قۇمىل قالاسى يجوۋ رايونى داچۋانۋان اۋىلىنداعى ماقتاشى رىشيت يمىت
يجوۋ رايونى قۇمىلداعى ەڭ ماڭىزدى ماقتا وندىرەتىن رايون. مەنىڭ وتباسىم 120 مۋ جەرگە ماقتا ەگەدى، كولەمى انشا ۇلكەن ەمەس، قىستاعىمىزدا 500 مۋدان استام جەرگە ماقتا ەككەندەر كوپ. تاياۋدا مەن توراپتان ءىشىنارا شەتەل كاسىپورىندارىنىڭ ءبىزدىڭ شينجياڭدا ”زورلىقپەن ەڭبەككە سالۋ“ ماسەلەسى ورىن تەۋىپ وتىر دەپ جالا جاپقانىن كوردىم. بۇل بارىپ تۇرعان اۋزىنا كەلگەنىن كوكىگەندىك، مەن مۇنى كورگەننەن كەيىن قاتتى اشۋلاندىم، مەن كوپشىلىككە ءبىزدىڭ ماقتا ەككەن شىنايى جاعدايىمىزدى ايتىپ بەرەيىن.
قازىر ءبىز ماقتاشىلار ماقتا ەككەندە الدەقاشان جوعارى تەحنيكادان پايدالاناتىن بولدىق. ءبىز جوعارى ات كۇشىندىك تراكتورمەن جەر جىرتىپ، تەگىستەپ، جاساندى سەرىك ارقىلى ورنىن تۇراقتاندىرۋ جۇيەسى ورناتىلعان تۇقىم سەبۋ ماشيناسىمەن تۇقىم سەبەمىز، سونىمەن ءبىر ۋاقىتتا سۋلياۋ جارعاق جابۋ، شەتىن قىمتاۋ، توپىراق جابۋ، تۇقىم سەبۋ سياقتى جۇمىستاردى ءبىر جولدا بىتىرەمىز. ماشينا ءبىر ءجۇرىپ وتكەندە 4 قاتار جەرگە ماقتا ەگە الادى ءارى ماقتا قاتارىنىڭ ءتۇزۋ بولۋىنا كەپىلدىك ەتە الادى. ءدارى شاشقاندا ۇشقىشسىز اپپارات ىستەتەمىز، تىڭايتقىش بەرگەندە تىڭايتقىش بەرۋ قۇبىرىن، سۋارعاندا زەردەلى تامشىلاتىپ سۋارۋ جۇيەسىن پايدالانامىز، جەرگە كومىلگەن سەزگىش اپپارات ساندى مالىمەتتى قول تەلەفونىمىزعا جىبەرىپ بەرەدى، قاشان سۋارۋ كەرەك، قاشان سۋارۋدى توقتاتۋ كەرەك بارلىعىن زەردەلى جۇيە مەڭگەرىپ وتىرادى، مەن تەك جۇيەدەن كنوپكانى اشىپ - جاۋىپ وتىرسام عانا بولعانى.
ءبىزدىڭ بۇل جەردە باسىم كوپ ماقتا اتىزى تۇگەلدەي ماشينالانۋدى ىسكە اسىردى، تەك وتە از ساندى جەرلەر، ماشينا بۇرىلا المايتىن جەرلەر عانا ادام كۇشىمەن تەرىلەدى. عىلىم - تەحنيكادان پايدالانىپ ماقتا ەگۋ شينجياڭدا جوعارى دارەجەدە جالپىلاسقان، وسەك - اياڭدارىڭ مەن جالا جابۋلارىڭدى توقتاتىڭدار، شينجياڭدا ءارقانداي ”زورلىقپەن ەڭبەككە سالۋ“ بولعان ەمەس، شينجياڭنىڭ كىرشىكسىز ماقتاسىنا كىر جاعۋعا جول بەرمەيمىز.
