تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ اسا تاماشا جاعدايىن ءارقانداي ادامنىڭ بۇلدىرۋىنە جول بەرمەيمىز

قاشقار ايماعى مارالباسى ماقتا شارۋاشىلىعى سەرىكتەستىگى تاڭبازار ءشيت ايىرۋ فابريكاسىنىڭ جۇمىسشىسى نۇر مامەت

  امەريكاداعى، باتىستاعى جۇڭگوعا قارسى كۇشتەر شينجياڭعا قاساقانا كۇيە جاعىپ، شينجياڭدا ايتىلمىس ”زورلىقپەن ەڭبەككە سالۋ“ ماسەلەسى ءومىر ءسۇرىپ وتىر دەپ وسەك - اياڭ تاراتتى، ماقتا توقىماشىلىق كاسىپورنىندا قىزمەت ىستەپ جاتقان جۇمىسشى رەتىندە بۇعان زىعىردانىم قاتتى قاينايدى.

  بۇرىن ماقتا ەككەندە ادام كۇشىنە سۇيەنەتىنبىز، ونان سوڭ ادام كۇشىنە سۇيەنىپ سۋارۋ، ءدارى شاشۋ، ارام شوپتەردى وتاۋ، تەرۋ كەرەك ەدى. ول كەزدە مەن دە ماقتا تەرۋشى بولعانمىن، ءار جولى ماقتا تەرەتىن مەزگىلگە جەتكەندە مەن ماقتاشىلارمەن الدىن الا ىرىقتى تۇردە بايلانىس جاساپ، قىسقا مەرزىمدىك توقتام جاساسقاننان كەيىن 2 اي مولشەرىندە ماقتا تەرىپ، كوپ - كورىم اقشا تاباتىنمىن. قازىر ماقتا ەگۋدە جەر جىرتۋ، تۇقىم سەبۋ، سۋلياۋ جارعاق جاتقىزۋ، سۋارۋ، ءدارى شاشۋ، ارام شوپتەردى وتاۋ، تەرۋ بارلىعى ماشينامەن ىستەلەدى، ەندىگارى كوپ ادام كۇشى قاجەت ەتىلمەيتىن بولدى.

  باياندى، ورنىقتى كىرىس بولۋ ءۇشىن تۋىسىمنىڭ تانىستىرۋىمەن ءشيت ايىرۋ فابريكاسىنا بارىپ قىزمەت ىستەدىم. قازىر مەن تۇرعان ءشيت ايىرۋ فابريكاسىندا ماقتانىڭ تۇقىمىن ايىرۋ، ساپاسىن تەكسەرۋ، تايلاۋ، تيەۋ - ءتۇسىرۋ تۇگەلدەي ماشينامەن ىستەلەدى، قىزمەتىمىز ءبىرماشا جەڭىل. قىزمەت كۇنىندە 8 ساعات قىزمەت ىستەيمىز، اپتا سوڭىندا 2 كۇن دەمالامىز. زاڭدا بەلگىلەنگەن مەرەكە - مەيرام جانە دەمالىس كۇندەرىندە فابريكا بىزگە دەمالىس بەرۋدەن سىرت، تاعى ءتۇرلى مادەنيەت - كوركەمونەر قيمىلدارىن وتكىزىپ، جۇمىسشى - قىزمەتشىلەرگە مەرەكەلىك تارتۋ - تارالعى تاراتىپ وتىرادى. ءبىز ءشيت ايىرۋ فابريكاسىمەن ەڭبەك توقتامىن جاساستىق، اي سايىن تۇراقتى كىرىسىمىز بار. قىزمەت ىستەگەن وسىنشا كوپ جىلدا ”زورلىقپەن ەڭبەككە سالۋدى“ ەشقايدان دا جولىقتىرعان ەمەسپىن.

  ەڭبەكشىل قوس قولىمىزعا سۇيەنىپ اقشا تاۋىپ، وتباسىمىزدىڭ كىرىسىن جوعارىلاتىپ، تۇرمىس شارت - جاعدايىمىزدى جاقسارتساق، ول قايدان ”زورلىقپەن ەڭبەككە سالۋ“ بولادى؟ امەريكاداعى، باتىستاعى جۇڭگوعا قارسى كۇشتەردىڭ وسەك - اياڭىنا ەشكىم دە سەنبەيدى، شينجياڭداعى ءار ۇلت حالقى پارتيانىڭ شۇلەن شۇعىلاسىندا باقىتتى، شادىمان تۇرمىس كەشىرىپ جاتىر، شينجياڭنىڭ تىنىش، بەرەكەلى اسا تاماشا جاعدايىن ءارقانداي ادامنىڭ بۇلدىرۋىنە جول بەرمەيمىز!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.