تيانشان تورى   ›   جاڭالىقتار   ›   شينجياڭ حابارلارى

شارۋالار ”اپپاراتشىعا“ اينالىپ، اۋىلىنىڭ كوركەم كورىنىسىن ەستەلىككە الدى

جىڭ اۋدانى:

شارۋالار ”اپپاراتشىعا“ اينالىپ، اۋىلىنىڭ كوركەم كورىنىسىن ەستەلىككە الدى

□ انار بۇلت / شينجياڭ گازەتىنىڭ تىلشىلەرى جاڭ لەي، جىڭ شۇيلەي، ەرىكتى ءتىلشى جاڭ حۇڭتاۋ

  جاز باسى، جىڭ اۋدانى تاقيا قالاشىعى قۇسايىنتەرەك قىستاعىنىڭ ەگىنجايىندا وتباسىلاردىڭ ەگىنشىلىك ۋاقىتىن مىقتى يگەرىپ قاربالاستىققا تۇسكەن كورىنىسى مەن مۇندالايدى. ال، قىستاق تۇرعىنى دۇڭ شيجين بولسا قاننەن - قاپەرسىز ءجۇر، ول قول تەلەفونىن بىردە تولىق كورىنىسكە، بىردە ەرەكشە كورىنىسكە تەڭشەپ توقتاۋسىز كەسكىنگە ءتۇسىرىپ ءجۇر.

  ”ول، استە ەرىگىپ جۇرگەن جان ەمەس، قىستاعىمىزداعى ايگىلى ’اپپاراتشى‘“، - دەدى 5 - ايدىڭ 15 - كۇنى وسى قىستاقتىڭ پارتيا ياچەيكاسىنىڭ شۋجيى دۇڭ شيلين تىلشىگە، 2015 - جىلى دۇڭ شيجين جىڭ اۋدانىنىڭ ”ءبىر قىستاقتا ءبىر حيكايا“ ەگىنشى - مالشى ميكرو كينو ءتۇسىرۋ قيمىلىنان شابىت الىپ DV اپپاراتىن قولىنا الىپ، ”اپپاراتشى“ بولىپ شىعا كەلەدى.

  قۇسايىنتەرەك قىستاعىنا بارساڭىز، ەڭ الدىمەن قىستاق كوميتەتى عيماراتىنا ورناتىلعان LED ۇلكەن ەكرانى مەن مۇندالاپ تۇر. 2016 - جىلى جىڭ اۋدانى قۇسايىنتەرەك قىستاعىنان ميكرو كينو بازاسىن قۇرادى، قىستاقتاعى مادەنيەت ۇلكەن اۋلاسى جانە زاڭمەن جونگە سالۋ ۇگىت - لەكسياسى، ۇلتتار ىنتىماعى شاعىن قيمىلى سياقتى قيمىلدارمەن ۇشتاستىرىپ، قىستاق تۇرعىندارى وزدەرى رەجيسسەر بولىپ، وزدەرى ورىنداعان، وزدەرى تۇسىرگەن ميكرو كينو تۋىندىلارىن توپتاپ، بەلگىلى مەرزىم سايىن كورسەتىپ، ۇزدىك تۋىندىلاردى سارالاپ وتىردى.

  دۇڭ شيجين قىستاقتاعى ەڭ العاشقى ”اپپاراتشى“. ”ءبىزدىڭ قىستاقتا جاڭالىق كوپ. قىستاق كەلبەتى، قىستاق بەت - بەينەسى بارعان سايىن جاقسارۋدا، قىستاقتا اپتا سايىن مادەنيەت قيمىلدارى وتەدى، قىستاق ’ەكى كوميتەتى‘، ’ۇعىسۋ، تيىمدىلىك جاساۋ، توعىستىرۋ‘ بويىنشا قىستاقتا تۇرۋ قىزمەت اترەتى ۇنەمى قىستاق تۇرعىندارىنا ناقتى ءىس، جاقسى ءىس ىستەپ بەرەدى... مەن وسىلاردى كەسكىنگە ءتۇسىرىپ، كوپشىلىككە ءبىزدىڭ باقىتتى تۇرمىسىمىزدىڭ كورىنىسىن كورۋگە مۇمكىندىك جاسايمىن“، - دەدى ول.

  ”اپپاراتشى“ بولىپ بىرنەشە ايدان كەيىن، دۇڭ شيجين ءوزىنىڭ تۇڭعىش تۋىندىسىن كەسكىنگە ءتۇسىرىپ ۇلگىردى. ول اپپارات كوزىن قىستاقتىڭ ەگىنشىلىك ۇلكەن وتباسى دۇڭ چىڭكىعا تۋرالادى، دۇڭ چىڭكى ۇنەمى قىستاق تۇرعىندارىنا كومەكتەسىپ تىڭايتقىش ساتىپ الىپ بەرەتىن، تاعى وتباسىندا قيىنشىلىعى بار جوعارى مەكتەپ وقۋشىلارىنا قارجىلاي كومەكتەسەتىن. دۇڭ شيجين دۇڭ چىڭكىنىڭ حيكايالارى كەسكىنگە الىنار بولسا، اناعۇرلىم كوپ قىستاق تۇرعىندارىن جاقسى ادام بولۋعا، جاقسى ءىس ىستەۋگە ءتىپتى دە ىنتالاندىراتىن ەدى دەپ ويلايدى.

