تيانشان تورى   ›   جاڭالىقتار   ›   شينجياڭ حابارلارى

ەشكىم دە ءبىزدىڭ ”باقىت گۇلىمىزدى“ تارتىپ الا المايدى

كەريا اۋدانى جاڭا تاشنا توقىماشىلىق شەكتى سەرىكتەستىگىنىڭ قىزمەتكەرى ءاشحان مامەت

  العاش ۇيلەنگەن كەزدە، مەن ۇيدە بالا باعىپ، ءۇي جۇمىستارىمەن اينالىساتىنمىن، كۇيەۋىم ۇساق - تۇيەك ساۋدا ىستەيتىن، كىرىسىمىز تۇراقسىز، وتباسىمىزدىڭ تۇرمىس شارت - جاعدايى جۇپىنى ەدى. 2018 - جىلى بالام ءسال ۇلكەيگەننەن كەيىن، مەن قىزمەت ىزدەپ، كوبىرەك اقشا تاۋىپ وتباسى قاجەتىنەن شىعۋدى ويلادىم، دوسىمنىڭ تانىستىرۋىمەن مەن قازىرگى قىزمەت ورنىم − توقىماشىلىق سەرىكتەستىگىنە كەلدىم.

  ءبىزدىڭ قىزمەت ورتامىز توتەنشە جاقسى، زاۆود ءۇيى تازا دا رەتتى، ءوندىرىس جابدىقتارى وزىق، ونىڭ ۇستىنە قىزمەتكەرلەرگە ءتۇرلى قامسىزداندىرۋ ساتىپ الىپ بەردى. اپتا سايىن 5 كۇن، ءار كۇنى 8 ساعات قىزمەت ىستەيمىز، تاماقتانۋدا تاماق قوسىمشا قاراجاتى بەرىلەدى، مەن جانە قىزمەتتەستەرىم بۇل قىزمەتكە توتەنشە ريزامىز. العاش كەلگەن شاقتا مەنىڭ ەشتەڭەدەن حابارىم جوق، قىزمەت ونىمدىلىگىم تومەن بولاتىن. ءبىر جاقسىسى تەحنيك قولما - قول ۇيرەتتى، مەن ءوزىم دە قۇلشىنىپ، تەز ارادا جاتىلىپ الدىم. قازىر مەن سەحتىڭ كىشى گرۋپپا باستىعى بولدىم، ايلىق ەڭبەكاقىم 3500 يۋانعا ءوستى. كەيىن كەلە ءبىزدىڭ سەرىكتەستىكتىڭ مامىلەسىنىڭ جاقسى، كىرىسىنىڭ جوعارى ەكەندىگىن بىلگەن كۇيەۋىم دە مۇندا قىزمەتكە شىقتى. قازىر كۇيەۋىم ەكەۋىمىزدىڭ قىزمەتىمىز تۇراقتى، اماناتقا قويعان اقشامىز دا بارعان سايىن كوبەيدى، وتباسىمىزعا جاڭا ادەمى ءۇي سالىپ الدىق، ءتۇرلى ەلەكتر جابدىقتارىن ساتىپ الدىق، تۇرمىسىمىز بارعان سايىن شالقي ءتۇستى.

  جۋىقتا مەن ءىشىنارا شەتەل كاسپورىندارىنىڭ شينجياڭنىڭ ماقتا وندىرىسىندە ”زورلىقپەن ەڭبەككە سالۋ“ ءومىر ءسۇرىپ وتىر دەپ جالا جاپقانىن، سونداي - اق ءبىزدىڭ شينجياڭنىڭ ماقتاسىنا شەك قويعاندىعىن كوردىم، بۇل ناعىز جامان نيەتتە وسەك - اياڭ تاراتۋ، ءبىزدىڭ اقشا تاۋىپ، تۇرمىسىمىزدى جاقسارتۋىمىزعا زورلىقتىڭ قاجەتى بار ما؟

  ءبىزدىڭ شينجياڭدا ەجەلدەن ايتىلمىس ”زورلىقپەن ەڭبەككە سالۋ“ بولعان ەمەس، ماقتاشى، ماقتا تەرۋشى، تاعى ءبىز توقىماشىلىق جۇمىسشىلارى، سانسىزداعان ادام ماقتاعا سۇيەنىپ تاماشا تۇرمىس وتكىزىپ وتىرمىز، ماقتا ءبىزدىڭ ”باقىت گۇلىمىز“! شينجياڭ ماقتاسىنىڭ يگىلىگىنە كەنەلۋشى رەتىندە، مەن اناۋ شەتەل كاسىپورىندارىنىڭ ارسىزدىققا باسقان وسەك - اياڭدارىنا باتىل قارسى تۇرامىن، ولار تەك شينجياڭنىڭ گۇلدەنىپ - كوركەيۋىن، ورنىقتىلىعىن ءبۇلدىرىپ، بىزگە تاماشا تۇرمىس كەشىرتپەۋدى ويلاۋدا. مەن تەك ەڭبەكشىل قوس قولىمىزعا سۇيەنىپ تاماشا تۇرمىس جاراتاتىن بولساق، ەشكىمنىڭ دە ءبىزدىڭ ”باقىت گۇلىمىزدى“ تارتىپ الا المايتىندىعىنا سەنەمىن!

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.