وڭتۇستىكتىڭ سۋىن سولتۇستىككە جەتكىزۋ ينجەنەرياسى ءدوپ كەلگەن جاڭا جاعدايلارعا، جاڭا مىندەتتەرگە ىشكەرىلەي تالداۋ جاساپ، ينجەنەريا جوباسىن، قۇرىلىسىن عىلمي ىلگەرىلەتىپ، سۋ بايلىعىن شوعىرلى، ۇنەمدى پايدالانۋ دەڭگەيىن جوعارىلاتۋ كەرەك

　　شي جينپيڭ وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ماجىلىستە بىلاي دەپ باسا دارىپتەدى

　　حان جىڭ قاتىناستى ءارى ءسوز سويلەدى

　　5 - ايدىڭ 14 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حىنان ولكەسىنىڭ نانياڭ قالاسىندا وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى.

　　□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

　　□ سۋرەتتى شينحۋا اگەنتتىگىنىڭ ءتىلشسى جۇي پىڭ تۇسىرگەن

　　شينحۋا اگەنتتىگىنىڭ 5 - ايدىڭ 14 - كۇنى حىنان نانياڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 14 - كۇنى تۇستەن بۇرىن حىنان ولكەسىنىڭ نانياڭ قالاسىندا وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ جوعارى ساپالى دامۋىن ىلگەرىلەتۋ جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: وڭتۇستىكتىڭ سۋىن سولتۇستىككە جەتكىزۋ ينجەنەرياسى ستراتەگيالىق جالپى جاعدايعا سايادى، ۇزاق بولاشاقتىق دامۋعا سايادى، حالىقتىڭ قۇت - ىرىسىنا سايادى. جاڭا دامۋ كەزەڭىنە ءوتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن تۇلعالاپ، بۇكىل ەلدە ءبىر تۇتاس ءىرى بازار جانە ىركىلىسسىز ەل ءىشى ءىرى اينالىمىن قالىپتاستىرىپ، وڭتۇستىك پەن سولتۇستىكتىڭ سايكەسە دامۋىن جەبەۋ سۋ بايلىعىنىڭ پارمەندى تىرەك بولۋىن قاجەت ەتەدى. وڭتۇستىكتىڭ سۋىن سولتۇستىككە جەتكىزۋ ينجەنەرياسى ءدوپ كەلگەن جاڭا جاعدايلارعا، جاڭا مىندەتتەرگە ىشكەرىلەي تالداۋ جاساپ، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرىپ، جوعارى ساپالى دامۋ تالابى بويىنشا، دامۋ مەن حاۋىپسىزدىكتى ءبىر تۇتاس جوسپارلاپ، سۋ ۇنەمدەۋدى الدىڭعى ورىنعا قويۋ، كەڭىستىكتى تەڭگەرۋ، جۇيەلى جونگە سالۋ، ەكى جاقتان كۇش سالۋ سىندى سۋ تىزگىندەۋ وي جەلىسىنە تاباندى بولىپ، ناقتى قاجەت بولۋ، ەكولوگيالىق جاقتا حاۋىپسىز بولۋ، باياندى بولۋ سىندى ەلەۋلى سۋ يگىلىگى ينجەنەرياسىن دالەلدەۋ پرينسيبىنە بويسۇنىپ، الاپتىڭ تۇتاس تۇلعاسى مەن سۋ بايلىعى كەڭىستىگىن تەڭگەرىمدى ورنالاستىرۋدى تياناق ەتىپ، ينجەنەريا جوباسىن، قۇرىلىسىن عىلمي ىلگەرىلەتىپ، سۋ بايلىعىن شوعىرلى، ۇنەمدى پايدالانۋ دەڭگەيىن جوعارىلاتۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسكە قاتىناستى ءارى ءسوز سويلەدى.

　　اڭگىمە ماجىلىستە سۋ يگىلىگى مينيسترلىگىنىڭ مينيسترى لي گويىڭ، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ، جياڭسۋ ولكەلىك پارتكومنىڭ شۋجيى لوۋ چينجيان، حىنان ولكەلىك پارتكومنىڭ شۋجيى ۋاڭ گوشىڭ، تيانجين قالالىق پارتكومنىڭ شۋجيى لي حۇڭجۇڭ، بەيجيڭ قالالىق پارتكومنىڭ شۋجيى ساي چي، مەملەكەتتىك كەڭەستىڭ ورىنباسار زۇڭليى حۋ چۇنحۋا ءسوز سويلەدى.

　　كوپشىلىكتىڭ ءسوزىن تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: سۋ تىرشىلىكتىڭ نەگىزى، وركەنيەتتىڭ قاينارى. ەجەلدەن بەرى ەلىمىزدىڭ نەگىزگى سۋ جاعدايى باستان - اياق جازدا تاسقىن ءجۇرىپ، قىستا تارتىلىپ، سولتۇستىكتە از، وڭتۇستىكتە مول بولىپ، سۋ بايلىعىنىڭ ۋاقىت پەن كەڭىستىككە قاراي ورنالاسۋى توتەنشە بىركەلكىسىز بولىپ كەلدى. جاڭا جۇڭگو قۇرىلعاننان كەيىن پارتيامىز باسشىلىق ەتىپ زور كولەمدە سۋ يگىلىگى ينجەنەريا قۇرىلىسىن ورىستەتتى. پارتيا 18 - قۇرىلتايىنان بەرى پارتيا ورتالىق كوميتەتى سۋ اپاتىنان ساقتانۋدى جانە ونى جونگە سالۋدى، سۋ بايلىعىن ۇنەمدەۋدى، سۋ ەكولوگياسىن قورعاۋدى، قالپىنا كەلتىرۋدى، سۋ ورتاسىن وڭاۋدى ءبىر تۇتاس جوسپارلاپ ىلگەرىلەتىپ، الاپ اتتاعان، ءوڭىر اتتاعان ءبىر توپ ەلەۋلى سۋ باستاۋ، جەتكىزۋ ينجەنەريالارىن قۇردى. وڭتۇستىكتىڭ سۋىن سولتۇستىككە جەتكىزۋ − سۋ بايلىعىن الاپ اتتاپ، ءوڭىر اتتاپ ورنالاستىرۋداعى تىرەكتى ينجەنەريا. وڭتۇستىكتىڭ سۋىن سولتۇستىككە جەتكىزۋدىڭ شىعىس جەلىسىنىڭ، ورتا جەلىسىنىڭ 1 - مەرزىمدىك تۇلعالىق ينجەنەرياسى سالىنىپ سۋ جىبەرىلگەننەن بەرى، جيىنى 40 ميلليارد تەكشەمەتردەن استام سۋ جەتكىزىلىپ، تىكە يگىلىگىنە كەنەلگەن حالىق 120 ميلليونعا جەتىپ، ەكونوميكالىق، قوعامدىق دامۋ جانە ەكولوگيالىق ورتانى قورعاۋ جاقتارىندا ماڭىزدى رول اتقاردى. اماليات پارتيا ورتالىق كوميتەتىنىڭ وڭتۇستىكتىڭ سۋىن سولتۇستىككە جەتكىزۋ ينجەنەرياسى جونىندەگى شەشىمىنىڭ بۇكىلدەي دۇرىس ەكەندىگىن دالەلدەدى.

　　شي جينپيڭ بىلاي دەپ اتاپ كورسەتتى: وڭتۇستىكتىڭ سۋىن سولتۇستىككە جەتكىزۋ سياقتى ەلەۋلى ينجەنەريالاردىڭ اتقارىلۋىمەن ءبىز الاپ اتتاپ سۋ جەتكىزەتىن ەلەۋلى ينجەنەريالاردى اتقارۋدىڭ قىمباتتى تاجىريبەلەرىن توپتادىق. ءبىرىنشى، بۇكىل ەل ءبىر تۇتاس جۇيە بولۋعا، ءىشىنارالىق جاعداي جالپىلىق جاعدايعا بويسۇنۋعا، جەرگىلىكتى ورىندار ورتالىققا بويسۇنۋعا تاباندى بولىپ، بايلىقتى ورنالاستىرۋدى ورتالىق دەڭگەيىنەن ءبىر تۇتاس ساپالىلاندىردىق. ەكىنشى، كۇشتى شوعىرلاندىرىپ ءىرى ىستەر تىندىرىپ، ورتالىق دەڭگەيىنەن ءبىر تۇتاس ىلگەرىلەتىپ، قارجى، جەر سياقتى قۇرىلىس فاكتورلارىمەن شوعىرلى قامتاماسىز ەتىپ، حالىقتى كوشىرىپ ورنالاستىرۋ سياقتى قىزمەتتەردى ءبىر تۇتاس جوسپارلاپ جاقسى ىستەدىك. ءۇشىنشى، وبيەكتيۆتىك زاڭدىلىققا قۇرمەت ەتىپ، جوبالاردى عىلمي تۇردە، سالماقتىلىقپەن دالەلدەپ، ەكولوگيالىق ورتانى قورعاۋعا ءمان بەرىپ، ادام تابيعاتتى، ءسوز جوق، وزگەرتە الادى دەگەندى دارىپتەۋمەن بىرگە، ادام مەن سۋدىڭ جاراسىمدىلىعىن دا دارىپتەدىك. ءتورتىنشى، جوبالاپ ءبىر تۇتاس جەتەكشىلىك ەتىپ، چاڭجياڭ، حۋايحى، حۋاڭحى، حايحى سىندى 4 وزەن الابى سۋ بايلىعى جاعدايىن ءبىر تۇتاس جوبالاپ، قاتىستى وڭىرلەر مەن سالالاردىڭ قاجەتىنە بىردەي ءمان بەردىك. بەسىنشى، سۋ ۇنەمدەپ، لاستانۋدى جونگە سالۋعا ءمان بەرىپ، الدىمەن سۋدى ۇنەمدەپ سوڭىنان سۋ جەتكىزۋگە، الدىمەن لاستانۋدى جونگە سالىپ، سوڭىنان سۋ جىبەرۋگە، الدىمەن قورشاعان ورتانى قورعاپ، سوڭىنان سۋدان پايدالانۋعا تاباندى بولدىق. التىنشى، دۇرىس، دالمە - ءدال سۋ جەتكىزىپ، سۋ مولشەرىن ءبولۋ جوباسىن ەگجەي - تەگجەيلى جاساپ، سۋ قاينارلارىنان پايدالانۋشىعا دەيىن دالمە - ءدال رەتتەۋدى كۇشەيتتىك. بۇل تاجىريبەلەردى سوڭعى ينجەنەريا جوباسى، قۇرىلىسى بارىسىندا ويداعىداي پايدالانۋ كەرەك.

　　شي جينپيڭ بىلاي دەپ باسا دارىپتەدى: سۋ جەتكىزۋ ينجەنەرياسىن اتقارۋدى ۇزدىكسىز عىلمي ىلگەرىلەتۋدە، سۋدى ۇنەمدەۋدى جالپى بەتتىك كۇشەيتۋ، سۋ بايلىعى جاعىنداعى قاتاڭ شەكتەمەنى كۇشەيتۋ العى شارتىندا، قاجەتسىنۋ مەن قامداۋدى باسقارۋدى ءبىر تۇتاس جوسپارلاپ كۇشەيتۋ كەرەك. ءبىرىنشى، جۇيە كوزقاراسىنا تاباندى بولىپ، ماسەلەگە جۇيە نازارياسى يدەياسىمەن، ءادىس - امالىمەن تالداۋ جاساپ، قايناردى مولايتۋ مەن ۇنەمدەۋدىڭ، قور ساقتاۋ مەن مولشەردى ارتتىرۋدىڭ، ۋاقىت پەن كەڭىستىكتىڭ قاتىناسىن ويداعىداي ءبىر جاقتى ەتىپ، ينجەنەريانىڭ جالپىلىق ونىمدىلىگىن ەڭ جوعارى شەككە جەتكىزۋ كەرەك. ەكىنشى، زاڭدىلىققا بويسۇنۋعا تاباندى بولىپ، سۋ بايلىعىنىڭ ۇزاق بولاشاقتىق قامداۋ - قاجەتسىنۋ بەتالىسىنا، وڭىرلىك ورنالاسۋىنا، قۇرىلىم ەرەكشەلىگىنە تۇجىرىم جاساپ يگەرىپ، ينجەنەريا كولەمى مەن جالپى تۇلعالىق ورنالاسۋىن عىلمي تۇراقتاندىرىپ، دامۋ مەن قورعاۋدىڭ، پايدالانۋ مەن قالپىنا كەلتىرۋدىڭ قاتىناسىن ويداعىداي ءبىر جاقتى ەتۋ، ەكولوگيالىق حاۋىپسىزدىكتىڭ تومەنگى شەگىنەن استە اتتاپ وتپەۋ كەرەك. ءۇشىنشى، سۋ ۇنەمدەۋدى الدىمەن ويلاستىرۋعا تاباندى بولىپ، سۋ ۇنەمدەۋدى سۋ جەتكىزىلەتىن ءوڭىردىڭ ءتۇبىرلى شىعار جولى ەتىپ، سۋ ۇنەمدەۋ قىزمەتىن ۇزاق ۋاقىت ىشكەرىلەي جاقسى ىستەپ، سۋ بايلىعىنىڭ كوتەرىمدىلىك قابىلەتىنە نەگىزدەلە وتىرىپ قالانىڭ كەڭىستىك ورنالاسۋىن، كاسىپ سالاسى قۇرىلىمىن، حالىق سانى كولەمىن ساپالىلاندىرۋ كەرەك. ءتورتىنشى، ۇنەمدى دە ۇيلەسىمدى بولۋعا تاباندى بولىپ، ينجەنەرياعا قارجى قوسۋ مەن ونىمدىلىگىن ءبىر تۇتاس جوسپارلاپ، كوپ ءتۇرلى جوبانى سالىستىرىپ دالەلدەۋدى كۇشەيتىپ، جەرى الىنىپ كوشىرىلەتىن حالىق سانىن مۇمكىندىگىنشە ازايتۋ كەرەك. بەسىنشى، ەكولوگيالىق ورتانى قورعاۋدى كۇشەيتىپ، تاۋدى، سۋدى، ورماندى، اتىزدى، كولدى، جايلىمدى، قۇمدى ءبىر تۇلعالاندىرىپ قورعاۋعا جانە جۇيەلى جونگە سالۋعا تاباندى بولىپ، چاڭجياڭ، حۋاڭحى سياقتى ءىرى داريا، ءىرى وزەندەردىڭ سۋ قاينارىن مولايتۋدى كۇشەيتىپ، ەكولوگيانى قورعاۋ تەبىنىن ارتتىرىپ، وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ بويىنداعى سۋ بايلىعىن قورعاۋدى كۇشەيتىپ، سۋ جەتكىزۋ جەلىسىندەگى وڭىرلەر مەن سۋ جەتكىزىلەتىن وڭىرلەردەگى لاستانۋدان ساقتانۋ مەن ونى جونگە سالۋ جانە ەكولوگيالىق ورتانى قورعاۋ قىزمەتىن ۇزدىكسىز ويداعىداي يگەرۋ كەرەك. التىنشى، مەملەكەتتىڭ سۋ تورىن جەدەل ورناتىپ، ”14 - بەسجىلدىق“ مەزگىلىندە سۋ حاۋىپسىزدىگىن قامتاماسىز ەتۋ قابىلەتىن جالپى بەتتىك جوعارىلاتۋدى نىسانا ەتىپ، سۋ بايلىعىن ورنالاستىرۋ جۇيەسىن ساپالىلاندىرۋدى، الاپتاعى تاسقىننان ساقتانۋ، اپات زيانىن ازايتۋ جۇيەسىن كەمەلدەندىرۋدى ءتۇيىن ەتىپ، قور ساقتاۋ مەن مولشەردى ارتتىرۋدى ءبىر تۇتاس جوسپارلاپ، ءوزارا ۇلاستىرۋدى، تۇتاستىرۋدى كۇشەيتىپ، مەملەكەتتىڭ سۋ تورىنىڭ نەگىزگى قۇرىلىمى مەن كۇرە تامىرىن جەدەل قالىپتاستىرىپ، جاپپاي سوتسياليستىك وسىزاماندانعان مەملەكەت قۇرۋدى سۋ حاۋىپسىزدىگى جاعىنان پارمەندى قامتاماسىز ەتۋ كەرەك.