  باستاپ كەسكىنگە تۇسىرگەن كەزدە دۇڭ چىڭكى تىم سايكەسىپ كەتپەيدى، ءتىپتى، رەنجىگەندەي بولىپ: ”مەنى كەسكىنگە ءتۇسىرىپ قايتپەكسىڭ، قاسىما كەلىپ الساڭ جۇمىسىما ىقپال ەتەدى ەكەنسىڭ“، - دەيدى. وعان دۇڭ شيجين: ”كوپشىلىككە سەنىڭ باسقالارعا قالاي كومەكتەسكەندىگىڭدى كورسەتۋ ءۇشىن كەسكىنگە ءتۇسىرىپ وتىرمىن، كوپشىلىك سەنەن ۇيرەنسىن دەگەن ەدىم“ دەپ تۇسىندىرەدى.

  4 - ايداعى ەگىس قاربالاستىعى باستالىسىمەن دۇڭ چىڭكى قايدا بارسا، دۇڭ شيجين DV اپپاراتىن الىپ سوندا بارادى. 5 ايعا جۋىق ۋاقىتتا ميكرو كينو ءساتتى ءتۇسىرىلىپ، قىستاق تۇرعىندارىنا كورسەتىلگەن كەزدە دۇڭ چىڭكىنىڭ حيكاياسى بۇكىل قىستاق تۇرعىندارىن اسەرلەندىرەدى.

  وسى 2 جىلدا دۇڭ شيجيننىڭ باستاۋىندا 120دان استام قىستاق تۇرعىنى ”اپپاراتشىعا“ اينالدى. ولار DV اپپاراتىن نەمەسە قول تەلەفوندارىن الىپ اتىزداردى، اۋىلداستاردىڭ وتباسىلارىن ارالاپ، جاڭا داۋىردەگى اۋىل - قىستاقتىڭ كوركىنءوز تۇرعىسى بويىنشا كەسكىنگە ءتۇسىرىپ، ماڭىنداعى جاندار، جانىنداعى ىستەر ارقىلى وڭ ەنەرگيانى اسقاقتاتتى.

  قىستاق تۇرعىنى ياڭ شيشيۋ سولاردىڭ ءبىرى، قازىرگە دەيىن دوۋيىن تۇعىرىندا 100دەن استام تۋىندى جاريالاپ ۇلگىردى، ءبارى دە اۋىل - قىستاق تۇرمىسىنداعى قاراپايىم ىستەر. مۇنداعى ”ەڭ ارداقتى ەنە جانە ەڭ كەلبەتتى كەلىن“ قىسقا كەسكىنىنىڭ القاۋعا يە بولۋ مولشەرى 17 مىڭنان استام رەتتەن اسقان. ول بىلاي دەدى: ”ءىس جۇزىندە، كەلىنىم ەكەۋىمىزدىڭ كۇندەلىكتى كۇيبىڭىمىزدى تۇسىرگەنمىن، وسىنشاما كەڭ تارالادى دەپ ويلاماپپىن“.

  جۋىق جىلداردان بەرى ۇلتتار ىنتىماعى، كورشىلەر ارا قارايلاسۋ، باسقالارعا جاردەمدەسۋدى قۋانىش ساناۋ، كىرىستى ارتتىرىپ بايۋ سياقتىلاردىڭ بارلىعى قۇسايىنتەرەك قىستاعى تۇرعىندارىنىڭ ميكرو كينو جانە قىسقا كەسكىن تۇسىرۋدەگى تاماشا ماتەريالىنا اينالدى.

  قىستاق تۇرعىنى ليۋ چۇنشيان قىستاقتا استىق - ماي دۇكەنىن اشاتىن، دۇڭ شيجيننىڭ ىقپالىندا ول دا دوۋيىن قىسقا كەسكىنىن تۇسىرۋگە قىزىعىپ قالادى، ”كوپتەگەن ادام دوۋيىن كورۋ ارقىلى مەنىمەن تانىسىپ، قاريدارىما اينالدى. بۇدان كەيىن مەن بۇدان دا كوپ تۋىندىلاردى كەسكىنگە ءتۇسىرىپ، اناعۇرلىم كوپ ادامنىڭ بىزدەي ديقانداردىڭ جاڭا تۇرمىسىمەن تانىسۋىنا مۇمكىندىك جاسايمىن“، - دەيدى ول.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.