ماناس اۋداندىق ساياسي كەڭەستىڭ ورىنباسار ءتوراعاسى الىم يمىن
كوپتەن بەرى پومپەو، جىڭ گو - ىن شينجياڭدى جات نيەتپەن داتتاپ جانە شينجياڭعا كۇيە جاعىپ جيرەنىشتى ەتىپ كورسەتتى. مەنىڭ بۇعان زىعىردانىم قاينادى، مەن ءوزىمنىڭ كەشىرمەم جانە اسەرىم ارقىلى دۇيىم جۇرتقا شىندىقتىڭ جاي - جاپسارىن ايتامىن.
مەن كىشكەنتايىمنان ۇيرەنۋگە قىزىقتىم، پارتيانىڭ نۇر - شۇعىلاسىنا، قامقورلىعىنا بولەنىپ داشۋەگە قابىلداندىم، وقۋ جاردەماقىسىنان يگىلىكتەندىم، داشۋەنى تاۋىسقاننان كەيىن سۋ ىستەرى مەكەمەسىنە قىزمەتكە ءبولىندىم، ەكىنشى جىلى جۇڭگو كوممۋنيستىك پارتياسىنا مۇشە بولۋعا ءوتىنىش بەردىم، پارتيانىڭ باۋلۋىندا قازىر مەن ءبىر پارتيالى باسشى كادرعا اينالدىم.
2020 - جىلى 1 - ايدان باستاپ، مەن ماناس اۋداندىق گۋاڭدۇڭدي اۋىلى بيڭحۋ قىستاعىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنە قاتىناسىپ، قىزمەت اترەتىنىڭ باستىعى، قوسىمشا ءبىرىنشى شۋجيى مىندەتىن وتەدىم. قىستاقتا تۇرعان مەزگىلدە مەن جانە اترەت مۇشەلەرى ءار ۋاقىت ”حالىققا ءتيىمدى ساياساتتاردى تياناقتاندىرۋ، بايۋ جولىن كەڭەيتۋ، كەدەيلىكتەن قامال الۋدى ىلگەرىلەتۋ، ناقتى ءىس، جاقسى ىستەردى تىندىرا ىستەۋدى“ ارقاۋ ەتە وتىرىپ قىزمەت ورىستەتتىك. ەڭ اۋەلى، ءبىز بۇقارانىڭ تۇرمىسىنداعى قيىنشىلىقتاردى شەشۋ جاعىندا قىرۋار قىزمەتتەر ىستەدىك. 2020 - جىلى ءبىر جىل ىشىندە ءبىز بۇكىل قىستاق تۇرعىندارىنىڭ ءتۇرلى وندىرىستىك، تۇرمىستىق قيىنشىلىقتارى مەن تالاپتارىنان 300گە تاياۋىن شەشتىك. ونان قالسا، 5 ميلليون يۋاننان استام قارجى ەنگىزىپ، قونىس ورتاسىن رەتتەۋ - جونگە سالۋ، جولدى قاتتىلاندىرۋ، كوشەلەردى جارىقتاندىرۋ، اۋىز سۋدى حاۋىپسىز ەتىپ وزگەرتۋ، مادەنيەت الاڭىن جوندەۋ سياقتى حالىققا ءتيىمدى ينجەنەريالاردى جالپى بەتتىك ورىنداپ، اتالعان قىستاققا زور وزگەرىستەر الا كەلدىك.
قازىر بيڭحۋ قىستاعىنداعى تۇرعىنداردىڭ تۇرمىسىندا وراسان زور وزگەرىستەر تۋىلدى، نەگىزدىك قۇرىلعىلارى ۇزدىكسىز كەمەلدەندى، كىرىستى ارتتىرۋدىڭ ارنالارى بارعان سايىن كوبەيدى، ديقاندار ەمدەلسە ەسەپتەن كوتەردى، ەگىن ەكسە قوسىمشا قاراجات بەردى، زەينەتكەرلىك قامتاماسىز ەتىلدى... بۇقارانىڭ تۇرمىسى بارعان سايىن جاقساردى. مىنە بۇل ماڭىمدا كۇندە تۋىلىپ جاتقان وزگەرىستەر، مىنە بۇل شىندىقتىڭ جاي - جاپسارى، شىندىق بۇلتارتپايدى، پومپەو، جىڭ گو - ىندار كوپىرتە ايتقان ساندىراقتار شىندىقتى بۇركەمەلەي المايدى!
