تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىز قوجالىق باسقارۋ قىزمەت وتەۋىن زەردەلىلەندىرۋدى سىناق تۇيىندەرىندە ورىستەتەدى

  انار بۇلت / شينجياڭ گازەتىنىڭ ءتىلشىسى ۋاڭ يۇيجاۋ 5 - ايدىڭ 16 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسىنەن ۇعىسۋىمىزشا، بيىل ءۇرىمجى قالاسى، قارامايلى قالاسى، تۇرپان قالاسى، قۇمىل قالاسى، اقسۋ قالاسى سياقتى جەرلەر زەردەلى قوجالىق باسقارۋ قىزمەت وتەۋ تۇعىرىن جاپپاي قۇرىپ، ءتۇيىن ارقىلى كولەمگە جەتەكشىلىك ەتىپ، قوجالىق باسقارۋ قىزمەت وتەۋىن زەردەلىلەندىرۋدى تۇيىندەردە سىناق ەتۋدى تۇرلەر بويىنشا ىلگەرىلەتىپ، قونىستانعان الەۋمەتتىك اۋماقتىڭ تۇرمىسقا قىزمەت وتەۋىنىڭ ينتەرنەت جەلىسىندە جانە جەلىدەن تىس توعىسۋىن جۇزەگە اسىرادى ەكەن.

  تاياۋدا اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى قاتارلى تاراۋلار «اۆتونوميالى رايوننىڭ قوجالىق ىستەرى قىزمەت وتەۋ كاسىپورىندارىنىڭ ينتەرنەت جەلىسىندە جانە جەلىدەن تىس تۇرمىستىق قىزمەت وتەۋىن جەدەل دامىتۋ جونىندەگى اتقارۋ پىكىرىن» (تومەندە قىسقارتىلىپ «پىكىر» دەلىنەدى) باسىپ تاراتتى. «پىكىرگە» ساي 2025 - جىلعا دەيىن بۇكىل رايونىمىزدىڭ قوجالىق باسقارۋى نەگىزىنەن زەردەلىلەنۋدى ىسكە اسىرىپ، قوجالىق قىزمەت وتەۋى مەن الەۋمەتتىك اۋماقتىڭ تۇرمىسقا قىزمەت وتەۋىنىڭ ينتەرنەت جەلىسىندە جانە جەلىدەن تىس توعىسا دامۋىن جۇزەگە اسىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوجالىق باسقارۋ ارناسىن نەگىزىنەن قالىپتاستىرادى.

  «پىكىردە» مىنالار اتاپ كورسەتىلدى: بۇدان كەيىن 5G، ينتەرنەت، زات ينتەرنەتى، بۇلتتىق ەسەپ، ۇلكەن ساندى مالىمەت، بلوكچين جانە جاساندى زەردە سياقتى تەحنيكالار كەڭىنەن قولدانىلىپ، اۆتونوميالى رايوننىڭ قالانى كەشەندى باسقارۋ قىزمەت وتەۋ تۇعىرىن تىرەك ەتىپ، «اۆتونوميالى رايوننىڭ زەردەلى الەۋمەتتىك اۋماق (شاعىن رايون) قۇرىلىسىنا تەحنيكالىق جەتەكشىلىك ەرەجەسىندەگى (سىناق رەتىندە اتقارىلادى)» تالاپقا ساي، زەردەلى قوجالىق باسقارۋ قىزمەت وتەۋ تۇعىرىن قۇرۋدى جەدەلدەتەدى ءارى وسى تۇعىردى تىرەك ەتە وتىرىپ، قوجالىق باسقارۋ، اكىمشىلىك ىستەردەن قىزمەت وتەۋ، الەۋمەتتىك ىستەردەن قىزمەت وتەۋ جانە تۇرمىستىق قىزمەت وتەۋ قولدانىلىمىن قالىپتاستىرىپ، تۇرعىنداردى زەردەلى قوجالىق قىزمەت وتەۋمەن قامدايدى.

  «پىكىردە» مىنالار اتاپ كورسەتىلدى: قوجالىق قىزمەت وتەۋ كاسىپورىندارىن زەردەلى قوجالىق باسقارۋ قىزمەت وتەۋ تۇعىرىنا سۇيەنۋگە شابىتتاندىرىپ، تۇرعىندارعا قانىق، قىزمەت وتەۋ اياسى شاعىن، ات سالىسۋ قارقىنى جەدەل بولۋ سىندى ابزالدىلىقتارىن ساۋلەلەندىرىپ، قوجالىق نەگىزدىك قىزمەت وتەۋىن ويداعىداي ىستەۋمەن قاتار، وتباسىلىق قىزمەت وتەۋ، ەلەكتروندى ساۋدا ىستەرى، قارتتاردى ۇيدە كۇتىمدەۋ، جەدەل جولدامالاردى ۋاكىلەتتى قابىلداۋ سىندى تۇرمىستىق قىزمەت وتەۋگە قولايلىلىق جاراتىپ، قوجالىق قىزمەت وتەۋىنىڭ ينتەرنەت جەلىسىندە جانە جەلىدەن تىس توعىسۋىن ىلگەرىلەتىپ، قوجالىق قىزمەت وتەۋ كاسىپورىندارىنىڭ مال - مۇلىك باسقارۋدان تۇرعىندارعا قىزمەت وتەۋگە قاراي تيبىن وزگەرتىپ، دارەجەسىن ءوسىرۋىن جەبەۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.