شينجياڭ داشۋەسى مەكتەپ تاريحى سارايى:
ۇشقىننان جالىن قاۋلادى، حۇڭحۋدا تولقىن كوتەرىلدى
انار بۇلت / شينجياڭ گازەتىنىڭ ءتىلشىسى ياڭ شۋحان
3 - ايدىڭ 1 - كۇنى وقۋشىلار شينجياڭ داشۋەنىڭ مەكتەپ تاريحى سارايىندا ءتۇسىندىرۋشىنىڭ توڭكەرىستىك ارداگەر قۇربانداردىڭ ىزگى ىستەرىن ايتقانىن تىڭداۋدا. سۋرەتتى انار بۇلت / شينجياڭ گازەتىنىڭ ءتىلشىسى شيە لۇڭ تۇسىرگەن
شينجياڭ داشۋەسىنىڭ توركىنى 1924 - جىلى قۇرىلعان شينجياڭ ورىس ءتىلى زاڭ - ساياسي ارناۋلى مەكتەبى، 1935 - جىلى 1 - ايدىڭ 1 - كۇنى شينجياڭ شۋەيۋانى دەپ وزگەرتىلگەن. 100 جىلعا جۋىق ىستىق - سۋىقتى باستان كەشىرىپ بۇگىنگە جەتكەن شينجياڭ داشۋەسى قازىر بۇكىل ەلدەگى بىرەگەي داشۋە قۇرىلىسىنداعى 42 جوعارى مەكتەپ قاتارىنا ءوتتى، 3 مەكتەپ اۋماعى بار، ءار تۇردە وقىپ جاتقان وقۋشى سانى 35 مىڭنان استام.
شينجياڭ داشۋەسى مەكتەپ تاريحى سارايى شينجياڭ داشۋەسىنىڭ باس بولىمىنە ورنالاسقان، اۆتونوميالى رايوندىق وتانشىلدىق تاربيە بازاسىنىڭ ءبىرى، مەكتەپ اۋلاسىنداعى ”ازاتتىق عيماراتىنان“ وزگەرتىلگەن. ”ازاتتىق عيماراتى“ 1952 - جىلى سالىنعان، 70 جىلعا جۋىق تاريحقا يە، مۇندا شينجياڭ داشۋەسىنىڭ ءبىر قىدىرۋ تاريحي ماتەريالدارى ساقتالىپ كورمەگە قويىلعان. سارايدان ەسكەن كەشۋ - كەشۋ تاريح لەبى، اسقاق سەزىم الاۋلاعان قىزىل گەن مادەنيەتى رايى جۇرەكتى تولقىتادى.
تاريحقا قايىرىلا كوز جىبەرسەك، جاپون شاپقىنشىلارىنا قارسى سوعىس كەزىندە، يۇي شيۋسۇڭ، لين جيلۋ قاتارلى ءبىر توپ كوممۋنيست جانە ادەبيەتشى ماۋدۇن، فيلوسوف جاڭ جۇڭشى، كوركەمونەرشى جاۋ دان قاتارلى ءبىر توپ العاباسار قايراتكەر مەكتەپكە كەلىپ وقىتۋشى بولىپ، ”ۇلتتى فورما، ماركسيزم - لەنينيزمدى مازمۇن“ ەتكەن وقۋ - اعارتۋ يدەياسىن العا قويىپ، جاپون شاپقىنشىلارىنا قارسى تۇرىپ وتاندى قۇتقارۋ ۇگىت قيمىلدارىن دابىرالى ورىستەتۋدىڭ شىمىلدىعىن اشتى، مەكتەپ ”جۇڭگو حالقىنىڭ جاپون شاپقىنشىلارىنا قارسى تۇرۋداعى 2 -اسكەري ساياسي داشۋە“ دەگەن داڭقتى ات الدى.
مەكتەپ تاريحى سارايىنا قادام تاستاساڭىز، قارسى الدىڭىزدان يۇي شيۋسۇڭ، لين جيلۋ قاتارلى كوممۋنيستەردىڭ مىس ءمۇسىنى كورىنەدى. شينجياڭ داشۋەسى ارحيۆ سارايىنىڭ باستىعى يۇي فۋىن بىلاي دەپ تانىستىردى: ماركسيزم نازارياسى دارىندىلارىن جۇيەلى تاربيەلەۋ ءۇشىن، يۇي شيۋسۇڭ ماركسيزم - لەنينيزم نازارياسىن مىندەتتى ساباق ورنىنا قويىپ، تۇڭعىش رەت ديالەكتيكالىق ماتەرياليزم قاتارلى ساباقتاردى اشىق ورنالاستىرىپ، ساياسي ەكونوميكا، جاڭا فيلوسوفيا جانە فيلوسوفيا تاريحى قاتارلى ساباقتاردى ءوزى ءوتىپ، توپ - توپ جاس ماركسيزم - لەنينيزمشىلدەردى جەتىلدىرىپ شىقتى.
مەكتەپ سارايى 6 كورمە زالىنا بولىنگەن، نەگىزگى تاقىرىپ جەكە - جەكە ”وتكەن كۇندەر“، ”قىزىل گەندى جالعاۋ“، ”شەپتى تاپجىلماي قورعاۋ“، ”بار زەيىنىن سالىپ ەڭبەكتەنۋ“،”ەكپىندەي العا ىلگەرىلەۋ“، ”شينجياڭ داشۋەگە ماحاببات“. مەكتەپ تاريحى سارايىنىڭ 2 - قاباتىندا ارناۋلى جۇڭحۋانىڭ تاڭداۋلى ءداستۇرى مادەنيەت كورمەسى اشىلعان.