　　شي جينپيڭ بىلاي دەپ اتاپ كورسەتتى: «وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ جالپى تۇلعالىق جوباسى» جاريالانعالى 20 جىلعا جۋىق ۋاقىت بولدى، وعان نەشە ۇرپاق ادامداردىڭ ماڭداي تەرى مەن اقىل - پاراساتى ءسىڭدى. سونىمەن بىرگە، وسى جىلداردا ەلىمىزدىڭ ەكونوميكالىق جالپى مولشەرى، كاسىپ قۇرىلىمى، قالا - قالاشىقتانۋ دەڭگەيى سياقتىلار كورنەكتى جوعارىلاپ، ەلىمىز قوعامىنىڭ باستى قايشىلىعى حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى، بەيجيڭ - تيانجين - حىبەيدى سايكەستى دامىتۋ، چاڭجياڭ ەكونوميكالىق بەلدەۋىن دامىتۋ، چاڭجياڭ اتىراۋىن ءبىر تۇلعالاندىرىپ دامىتۋ، حۋاڭحى الابىنىڭ ەكولوگياسىن قورعاۋ جانە جوعارى ساپالى دامىتۋ سياقتى وڭىرلىك ەلەۋلى ستراتەگيالار ىركەس - تىركەس اتقارىلىپ، ەلىمىزدىڭ سولتۇستىگىندەگى باستى وزەن - داريالاردان، اسىرەسە، حۋاڭحى وزەنىنەن اعىپ كەلەتىن قۇم مولشەرى قاۋىرت ازايىپ، جەر استى سۋلارىن شەكتەن تىس اشۋ سياقتى سۋ ەكولوگيالىق ورتاسى ماسەلەلەرى يكەمدى وزگەردى. بۇلاردىڭ بارلىعى سۋ بايلىعىمەن قامداۋدى كۇشەيتۋگە جانە جاقسارتۋعا تىڭ تالاپتار قويدى. اۋقىمدى سالماقتىلىقپەن باعامداپ، عىلمي ورنالاستىرۋ جاساپ، شىعىس جەلى، ورتا جەلى، باتىس جەلى سىندى 3 جەلىنىڭ ءوز ەرەكشەلىكتەرىن دۇرىس يگەرىپ، جوعارى دەڭگەيدە جوبالاۋدى كۇشەيتىپ، ستراتەگيالىق ورنالاستىرۋدى ساپالىلاندىرىپ، سوڭعى ينجەنەريا قۇرىلىسىنا ءبىر تۇتاس جوسپار جاساپ جەتەكشىلىك ەتۋ جانە ىلگەرىلەتۋ كەرەك. ۇيىمدىق باسشىلىقتى كۇشەيتىپ، سوڭعى ينجەنەريا جوسپارى جوباسىن مىقتى يگەرىپ، ويداعىداي ىستەپ، تاراۋلاردىڭ، جەرگىلىكتى ورىنداردىڭ جانە مامانداردىڭ پىكىرىن سايكەستىرىپ، ەلەۋلى ماسەلەلەرگە زەرتتەۋ جۇرگىزىپ، ينجەنەريا ءتۇزىلىس - مەحانيزمىندە جاڭالىق اشىپ، ەرەكشە ساياسي جاۋاپكەرشىلىك سەزىمىمەن جانە تاريحي بورىشتىلىق سەزىمىمەن قىزمەتتەردى جاقسى ىستەپ، جاساعان جوبا - جوسپاردىڭ تاريح پەن امالياتتىڭ سىنىنان وتە الۋىنا شىنايى كەپىلدىك ەتۋ كەرەك.

