تيانشان تورى   ›   جاڭالىقتار   ›   شينجياڭ حابارلارى

ءبىز اۋەلگىدەي شينجياڭ ماقتاسىن قولداي بەرەمىز

ءۇشتۇرپان حۋاشىڭ توقىماشىلىق شەكتى سەرىكتەستىگى:

ءبىز اۋەلگىدەي شينجياڭ ماقتاسىن قولداي بەرەمىز

  جۋىقتا H&M سياقتى شەتەلدىڭ كيىم - كەشەك ماركالارى شينجياڭ ماقتاسىن شەكتەيتىندىكتەرىن مالىمدەدى، ولار شىندىقپەن ساناسپاي، قاساقانا جالا جاۋىپ، شينجياڭعا كۇيە جاقتى، بىزگە ايتىلمىس ”زورلىقپەن ەڭبەككە سالدى“ دەگەن قالپاق كيگىزدى. ءۇشتۇرپان حۋاشىڭ توقىماشىلىق شەكتى سەرىكتەستىگى بۇعان قاتتى كەكتەنەدى، باتىل قارسى تۇرادى.

  سەرىكتەستىگىمىز 2016 - جىلى 7 - ايدا تىركەۋگە الدىرىپ قۇرىلعان، باستىسى، تازا ماقتادان پايدالانىپ تىعىز توقىلاتىن ماقتا ءجىبى جەلىلەس ونىمدەرىن وندىرەدى. شينجياڭداعى وزگە دە سەرىكتەستىكتەر سياقتى سەرىكتەستىك باستان - اياق جۇمىسشى - قىزمەتكەرلەردىڭ زاڭدى ۇقىعىن كۇش سالا قورعاپ، ”جۇڭحۋا حالىق رەسپۋبليكاسىنىڭ ەڭبەك زاڭى“ سياقتى زاڭ، زاڭ ەرەجەلەردى قاتاڭ اتقارىپ، لايىقتى جاستاعى ەڭبەككۇشتەردى جۇمىسقا قابىلداپ، اۋىل - قىستاقتاعى ارتىق ەڭبەككۇشتەردىڭ جۇمىستانۋىن بەلسەنە شەشتى. سەرىكتەستىك جۇمىسشى - قىزمەتكەرلەرمەن تەپە - تەڭ بولۋ، ءوز ەركى بولۋ العى شارتىندا ەڭبەك توقتامىنا قول قويىپ، ”بەس ءتۇرلى قامسىزداندىرۋدى“ ۋاقىتىندا تولىق تاپسىردى. ەڭبەكاقى بولىسىندە سەرىكتەستىك ”كوپ ىستەگەن كوپ الۋ، ەڭبەگىنە قاراي ءبولۋ“ پرينسيبىن اتقارىپ، ءاربىر جۇمىسشى - قىزمەتكەردىڭ ءوندىرىس مىندەتىن ورىنداۋ جاعدايىنا نەگىزدەلىپ، سايكەستى ەڭبەكاقى مامىلەسىن بەردى.

  سەرىكتەستىگىمىزدىڭ 1 - مەرزىمدىك نىسانى 2019 - جىلى 1 - ايدا رەسمي وندىرىسكە قوسىلدى، جالپى 300 ميلليون يۋان قارجى قوسىلدى، قۇرىلىس كولەمى 30 مىڭ شارشى مەتر، قازىر جيىنى 320دان استام جۇمىسشى - قىزمەتكەر بار. سەرىكتەستىك قۇرىلعاننان بەرى جيىنى جەرگىلىكتى ورىنداعى 150 كەدەي وتباسىن ورنالاستىرىپ، بۇقارادان 2000نان استام ادامنىڭ جۇمىستانۋىن شەشتى. ءبىز قابىلداعان جۇمىسشى - قىزمەتكەرلەردى تەگىن تاماقپەن، جاتاقپەن قامدادىق، جۇمىسشى - قىزمەتكەرلەردىڭ جىلدىق كىرىسى 35 مىڭ يۋاننان تومەن ەمەس. 2020 - جىلى سەرىكتەستىگىمىز جيىنى 3500 توننا ماقتا ءجىبىن ءوندىرىپ، شيكىزاتتىڭ بارلىعىن شينجياڭنىڭ ماقتاسىنان پايدالاندى. سەرىكتەستىكتىڭ 2 - مەرزىمدىك نىسانىنا جالپى 420 ميلليون يۋان قارجى قوسىلعان، قۇرىلىس كولەمى 43 مىڭ شارشى مەتر، مەجەمەن 2021 - جىلى 12 - ايدا رەسمي وندىرىسكە قوسىلادى، وندىرىسكە قوسىلعاننان كەيىن تاعى دا 500دەي ادامنىڭ جۇمىستانۋ ماسەلەسىن شەشىم ەتەدى.

  شينجياڭنىڭ جەرگىلىكتى كاسىپورنى رەتىندە، ءبىز ءوزىمىزدىڭ مەكەنىمىزگە قاساقانا كۇيە جاعۋعا مۇلدەم جول بەرمەيمىز! ءبىز اۋەلگىدەي ءبىزدىڭ شينجياڭنىڭ ماقتاسىن قولداي بەرەمىز.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.