”ءىرى ىستەردى ورىنداۋ ءۇشىن قۇربان بەرۋدەن تايىنبايمىن“

ياڭ كايحۇي:

”ءىرى ىستەردى ورىنداۋ ءۇشىن قۇربان بەرۋدەن تايىنبايمىن“

ياڭ كايحۇيدىڭ سۋرەتى. □ شينحۋا اگەنتتىگى تاراتقان

□ شينحۋا اگەنتتىگىنىڭ ءتىلشىسى / ليۋ لياڭحىڭ

　　”ءسىز ايرىلىپ ليىڭىزدەن، مەن ايرىلدىم كەربەز ياڭنان، قالقي ۇشىپ توعىز قابات كوككە جەتتى ولار مۇنان...“ سەبەزگىلەگەن جاڭبىردا، قاراعاي، ارشالار اراسىندا، ياڭ كايحۇي قۇرباننىڭ قابىرى جىم - جىلاس ايبات تانىتىپ تۇر، ىززەت - قۇرمەتپەن ازا بىلدىرۋگە كەلگەن قوعامنىڭ ءار سالاسىنداعى قايراتكەرلەردىڭ اياعى ۇزىلمەيدى، قابىردىڭ ارت جاعىنداعى مىرامور قابىرعاعا ويىلعان ماۋ زىدۇڭنىڭ «گۇلگە عاشىق كوبەلەك. لي شۋ - يعا جاۋاپ» اتتى ولەڭى ادامداردىڭ وي - قيالىن ”حۋناندىق ايەل ارداگەر“ ياڭ كايحۇي كۇرەس جۇرگىزگەن جىلدارعا جەتەلەيدى.

　　ياڭ كايحۇي 1901 - جىلى حۋنان چاڭشا اۋدانى چيڭتاي اۋىلىنىڭ بانساڭ (قازىرگى كايحۇي قالاشىعىنىڭ كايحۇي قىستاعى) دەگەن جەرىندە دۇنيەگە كەلگەن. اكەسى ياڭ چاڭجي يدەياسى العاباسار وقىمىستى، پەداگوگ بولعان. 1913 - جىلى ياڭ چاڭجي حۋنان ولكەلىك 1 - شىفانعا بارىپ وقىتۋشى بولادى، ياڭ كايحۇي اكەسىمەن بىرگە چاڭشاعا بارادى ءارى سول جەردە ماۋ زىدۇڭمەن تانىسادى.

　　1918 - جىلى ياڭ چاڭجي بەيجيڭ داشۋەسىندە وقىتۋشىلىق ىستەيدى. سول جىلى 9 - ايدا ماۋ زىدۇڭ دا فرانسياعا بارىپ ىستەي ءجۇرىپ وقيتىنداردى ۇيىمداستىرۋ جۇمىسىمەن بەيجيڭگە كەلەدى. وسى مەزگىلدە ماۋ زىدۇڭ مەن ياڭ كايحۇيدىڭ ارالاستىعى ونان ارى كوبەيەدى ءارى ماحابباتقا ۇلاسادى.

　　1920 - جىلدىڭ باسىندا ياڭ چاڭجي باقىتقا قارسى اۋرۋدان قايتىس بولىپ، ياڭ كايحۇي حۋناننىڭ چاڭشاسىنا قايتادى. سول جىلى 8 - ايدا ماۋ زىدۇڭ چاڭشادا مادەنيەت باسپاسىن قۇرادى، ياڭ كايحۇي قارجىلاي كومەكتەسەدى ءارى باسپانىڭ قيمىلدارىنا ات سالىسادى. 1920 - جىلدىڭ قىسىندا ياڭ كايحۇي جۇڭگو سوتسياليستىك جاستار وداعىنا كىرىپ، حۋنانداعى تۇڭعىش توپتاعى وداق مۇشەلەرىنىڭ ءبىرى بولادى. ءدال وسى كەزدە ول ماۋ زىدۇڭمەن چاڭشادا قاراپايىم ۇيلەنۋ سالتىن وتكىزىپ، توڭكەرىستىك سەرىكتەرگە اينالادى.

　　1922 - جىلى ياڭ كايحۇي جۇڭگو كوممۋنيستىك پارتياسىنا مۇشە بولادى. سول جىلى ماۋ زىدۇڭ حۋناندا جۇڭگو كوممۋنيستىك پارتياسى حۋنان رايوندىق كوميتەتىن قۇرىپ، رايوندىق كوميتەتتىڭ شۋجيى بولادى، ياڭ كايحۇي رايوندىق كوميتەتتىڭ قۇپيا جۇمىستارى مەن قاتىناس - بايلانىس قىزمەتىنە جاۋاپتى بولىپ، حاتشىلىق، قۇپيا جۇمىستار، حۇجات باسۋ، بايلانىس جاساۋ، جالپىلىق ىستەرى سياقتى كوپتەگەن مىندەتتەردى اتقارىپ، ماۋ زىدۇڭنىڭ مىقتى كومەكشىسىنە اينالادى.

　　1923 - جىلى 4 - ايدا ماۋ زىدۇڭ شاڭحايعا پارتيا ورتالىق كوميتەتىنىڭ قىزمەتىن ىستەۋگە بارادى. ياڭ كايحۇي ۇلدارى ماۋ انيىڭ، ماۋ انچيڭدەردى الىپ شاڭحايعا كەلىپ، ماۋ زىدۇڭنىڭ قىزمەتىنە كومەكتەسەدى ءارى شياڭ جيڭيۇيمەن بىرگە ايەل جۇمىسشىلار كەشكى مەكتەبىن ۇيىمداستىرادى.

　　1925 - جىلى 2 - ايدا ياڭ كايحۇي ماۋ زىدۇڭعا ىلەسىپ شاۋشانعا قايتىپ شارۋالار قوزعالىسىن ورىستەتىپ، ماۋ زىدۇڭنىڭ شارۋالار كەشكى مەكتەبىن قۇرۋىنا كومەكتەسەدى ءارى تاربيەشى بولادى. سول جىلى 12 - ايدا ياڭ كايحۇي شاۋشاننان گۋاڭجوۋعا اۋىسىپ ماۋ زىدۇڭنىڭ ماتەريال جيناپ، رەتتەپ، ماقالالار جازۋىنا كومەكتەسىپ، بايلانىس قىزمەتىنە جاۋاپتى بولادى.

　　1927 - جىلدىڭ باسىندا ماۋ زىدۇڭ حۋنان شارۋالار قوزعالىسىنا تەكسەرۋ جۇرگىزەدى، ياڭ كايحۇي قىرۋار تەكسەرۋ ماتەريالدارىن تۇرگە ءبولىپ رەتتەپ، رەتتى ەتىپ كوشىرىپ شىعادى.

　　زور توڭكەرىس جەڭىلىسكە ۇشىراعان سوڭ ماۋ زىدۇڭ پارتيانىڭ 7 - تامىز ءماجىلىسىنىڭ نۇسقاۋىنا ساي، حۋنان - جياڭشي شەكاراسىنداعى كۇزگى جيىن - تەرىن كوتەرىلىسىنە باسشىلىق ەتەدى، ياڭ كايحۇي 3 بالاسىن الىپ چاڭشانىڭ بانساڭىنا قايتىپ جاسىرىن كۇرەس ورىستەتەدى.

　　1930 - جىلى 10 - ايدا ياڭ كايحۇي قولعا الىنادى. جاۋ ماۋ زىدۇڭنىڭ قايدا ەكەنىن سۇراپ، ونى ماۋ زىدۇڭمەن ەرلى - زايىپتىلىق قاتىناسىن ۇزگەندىگىن اشىق جاريالاۋعا قىسايدى. ياڭ كايحۇي: ”ءىرى ىستەردى ورىنداۋ ءۇشىن قۇربان بەرۋدەن تايىنبايمىن“، ”دۇنيە كۇيىپ كەتسە دە، ماۋ زىدۇڭمەن ەرلى - زايىپتىلىق قاتىناسىمدى ۇزبەيمىن!“، - دەيدى باتىل تۇردە.

　　1930 - جىلى 11 - ايدىڭ 14 - كۇنى ياڭ كايحۇي چاڭشا ليۋياڭمىننىڭ سىرتىنداعى شىزىليڭدە قۇربان بولادى، سول كەزدە نەبارى 29 جاستا ەدى.

　　ياڭ كايحۇي قۇربان بولعان سوڭ تۋعان جەرى بانساڭعا جەرلەنەدى. بۇگىنگى كۇندە ياڭ كايحۇي قۇرباننىڭ بايىرعى تۇراعى، قابىرى، كورمەسى، سونداي - اق ياڭگۇڭمياۋ بۇتحاناسىنان قۇرالعان ياڭ كايحۇي ەسكەرتكىش سارايى جۇڭگوداعى 100 قىزىل ساياحات كلاسسيكالىق كورىنىس وڭىرلەرىنىڭ ءبىرى بولىپ وتىر.

　　ءتىلشىنىڭ ۇعىسۋىنشا، سوڭعى جىلدارى كايحۇي قالاشىعى قىزىل ساياحات كاسىبىن بەلسەنە جەتىلدىرىپ، دامىتىپ، حۋنان ولكەسى بويىنشا 2020 - جىلعى 10 ۇلكەن ەرەكشە مادەنيەت ساياحات شاعىن قالاشىعى بولىپ باعالانعان. 2020 - جىلى كايحۇي قالاشىعى 2 ميلليوننان استام ادام - رەت ساياحاتشى قابىلداعان.

　　(شينحۋا اگەنتتىگىنىڭ 5 - ايدىڭ 13 - كۇنى چاڭشادان بەرگەن حابارى)