تيانشان تورى
تيانشان تورى   ›   جاڭالىقتار   ›   سۋرەتتى حابار

باس نىسانانى مىقتاپ يگەرىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، بۇقارا ءۇشىن ناقتى ىستەردى، جاقسى ىستەردى كوبىرەك ىستەۋ كەرەك

چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

باس نىسانانى مىقتاپ يگەرىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا تاريحىن ۇيرەنۋ تاربيەسىن ىشكەرىلەي ورىستەتىپ، بۇقارا ءۇشىن ناقتى ىستەردى، جاقسى ىستەردى كوبىرەك ىستەۋ كەرەك

  5 - ايدىڭ 13 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. بۇل كۇن ورازا ايت، چىن چۋانگو سايباق رايونى حوتان كوشەسى الەۋمەتتىك اۋماعىنىڭ تۇرعىنى قىمىزحان قادردىڭ ۇيىنە كەلىپ، ولارعا شىن ىقىلاستى مەرەكەلىك تىلەك جەتكىزدى ءارى اۆتونوميالى رايوندىق پارتكوم جانە ۇكىمەت اتىنان تۇتاس رايونداعى ءار ۇلت حالىق بۇقاراسىنا مەرەكەلىك ىزگى تىلەك ءبىلدىردى.

  □ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 13 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، پارتيا تاريحىن ۇيرەنۋ تاربيەسىن ورىستەتۋدى وراي ەتىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  چىن چۋانگو سايباق رايونى حوتان كوشەسى الەۋمەتتىك اۋماعىنا كەلىپ، الەۋمەتتىك اۋماقتاعى پارتيا مۇشەلەرىن، بۇقارا قىزمەت وتەۋ ورتالىعى، بالالار قيمىل ءۇيى، كوركەم جازۋ - سۋرەت، كىتاپ وقۋ ءۇيى سياقتىلارعا كىرىپ، الەۋمەتتىك اۋماق كادرلارىمەن، ءبىرىنشى شۋجيمەن، ءار ۇلت بۇقاراسىمەن ىقىلاستى اڭگىمەلەسىپ، الەۋمەتتىك اۋماقتىڭ باسقارۋ، قىزمەت وتەۋ جاعدايىن ەگجەي - تەگجەيلى ۇعىستى. چىن چۋانگو بىلاي دەدى: پارتيا قۇرىلىسىن جەتەكشى ەتىپ، نەگىزگى ساتىنىڭ قوعامدىق جونگە سالۋ سىندى وسى ءتۇبىرلى نەگىزدى ۇزدىكسىز بەكەمدەپ، الەۋمەتتىك اۋماقتىڭ باسقارۋ جانە قىزمەت وتەۋ جۇيەسىن اقاۋسىزداندىرىپ، قوعامنىڭ الەۋمەتتىك قىزمەت وتەۋ قابىلەتىن كۇشەيتىپ، ىشكەرىلەي ورىستەتىلىپ جاتقان پارتيا تاريحىن ۇيرەنۋ تاربيەسىمەن تىعىز ۇشتاستىرىپ، نەگىزگى ساتىنىڭ نەگىزدىك قۇرىلىسىن ۇزدىكسىز كۇشەيتىپ، ءوز قىزمەت ورنىن تياناق ەتىپ حالىق ءۇشىن قىزمەت ىستەپ، نەگىزگى ساتىنىڭ قيىن ىستەرىن، بۇقارانى مازالاپ وتىرعان ىستەردى زەيىن - زەردەنى، سۇيىسپەنشىلىكتى، كۇش - قۋاتتى ارناي وتىرىپ شەشۋ كەرەك.

  بۇگىن ورازا ايت، 73 جاستاعى الەۋمەتتىك اۋماق تۇرعىنى قىمىزحان قادر جانە ۇلى، كەلىنى، قىزى، نەمەرە قىزى ءبىر ءۇيلى جان ءبىر اراعا باس قوسىپ، شاتتىققا شومدى. چىن چۋانگو ۇيلەرىنە كەلىپ، ولارعا شىن ىقىلاستى مەرەكەلىك تىلەك جەتكىزدى ءارى اۆتونوميالى رايوندىق پارتكوم جانە ۇكىمەت اتىنان تۇتاس رايونداعى ءار ۇلت حالىق بۇقاراسىنا مەرەكەلىك ىزگى تىلەك ءبىلدىردى. چىن چۋانگو ءبىر ءۇيلى جانمەن قورالاي وتىرىپ، قارتتىڭ دەنساۋلىق جاعدايى مەن بالالارىنىڭ قىزمەت، ۇيرەنۋ، تۇرمىس جاعدايىن دەن قويا سۇراستىرىپ، ءبىر ءۇيلى جاننىڭ تۇرمىسىنىڭ بارعان سايىن جاقسى بولۋىن تىلەدى.

  شيداچياۋ وڭتۇستىك مەشىتىندە چىن چۋانگو ءدىني قيمىلداردىڭ ورىستەتىلۋ جاعدايىن ەگجەي - تەگجەيلى ۇعىستى. ول بىلاي دەدى: پارتيانىڭ ءدىني سەنىم ەركىندىگى ساياساتىن جاپپاي دايەكتىلەندىرىپ، دىنگە سەنەتىن بۇقارانىڭ قالىپتى ءدىني قيمىلدارى مەن ءدىني قاجەتىن زاڭ بويىنشا قامتاماسىز ەتۋ كەرەك. ءدىن سالاسىنداعى قالىڭ قايراتكەرلەر وتاندى ءسۇيۋ، ءدىندى قادىرلەۋ تاماشا ءداستۇرىن جالعاستى اسقاقتاتىپ، دىنگە سەنەتىن ءار ۇلت بۇقارانى قوعام ورنىقتىلىعى مەن باياندى تىنىشتىقتى جۇزەگە اسىرۋعا بەلسەندى ۇلەس قوسۋعا جەتەكتەۋ كەرەك.

