تيانشان تورى   ›   جاڭالىقتار   ›   شينجياڭ حابارلارى

ەرتىس وزەنىنىڭ سۋى اناعۇرلىم تۇنىق، كورىنىسى اناعۇرلىم كوز تارتتى

ەكولوگيانى قورعاۋ، قالپىنا كەلتىرۋ ينجەنەرياسىنىڭ سىناق ءتۇيىنى نىسانى قاۋىرت ءجۇرىلۋ كەزەڭىنە جەتتى

ەرتىس وزەنىنىڭ سۋى اناعۇرلىم تۇنىق، كورىنىسى اناعۇرلىم كوز تارتتى

  انار بۇلت / شينجياڭ گازەتىنىڭ ءتىلشىسى جاڭ تيڭ 5 - ايدىڭ 19 - كۇنى التايدان حابارلايدى. 5 - ايدىڭ 19 - كۇنى جەمەنەي اۋدانىنداعى قاراسۋ سۋ بايلىعى ينجەنەرياسىنىڭ جۇمىس باسىندا 100دەن استام قۇرىلىسشى، 20 دان استام ماشينا، جابدىقتار قۇرىلىستىڭ ءبىرىنشى شەبىندە شايقاس جاساۋدا.

  ”قازىر نەگىزىنەن سۋ قويماسىنىڭ تۇبىندەگى تاعاندى جوندەپ جاتىرمىز، كەلەسى قادامدا جارعاق توسەيمىز، تۇتاس توسپا قاپتالىنىڭ سۋ سىڭۋدەن ساقتانۋ جۇمىستارىن بىتىرسەك، سۋ جىبەرىپ سىناۋىمىزعا بولادى“، - دەپ تانىستىردى نىسان جاۋاپتىسى جاڭ يۇڭگۇي.

  قاراسۋ سۋ بايلىعى ينجەنەرياسى شينجياڭنىڭ ەرتىس وزەنى الابىنداعى تاۋ، سۋ، ورمان، ەگىنجاي، كول، جايلىم ەكولوگياسىن قورعاۋ، قالپىنا كەلتىرۋ ينجەنەرياسىنىڭ سىناق ءتۇيىنى نىسانىنىڭ ىشىندەگى تارماق نىسانداردىڭ ءبىرى. ەرتىس وزەنى الابىنداعى تاۋ، سۋ، ورمان، ەگىنجاي، كول، جايلىم ەكولوگياسىن قورعاۋ، قالپىنا كەلتىرۋ ينجەنەرياسىنىڭ سىناق ءتۇيىن نىسانى 2018 - جىلى باستالعان. جۇمىس جۇرگىزۋ جوباسى بويىنشا، نىساندى ۇقساماعان ەكولوگيالىق يقۋاتتارعا مەڭزەس 3 اۋماق، 7 ۇلكەن توپ، 44 ۇلكەن تۇرگە، ءىس جۇزىندىككە بىرلەستىرىپ جىنتىكتەي وتىرىپ 167 تارماق نىسانعا ءبولىپ، جالپى 5 ميلليارد 997 ميلليون يۋان قارجى قوسىپ، كەن - تاۋ ەكولوگياسىن قالپىنا كەلتىرۋ، وزەن الابىنداعى سۋ ورتاسىن قورعاۋ، لاستانىپ توزعان جەرلەردى وڭاۋ، ورمان، وسىمدىك جامىلعىسىن قالپىنا كەلتىرۋ سياقتى ينجەنەريالاردى ءبىر تۇتاس جوسپارلاپ ىلگەرىلەتتى.

  بيىل وسى ەكولوگيانى قورعاۋ، قالپىنا كەلتىرۋ ينجەنەرياسى سىناق ءتۇيىن نىسانىنىڭ اياقتالاتىن جىلى، كەزەكتە نىسان قۇرىلىسى سوڭعى ۇمتىلۋ كەزەڭىنە قادام باستى، 167 سىناق ءتۇيىن نىسانىنان جيىنى 107سى سالىنىپ بولىپ، 55ى جۇمىستى قايتا باستادى. 2021 - جىلى جاڭادان سالىنعان 5 نىسان ءتارتىپتى جۇرىلۋدە، بيىل جىل اياعىندا قۇرىلىسى بۇكىلدەي اياقتالادى.