　　حان جىڭ سوزىندە مىنانى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ جانە نۇسقاۋىنىڭ، بەكىتۋىنىڭ رۋحىن مۇقيات ۇيرەنىپ، دايەكتىلەندىرىپ، وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ كەلەلى ماڭىزىن تەرەڭ تانىپ، وڭتۇستىكتىڭ سۋىن سولتۇستىككە جەتكىزۋ سوڭعى ينجەنەرياسىنىڭ جوعارى ساپالى دامۋىن تىڭعىلىقتى ىلگەرىلەتۋ كەرەك. ەكولوگيالىق ورتانى قورعاۋدى كۇشەيتۋ، ينجەنەريا جوسپارىنىڭ، قۇرىلىسىنىڭ جانە جۇمىس جۇرگىزۋدىڭ جالپى بارىسىندا ادام مەن تابيعاتتىڭ جاراسىمدى قاتار ءومىر ءسۇرۋى سىندى ۇستانىمدى تولىق ايگىلەۋ كەرەك. سۋ ۇنەمدەۋدى الدىڭعى ورىنعا قويۋ باعىتىنا تاباندى بولىپ جانە دايەكتىلەندىرىپ، اناعۇرلىم قاتاڭ شارا قولدانىپ، سۋ ۇنەمدەۋ قىزمەتىن ويداعىداي يگەرىپ، سۋدى بەيپىل پايدالانۋدان، قالىپتان تىس سۋ جىبەرۋدەن باتىل ساقتانۋ كەرەك. «وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ جالپى تۇلعالىق جوباسىنىڭ» اتقارىلۋ جاعدايىن مۇقيات باعالاپ، سوڭعى ينجەنەريا جوسپارى مەن قۇرىلىس جوباسىن سالىستىرىپ دالەلدەۋدى ۇزدىكسىز تەرەڭدەتىپ، جوبانى ونان ارى ساپالىلاندىرۋ جانە كەمەلدەندىرۋ كەرەك. عىلمي پوزيتسياعا تاباندى بولىپ، وبيەكتيۆتىك زاڭدىلىققا بويسۇنىپ، قىزمەتتەردى تىڭعىلىقتى ويداعىداي ىستەۋ كەرەك. شىعىس جەلىسىنىڭ، ورتا جەلىسىنىڭ 1 - مەرزىمدىك ينجەنەرياسىنىڭ حاۋىپسىزدىگىن باسقارۋى مەن رەتتەلۋىن باسقارۋدى ۇزدىكسىز كۇشەيتىپ، سۋ ساپاسىن باقىلاۋ - قورعاۋدى كۇشەيتىپ، سۋ جەتكىزۋ قۋاتىن تولىق ساۋلەلەندىرىپ، ينجەنەريانىڭ ونىمدىلىگىن كۇش سالا جوعارىلاتۋ كەرەك.

　　وسى رەتكى اڭگىمە ءماجىلىستى ويداعىداي اشۋ ءۇشىن، 5 - ايدىڭ 13 - كۇنى تۇستەن كەيىن شي جينپيڭ حىنان ولكەلىك پارتكومنىڭ شۋجيى ۋاڭ گوشىڭ مەن ۋاقىتشا ولكە باستىعى ۋاڭ كايدىڭ سەرىك بولۋىندا نانياڭ قالاسى شيچۋان اۋدانىنىڭ سۋ يگىلىگى قۇرىلعىلارى، كوشىرىلگەندەر جاڭا قىستاعى سياقتىلارعا بارىپ، وڭتۇستىكتىڭ سۋىن سولتۇستىككە جەتكىزۋ ورتا جەلى ينجەنەرياسىنىڭ قۇرىلىسى، باسقارۋى، جۇمىس جۇرگىزۋى جانە سۋ قويمالارى اۋماعىنان كوشىرىلگەندەردى ورنالاستىرۋ سياقتى جاعدايلاردى ۇعىستى.

