شينحۋا اگەنتتىگىنىڭ 5 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحىن جانە حۇجاتتاردى زەرتتەۋ ورنى اۋدارعان شي جينپيڭ «كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەنگەن ءسوز» اعىلشىنشا نۇسقاسى جۋىقتا ورتالىق قۇراستىرۋ - اۋدارۋ باسپاسى جاعىنان باسپادان شىعىپ تاراتىلدى.
شي جينپيڭ «كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەنگەن ءسوز» كەدەيلىكتەن ارىلتۋدان قامال الۋ شايقاسىنىڭ جالپى بەتتىك جەڭىسكە قول جەتكىزگەندىگىن سالتاناتپەن جاريالاپ، كەدەيلىكتەن ارىلتۋدان قامال الۋدا قول جەتكەن ۇلى ناتيجەنى تولىق تۇراقتاندىرىپ، كەدەيلىكتەن ارىلتۋدان قامال الۋ شايقاسىنىڭ شۇعىلالى بارىسىن جانە قىمباتتى تاجىريبەلەرىن ىشكەرىلەي قورىتىندىلاپ، كەدەيلىكتەن ارىلتۋدان قامال الۋدىڭ ۇلى رۋحىن ىشكەرىلەي بايىمداپ، اۋىل - قىستاقتى گۇلدەندىرۋدى جالپى بەتتىك ىلگەرىلەتۋ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ جونىندە ايقىن تالاپتار ورتاعا قويدى. بۇل ماڭىزدى ءسوزدىڭ اعىلشىنشا جەكە كىتاپشا بولىپ باسپادان شىعىپ تاراتىلۋى ەل ءىشى - سىرتىنداعى وقىرماندارعا جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرا باستاپ، بۇكىل الەمنىڭ كەدەيلىكتى ازايتۋ ىستەرىنە قوسقان ەلەۋلى ۇلەسىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قوسقان جۇڭگو كۇش - قۋاتىن ىشكەرىلەي ءتۇسىندىرۋدە، كەدەيلىكتى ازايتۋدىڭ جۇڭگوشا جولىن، كەدەيلىككە قارسى اتتانۋدىڭ جۇڭگوشا نازارياسىن جانە جۇڭگو كوممۋنيستىك پارتياسىنىڭ اۋەلگى ماقساتىن، بورىشىن، ت . ب ىشكەرىلەي ۇعىندىرۋدا كەلەلى ماڭىز الادى.
