□ انار بۇلت / شينجياڭ گازەتى اقسۋ تىلشىلەر پۋنكتىنەن دىڭ ليجۋان
”وتكەن جىلى قىستاعىمىز اقسۋ ايماعىنداعى ۇلتتار ىنتىماعى، العاباسارلىعىنداعى ۇلگى كورسەتەتىن قىستاق بولىپ باعالاندى، بيىل ءبىز اۆتونوميالى رايوندىق ۇلتتار ىنتىماعى، العاباسارلىعىنداعى ۇلگى كورسەتەتىن قىستاق بولۋعا ءوتىنىش بەردىك...“. 5 - ايدىڭ 9 - كۇنى كەلپىن اۋداندىق ادەبيەت - كوركەمونەرشىلەر بىرلەستىگىنىڭ چىلان اۋىلى نۇرباق قىستاعىندا تۇراتىن ” ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي لو يان قىستاقتاعى مادەنيەت داۋالىنىڭ الدىندا تۇرىپ ماقتانىشپەن وسىنى ايتتى.
نۇرباق قىستاعىندا 114 وتباسى، 493 جان سانى بار. 17 جىلدىڭ الدىنداعى جاعداي قىستاق تۇرعىنى باي دىشيۇڭنىڭ ءالى ەسىندە: ”ول كەزدە وتباسىمنىڭ شارت - جاعدايى وتە ناشار بولاتىن، ءبىر قىستاقتاعى قۇربان كامىل مەنىڭ تۇقىم، حيميالىق تىڭايتقىش ساتىپ الۋىما قارىز اقشا بەردى جانە تراكتورىن اقىسىز پايدالانۋىما بەرە تۇردى. ول كەزدە ءۇي سالىپ، اۋلا داۋالىن بالشىقپەن سىلايتىن كەزىمىزدە كۇندەلىكتى ەگىس جۇمىستارىن ءبىتىرىپ ۇيلەرىنە قايتقان قىستاق تۇرعىندارى ءۇيدىڭ قاسىنان وتكەن كەزدەرىندە وزدىكتەرىنەن كەلىپ كومەكتەسەتىن، بىردە - ءبىر ادام اقى سۇرامايتىن“.
بيىل 52 جاستاعى باي دىشيۇڭ قىستاقتا ماقتا ەگۋدەگى ”جەرگىلىكتى مامان“، ول اۋىلداستارىنىڭ سول ءبىر قامقورلىعىن كوكەيىندە بەرىك ساقتاپ، ۇنەمى كوپشىلىككە تەحنيكالىق جاقتان اقىسىز جەتەكشىلىك ەتەدى. قىستاق تۇرعىندارى ارام ءشوپ وتايتىن، قۇرت جوياتىن ءدارى ساتىپ الۋدا باي دىشيۇڭعا كورسەتكەننەن كەيىن عانا الاڭسىز ىستەتەدى، اتىزدى باپتايتىن كەزدە ول ىلعي قىستاق تۇرعىندارىنىڭ ماقتا اتىزىنا بارىپ توپىراق ساپاسىنا، سۋارۋ جاعدايىنا قاراي، ەگىنجايدى باپتاۋدىڭ ەڭ تاماشا ۇسىنىستارىن بەرەدى.
”2019 - جىلى قارىنداسىمنىڭ جۇبايى ليۋ جاڭشياڭنىڭ اياعىن تراكتوردىڭ اينالىپ تۇرعان بىلىگى جارالاپ كەتەدى، مۇنى قىستاق كادرى احىمەت ماقىمەت ەڭ الدىمەن بايقاپ، قىستاق تۇرعىندارىن ليۋ جاڭشياڭدى اقسۋ ايماقتىق 2 - حالىق شيپاحاناسىنا جەتكىزۋگە كومەكتەسۋگە ۇيىمداستىرادى، دەر كەزىندە وپەراتسيا جاسالعاندىقتان ونىڭ جانى امان قالدى“، - دەدى باي دىشيۇڭ.
ليۋ جاڭشياڭنىڭ وتباسىندا 300 مۋدان استام جەرى بار ەدى، ول شيپاحانادا جاتقاندا جانە كۇتىنگەن كەزىندە، جەرىنىڭ قاراۋسىز قالۋىنان بارىنشا الاڭدايدى. احىمەت 150دەن ارتىق قىستاق تۇرعىنىن ۇيىمداستىرىپ، ونىڭ جەرىنە تۇقىم سىڭىرۋگە كومەكتەسەدى.
”سول كەزدە مەن كوپشىلىككە اقشا بەرسەم، بىردە - بىرەۋ الماي قويدى. اۋىلداستار: بارلىعىمىز ءبىر وتباسىنىڭ ادامىمىز، سەنىڭ وتباسىڭدا قيىنشىلىق بولعان كەزدە ءبىز كومەكتەسۋگە ءتيىستىمىز، اقشا الساق قايتىپ ءبىر وتباسىنىڭ ادامى بولامىز؟“، - دەدى ليۋ جاڭشياڭ وتكەندى ەسىنە الىپ.
قىستاقتا وتباسىلارىنىڭ بارلىعى ەسىكتەرىنە توپتىق تۇسكەن سۋرەتتەرىن جاپسىرىپ قويادى، بۇل قىستاقتىڭ ۇلتتار ىنتىماعىن امالياتتا ايگىلەۋ تاسىلدەرىنىڭ ءبىرى. لو يان بىلاي دەدى: ”ەسىككە ’دوستارىممەن بىرگە تۇسكەن سۋرەتتى‘ جاپسىرىپ قويدىم، كوپشىلىك كىرىپ - شىققان كەزدەرىندە سۋرەتتى كورە الادى، ۇلتتار ىنتىماعى ءارقايسى قىستاق تۇرعىندارىنىڭ جۇرەگىندە تەرەڭ تامىر تارتتى“.
لو يان بىلاي دەپ تانىستىردى: ۇزاق مەرزىمدىك ءوندىرىس، تۇرمىس بارىسىندا، حانزۋ قىستاق تۇرعىندارى ۇيعۇر قىستاق تۇرعىندارىنىڭ ماقتا، كوكونىس، جەمىس - جيدەك ەگۋىنە جەتەكشىلىك ەتۋى، ۇيعۇر قىستاق تۇرعىندارى حانزۋ قىستاق تۇرعىندارىنىڭ سيىر، قوي باعۋىنا جەتەكشىلىك ەتۋى قالىپتى جاعدايعا اينالىپ، كوپشىلىك ءوزارا كومەكتەسۋ، ءوزارا قارايلاسۋ بارىسىندا تەرەڭ كورشىلىك سۇيىسپەنشىلىك ورناتتى. وتكەن جىلى نۇرباق قىستاعىنىڭ جان باسىندىق ورتاشا كىرىسى 14 مىڭ يۋاننان استى، بيىل 18 مىڭ يۋانعا جەتكىزۋگە كۇش سالۋدا.
