ەلىمىزدىڭ تۇڭعىش مارستى بارلاۋ مىندەتىن اتقاراتىن تيانۋىن 1 - ءنومىرلى بارلاۋ اسپابى مارسقا ءساتتى قوندى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

ەلىمىزدىڭ تۇڭعىش مارستى بارلاۋ مىندەتىن اتقاراتىن تيانۋىن 1 - ءنومىرلى بارلاۋ اسپابى مارسقا ءساتتى قوندى

شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان تەلەگرامما جولداپ قۇتتىقتادى

حان جىڭ بەيجيڭدە قونۋ جاعدايىن كوردى

  مارستى بارلاۋ اسپابى مارستىڭ بەتىنە قونعان كەزدەگى ۇقساتپالى سۋرەت (5 - ايدىڭ 15 - كۇنى تۇسىرىلگەن).

  مەملەكەتتىك عارىش مەكەمەسى جاريالاعان مارستىڭ تۇنىق سۋرەتى. □ سۋرەتتەردى شينحۋا اگەنتتىگى تاراتقان

قۇتتىقتاۋ تەلەگرامماسى

  تۇڭعىش مارستى بارلاۋ مىندەتى قولباسشىلىق شتابى ءارى مىندەتكە قاتىناسقان بارلىق جولداستار:

  پارتيا قۇرىلعاندىعىنىڭ 100 جىلدىعىن قارسى الۋ قارساڭىندا، تيانۋىن 1 - ءنومىرلى بارلاۋ اسپابى مارسقا ءساتتى قوندى، مەن پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان سىزدەردى قىزۋ قۇتتىقتايمىن جانە ىقىلاستى سالەم جولدايمىن!

  تيانۋىن 1 - ءنومىرلى بارلاۋ اسپابى مارسقا قونىپ، ەلىمىزدىڭ پلانەتا ارالىق بارلاۋ ساپارىندا ماڭىزدى ءبىر قادامدى باسىپ، جەر شارى - اي جۇيەسىنەن پلانەتا ارالىق شارىقتاۋدى جۇزەگە اسىرىپ، مارستا العاش رەت جۇڭگولىقتاردىڭ ءىزىن قالدىردى، بۇل ەلىمىزدىڭ عارىش ىستەرى دامۋىنداعى تاعى ءبىر بەلەستىك مانگە يە ىلگەرىلەۋشىلىك. سىزدەر ەرلىكپەن سايىسىپ، ۇزدىك ناتيجە جاراتۋعا تالپىنىپ، ەلىمىزدى پلانەتا بارلاۋ سالاسىندا دۇنيە ءجۇزىنىڭ وزىق لەگىنە وتكىزدىڭىزدەر، وتان مەن حالىق سىزدەردىڭ ەسەلى ەڭبەكتەرىڭىزدى ماڭگى ەستە ساقتايدى!

  سىزدەردىڭ كۇش ۇستىنە كۇش قوسىپ، مارستى شارلاپ عىلمي بارلاۋ جۇرگىزۋدى زەيىن قويا ۇيىمداستىرىپ، عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە تاباندى بولىپ، پلانەتانى بارلاۋ سياقتى عارىشتىق ەلەۋلى ينجەنەريالاردى زەيىن قويا ىلگەرىلەتىپ، عارىش ىستەرىندەگى قۇدىرەتتى ەل قۇرۋدى جەدەلدەتىپ، الەمنىڭ سىرىن اشۋ، ادامزاتتىڭ بەيبىتشىلىگى مەن دامۋىن جەبەۋ سىندى قاستەرلى ءىس ءۇشىن تىڭ دا اناعۇرلىم زور ۇلەستەر قوسۋلارىڭىزدى ءۇمىت ەتەمىن!

  شي جينپيڭ

  2021 - جىلى 5 - ايدىڭ 15 - كۇنى

  (شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى)

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. 5 - ايدىڭ 15 - كۇنى ساعات 7دەن 18 مينۋت وتكەندە، تيانۋىن 1 - ءنومىرلى بارلاۋ اسپابى مارستاعى ۋتوباڭ جازىعىنىڭ وڭتۇستىك بولىگىندەگى الدىن الا تاڭدالعان قونۋ اۋماعىنا ءساتتى قونىپ، ەلىمىزدىڭ تۇڭعىش مارستى بارلاۋ مىندەتى بويىنشا مارسقا قونۋى تابىستى بولدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ تەلەگرامماسىن جولداپ، پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان، تۇڭعىش مارستى بارلاۋ مىندەتى قولباسشىلىق شتابىن ءارى مىندەتكە قاتىناسقان بارلىق جولداستاردى قىزۋ قۇتتىقتادى جانە ولارعا ىقىلاستى سالەم جولدادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: تيانۋىن 1 - ءنومىرلى بارلاۋ اسپابى مارسقا قونىپ، ەلىمىزدىڭ پلانەتا ارالىق بارلاۋ ساپارىندا ماڭىزدى ءبىر قادام باسىپ، جەر شارى - اي جۇيەسىنەن پلانەتا ارالىق شارىقتاۋدى جۇزەگە اسىرىپ، مارستا العاش رەت جۇڭگولىقتاردىڭ ءىزىن قالدىردى، بۇل ەلىمىزدىڭ عارىش ىستەرى دامۋىنداعى تاعى ءبىر بەلەستىك مانگە يە ىلگەرىلەۋشىلىك. سىزدەر ەرلىكپەن سايىسىپ، ۇزدىك ناتيجە جاراتۋعا تالپىنىپ، ەلىمىزدى پلانەتا بارلاۋ سالاسىندا دۇنيە ءجۇزىنىڭ وزىق لەگىنە وتكىزدىڭىزدەر، وتان مەن حالىق سىزدەردىڭ ەسەلى ەڭبەكتەرىڭىزدى ماڭگى ەستە ساقتايدى!

