تيانشان تورى   ›   جاڭالىقتار   ›   شينجياڭ حابارلارى

ايتىلمىس ”زورلىقپەن ەڭبەككە سالۋ“ بارىپ تۇرعان ماسقارالىق

□ قاعىلىق اۋدانىنداعى ماقتاشى اجامەت سەيىت

  مەنىڭ اتىم اجامەت سەيىت، قاعىلىق اۋدانىنىڭ ديقانىمىن. 2005 - جىلدان باستاپ ماقتا ەكتىم، 10 نەشە جىل بولدى، جەر جىرتۋ، تۇقىم سەبۋ، ءدارى شاشۋ، شىرپۋ، وتاۋ، سۋارۋ، تىڭايتقىش بەرۋ، تەرۋ، ماقتا ەگۋدىڭ ءاربىر قادامى مەنىڭ جادىمدا، جارتىلاي مامانمىن دەسەم دە بولادى. ماقتا ەگۋ مەنىڭ كىرىسىمدى بارعان سايىن جوعارىلاتۋىما، تۇرمىسىمدى بارعان سايىن جاقسارتۋىما مۇمكىندىك جاسادى.

  جاقىندا كەيبىر شەتەل كاسىپورىندارى شينجياڭ ماقتا وندىرىسىندە ايتىلمىس ”زورلىقپەن ەڭبەككە سالۋ“ ساقتالىپ وتىر دەگەندى جەلەۋ ەتىپ شينجياڭ ماقتاسىن شەكتەگەندىگىن ەستىپ، اشۋدان جارىلارداي بولدىم، بۇل ءبىزدىڭ قازانىمىزدى شاققاندىق قوي!

  وتباسىمدا جالپى 415 مۋ ماقتالىق جەر بار، ءار جولعى ماقتا تەرۋ ماۋسىمى كەلگەن سايىن وتە كوپ ماقتا تەرۋشىگە ماقتا تەرگىزەمىن، قاۋىرت مەزگىلدە اتىزىما كەلىپ ماقتا تەرۋشىلەردىڭ سانى 100 ادامعا جەتەدى. مەن ماقتا تەرۋشىلەردى ىشەر اسپەن، جاتىن ورىنمەن قامدايمىن، ولاردىڭ ەڭبەك ۋاقىتىن ەرىكتى ورنالاستىرۋىنا مۇمكىندىك جاسايمىن، تەرگەن ماقتاسىنىڭ مولشەرىنە قاراي ەڭبەكاقىسىن ەسەپتەيمىن، جەرگىلىكتى، وزگە جەردەگى جۇمىسشىلاردا كەلگىسى كەلەدى، كەيبىرەۋى جىلدا كەلەدى. ولاردىڭ ءاربىرى كۇنىنە ورتاشا ەسەپپەن 150 يۋان اينالاسىندا اقشا تابادى، 45 كۇندىك جۇمىس مەرزىمىندە ءاربىر ماقتا تەرەتىن جۇمىسشى نەگىزىنەن 7000 يۋاننان استام ەڭبەكاقى الىپ ۇيىنە قايتادى. ارينە، ءوزىمنىڭ كىرىسىم دە مول. مەن جانە اۋىلداستارىم تۇگەلدەي ماقتاعا سۇيەنىپ اقشا تابامىز،”زورلىقپەن ەڭبەككە سالۋ“ دەگەن سوندا قايدان كەلەدى؟

  ماقتا ەككەنىمە 10 نەشە جىل بولدى، ماقتا ماعان جانە ماقتا تەرەتىن جۇمىسشىلارعا كىرىس الا كەلەدى، كوپشىلىكتىڭ تۇرمىسىن بارعان سايىن بايىتتى، بۇل نەدەگەن جاقسى جاعداي دەسەڭىزشى! اناۋ شەتەل كاسىپورىندارى مۇنى ”زورلىقپەن ەڭبەككە سالۋ“ دەپ جالا جاۋىپ وتىر، بۇل بارىپ تۇرعان ماسقارالىق قوي. بۇل شينجياڭنىڭ گۇلدەنۋىن، ورنىقتىلىعىن بۇلدىرگىسى، ءبىزدىڭ باقىتتى تۇرمىسىمىزدى ويرانداعىسى كەلگەندىك قوي؟ ۇيىقتاماي ءتۇس كورگەندىك! مەن ۇزدىكسىز ماقتا ەگىپ، ماقتا تەرەتىن جۇمىسشىلاردى جۇمىستانۋ ورايىمەن قامداي بەرەمىن، ءبىز شالقىعان تۇرمىسىمىز ارقىلى بۇكىل دۇنيە جۇزىنە ايتىلمىس ”زورلىقپەن ەڭبەككە سالۋدىڭ“ ماسقارالىق ەكەندىگىن دالەلدەيمىز!

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.