  التاي قالاسى جياڭجۇنشان تاۋى شاڭعى الاڭىنىڭ سولتۇستىك بولەگىندەگى تاۋ بەتكەيىندە قاراعايلار، ءسىبىر شىرشالارى، اق قايىڭدار قايسارلانا ءوسىپ كەلەدى. ”تارماق نىسانداردىڭ ءبىرى رەتىندە، بۇل اعاشتاردى 2019 - جىلى ەككەن بولاتىنبىز“. التاي قالالىق ورمان - جايلىم قورعاۋ ورتالىعىنىڭ ورىنباسار مەڭگەرۋشىسى لي زىۋي بىلاي دەدى: بۇرىن بۇل ارا توزعان تاۋ شاپپالىعى ەدى، جاۋىن - شاشىننىڭ جەتكىلىكسىزدىگىنەن توپىراق پەن سۋدىڭ زايا بولۋ جايتى جارىققا شىقتى. 2019 - جىلدان بەرى التاي قالاسى 300 ميلليون يۋان قارجى قوسىپ، تاۋلى وڭىردەگى، وزەن اڭعارىنداعى وسىمدىك جامىلعىسىن قالپىنا كەلتىرۋدى جانە قورعاۋدى ۇزدىكسىز ىلگەرىلەتتى.

  جۋىقتاعى جىلداردان بەرى التاي ايماعى ەكولوگيانى الدىڭعى ورىنعا قويعان، جاسىل دامۋدى باعدار ەتكەن جوعارى ساپالى دامۋ جولىن بەلسەنە جوسپارلاپ، ەكولوگيالىق جۇيەنىڭ بۇتىندىگىن، جاعراپيالىق فاكتورلاردىڭ بايلانىستىلىعىن جانە ەكونوميكالىق، قوعامدىق دامۋدىڭ باياندىلىعىن ءبىر تۇتاس ويلاستىرۋ نەگىزىندە، مۇزدىق، ءشول - جازيرا، وزەن - كول، سۋ جۇيەسى سياقتى ەكولوگيالىق فاكتورلاردى وڭاۋدى جۇيەلى ورنالاستىرىپ، ەكولوگيانى وڭاۋداعى ۇساقتالۋ ماسەلەلەرىن ءونىمدى تۇردە الاستاپ، تۇتاس نىساندى، تۇتاس تىرشىلىك اينالىمىن جۇيەلى باسقارۋدى جۇزەگە اسىردى.

  ”قالپىنا كەلتىرۋ، وڭاۋ بارىسىندا، ءبىز سۋ جاعدايىنا قاراي جاسىلداندىرۋعا، سۋ مولشەرىنە قاراي جۇمىس جۇرگىزۋگە تاباندى بولىپ، الۋان ءتۇرلى جەرگىلىكتى اعاش تۇرلەرىن، ءشوپ تۇرلەرىن نەگىز ەتە وتىرىپ، عىلمي جولمەن ورمان ءوسىرىپ، ءشوپ ەگىپ، ورمان، ءشوپ سياقتى وسىمدىك جامىلعىلارىن لايىقتى ورنالاستىرىپ، ەكولوگيالىق جۇيەنىڭ وزدىگىنەن قالپىنا كەلۋ قۋاتىن كۇش سالا جوعارىلاتىپ، ەكولوگيالىق جۇيەنىڭ تۇراقتىلىعىن كۇشەيتتىك. وسى نەگىزدە ءبىز جانە دە كەيبىر ەكولوگيانى قورعاۋدىڭ، قالپىنا كەلتىرۋدىڭ جاڭا ۇلگىسىن، تىڭ جولىن قاراستىرىپ، ءبىر توپ جالپىلاستىرۋ جانە ۇلگى الۋ رولىنا يە تيپتىك مىسالداردى جارىققا شىعاردىق“، - دەدى التاي ايماقتىق اكىمشىلىك مەكەمەسىنىڭ ورىنباسار باس حاتشىسى، ايماقتىق ەكولوگيالىق ورتا مەكەمەسى پارتيا باسشىلىق گرۋپپاسىنىڭ شۋجيى شى چيڭسان، - ”جۇيەلى وڭاۋدىڭ ارقاسىندا، ەرتىس وزەنىنىڭ سۋى ءتىپتى دە مولدىرەپ، كورىنىسى ءتىپتى دە كورىكتەنىپ، وزەن الابى ەكولوگيالىق جۇيەسىنىڭ يقۋاتى كورنەكتى جوعارىلادى“.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.