تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ گۇلدەنۋ، دامۋ جاعدايى بوگەۋ بەرمەيدى

گۇما اۋدانىنداعى ماقتا تەرەتىن جۇمىسكەر بۇنياز وسمان

  جۋىقتا كەيبىر شەتەل كاسىپورىندارىنىڭ شينجياڭدا ”زورلىقپەن ەڭبەككە سالۋ“ ماسەلەسى ساقتالىپ وتىر دەپ جالا جاۋىپ، شينجياڭنىڭ ماقتاسىن شەكتەگەندىگىن ەستىپ، قاتتى كەكتەندىم. مەنىڭ تالاي جىلدىق ماقتا تەرۋ كەشىرمەم بار، اناۋ كاسىپورىندار بۇكىلدەي اۋزىنا كەلگەنىن كوكىپ، سۇرقيالىقپەن كۇيە جاعىپ وتىر.

  ءبىزدىڭ وتباسىمىز ەگىن ەگۋگە سۇيەنىپ اقشا تاۋىپ كەلەدى، وسى بىرنەشە جىلدا جۇبايىمنىڭ دەنساۋلىعى جاقسى بولماي، وتباسىمىزدىڭ كىرىسى تومەندەدى. وتباسىمىزدىڭ اۋىرتپالىعىن جەڭىلدەتۋ ءۇشىن، مەن قىستاعىمىزداعى بىرنەشە اپەكە - سىڭلىلەرمەن بىرگە پويەزبەن اقسۋعا بارىپ ماقتا تەردىم. اقسۋعا بارعان سوڭ، جالداۋشى قوجايىنىمىز ادام جىبەرىپ ءبىزدى كۇتىپ الىپ جاتاققا ورنالاستىردى، سونداي - اق بىزگە ءدامى ءتىل ۇيىرەتىن تورە تاباق تاۋىق ەتىن الىپ بەردى. ماقتا اتىزىندا جالداۋشى قوجايىن بىزگە بۇل ارادا ماقتا تەرۋ ۋاقىتى ءوز ەرىكتەرىڭدە، شارشاساڭدار دەمالۋلارىڭا بولادى، ەڭبەكاقىلارىڭ ىستەگەندەرىڭە قاراي بەرىلەدى، كوپ ىستەگەندەر كوپ الادى دەدى. ماقتا تەرگەن مەزگىلدە جالداۋشى قوجايىنىمىز جاتاق، تاماعىمىزدى كوتەردى، ءبىز تۇرمىستىق ماسەلەلەردەن تيتتەي دە الاڭدامادىق.

  2 ايدان استام ۋاقىت تەز وتە شىقتى، ماقتاسى تەرىلىپ بولعان سالا - سالا ماقتا اتىزدارىنا قاراپ، تابىسقا جەتكەندەي سەزىمدە بولدىم، ماڭداي تەرىمنىڭ بوداۋىنا كەلگەن قالتامداعى اقشانى سيپاعاندا توتەنشە تەبىرەندىم. ۇيگە قايتقاننان كەيىن، ماقتا تەرۋدەن تاپقان اقشاما ۇلىمنىڭ ۇناتقان ءتۇستى تەلەۆيزورىن ساتىپ الىپ بەردىم، سونىمەن بىرگە وتباسىمىزعا جاڭا ءۇش دوڭگەلەكتى موتوتسيكل ساتىپ الدىق. كەيىن، مەن ءار جىلى ءوز وتباسىمىزدىڭ ەگىس جۇمىستارىن ەرتەرەك ىستەپ تاستاپ، 9 - ايعا ۇلگىرىپ اپەكە - سىڭلىلەرمەن بىرگە ماقتا تەرۋگە باراتىن بولدىم. قازىر وتباسىمىز شىت جاڭا تۇسكە ەندى، وتباسىمىزداعى ءۇي جيھازدارى مەن ەلەكتر جابدىقتاردى تۇگەلدەي جاڭالاۋمەن بىرگە، اماناتقا دا ءبىراز اقشا قويىپ، تۇرمىسىمىز بارعان سايىن جاقساردى.

  مەن اناۋ وسەك - اياڭ تاراتۋشىلارعا مىنانى ايتقىم كەلەدى: سەندەردىڭ شينجياڭعا ايتىلمىس ”زورلىقپەن ەڭبەككە سالدى“ دەگەن جالا جاۋىپ، شينجياڭنىڭ دامۋى مەن ورنىقتىلىعىن ءبۇلدىرىپ، ۇلتتار قاتىناسىنا ىرتكى سالماق بولعاندارىڭا ءبىز الدانا قويمايمىز. شينجياڭنىڭ ماقتاسى قانداي جاقسى، بىزگە وسىنشاما باقىتتى تۇرمىس سيلاپ وتىر، سەندەر سياقتى سۋايتتىق قانىنا سىڭگەن ادامدار شينجياڭنىڭ گۇلدەنۋىنە، دامۋىنا بوگەت بولا المايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.