　　شي جينپيڭ الدىمەن تاۋچا كومەي تورابى ينجەنەرياسىنا كەلىپ، سۋ اعىزۋ تيەگىنىڭ جۇمىس جۇرگىزۋ جاعدايىن كوردى، ونان سوڭ كەمەگە وتىرىپ، دانجياڭكوۋ سۋ قويماسىن تەكسەرىپ، قاتىستى جاعدايلاردان بەرىلگەن مالىمەتتى تىڭدادى ءارى سول جەردىڭ وزىندە الىنعان سۋ ۇلگىسىن تەكسەردى. شي جينپيڭ بىلاي دەپ باسا دارىپتەدى: وڭتۇستىكتىڭ سۋىن سولتۇستىككە جەتكىزۋ ينجەنەرياسى كەلەلى ستراتەگيالىق نەگىزدىك قۇرىلعى، قازىر ەڭبەك ەتىپ، پايداسىن بولاشاقتا كورەتىن جۇمىس. ءومىر ارقاۋىن قورعاۋ سىندى ساياسي دەڭگەيدە تۇرىپ، وڭتۇستىكتىڭ سۋىن سولتۇستىككە جەتكىزۋ ينجەنەرياسىنىڭ حاۋىپسىزدىگىن، سۋمەن قامداۋ حاۋىپسىزدىگىن، سۋ ساپاسى حاۋىپسىزدىگىن شىن مانىندە قورعاۋ كەرەك. سۋ ىشكەندە قۇدىق قازۋشىنى ۇمىتپاۋ كەرەك، سۋ قويمالارى اۋماعىنا قولداۋ كورسەتۋدى، كومەكتەسۋدى، سۇيەمەلدەۋدى ۇزدىكسىز كۇشەيتۋ كەرەك. سۋ بايلىعىن تەجەۋدىڭ بەرىك ءتۇزىمىن ورناتىپ، سۋدان پايدالانۋ جالپى مولشەرىن تىزگىندەۋدى قاتايتىپ، وندىرىسكە، تۇرمىسقا، ەكولوگياعا پايدالانىلاتىن سۋدى ءبىر تۇتاس جوسپارلاپ، اۋىل شارۋاشىلىعى، ونەركاسىپ، قالا - قالاشىق سياقتى سالالاردا سۋ ۇنەمدەۋدى زور كۇشپەن ىلگەرىلەتۋ كەرەك. سۋ قاينارى اۋماعىنىڭ ەكولوگيالىق ورتاسىن قورعاۋ قىزمەتىن ەڭ ماڭىزدى ورىنعا قويىپ، قاتاڭ شەك سىزىپ، قىزمەتتەردى بۇلجىماستان ويداعىداي ىستەپ، سۋ قويمالارىنىڭ تۇنىق سۋىن ويداعىداي قورعاۋ كەرەك.

　　كومەيدىڭ ماڭىنا ورنالاسقان جيۋچۇڭ قالاشىعىنىڭ زوۋجۋاڭ قىستاعىندا جيىنى 175 وتباسى 750 ادام بار، 2011 - جىلى 6 - ايدا وڭتۇستىكتىڭ سۋىن سولتۇستىككە جەتكىزۋ ورتا جەلىسى ينجەنەرياسى قۇرىلىسىنا بايلانىستى وسىندا كوشىرىلگەن. شي جينپيڭ وڭتۇستىكتىڭ سۋىن سولتۇستىككە جەتكىزۋگە بايلانىستى كوشىرىلگەندەر قىستاعى كاسىپ سالالارىن دامىتۋ قارجىسىنان پايدالانىپ سالىنعان دانجياڭ جاسىل جەمىس، كوكونىس باقشاسى بازاسىنا كەلىپ، تۇكتى شابدالىنىڭ ءوسۋ جاعدايىن باسى - قاسىندا كورىپ، كوشىرىلگەندەردى جۇمىستاندىرۋ، كىرىستەرىن ارتتىرۋ جاعدايلارىن ەگجەي - تەگجەيلى ۇعىستى. بۇكىل قىستاقتاعى 300 نەشە ادامنىڭ جەمىس، كوكونىس كاسىپ سالاسىمەن شۇعىلدانىپ، جان باسىندىق ايلىق كىرىسىنىڭ 2000 يۋاننان اسقاندىعىن ەستىپ، شي جينپيڭ توتەنشە قۋاندى. ول بىلاي دەپ باسا دارىپتەدى: كوشىرىلگەندەردى ورنالاستىرعاننان كەيىنگى كومەكتەسۋ - سۇيەمەلدەۋ قىزمەتتەرىن ۇزدىكسىز ويداعىداي ىستەپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ەگىن سالۋدى، سىرتقا شىعىپ جۇمىس ىستەۋدى، جاڭا كاسىپ كۇيىن دامىتۋدى بىرگە يگەرىپ، كوپ ءتۇرلى شارامەن كىرىستى ارتتىرۋ جولدارىن ىركىلىسسىزدەندىرىپ، كوشىرىلگەن بۇقارانىڭ ورنىعا الۋىنا، دامي الۋىنا، اۋقاتتانا الۋىنا شىنايى كەپىلدىك ەتۋ كەرەك. وسىدان سوڭ، شي جينپيڭ جاياۋ ءجۇرىپ قىستاقتىڭ كەلبەتىن، قىستاقتىڭ بەت - بەينەسىن كوردى ءارى كوشىپ كەلگەن زوۋ شينزىڭنىڭ ۇيىنە امانداسا بارىپ، ءبىر وتباسىنداعى ءۇش ۇرپاقپەن بىرگە اڭگىمە دۇكەن قۇردى. زوۋ شينزىڭ باس شۋجيگە بىلاي دەدى: وسى اراعا كوشىپ كەلگەننەن كەيىن، ەگىن ەگۋدەن تىس، قىستاق، قالاشىق ماڭىندا جۇمىس ىستەدىم، تۇرعىن ءۇي، ەمدەۋ، بالالاردىڭ وقۋى تۇگەلدەي قامتاماسىز ەتىلدى. شي جينپيڭ بىلاي دەپ اتاپ كورسەتتى: حالىق − بيلىك. كوممۋنيستىك پارتيا بيلىككە قول جەتكىزۋدە، بيلىكتى قورعاۋدا، حالىقتىڭ تىلەگىن قورعاۋدى، حالىق تۇرمىسىن جاقسارتۋدى ماقسات ەتتى. پارتيامىزدىڭ ءجۇز جىلدىق كۇرەس تاريحى − حالىقتىڭ باقىتىن كوزدەۋ تاريحى. نەگىزگى ساتى پارتيا ۇيىمدارىنىڭ رولى مەن پارتيالى كادرلاردىڭ رولىن ويداعىداي ساۋلەلەندىرىپ، پارتيا ياچەيكاسىنىڭ ۇسىنىس قويۋىن، ”ەكى كوميتەتتىڭ“ كەڭەسۋىن، پارتيا مۇشەلەر جينالىسىنىڭ قاراۋىن، قىستاق تۇرعىندارى ۋاكىلدەر ءماجىلىسىنىڭ شەشىم جاساۋىن؛ شەشىمنىڭ جاريا بولۋىن، اتقارۋ ناتيجەسىنىڭ جاريا بولۋىن ويداعىداي تياناقتاندىرىپ، قىستاق دارەجەلى جونگە سالۋدى كەمەلدەندىرىپ، بۇقارانى ىنتىماقتاستىرىپ جانە باستاپ، بىرگە بايۋ نىساناسىنا قاراي ورنىقتى قاداممەن العا تارتۋ كەرەك. قىستاقتان اتتاناردا قىستاق تۇرعىندارى جول بويىنا كەلىپ، باس شۋجيمەن قوشتاستى. شي جينپيڭ وڭتۇستىكتىڭ سۋىن سولتۇستىككە جەتكىزۋ ينجەنەرياسىنا قاجىرلى ەڭبەكتەرى مەن ماڭداي تەرلەرى سىڭگەن قۇرىلىسشىلار مەن جۇمىس جۇرگىزۋ، جۇمىس باسقارۋ قىزمەتكەرلەرىنە، ”تۇنىق سۋدى سولتۇستىككە جەتكىزۋ“ ءۇشىن قالتقىسىز ۇلەس قوسقان كوشىرىلگەن بۇقاراعا شىن جۇرەكتەن العىس ايتتى جانە ولاردان ىستىق ىقىلاسپەن حال سۇرادى. ول اۋىلداستاردىڭ كۇندەرىنىڭ بارعان سايىن شالقىپ، تۇرمىس جاعدايلارىنىڭ جاقسارا ءتۇسۋىن تىلەدى.

