□ لوپنۇر اۋدانى ءدوڭقوتان اۋىلىنىڭ ماقتاشىسى يبىراھيم توحتى
مەن قاراپايىم ماقتاشىمىن، وتباسىمىزدا 80 مۋ ماقتا اتىزى بار. تاياۋدان بەرى كەيبىر شەتەل كاسىپورىندارى شينجياڭنىڭ ماقتا ءوندىرىسى بارىسىندا ايتىلمىس ”زورلىقپەن ەڭبەككە سالۋ“ ماسەلەسى ورىن تەۋىپ وتىر دەپ جالا جاۋىپ، شينجياڭ ماقتاسىن قاساقانا شەكتەدى، بۇل بۇكىلدەي جات نيەتپەن كۇيە جاققاندىق، ءبىز ماقتاشىلاردىڭ كوڭىلىنە اۋىر قاياۋ سالدى.
ىلگەرىدە ماقتا ەگۋ شىنىمەن وتە جاپالى ەدى. ءبىز تراكتورعا ەرىپ تۇقىم سەۋىپ، توپىراق جاۋىپ، توعان قازىپ سۋ جيناپ، جەر سۋاراتىنبىز، ءدارى بۇركۋ اسپابىن ارقالاپ ءجۇرىپ ءدارى شاشىپ، ماقتا تەرۋشىلەردى جالداپ ماقتا تەرگىزەتىنبىز. ال، قازىر اۋىل شارۋاشىلىق تەحنيكاسى ەرەكشە تەز دامىپ، ءبىز ەگىس جۇمىسىنا ءىرى تۇرپاتتى تراكتور پايدالانىپ، ءبىر كۇندە 1000 مۋ جەر ەگەمىز؛ سۋارۋ، تىڭايتقىش بەرۋدە تامشىلاتىپ سۋارۋعا سۇيەنەمىز، تيەكتى اشساق بولعانى، ءبىر جاعىنان سۋارىپ، ءبىر جاعىنان تىڭايتقىش بەرە بەرەتىن بولدى؛ ماقتانى باپتاۋدا ۇشقىش اپپارات پايدالانامىز، ءدارىنى ەرەكشە تەگىس شاشىپ، ءبىرتالاي اقشا ۇنەمدەلدى؛ ەڭ كەرەمەتى ءىرى تۇرپاتتى ماقتا تەرۋ ماشيناسى كۇنىنە 600 مۋ جەردىڭ ماقتاسىن تەرەدى. وسىنداي تەحنيكالار بولعاندىقتان، مەنىڭ 80 مۋ ماقتا اتىزىما ايەلىم ەكەۋىمىز ابدەن جەتىسەمىز.
شەتەل كاسىپورىندارى كوزىن اشىپ انىقتاپ قاراسىن، شينجياڭدا ”زورلىقپەن ەڭبەككە سالۋ“ مۇلدە بولعان ەمەس. ءبىزدىڭ ماقتالارىمىز كوكتەي باستاعان كەزدە سەندەردىڭ وتىرىكتەرىڭنىڭ ءشيى شىقتى.
