تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ ەكونوميكاسىنىڭ جوعارى ساپالى دامۋىنىڭ ماڭىزدى ارتۋ ۇيەگىن قالىپتاستىردى

ىلە قورعاس اۋدانىن، قورعاس قالاسىن، قۇلجا قالاسىن، قۇلجا اۋدانىن ءبىر تۇلعالاندىرا دامىتۋدى جەدەل ىلگەرىلەتتى

رايونىمىزدىڭ ەكونوميكاسىنىڭ جوعارى ساپالى دامۋىنىڭ ماڭىزدى ارتۋ ۇيەگىن قالىپتاستىردى

  انار بۇلت / شينجياڭ گازەتىنىڭ تىلشىلەرى حى جياڭ، ءجازيرا نەسىپبەك 5 - ايدىڭ 16 - كۇنى قۇلجادان حابارلايدى. 5 - ايدىڭ 16 - كۇنى ىلە قازاق اۆتونوميالى وبلىسى قورعاس ەكونوميكالىق اشۋ رايونىنداعى ءبىر جارتىلاي وتكىزگىش ەلەكتروندىق تۇلعالىق بولشەك جانە ۇساق بولشەك وندىرىسىمەن شۇعىلداناتىن سەرىكتەستىكتىڭ جۇمىسشىلارى 30 دانا اۆتوماتتى دانەكەرلەۋ ماشيناسىن جاتتىق جۇرگىزۋدە. ”ءبىزدىڭ ونىمدەرىمىز ەل ءىشى - سىرتىنا ساتىلادى، ونىمدەرىمىز قاجەتسىنۋدى قامداي الماي جاتىر، بيىل ءبىرىنشى ماۋسىمداعى ساتىلىم كىرىسى 283 ميلليون يۋانعا جەتتى“، - دەدى وسى سەرىكتەستىكتىڭ باس ديرەكتورى جاڭ جياۋۋي، - سەرىكتەستىك 2020 - جىلى 7 - ايدا رەسمي وندىرىسكە قوسىلدى، كەلىسىم جاساسقاننان وندىرىسكە قوسىلعانعا دەيىن نەبارى 45 كۇن عانا جۇمسالدى.

  قورعاس اۋدانىن، قورعاس قالاسىن، قۇلجا قالاسىن، قۇلجا اۋدانىن ءبىر تۇلعالاندىرا دامىتۋدىڭ ىشكەرىلەي ىلگەرىلەتىلۋىنە ىلەسە، ىلە وبلىسىنداعى كوپتەگەن كاسىپورىنداردىڭ دامۋ قارقىنى كورنەكتى تەزدەدى، بيىل ءبىرىنشى ماۋسىمدا ىلە وبلىسىنداعى كولەمدەنگەن كاسىپورىنداردىڭ ونەركاسىبىنىڭ ارتقان قۇنى سايكەس مەزگىلدەگىدەن %27.2 ارتتى.

  سول كۇنى قۇلجا اۋدانىنا ورنالاسقان جەڭىل توقىماشىلىق كاسىپ سالاسى اۋماعىنداعى ءبىر توقىماشىلىق سەرىكتەستىگى دە قاۋىرت جۇمىس جۇرگىزىپ جاتىپتى. ”بيىل كاسىپورىن 150 مىڭ ۇرشىق ءجىپ ءيىرۋ قابىلەتىن ازىرلەدى، ءبىرىنشى ماۋسىمدا ساتىلىم كىرىسى سايكەس مەزگىلدەگىدەن %339 ارتتى“، - دەدى كاسىپورىننىڭ جاۋاپتىسى سۇي حۋايلين، - كەلەسى قادامدا، كاسىپورىن ”ەكى بازاردان، ەكى ءتۇرلى بايلىقتان“ تولىق پايدالانىپ، كاسىپ سالاسى تىزبەگىن اناعۇرلىم ۇزارتادى.

  بيىل 1 - ايدا اۆتونوميالى رايوندىق حالىق ۇكىمەتى «قورعاس ەكونوميكاسىن جوعارى ساپالى دامىتۋدى اناعۇرلىم ىلگەرىلەتۋ جونىندەگى جەتەكشى پىكىردى» باسىپ تاراتىپ، قورعاستى ورتالىق ەتكەن قورعاس اۋدانىنىڭ، قۇلجا قالاسىنىڭ، قۇلجا اۋدانىنىڭ ءبىر تۇلعالانا دامۋىن جەتەكتەپ، باستاپ ، قورعاس اۋدانى، قورعاس قالاسى، قۇلجا قالاسى، قۇلجا اۋدانى قالا بەلدەۋىن قالىپتاستىرۋدى ايقىن ورتاعا قويدى. ىلە وبلىسى «قورعاس اۋدانىن، قورعاس قالاسىن، قۇلجا قالاسىن، قۇلجا اۋدانىن ءبىر تۇلعالاندىرا دامىتۋدى جەدەل ىلگەرىلەتۋ جونىندەگى اتقارۋ جوباسىن» اقىلداسىپ جاساپ، وتكەل ەكونوميكاسىن زور كۇشپەن دامىتىپ، سىرتقا ەسىك اشۋ ورەسىن جوعارىلاتىپ، 2025 - جىلى قورعاس اۋدانىنىڭ، قورعاس قالاسىنىڭ، قۇلجا قالاسىنىڭ، قۇلجا اۋدانىنىڭ ىلە وزەنى اڭعارى ءوندىرىس جالپى ءونىم قۇنىنىڭ 200 ميلليارد يۋانعا جەتۋىنە جەتەكشىلىك ەتۋىنە قۇلشىنىپ، قورعاس اۋدانىن، قورعاس قالاسىن، قۇلجا قالاسىن، قۇلجا اۋدانىن رايونىمىز ەكونوميكاسىنىڭ جوعارى ساپالى دامۋىنىڭ ماڭىزدى ارتۋ ۇيەگى ەتىپ قۇرىپ شىعۋدى العا قويدى.

  5 - ايدىڭ 2 - كۇنى چيڭشۇيحى 100 ميلليارد دارەجەلى كاسىپ سالاسى باقشاسىندا جالپى 14 ميلليارد 447 ميلليون يۋان قارجى قوسىلعان 33 نىسان شوعىرلى جۇمىس باستادى. ىلە وبلىستىق دامۋ جانە رەفورما كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى ليۋ شان بىلاي دەپ تانىستىردى: مۇنىڭ ىشىندە قورعاس وتكەلى، چيڭشۇيحى سىندى 100 ميلليارد دارەجەلى 2 كاسىپ سالاسى باقشاسى قۇرىلىسى تۇتاس وبلىستىڭ ونەركاسىبىنىڭ نەگىزدى كۇشەيتىپ، ءونىمدى ارتتىرۋىن جانە تيبىن جاڭالاپ، دارەجەسىن جوعارىلاتۋىن پارمەندى ىلگەرىلەتىپ، جوعارى - تومەنگى جەلىدەگى سايكەستى كاسىپ سالالارىن شوعىرلى ىرگە تەبۋگە باستاپ، شوعىرلاندىرۋ ونىمدىلىگىن قالىپتاستىرادى. ءدال وسى دامۋ ورايىن كورە بىلگەن ءبىر توپ كاسىپورىن ىركەس - تىركەس كەلىپ، قورعاس اۋدانىنا، قورعاس قالاسىنا، قۇلجا قالاسىنا، قۇلجا اۋدانىنا قارجى قوسىپ، كاسىپتەرىن گۇلدەندىردى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.