　　شي جينپيڭ جازعى استىق ءوندىرىسى جاعدايىنا ايرىقشا كوڭىل ءبولدى، كومەيگە بارىپ تەكسەرۋ جۇرگىزۋ بارىسىندا اۆتوكولىكتى ۋاقىتشا توقتاتا تۇرىپ، ءبىر ءبيداي اتىزىنا بارىپ، ءبيدايدىڭ ءوسۋ جاعدايىن كوردى. مول ونىمنەن ءۇمىت بارلىعىن كورىپ، شي جينپيڭ بىلاي دەپ اتاپ كورسەتتى: جازعى استىقتان مول ءونىم الىنسا، تۇتاس جىلدىق ەكونوميكاعا نەگىز قالانادى. استىق حاۋىپسىزدىگىنە كەپىلدىك ەتۋ ءۇشىن، ءسوز جوق، تۇقىمدى ءوز قولىمىزعا مىقتاپ ۇستاۋىمىز كەرەك. اۋىل شارۋاشىلىعى عىلىم - تەحنيكاسىندا ءوز كۇشىنە سۇيەنۋگە، ءوزىن الەۋەتتەندىرۋگە تاباندى بولىپ، جاقسى تۇقىم جەتىلدىرۋدەن باستاپ ىسكە كىرىسىپ، سورتتى تۇقىم جەتىلدىرۋ تەحنيكاسىنان قامال الۋدى كۇشەيتىپ، جۇڭگو تۇقىمىنا سۇيەنۋ ارقىلى جۇڭگو استىعىنىڭ حاۋىپسىزدىگىن قامتاماسىز ەتۋ كەرەك.