  شي جينپيڭ بىلاي دەپ باسا دارىپتەدى: سىزدەردىڭ كۇش ۇستىنە كۇش قوسىپ، مارستى شارلاپ عىلمي بارلاۋ جۇرگىزۋدى زەيىن قويا ۇيىمداستىرىپ، عىلىم - تەحنيكادا ءوز كۇشىنە سۇيەنۋگە، ءوزىن الۋەتتەندىرۋگە تاباندى بولىپ، پلانەتانى بارلاۋ سياقتى عارىشتىق ەلەۋلى ينجەنەريالاردى زەيىن قويا ىلگەرىلەتىپ، عارىش ىستەرىندەگى قۇدىرەتتى ەل قۇرۋدى جەدەلدەتىپ، الەمنىڭ سىرىن اشۋ، ادامزاتتىڭ بەيبىتشىلىگى مەن دامۋىن جەبەۋ سىندى قاستەرلى ءىس ءۇشىن تىڭ دا اناعۇرلىم زور ۇلەستەر قوسۋلارىڭىزدى ءۇمىت ەتەمىن!

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ بەيجيڭ عارىشقا ۇشۋدى مەڭگەرۋ ورتالىعىندا تيانۋىن 1 - ءنومىرلى بارلاۋ اسپابىن مارسقا قوندىرۋ جاعدايىن كوردى.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى ليۋ حى سول جەردە شي جينپيڭنىڭ قۇتتىقتاۋ تەلەگرامماسىن وقىدى.

  ەلىمىزدىڭ تۇڭعىش مارستى بارلاۋ مىندەتى 2016 - جىلى نىسانعا ەنىپ، ءبىر رەتكى مىندەت ارقىلى مارستى اينالىپ ۇشۋدى، قونۋدى جانە شارلاۋدى، بارلاۋدى جۇزەگە اسىرۋ جوسپارلانعان. تيانۋىن 1 - ءنومىرلى بارلاۋ اسپابى 2020 - جىلى 7 - ايدىڭ 23 - كۇنى حايناننىڭ ۋىنچاڭىندا چاڭجىڭ 5 - ءنومىرلى تاسىمال راكەتاسىمەن ءساتتى ۇشىرىلىپ، 2021 - جىلى 2 - ايدىڭ 10 - كۇنى مارستىڭ تارتىلىس كۇشى كولەمىنە ءساتتى كىرىپ، ەلىمىزدىڭ العاشقى مارس جاساندى سەرىگىنە اينالدى، 2 - ايدىڭ 24 - كۇنى بارلاۋ اسپابى مارستىڭ توقتاۋ وربيتاسىنا كىرىپ، شامامەن 3 ايلىق مەرزىم بويىنشا اينالىپ بارلاۋ جۇرگىزىپ، مارسقا ءساتتى قونۋعا نەگىز قالادى. تيانۋىن 1 - ءنومىرلى بارلاۋ اسپابىنىڭ مارسقا ءساتتى قونۋى ەلىمىزدىڭ جەر شارىنان تىسقى پلانەتادا تۇڭعىش رەت ءساتتى قونۋدى جۇزەگە اسىرۋى، ول ەلىمىزدى مارسقا ءساتتى قونۋدى جۇزەگە اسىرعان 2 - مەملەكەتكە اينالدىردى. جۇڭگو مەملەكەتتىك عارىش مەكەمەسى مەن ەۆروپا عارىش مەكەمەسى، ارگەنتينا، فرانسيا، اۆستريا سياقتى حالىقارالىق عارىش ۇيىمدارى مەن مەملەكەتتىك عارىش قۇرىلىمدارى قاتىستى نىساندار بويىنشا سەلبەستىك ورىستەتىپ، الەمنىڭ سىرىن بىرگە اشۋ، مارستىڭ وزگەرىسى جونىندەگى تانىمدى ارتتىرۋ، تىرشىلىكتىڭ توركىنىن ءتۇسىنۋ سياقتىلارعا اقىل - پاراسات جانە كۇش - قۋات قوستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.