مەكتەپ تاريحى سارايىندا 69 جاس وقىتۋشى مەن وقۋشىدان قۇرالعان ەرىكتىلەر قىزمەت وتەۋ اترەتى بار، ولار ەكسكۋرسيالاۋشىلارعا ءتۇسىندىرۋ قىزمەتىن وتەپ، ءتۇسىندىرۋ بارىسىندا مۇراتقا، سەنىمگە، كۇرەسكە دەگەن تانىمدى تەرەڭدەتە تۇسەدى.
يۇي فۋىننىڭ ءوزىنىڭ قانشا ەكسكۋرسياشىنى قابىلداعانى ەسىندە قالماعان، الايدا ءاربىر جاناردان ۇشقىنداعان ساۋلە ونىڭ كوز الدىنان كەتپەيدى. ”ول قۇرمەتتەگەن، ءتانتى بولعان جانە ساعىنىشقا تولى نۇر - شۇعىلا“، - دەدى ول، - تۋ باستا، يۇي شيۋسۇڭ شينجياڭعا ماركسيزمدى الا كەلگەن ەدى، ال قازىر اناعۇرلىم كوپ شاكىرتتەرى ونىڭ ءىزىن باسىپ، قىزىل گەندى جالعاستىرىپ، قىزىل ءداستۇردى ساۋلەلەندىرۋدە.
”بۇل تاريحتى ەستەلىككە العان جانە ارقالاعان كورمە سارايى عانا ەمەس، ونان دا ماڭىزدىسى، مۇرات شۇعىلاسىن شاشقان قىزىل بايلىق قامباسى“. جاس ءتۇسىندىرۋشى بىلاي دەدى: توڭكەرىستىك ارداگەر قۇربانداردىڭ جەر - الەمدى ءدۇر سىلكىندىرگەن حيكاياسى جاس كوممۋنيستەر مەن جوعارى مەكتەپ وقۋشىلارىن قىزىل قان تامىردى جالعاستىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەسۋگە ۇندەۋدە جانە شابىتتاندىرۋدا.
تۇسىندىرۋشىلىك قىزمەتىمەن شۇعىلدانعالى ءبىر جىلعا جەتە قويماعان شينجياڭ داشۋەسى اقپارات جانە تاراتۋ شۋەيۋانىنىڭ 2 - جىلدىق وقۋشىسى ساي شياۋلۋ بىلاي دەدى: داشۋەدە پارتيا ۇيىمىنا كىرۋ ەڭ ماقتانارلىق، ەڭ داڭقتى ءىس. ”ءتۇسىندىرۋ بارىسىنىڭ ءوزى ءبىزدىڭ جان جۇرەگىمىزدى نارلەندىرە ءتۇسىپ، وي ورەمىزدى ءوسىرىپ، قىزىل گەننەن العا باسۋ كۇش - قۋاتىن قابىلداۋىمىزعا مۇمكىندىك اپەرەدى“.
2019 - جىلى 6 - ايدىڭ 20 - كۇنى جاڭادان كورمە ورنالاستىرىلىپ، ساراي اشىلعاننان بەرى شينجياڭ داشۋەسى مەكتەپ تاريحى سارايى ءار جىلى تاباندىلىقپەن جاڭا وقۋشىلارعا، جالپى وقىتۋشى - قىزمەتكەرلەرگە، سونداي - اق پارتيا مۇشەلەرىنە وتانشىلدىق جانە توڭكەرىستىك ءداستۇر تاربيەسىن جۇرگىزىپ، سىرتتان الدىن الا كەلىسۋ ارقىلى ەكسكۋرسيالاۋشىلاردى قابىلداپ كەلەدى، جالپى 17 مىڭ ادام - رەتتەن استام ەكسكۋرسياشىنى قابىلدادى.
ەكسكۋرسيالاۋ سىلتەمەسى
شينجياڭ داشۋەسى مەكتەپ تاريحى سارايى ءۇرىمجى قالاسى جەڭىس جولىنداعى شينجياڭ داشۋەسىنىڭ باس ءبولىمى اۋلاسىنا ورنالاسقان، كورمە سارايىندا شينجياڭ داشۋەسىنىڭ ۇزاق تاريحى، دامۋ وزگەرىستەرى كورسەتىلگەن، 2017 - جىلى 12 - ايدا اۆتونوميالى رايوندىق وتانشىلدىق تاربيە بازاسى اتاعىن العان. مەكتەپ تاريحى سارايىنىڭ ىشىنە ءتۇسىندىرۋ اسپابى، تاقتا تەلەۆيزور، ءوز ەركىنشە كەڭەس سۇراۋ اسپابى سىندى كوپ مەديا جابدىقتارى سەپتەلىپ، ەكسكۋرسيالاۋشىلاردىڭ شينجياڭ داشۋەسى تاريحىن كوپ تۇرعىدان، كوپ جولمەن تۇسىنۋىنە مۇمكىندىك جاساعان. ءار دۇيسەنبىدەن جۇماعا دەيىن ءار كۇنى تۇستەن بۇرىن ساعات 30: 10 − 30: 13عا دەيىن، تۇستەن كەيىن ساعات 00: 16 − 30: 19عا دەيىن سىرتقا تەگىن اشىلادى. ەكسۋرسيالاۋشىلار شينجياڭ داشۋەسىنىڭ رەسمي سايتىنا ەكى كۇن بۇرىن شىعىپ، الدىن الا كەلىسىپ تىزىمدەلۋى كەرەك.