　　5 - ايدىڭ 12 - كۇنى شي جينپيڭ تاعى نانياڭ قالاسىندا ەكونوميكالىق، قوعامدىق دامۋ جونىندە تەكسەرۋ - زەرتتەۋ جۇرگىزدى. ول ەڭ الدىمەن شىعىس حان پاتشالىعىنىڭ ايگىلى شيپاگەرى جاڭ جۇڭجيڭنىڭ قابىر تاۋاپحاناسى ەسكەرتكىش ورنىنداعى كيەلى شيپاگەر تاۋاپحاناسىنا كەلىپ، جاڭ جۇڭجيڭنىڭ ءومىر بايانى مەن جۇڭي شيپاگەرلىك - دارىگەرلىگىنىڭ دامۋىنا قوسقان ۇلەسىن ۇعىستى، جۇڭي شيپاگەرلىك - دارىگەرلىكتىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - ەمدەۋ بارىسىندا اتقارعان رولىن، سونداي - اق جۇڭي شيپاگەرلىك - دارىگەرلىگىن جالعاستىرۋ، جاڭالىق اشۋ جاعدايىن ۇعىستى. ول بىلاي دەپ باسا دارىپتەدى: جۇڭي شيپاگەرلىك - دارىگەرلىگى جۇڭحۋا ۇلتىنىڭ نەشە مىڭ جىلدىق سالاماتتىق، كۇتىنۋ ۇستانىمىن جانە ونىڭ امالياتتىق تاجىريبەلەرىن قامتيدى، جۇڭحۋا ۇلتىنىڭ ۇلى جاسامپازدىعى جانە جۇڭگونىڭ ەرتە زامانعى عىلىمىنىڭ جاۋھارى. تۋراشىلدىقتان اينىماي جاڭالىق اشۋ، جالعاستىرىپ دامىتۋ قىزمەتىن ويداعىداي ىستەپ، جۇڭي شيپاگەرلىك - دارىگەرلىگى عىلمي زەرتتەۋى مەن جاسامپازدىعىن بەلسەنە ىلگەرىلەتىپ، وسى زامانعى عىلىم ارقىلى جۇڭي شيپاگەرلىك - دارىگەرلىگىنىڭ قاعيدالارىن تۇسىندىرۋگە دەن قويىپ، ءداستۇرلى جۇڭي شيپاگەرلىك - دارىگەرلىگى مەن وسى زامانعى عىلىمنىڭ ءوزارا ۇشتاسۋىن، ءوزارا جەبەۋىن ىلگەرىلەتىپ، جۇڭي شيپاگەرلىك - دارىگەرلىگى مەن باتىسشا شيپاگەرلىك - دارىگەرلىگىنىڭ ءوزارا تولىقتاۋىن، سايكەستى دامۋىن ىلگەرىلەتىپ، حالىق بۇقاراسىنا سالاماتتىق بويىنشا اناعۇرلىم ساپالى قىزمەت وتەۋ كەرەك.

　　كيەلى شيپاگەر تاۋاپحاناسىنان اتتانعان سوڭ، شي جينپيڭ نانياڭ راۋشان گۇلى كورمە باقشاسىنا كەلىپ، جەرگىلىكتى ورىننىڭ راۋشان گۇلى كاسىپ سالاسى دامىتۋ جانە بۇقارانى كىرىستى ارتتىرۋعا باستاۋ جاعدايى جونىندەگى تانىستىرۋدى تىڭدادى، اۆتوكولىكپەن ءجۇرىپ كورمە باقشاسىنىڭ بەت - بەينەسىن كوردى. ساياحاتشىلار تۇس - تۇستان باس شۋجيگە امانداستى. شي جينپيڭ بىلاي دەپ اتاپ كورسەتتى: جەرگىلىكتى ەرەكشەلىككە يە كاسىپ سالالارىنىڭ دامۋ كومەسكى كۇشى وراسان زور، جەرگىلىكتى باسىمدىققا يە بايلىقتى اشۋعا جانە پايدالانۋعا شەبەر بولىپ، جەرگىلىكتى ساپالى سورتتى قورعاۋدى كۇشەيتىپ، ءوندىرىستىڭ، وقىتۋدىڭ زەرتتەۋدىڭ ورگانيكالى ۇشتاسۋىن ىلگەرىلەتىپ، كاسىپ سالاسى، عىلىم - تەحنيكا، مادەنيەت سىندى زور ءىستى ءبىر تۇتاس جوسپارلاپ، ويداعىداي ىستەۋ كەرەك.

　　وسىدان سوڭ، شي جينپيڭ نانياڭ ياۋيباۋ ەرمەن ونىمدەرى شەكتى سەرىكتەستىگىنە كەلىپ، ءوندىرىس سەحى مەن ونىمدەر كورمەسىن كورىپ، كاسىپورىن باسقارۋشىلارىمەن جانە قىزمەتكەرلەرمەن ىقىلاستى پىكىرلەستى. شي جينپيڭ بىلاي دەپ باسا دارىپتەدى: ەرمەن باعالى جۇڭي ءدارى ماتەريالى، ەرمەن ونىمدەرىن دامىتۋ ارقىلى ءارى سول جەردىڭ وزىنەن ماتەريال الۋعا، ءارى جاقىن ماڭدا جۇمىستانۋدى شەشۋگە بولادى. ءبىز ءبىر جاعىنان، تەحنيكا شوعىرلانعان كاسىپ سالالارىن دامىتىپ، ەندى ءبىر جاعىنان، جۇمىستاندىرۋ سيىمدىلىعى زور ەڭبەك شوعىرلانعان كاسىپ سالالارىن دامىتىپ، جۇمىس ورىندارى مەن ۇستەمە قۇننىڭ پايداسىن شارۋالارعا كوبىرەك بەرۋىمىز كەرەك.

　　ديڭ شۋەشياڭ، حۋ چۋنحۋا، حى ليفىڭ قاتارلىلار قىزمەت تەكسەرۋدە بىرگە بولدى ءارى اڭگىمە ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى ولكە، قالالارداعى جاۋاپتى جولداستار اڭگىمە ماجىلىسكە قاتىناستى.

ەسكەرتۋ: