اۆتونوميالى رايون باسشىسى اۆتونوميالى رايوننىڭ اۋىل شارۋاشىلىعى، اۋىل - قىستاق، مادەنيەت - ساياحات، توتەنشە جاعدايعا توتەپ بەرۋ - باسقارۋ سياقتى جۇيەلەرىندە پارتيا تاريحىن ۇيرەنۋ تاربيەسى بويىنشا ارناۋلى تاقىرىپتىق ۇگىت لەكسيا جاسادى
تاريحتان اقىل - پاراسات قابىلداپ، ءىس تىندىرىپ، ناتيجە جاراتۋدىڭ رۋح - جىگەرىن ونان ارى قاۋلاتۋ كەرەك
انار بۇلت / شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 17 - كۇنى ۇرىمجىدەن حابارلايدى. 5 - ايدىڭ 17 - كۇنى اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز اۆتونوميالى رايوننىڭ اۋىل شارۋاشىلىعى، اۋىل - قىستاق، مادەنيەت - ساياحات، توتەنشە جاعدايعا توتەپ بەرۋ - باسقارۋ سياقتى ءوزى جاۋاپتى جۇيەدەگى اۋدان - باسقارما دارەجەلىدەن جوعارى كادرلارعا پارتيا تاريحىن ۇيرەنۋ تاربيەسى بويىنشا ارناۋلى تاقىرىپتىق ۇگىت لەكسيا جاسادى.
ەركىن تۇنياز ”باس شۋجي شي جينپيڭنىڭ پارتيا تاريحى جونىندەگى ماڭىزدى بايىمداۋلارىن ىشكەرىلەي ۇيرەنىپ، ءتۇسىنىپ، پارتيا تاريحىن ۇيرەنۋ تاربيەسىن ورىستەتۋدىڭ كەلەلى ءمانىن تولىق تانۋ“، ”پارتيا تاريحى نەگىزگى شىعارمالارىن مۇقيات زەرتتەپ وقىپ، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ شۇعىلالى بارىسى مەن تاريحي ۇلەسىن جالپى بەتتىك ءتۇسىنۋ“، ”پارتيا تاريحىن ۇيرەنۋ تاربيەسىن ورىستەتۋدىڭ ماڭىزدى ءتۇيىنىن ىشكەرىلەي يگەرۋ“ سياقتى جاقتاردان جۇڭگو كوممۋنيستىك پارتياسىنىڭ اۋەلگى ماقساتتى، بورىشتى امالياتتا ايگىلەگەن 100 جىلدىق تاريحىن جۇيەلى باياندادى.
ەركىن تۇنياز بىلاي دەپ باسا دارىپتەدى: تاريحتان تاجىريبە، اقىل - پاراسات قابىلداپ، توڭكەرىستىك داستۇرگە سانالى تۇردە مۇراگەرلىك ەتىپ، قىزىل گەندى جالعاستىرىپ، رۋحاني كالتسيدى تولىقتاۋ كەرەك. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ”ءتورت تانىمدى“ ۇزدىكسىز كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ؛ جۇڭگو كوممۋنيستىك پارتياسىنىڭ ءار ۇلت حالقىن ىنتىماقتاستىرىپ، باستاپ، شينجياڭنىڭ دامۋىن، العا باسۋىن جۇزەگە اسىرۋداعى كۇرەس بارىسى مەن ۇلى تابىسىن ەستە بەرىك ساقتاۋ؛ جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ يدەيالىق ۇلى كۇشى مەن جارىققا شىعارعان اسا زور ونىمدىلىگىن تەرەڭ سەزىنۋ؛ ءىس تىندىرىپ، ناتيجە جاراتۋدىڭ رۋح - جىگەرىن ونان ارى قاۋلاتىپ، ۇيرەنۋ ونىمدىلىگىن كۇشتى تاريحي جاۋاپكەرشىلىككە اينالدىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋگە بەلسەندى ۇلەس قوسۋ كەرەك.
