تيانشان تورى   ›   جاڭالىقتار   ›   شينجياڭ حابارلارى

وسەك - اياڭ شىندىق الدىندا تويتارىسسىز - اق توزىپ - جوعالادى

حىجيڭ اۋدانىنداعى حانتاجى ۇلتتىق كەستە بۇيىمدارى شەكتى سەرىكتەستىگى:

وسەك - اياڭ شىندىق الدىندا تويتارىسسىز - اق توزىپ - جوعالادى

  تاياۋدا امەريكانىڭ، باتىس ەلدەرىنىڭ جۇڭگوعا قارسى كۇشتەرى جانە ءىشىنارا شەتەل كاسىپورىندارى شينجياڭنىڭ ماقتا كاسىپ سالاسىندا ايتىلمىس ”زورلىقپەن ەڭبەككە سالۋ“ ساقتالىپ وتىر دەگەن وسەك - اياڭ تاراتىپ، شينجياڭ ماقتاسىن شەكتەدى. بۇعان قاراتا حانتاجى ۇلتتىق كەستە بۇيىمدارى شەكتى سەرىكتەستىگىندەگى بارلىق قىزمەتكەرلەر باتىل قارسى تۇرادى جانە ونى قاتاڭ جازعىرادى.

  سەرىكتەستىگىمىزدىڭ جاۋاپتىسىنىڭ اتى رابيگۇل تۇرسۇنجان، حىجيڭ اۋدانىنداعى ءبىر شارۋا وتباسىندا دۇنيەگە كەلگەن، ءوزى كەستە تىگەتىندىكتەن دۇكەن اشۋدى ۇنەمى كوكەيىنە ءتۇيىپ جۇرەتىن. 2011 - جىلى قىستاق كادرلارىنىڭ قولداۋى مەن كومەكتەسۋىندە رابيگۇل اۋدان قالاشىعىنان حانتاجى ۇلتتىق كەستەشىلىك بۇيىمدارى شەكتى سەرىكتەستىگىن قۇرادى. جۇمىسىن جاڭا باستاعان كەزىندە بىرنەشە دوسى جانە سول ماڭداعى قىستاقتان 10 نەشە ايەل كەلىپ قىزمەت ىستەيدى. ونىمدەرىنىڭ بارعان سايىن كۇسەت بولۋىمەن، سەرىكتەستىكتىڭ تانىمالدىعى دا بارعان سايىن ارتىپ، سەرىكتەستىككە كەلىپ قىزمەت ىستەگىسى كەلەتىن ادامدار بارعان سايىن كوبەيەدى. قازىر سەرىكتەستىكتە ءار ۇلت جۇمىسشى - قىزمەتكەرلەرىنەن 36سى بار، كوپشىلىك ءار كۇنى 8 ساعات قىزمەت ىستەيدى، تۇستە تەگىن تاماقتانادى، ءار ادام اي سايىن 3000 يۋان اينالاسىندا كىرىس تابادى.

  سەرىكتەستىك قۇرىلعان العاشقى كەزدە سەرىكتەستىگىمىز نەگىزىنەن ءىشىنارا ۇلتتىق ەرەكشەلىككە يە كەستە بۇيىمدارىن جاسايتىن، شيكىزاتى تۇگەلدەي شينجياڭنىڭ ءوز جەرىنىڭ ماقتاسىنان جاسالعان ماتالار ەدى، كەيدە تاعى قاريدارلاردىڭ تالابىنا ساي، كەستە تىگۋدەن بۇرىن ماتالاردى جاي رەڭگە بويايتىن. شينجياڭ ماقتاسىنان جاسالعان ماتالار شىمىر، بەرىك كەلەدى، قاريدارلاردىڭ بارلىعى وتە ۇناتادى، سوندىقتان ءبىز باستان - اياق ءبىزدىڭ شينجياڭنىڭ ءوز جەرىندە وندىرىلگەن ماقتا كەزدەمەلەردى ىستەتىپ كەلەمىز. سەبەبى ءبىزدىڭ وندىرگەن ماقتا كەزدەمەلى كەستە بۇيىمدارىمىزدىڭ ساپاسى جاقسى بولاتىندىقتان، قىرۋار تۇتىنۋشىلاردىڭ وڭ باعاسىن الىپ، ءوتىمى جاقسى بولىپ كەلدى. كەستەشىلىك نەگىزىندە ءبىز تاعى مەكتەپ كيىمى مەن جۇمىس كيىمى كاسىبىن قوستىق، ساتىلۋ مولشەرى باستان - اياق وتە ورنىقتى بولدى. سەرىكتەستىگىمىز تاعى پەردە، كورپە تىسى، توسەك جاپقىش سياقتى تۇرمىستىق بۇيىمداردى دا ءوندىرىس نىسانىنا ەنگىزدى. ءونىم تۇرلەرىن ۇزدىكسىز تولىقتاپ، ءونىم ساپاسىن جوعارىلاتۋدىڭ ارقاسىندا سەرىكتەستىگىمىز اسا تاماشا ەكونوميكالىق ونىمدىلىككە جانە قوعامدىق ونىمدىلىككە قول جەتكىزدى.

  ءبىز وسىناۋ توپىراققا تامىر تارتىپ، قوس قولىمىزبەن شينجياڭ ماقتاسىن اناعۇرلىم كوپ، اناعۇرلىم جاقسى تاۋارعا اينالدىرىپ، ايتىلمىس ”زورلىقپەن ەڭبەككە سالۋ“ وسەك - اياڭىن شىندىق الدىندا ءوزىن قويارعا جەر جاپپاي، تويتارىسسىز - اق توزدىرىپ جوعالتامىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.