  چىن چۋانگو تاعى شينجياڭ ءىسلام ءدىنى شۋەيۋانىنا كەلىپ، ءار ۇلت وقىتۋشى - وقۋشىلارمەن بەتپە - بەت اڭگىمەلەسىپ، شۋەيۋان قۇرىلىسى، ساباق ورنالاستىرۋ، باۋلۋ، تاربيەلەۋ سياقتى جاعدايلاردى ىشكەرىلەي ۇعىستى. ول بىلاي دەدى: مەكتەپ باسقارۋ دەڭگەيىن ۇزدىكسىز جوعارىلاتىپ، ساياسيدا سەنىمدى، ءدىني ماعلۇماتى بار، ءمورال جاعىندا جۇرتتى يلاندىرا الاتىن، شەشۋشى ساتتە رول اتقارا الاتىن ءدىن وقىتۋشى - قىزمەتكەرلەرىن شىنايى جەتىلدىرۋ كەرەك.

  چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، تاريحتى ۇيرەنۋ ارقىلى قاعيدانى ءتۇسىنۋدى، تاريحتى ۇيرەنۋ ارقىلى سەنىمدى ارتتىرۋدى، تاريحتى ۇيرەنۋ ارقىلى ءمورالدى اسقاقتاتۋدى، تاريحتى ۇيرەنۋ ارقىلى ۇمتىلا ىستەۋدى شىنايى ورىنداپ، پارتيا تاريحىن ۇيرەنىپ، يدەيانى ءتۇسىنىپ، ناقتى ءىس ىستەپ، جاڭا جاعداي اشۋ كەرەك. نەگىزگى ساتىنىڭ نەگىزىن بەكەمدەۋگە كۇش سالىپ، نەگىزگى ساتىنىڭ ۇيىمدىق قابىلەتىن ءوسىرۋدى ءتۇيىن ەتىپ، بۇقارامەن بايلانىس ورناتۋ، بۇقاراعا قىزمەت وتەۋ جاعىندا كوبىرەك سۇيىسپەنشىلىك ارناپ، بۇقارانى ۇگىتتەۋ، تاربيەلەۋ جاعىندا زەيىن - زەردەنى كوبىرەك جۇمساپ، بۇقارانى ۇيىمداستىرۋ، ۇيىستىرۋ جاعىندا كوبىرەك كۇش جۇمساپ، باسقارۋ، قىزمەت وتەۋ دەڭگەيى مەن جونگە سالۋ ونىمدىلىگىن جوعارىلاتىپ، نەگىزگى ساتى پارتيا ۇيىمدارىن بەرىك جاۋىنگەر قامال ەتىپ قۇرىپ شىعۋ كەرەك. حالىق تۇرمىسىنداعى ناقتى ىستەردى شىنايى ويداعىداي ىستەپ، حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جەتكىزۋ ينجەنەريالارىن ىشكەرىلەي اتقارىپ، جۇمىستاندىرۋ، كىرىستى ارتتىرۋ ارناسىن ۇزدىكسىز كەڭەيتىپ، ءار ۇلت بۇقاراسىنىڭ ءوندىرىس، تۇرمىس شارت - جاعدايىن جاقسارتىپ، ەرەكشە قيىنشىلىعى بار توپتى تومەنگى شەكتەن تۇسىرمەي قامتاماسىز ەتۋدى كۇشەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ۇلتتار ىنتىماعىن بەكەمدەپ، كۇشەيتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ىشكەرىلەي ورىستەتىپ، ءار ۇلتتىڭ كەڭىنەن ارالاسۋىن، جان - جاقتى ىشتەسۋىن، تەرەڭ توعىسۋىن جەبەپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. ءدىننىڭ اقاۋسىز دامۋىن جەبەپ، پارتيانىڭ ءدىن قىزمەتى نەگىزگى باعىتىن جاپپاي دايەكتىلەندىرىپ، شينجياڭدا ءىسلام ءدىنىن جۇڭگوشالاندىرۋ بەتالىسىنا تاباندى بولىپ، ءدىندى سوتسياليستىك قوعامعا ۇيلەسۋگە بەلسەنە جەتەكتەۋ كەرەك. پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، پارتيانىڭ تاريحى مەن پارتيانىڭ جاسامپاز نازارياسىن ىشكەرىلەي جۇيەلى ۇيرەنىپ، ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن كەڭ كولەمدە ورىستەتىپ، ءار ۇلت بۇقاراسىنا ناقتى ونىمدىلىكتى شىنايى سەزىندىرۋ كەرەك. ءتۇيىندى قىزمەتتى ءبىر تۇتاس جوسپارلاپ ىلگەرىلەتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى، ەكونوميكانىڭ جوعارى ساپالى دامۋى سياقتى قىزمەتتەردى تىڭعىلىقتى ويداعىداي ىستەۋ كەرەك.

  اۆتونوميالى رايوننىڭ ورىنباسار ءتوراعاسى جاروللا يسامدين قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.