تيانشان تورى   ›   جاڭالىقتار   ›   شينجياڭ حابارلارى

ءداۋىر رۋحىن اسقاقتاتۋدىڭ تىڭ باستاماسى

كوكتوعاي كادرلار شۋەيۋانى:

ءداۋىر رۋحىن اسقاقتاتۋدىڭ تىڭ باستاماسى

  جاتتىعۋعا قاتىناسقان كۋرسانتتار كوكتوعاي كادرلار شۋەيۋانىنىڭ ناقتى ورىن وقىتۋ ءتۇيىنى كوكتوعاي 3 - ءنومىرلى كەن جۇلگەسىن ەكسكۋرسيالاۋدا.

  □ سۋرەتتى كوكتوعاي كادرلار شۋەيۋانى بەرگەن

□ انار بۇلت / شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى حۋ جينلياڭ

  كوكتوعاي اۋدانىنىڭ كوكتوعاي قالاشىعى كەننىڭ ارقاسىندا قۇرىلعان شاعىن قالاشىق. سول جىلدارى كەن بايلىعىمەن اتى الەمگە جايىلعان ول ەلىمىزدىڭ ”ەكى بومبى، ءبىر جاساندى سەرىگىنە“ كەم بولسا بولمايتىن شيكىزاتىن تارتۋ ەتتى، ول كەزىندە ەلىمىز سوۆەت وداعىنىڭ قارىزىن قايتارعاندا ماڭىزدى ورىندى يەلەگەن.

  بۇگىنگى كوكتوعاي قىزىل مادەنيەت تىرەك بولعان ءداۋىر رۋحىن اسقاقتاتقان جاڭا ءبىر بيىككە اينالىپ، كوكتوعاي كادرلار شۋەيۋانى ”جاڭا داۋىردە كوكتوعاي رۋحىن جالعاستىرۋدىڭ“ ۇلكەن تۋىن كوتەردى.

  4 - ايدىڭ 20 - كۇنى كوكتوعاي كادرلار شۋەيۋانىنا بارىپ، گەولوگيا كورمەحاناسى، 3 - كەن جۇلگەسى، جەر استى سۋ ەلەكتر ستانسياسى سياقتى ناقتى ورىندىق وقىتۋ تۇيىندەرىنە كىرگەندە، قيالىمىز سوناۋ داڭقتى جىلداردى شارلادى.

  ”مەنىڭ اكەم كوكتوعايدىڭ ءبىرىنشى ۇرپاق كەن جۇمىسشىسى، ولاردىڭ سول داۋىرىندەگى ادامدار مەملەكەت ءۇشىن زور ۇلەس قوستى، تاعى جالپى ءۇشىن قۇربان بولعاندار دا بولدى. سول كەزدە كەن اۋماعىنداعى پارتيالى باسشى كادرلار كەن جۇمىسشىلارىنداي پارتيا ورتالىق كوميتەتىنىڭ ۇندەۋىندە كۇندىز - ءتۇنى ەرلىكپەن شايقاس جاسادى، اسىرەسە، مەملەكەت ءۇشىن سوۆەت وداعىنىڭ سىرتقى قارىزىن قايتارعان سول كەزدەردە ەڭ جاپالى ءداۋىردى وتكەردى“. 63 جاستاعى ساقا پارتيا مۇشەسى باقىتبەك جاسىمقان كوكتوعايداعى 2 - ۇرپاق كەن جۇمىسشىسى، بۇل كۇندەرى ول كوكتوعاي كادرلار شۋەيۋانىنىڭ ناقتى ورىندا ساباق وتەتىن سيلى قوناعى جانە مىندەتتى ءتۇسىندىرۋشىسى، ول ۇنەمى كوكتوعاي كادرلار شۋەيۋانىنىڭ ناقتى ورىن وقىتۋ تۇيىنىنە بارادى.

  ول بىلاي دەدى: ”اكەم قايتىس بولعاننان كەيىن، مەن ءار جىلى ونىڭ زيراتىنا بارىپ، وعان قازىرگى كوكتوعايدى اڭگىمەلەپ بەرەمىن. كەن اشىپ، قارىز قايتارۋ ءداۋىرى ءوتىپ كەتكەنىمەن، كوكتوعاي رۋحى ساقتالىپ قالىپ، سان ۇرپاق ادامدى ۇزدىكسىز العا باسۋعا جىگەرلەندىرۋدە“...

  ”باس شۋجي شي جينپيڭ قىزىل بايلىقتان ويداعىداي پايدالانۋ، قىزىل ءداستۇردى ويداعىداي ساۋلەلەندىرۋ، قىزىل گەندى ويداعىداي جالعاستىرۋ كەرەكتىگىن باسا دارىپتەدى. كوكتوعاي كادرلار شۋەيۋانى وسى باس ماقساتتان جازباي،’ جاڭا داۋىردە كوكتوعاي رۋحىن جالعاستىرۋ‘ ۇلكەن تۋىن كوتەردى“، - دەدى كوكتوعاي كادرلار شۋەيۋانى وقىتۋدى زەرتتەۋ ءبولىمىنىڭ ورىنباسار مەڭگەرۋشىسى ۋاڭ دان.

  ۋاڭ داننىڭ ايتۋىنشا، 2015 - جىلى 10 - ايدىڭ 17 - كۇنى كوكتوعاي رۋحى جانە كادرلاردى تاربيەلەۋ، باۋلۋ بازاسىن قۇرۋ زەرتتەۋ - تالقى ءماجىلىسى بەيجيڭدە وتكىزىلىپ، شينجياڭنىڭ ءىشى - سىرتىنداعى 10 نەشە ايگىلى ماماننىڭ جەتەكشىلىك ەتۋىمەن، ۇزدىكسىز نەگىزدەۋىمەن جانە ىشكەرىلەي زەرتتەپ تالقىلاۋىمەن، 2017 - جىلى 10 - ايدىڭ 9 - كۇنى كوكتوعاي كادرلار شۋەيۋانى رەسمي ماڭدايشالىق اسىپتى. شۋەيۋاننىڭ يەلەگەن جەر اۋدانى 22 مىڭ شارشى مەتر، قۇرىلىس اۋماعى 8000 شارشى مەتردەن استام، كەڭسە، باۋلۋ ءبولىمى، وقىتۋدى زەرتتەۋ ءبولىمى، ارتقى شەپ ءبولىمى، عىلمي تاپسىرمالاردى زەرتتەۋ - اشۋ ءبولىمى، سىرتپەن بايلانىس ءبولىمى سىندى 6 ءبولىم (كەڭسە) قۇرىلعان، جالپى قىزمەت ىستەپ جاتقان 17 كادر، ۇسىنىس ەتىلگەن 20 نەشە لەكتور بار.

  نەشە جىل قاجىماي قۇلشىنۋ ارقىلى كوكتوعاي كادرلار شۋەيۋانى ”5 ۇلكەن وقىتۋ بولىگى“، ”3 ۇلكەن وزەكتى ساباق“، ”8 ناقتى ورىندا وقىتۋ ءتۇيىنى“، ”11 ءتۇرلى وقىتۋ ۇلگىسى“ بار وقىتۋ جۇيەسىن قالىپتاستىرىپ، جيىنى 148 مەرزىمدىك ءار دارەجەلى، ءار ءتۇرلى كۋرستاردى قابىلداپ، 25 مىڭنان استام ادامدى تاربيەلەپ، كۇشتى اڭىس تۋدىردى، وسى سەبەپتەن دە پارتيالى كادرلاردىڭ ەلەۋلى ەڭبەكتىڭ ىزدەرىن ىزدەيتىن، سەنىمگە كۇش - قۋات قابىلدايتىن، پارتيالىلىق تاربيەسىن قابىلدايتىن ەڭ تىكە ەرەكشەلىككە يە تاربيە بازاسىنا جانە رۋحتى جالعاستىرۋدىڭ بيىگىنە اينالدى.

