لوپنۇر اۋدانى فۋدى توقىماشىلىق شەكتى جاۋاپكەرشىلىك سەرىكتەستىگى:
وسەك - اياڭدى شىندىق ارقىلى اشكەرەلەيمىز
تاياۋدا H&M، نايكى سياقتى كەيبىر شەتەل كاسىپورىندارى شينجياڭدا ايتىلمىس ”زورلىقپەن ەڭبەككە سالۋ“ ساقتالىپ وتىر دەگەندى سىلتاۋ ەتىپ، شينجياڭ ماقتاسىن شەكتەدى، بۇل بۇكىلدەي شىلعي وسەك - اياڭ جانە جالا جابۋ. مۇنداي شىندىقپەن ساناسپاي، شينجياڭنىڭ ماقتا كاسىپ سالاسىنا كۇيە جاعاتىن ارەكەتكە فۋدى توقىماشىلىق شەكتى جاۋاپكەرشىلىك سەرىكتەستىگىمىز باتىل قارسى تۇرادى.
سەرىكتەستىگىمىز ماقتانى جيىپ ساتىپ الۋ، مانەرلەۋ جانە ماقتا ونىمدەرىن ءوندىرۋ ءبىر تۇلعالانعان شينجياڭنىڭ جەرگىلىكتى كاسىپورنى. شينجياڭنىڭ ۇزىن تالشىقتى ماقتاسى ساپالى، تالشىعى جۇمساق ءارى ۇزىن، اپپاق جىلتىراپ تۇرادى، سەرپىمدىلىگى دە تاماشا، جۇرتتىڭ ءبارى القايدى. تالاي جىلدان بەرى سەرىكتەستىگىمىز لوپنۇردىڭ جەرگىلىكتى ساپالى ماقتاسىن تياناق ەتىپ، ونىمدەرىنىڭ ساپاسىن ۇزدىكسىز جوعارىلاتىپ، ساتۋ ارناسىن ۇزدىكسىز كەڭەيتىپ، كاسىپورىننىڭ دامۋى ورنىقتى ىلگەرىلەدى. كەزەكتە سەرىكتەستىكتىڭ ءوندىرىسى بۇكىلدەي ماشينالاسۋدى نەگىزىنەن جۇزەگە اسىرىپ، ماقتا تايلاۋ ءوندىرىس جەلىسى 12 اداممەن عانا ماقتا سالۋ، ارالاسپالاردى تازالاۋ، ماقتا ۇرىعىنان ايىرۋ، ماقتا تالشىقتاۋ، دوربالاۋ سياقتى تۇتاس ءوندىرىس بارىسىن ورىنداي الادى.
سەرىكتەستىگىمىز قىزمەتكەرلەردى تاڭداپ ىستەتۋمەن قاتار، قىزمەتكەرلەر دە ءبىزدى تاڭدايدى. ەڭبەكاقى مامىلەسى، قىزمەت ورتاسى، ەڭبەك سالماعى، تاماق، جاتىن ورىن شارت - جاعدايى سياقتىلار اشىق قابىلداۋ كەزىندەگى ەڭ نازار اۋدارىلاتىن مازمۇندار. قىزمەتكەرلەردى الىپ قالۋ ءۇشىن، سەرىكتەستىك ەڭبەكاقى مامىلەسىن جوعارىلاتۋمەن قاتار، ءوندىرىس جابدىقتارىن بەلسەنە جاڭالاپ، ەڭبەك سالماعىن جەڭىلدەتتى، سونىمەن ءبىر ۋاقىتتا، ەڭبەكاقىنى ۋاعىندا، تولىق تاراتۋ نەگىزىندە جۇمىسقا تولىق شىعۋ سيلىعى، وزات قىزمەتكەر سيلىعى سياقتى شابىتتاندىرۋ سيلىقتارىن ورنالاستىردى. سەرىكتەستىك قىزمەتكەرلەردىڭ قىزمەتىنە جانە تۇرمىسىنا قامقورلىق جاساپ، كوڭىل ءبولىپ، قىزمەتكەرلەردىڭ قىزمەت قىزعىندىلىعىن قاۋلاتىپ، تەحنيكادا ىسىلعان، مول تاجىريبەلى ساقا قىزمەتكەرلەر سەرىكتەستىكتىڭ ماڭىزدى بايلىعىنا اينالدى. ماقتا مانەرلەۋ ماۋسىمدىق قىزمەت بولعاندىقتان، ساقا قىزمەتكەرلەر يبىراھىم وسمان سەرىكتەستىكتىڭ ءوندىرىسى توقتاعان كەزدە لوپنۇر اۋدانىنداعى لوپنۇرلىقتار قىستاعى كورىنىس وڭىرىندە ساياحات سەرۋەن ماشيناسىن جۇرگىزەدى، كىرىسى دە وتە جاقسى. الايدا، ءار جىلعى ءوندىرىس باستالعان كەزدە ول قىزمەت ورنىنا دەرەۋ قايتىپ كەلەدى.
مىنە بۇل ءبىزدىڭ شينجياڭ ماقتا توقىماشىلىق كاسىپورىندارىمىزدىڭ جۇمىسشى ىستەتۋدەگى ناعىز جاعدايى، ايتىلمىس ”زورلىقپەن ەڭبەككە سالۋ“ دەگەن مۇلدە بولعان ەمەس. ءبىز وبيەكتيۆ، ءادىل پوزيتسيا ۇستانعان بارلىق قايراتكەرلەردىڭ كاسىپورىنىمىزعا كەلىپ ارالاپ، كورىپ، شينجياڭنىڭ ءىس جۇزىندىك جاعدايىن ءوز باسىنان ۇعىسۋىن، سول وسەك - اياڭدار مەن جالا جابۋلاردى شىندىق ارقىلى اشكەرەلەپ، شينجياڭ ماقتاسىن اقتاپ شىعۋىن قارسى الامىز.
