انار بۇلت / شينجياڭ گازەتىنىڭ ءتىلشىسى جاڭ يۇنمەي 5 - ايدىڭ 18 - كۇنى ۇرىمجىدەن حابارلايدى. 5 - ايدىڭ 17 - كۇنى اۆتونوميالى رايوندىق ساياسي كەڭەس ءتوراعالار ءماجىلىسىنىڭ مۇشەلەرى ساياسي كەڭەس مۇشەلەرى قيمىل ورتالىعىندا ساياسي كەڭەس شينجياڭ ۇيعۇر اۆتونوميالى رايوندىق كوميتەتىنىڭ دامۋ بارىسى كورمەسىن جانە شينجياڭ ساياسي كەڭەسى قۇرىلعاندىعىنىڭ 70جىلدىعىن قۇتتىقتاۋعا ارنالعان حاتكەرلىك تۋىندىلارى كورمەسىن ەكسكۋرسيالادى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ەكسكۋرسيالاۋ قيمىلىنا قاتىناستى.
نۇرلان ءابىلماجىن بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. حالىق ساياسي كەڭەسى تاريحى پارتيا تاريحىنىڭ ماڭىزدى تاراۋى، شينجياڭ ساياسي كەڭەسىنىڭ دامۋ بارىسى كورمەسىن ەكسكۋرسيالاپ، جۇڭگونىڭ ساياسي ءتۇزىم ابزالدىلىعىنا دەگەن تانىمدى تەرەڭدەتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىنا دەگەن تۇسىنىكتى، اسىرەسە، باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنا دەگەن تۇسىنىكتى كۇشەيتتىم. ول بىلاي دەپ باسا دارىپتەدى: اۆتونوميالى رايوندىق ساياسي كەڭەس قۇرىلعاندىعىنىڭ 70 جىلدىعىن جاڭا باستاما ەتىپ، مىندەت وتەۋدىڭ جاڭا جورىعىن باستاۋدىڭ بۇلجىماس سەنىمىن ونان ارى بەكەمدەپ، پارتيا تاريحىن ۇيرەنۋ تاربيەسىن تىڭعىلىقتى ورىستەتىپ، 100 جىلدىق پارتيا تاريحىنان العا باسۋ كۇش - قۋاتىن قابىلداپ، ۇيرەنۋ ناتيجەسىن ساياسي كەڭەس قىزمەتىنىڭ ساپاسىن ءوسىرىپ، ونىمدىلىگىن جوعارىلاتۋدى، جاڭالىق اشا دامۋدى ىلگەرىلەتۋدىڭ قۋاتتى قوزعاۋشى كۇشىنە شىن مانىندە اينالدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا ساياسي كەڭەستىڭ كۇش - قۋاتىن قوسۋ كەرەك.
اۆتونوميالى رايوندىق ساياسي كەڭەستىڭ دامۋ بارىسى كورمەسىندە مەملەكەت قۇرۋدى اقىلداسۋ، پارتيانىڭ باسشىلىعىنا تاباندى بولۋ، تىزە قوسا بىرگە ىلگەرىلەۋ، تاريحي بۇرىلىس، قارىشتاپ دامۋ، دامۋدىڭ جاڭا تاراۋى، جاڭا داۋىرگە قادام باسۋ سىندى 7 بولىك ارقىلى حۇجات - ارحيۆتەر، بەينە ەكران ماتەريالدارى، سۋرەتتەر، كەستەلەر، جازۋلار، ناقتى زاتتار سياقتى تاسىلدەردەن جان - جاقتىلى پايدالانىلىپ، اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق ساياسي كەڭەستىڭ ساياسي كەڭەسۋ، دەموكراتيالىق باقىلاۋ، ۇكىمەت ىسىنە ات سالىسۋ، ۇكىمەت ءىسىن كەڭەسۋ فۋنكتسياسىن مۇقيات اتقارىپ، 70 جىلدان بەرگى باسىپ وتكەن شۇعىلالى بارىستا، شينجياڭنىڭ رەفورما جاساۋ، دامۋ، ورنىقتىلىق ىستەرىن جەبەۋگە قوسقان ماڭىزدى ۇلەستەرى جان - جاقتى كورسەتىلگەن. شينجياڭ ساياسي كەڭەسى قۇرىلعاندىعىنىڭ 70 جىلدىعىن قۇتتىقتاۋ حاتكەرلىك تۋىندىلارى كورمەسىندە ”قيىندىقتى بىلەك بىرىكتىرە جەڭۋ تاريحىن ورنەكتەپ، ىنتىماقتاسا ەكپىندەي ىلگەرىلەۋ داستانىن جازۋدى“ نەگىزگى تاقىرىپ ەتىپ، شينجياڭداعى ايگىلى حاتكەرلەر، پەنسياعا، دەمالىسقا شىققان قارت كادرلار، ءار ۇلت، ءار سالاداعى مۇشەلەر قاتارلىلاردىڭ حاتكەرلىك تۋىندىلارىن شوعىرلى تۇردە كورمەگە قويىلىپ، حالىق ساياسي كەڭەس ءتۇزىمىنىڭ ابزالدىلىعى جىرلانعان.
اۆتونوميالى رايوندىق ساياسي كەڭەستىڭ ورىنباسار ءتوراعالارى ءجۇرات يمىن، ءمۇتالىپ وبۇل، ءىلھام سابىر، ما شيۇڭچىڭ، ازەز مۇسا، باس حاتشى گاۋ جياڭحۋاي كورمەنى ەكسكۋرسيالادى.
5 - ايدىڭ 17 - كۇنىنەن 19 - كۇنىنە دەيىن ءار كەزەكتى اۆتونوميالى رايوندىق ساياسي كەڭەستىڭ ورىنباسار ولكە دارەجەلىدەن جوعارى پەنسياعا، دەمالىسقا شىققان ساقا جولداستاردىڭ ۋاكىلدەرى، ورگان پارتيا باسشىلىق گرۋپپاسىنىڭ مۇشەلەرى، شينجياڭدا تۇراتىن ءبىر ءبولىم مەملەكەتتىك ساياسي كەڭەس مۇشەلەرى، اۆتونوميالى رايوندىق ساياسي كەڭەستىڭ تۇراقتى مۇشەلەرى، مۇشەلەرى جانە ساقا كادرلاردىڭ ۋاكىلدەرى توپقا ءبولىنىپ كورمەنى ەكسكۋرسيالادى.
