تيانشان تورى   ›   جاڭالىقتار   ›   سپورت الەمى

فۋتبول سالاسىنىڭ ايگىلى اعا بۋىنى سۇن جيحاي ىلەدەگى ”قىزدار فۋتبول مەرەكەسىنە“ كومەككە كەلدى

   تيانشان تورى – شينجياڭ گازەتىنىڭ حابارى (ٴتىلشى جىڭ ييۋان حابارلايدى) 5 – ايدىڭ 11 – كۇنى 2021 – جىلعى ازيا فۋتبولشىلار بىرلەستىگى قىزدار فۋتبول مەرەكەسىنىڭ ىلە ايالداماسى قيمىلى قۇلجا قالالىق دەنە تاربيە الاڭىندا وتكىزىلدى. فۋتبول سالاسىنىڭ ايگىلى اعا بۋىنى، شينجياڭ فۋتبولشىلار قوعامىنىڭ ورىنباسار ٴتوراعاسى سۇن جيحاي قاتارلىلار باستالۋ سالتىنا قاتىناستى، 100گە جۋىق قىز وقۋشى باي مازمۇندى فۋتبول ويىندارىنا بەلسەنە قاتىناسىپ، فۋتبول سپورتىنىڭ شاتتىعى مەن قۇدىرەتىنەن بارىنشا ٴلاززاتتاندى. 

   2015 – جىلدان باستاپ، ازيا فۋتبولشىلار بىرلەستىگى ٴار جىلى 3 – ايدىڭ 8 - كۇنىن ”ازيا فۋتبولشىلار بىرلەستىگىنىڭ قىز فۋتبولشىلار كۇنى“ ەتىپ بەلگىلەدى، جۇڭگو فۋتبولشىلار قوعامى بۇكىل ەلدەگى فۋتبول ٴتۇيىندى رايوندارىندا ”قىزدار فۋتبول مەرەكەسى“ قيمىلىن ورىستەتىپ، وسى ارقىلى ازيا وڭىرىندەگى ايەلدەر فۋتبولى قيمىلىنىڭ دامۋىن ونان ارى ىلگەرى باستىردى. 2021 – جىلعى ازيا فۋتبولشىلار بىرلەستىگى ىلە ايالداماسى قيمىلىن ازيا فۋتبولشىلار بىرلەستىگى، جۇڭگو فۋتبولشىلار قوعامى باس بولىپ وتكىزدى، ىلە قازاق اۆتونوميالى وبلىستىق فۋتبولشىلار قوعامى ۇستىنە الىپ، ”مەن قاتىناسامىن، قىزۋ سۇيەمىن. قىزداردىڭ فۋتبول ارمانىن“ نەگىزگى تاقىرىپ ەتتى. قيمىل كەزىندە قىز وقۋشىلاردىڭ قول ۇستاسىپ دوپ بەرۋ ۇتىلامالى جارىسى، قىزىقتى دوپ سوعۋ، دوپ ەنگىزۋ ۇتىلامالى جارىسى، اتا – انالاردىڭ بالامەن بىرگە فۋتبول تەبۋ جارىسى سياقتى باي مازمۇندى قيمىلدار وتكىزىلدى. وسى رەتكى قيمىلدىڭ ماقساتى 7 دە 14 جاس ارالىعىنداعى قىز بالالار مەن اتا – انالارعا فۋتبول قيمىلىن تانىستىرىپ جانە جالپىلاستىرىپ، فۋتبول قيمىلى ارقىلى جاستار مەن وسپىرىمدەردىڭ دەنە تاربيە سپورتىنىڭ ماڭىزدىلىعىن تۇسىنۋىنە كومەكتەسىپ، اقاۋسىز تۇرمىس ٴتاسىلىن دارىپتەپ، ولاردىڭ تاماشا سپورت ادەتىن قالىپتاستىرۋىنا كومەكتەسۋ. سونىمەن بىرگە، ۇقساماعان جاستاعى ايەلدەردىڭ ٴتىپتى دە كوپ فۋتبول سپورتىنا قاتىناسۋىنا وراي جاراتىپ، فۋتبولدى ٴتىپتى دە كوپ قىز بالالاردىڭ اۋەسى مەن ارمانىنا اينالدىرۋ.

  ىلە وبلىستىق دەنە تاربيە مەكەمەسى پارتيا باسشىلىق گرۋپپاسىنىڭ شۋجيى، باستىعى جالەل نۇرپەيىس بىلاي دەپ تانىستىردى: جاقىنعى جىلداردان بەرى، ىلە وبلىسىنداعى قوعامدىق فۋتبولدىڭ دامۋ ناتيجەسى كورنەكتى بولدى، مەكتەپ فۋتبولى، جاستار مەن وسپىرىمدەر فۋتبولى قارىشتاپ دامىپ، فۋتبول سپورتىنىڭ كاسىپتىك قۇرىلىسى مەن بۇقارالىق نەگىزىندە ايتارلىقتاي ىلگەرىلەۋ بولدى. ” 13 - بەسجىلدىق“ كەزىندە، ىلە وبلىسىندا قوعامدىق فۋتبول الاڭى نىسانىنان جيىنى 50ى سالىنىپ، ورتالىقتىڭ 67 ميلليون 200 مىڭ يۋان مەجە ەسەپ قارجىسى وبلىسقا توتە قاراستى 19 قوعامدىق فۋتبول الاڭى نىسانىن سالۋعا جۇمسالدى، قازىرگە دەيىن نىسان تۇگەلدەي سالىنىپ بولدى.

  قىز وقۋشىلار فۋتبول ويىنىن ويناۋدا. سۋرەتتى شينجياڭ فۋتبولشىلار قوعامىنىڭ ورىنباسار باس حاتشىسى، ىلە وبلىستىق دەنە تاربيە باس قوعامىنىڭ باس حاتشىسى ما جۇنيۇڭ قامداعان

  سۇن جيحاي مەملەكەتتىك فۋتبول كومانداسىنىڭ نەگىزگى كۇشى رەتىندە 2002 – جىلعى دۇنيە جۇزىلىك فۋتبول جارىسىنا قاتىناسقان. 2019 – جىلى شينجياڭ فۋتبولشىلار قوعامىنىڭ كەزەك اۋىستىرۋ سايلامىندا سۇن جيحاي شينجياڭ فۋتبولشىلار قوعامىنىڭ ورىنباسار ٴتوراعاسى بولىپ سايلانعان.

اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى