنىپ، جۇڭحۋا ۇلتى ورتاق تۇلعا تانىمىن سومداپ، ”بەستى شىنايى مويىنداۋدى“ كۇشەيتىپ، ماڭگى اناردىڭ دانىندەي تىعىز ۇيىسۋ كەرەك.

  اۆتونوميالى رايوندىق حالىق قۇرىلتايى، ۇكىمەت، ساياسي كەڭەس، بيڭتۋان باسشىلىق القالارىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايونعا (ورتالىققا) توتە قاراستى ورىنداردىڭ جاۋاپتىلارى، ت.ب، ماداقتاۋ - سيلاۋ ماجىلىسىنە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.