  كوكتوعاي كادرلار شۋەيۋانى ىلگەرىندى - كەيىندى مەملەكەتتىك ۇلتتار ىنتىماعىنداعى، العاباسارلىعىنداعى تاربيە بازاسى، ”ەكى بومبى، ءبىر جاساندى سەرىك“ وتانشىلدىق تاربيە بازاسى، اۆتونوميالى رايوندىق كادرلار قىزىل تاربيە بازاسى، مەملەكەت قورعانىسى تاربيەسىنەن ۇلگى كورسەتۋ بازاسى اتالدى، 2019 - جىلى 4 - ايدا شۋەيۋاندى ورتالىق كوميتەت ۇيىمداستىرۋ ءبولىمى ولكە، مينيسترلىك دارەجەلى پارتكومدار (پارتيا باسشىلىق گرۋپپاسى) بەكىتكەن كادرلاردىڭ پارتيالىلىق تاربيەسى بازاسى بويىنشا ەستەلىككە الىنعان تىزىمگە ەنگىزىپ، تۇتاس شينجياڭدا تىزىمگە ەنگىزىلگەن 2 پارتيالىلىق تاربيە بازاسىنىڭ بىرىنە اينالدى.

  ”كوكتوعاي كادرلار شۋەيۋانى جەرگىلىكتى ورىننىڭ مول تاريحي مادەنيەت مايەگىن تياناق ەتىپ، پارتيالىلىق تاربيەنىڭ ءمانىن ۇزدىكسىز اشىپ، پارتيالىلىق تاربيەسى ساباقحاناسىن كەڭەيتىپ، پارتيالىلىق تاربيەنى ونان ارى تەرەڭدەتىپ، ساباق زەرتتەۋ - اشۋدى كادرلار شۋەيۋانىنىڭ وزەكتى قىزمەتى ەتۋگە تاباندى بولىپ، وقىتۋ ۇلگىسىنە ىزدەنىس جاساپ، قولدانىپ، پارتيالىلىق تاربيەسىنىڭ ونىمدىلىگىن شىن مانىندە جوعارىلاتىپ، جاڭا داۋىردەگى پارتيالىلىق تاربيەسىنەن ۇلگى كورسەتۋ بازاسىن ۇزدىكسىز قۇردى جانە ىشكەرىلەي تۇلعالادى“، - دەدى ۋاڭ دان.

  ەكسكۋرسيالاۋ سىلتەمەسى

  كوكتوعاي كادرلار شۋەيۋانى التاي ايماعى كوكتوعاي اۋدانىنان شىعىس سولتۇستىككە قاراي 55 كيلومەتر جەردەگى كوكتوعاي قالاشىعىنا ورنالاسقان. قىزىل بايلىقتان ويداعىداي پايدالانۋ، قىزىل ءداستۇردى ويداعىداي ساۋلەلەندىرۋ، قىزىل گەندى ويداعىداي جالعاستىرۋ ءۇشىن، التاي ايماقتىق پارتكوم كوكتوعاي كادرلار شۋەيۋانى قۇرىلىسىن بار كۇشپەن ىلگەرىلەتتى، نەشە جىلدىق قاجىماي قۇلشىنۋ جانە دەن قويا دايىندالۋدىڭ ارقاسىندا كوكتوعاي كادرلار شۋەيۋانى 2017 - جىلى بەكىتىلىپ، قۇرىلدى. شۋەيۋان ىلگەرىندى - كەيىندى مەملەكەتتىك ۇلتتار ىنتىماعىنداعى، العاباسارلىعىنداعى تاربيە بازاسى، ”ەكى بومبى، ءبىر جاساندى سەرىك“ وتانشىلدىق تاربيە بازاسى، اۆتونوميالى رايوندىق كادرلار قىزىل تاربيە بازاسى، مەملەكەت قورعانىسى تاربيەسىنەن ۇلگى كورسەتۋ بازاسى اتالدى. كوكتوعاي كادرلار شۋەيۋانىنىڭ ناقتى ورىن وقىتۋ ءتۇيىنى: 3 - ءنومىرلى كەن جەلىسى، گەولوگيا كورمەحاناسى، جەر استى سۋ ەلەكتر ستانسياسى، ايگوز كەن ۇڭگىرى، كونە اعاش كوپىر، 8766 كەن سۇرىپتاۋ زاۆودى، ماشينا زاۆودى، انگۇيحۋاي كورمە زالى كۇنى بويى اشىق، ەكسكۋرسيالاۋ ۋاقىتى ساعات 10نان 20عا دەيىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.