چىن چۋانگو قاتىناستى ءارى ءسوز سويلەدى
شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى، جاڭ چۇنلين ماداقتاۋ - سيلاۋ قارارىن وقىدى
5 - ايدىڭ 21 - كۇنى اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى. سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي، جاڭ يانفاڭ 5 - ايدىڭ 21 - كۇنى ۇرىمجىدەن حابارلايدى. 5 - ايدىڭ 21 - كۇنى تۇستەن كەيىن اۆتونوميالى رايوننىڭ كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. اۆتونوميالى رايوندىق پارتكومنىڭ شۋجيى چىن چۋانگو جينالىسقا قاتىناستى ءارى ءسوز سويلەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ۇستاپ، كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭدى قۇلشىنا قۇرۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستى باسقاردى. اۆتونوميالى رايون باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، جاڭ چۇنلين، ەركىن تۇنياز، سارقىت اقان، ۋاڭ ميڭشان قاتارلىلار جينالىسقا قاتىناستى.
ساعات 16دان 30 مينۋت وتكەندە جينالىس باستالدى. بارلىق ادام ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. اۆتونوميالى رايوندىق پارتكومنىڭ ورىنباسار شۋجيى جاڭ چۇنلين «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ كەدەيلىكتەن ارىلتۋدان قامال الۋداعى وزات جەكەلەر مەن وزات كوللەكتيۆتەردى ماداقتاۋ - سيلاۋ جونىندەگى قارارىن» جانە «اۆتونوميالى رايوندىق پارتكومنىڭ اۆتونوميالى رايونداعى تاڭداۋلى كوممۋنيستىك پارتيا مۇشەلەرى مەن اۆتونوميالى رايونداعى وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارىن» وقىدى. چىن چۋانگو، شوكىرات زاكىر قاتارلىلار ماداقتالىپ - سيلانعان وزات كوللەكتيۆتەر مەن جەكەلەردىڭ ۋاكىلدەرىنە سيلىق تاراتتى.
چىن چۋانگو سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان ماداقتالىپ - سيلانعان وزات كوللەكتيۆتەر مەن وزات جەكەلەردى قىزۋ قۇتتىقتادى؛ كەدەيلىكتەن ارىلتۋدان قامال الۋعا ماڭىزدى ۇلەس قوسقان ءار دارەجەلى پارتيا، ۇكىمەت، ارميا ورگاندارىنا، كاسىپورىندارعا، ءىسورىندارىنا، اۋىل - قىستاقتارداعى قالىڭ نەگىزگى ساتى ۇيىمدارىنا جانە پارتيا مۇشەلەرىنە، كادرلارعا، بۇقاراعا، بيڭتۋانداعى قالىڭ پارتيا مۇشەلەرىنە، كادرلارعا، جۇمىسشى - قىزمەتكەرلەرگە، ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتاردا تۇرعان قىزمەت اترەتتەرىنىڭ مۇشەلەرىنە، ءبىرىنشى شۋجيلەرگە، ەرىكتىلەرگە، ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە وسكەلەڭ قۇرمەت ءبىلدىردى؛ شينجياڭنىڭ كەدەيلىكتى ازايتۋ ىستەرىنە كوڭىل بولگەن، قولداۋ كورسەتكەن بارلىق ورتالىق جانە مەملەكەت ورگاندارىنا، ورتالىق كاسىپورىندارىنا، شينجياڭعا كومەكتەسكەن ولكەلەرگە، قالالارعا، سونداي - اق قوعامنىڭ ءار سالاسىنداعى قايراتكەرلەرگە شىنايى العىس ايتتى.
چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋ قىزمەتىنە وسكەلەڭ ءمان بەرىپ، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرىپ، ءوزى شايقاستى قاداعالاپ، ميلليارد حالىقتى باستاپ مىڭداعان جىلداردان بەرى جۇڭحۋا ۇلتىن مازالاپ كەلگەن مۇلدە كەدەيلىك ماسەلەسىن تاريحي سيپاتتا شەشىپ، ادامزاتتىڭ كەدەيلىككە قارسى تۇرۋىنىڭ ءداۋىر بولگىش تابىستارىن جارىققا شىعارىپ، ادامزاتتىڭ دامۋ تاريحىنداعى ماڭىزدى بيىك بەلەستى تۇلعالادى. باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزى جۇڭحۋا پەرزەنتتەرىنىڭ ارمانعا قۇلاش سەرمەۋ، ارماندى جۇزەگە اسىرۋ بەكىمى مەن سەنىمىن بارىنشا جەلپىندىرىپ، ميلليارد حالىقتىڭ ۇزدىكسىز كۇرەس جۇرگىزۋ جىگەرى مەن ارىنىن بارىنشا قاۋلاتتى. شىنايى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باتىل تۇردە يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، ءار ۇلت كادر - بۇقاراسىنىڭ اقىل - پاراساتى مەن كۇش - قۋاتىن ۇيىستىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ەكىنشى 100 جىلدىق كۇرەس نىساناسىن بەتكە الىپ شەرۋ تارتۋ جاڭا ساپارىن باستاۋ كەرەك.
چىن چۋانگو بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت بۇكىل رايونداعى ءار ۇلت كادر - بۇقاراسىن ىنتىماقتاستىرا باستاپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن دايەكتىلەندىرىپ، قوعام ورنىقتىلىعى مەن كەدەيلىكتەن ارىلتۋدان قامال الۋدى ءبىر تۇتاس جوسپارلاپ ىلگەرىلەتىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن قۇلشىنا جويىپ، قايراتتانا شايقاسقا اتتانىپ، شايقاستى باسى - قاسىندا قاداعالاپ، ءبىر نيەتپەن سەلبەسىپ، قاجىرلىلىقپەن كۇرەس جۇرگىزىپ، كەدەيلىك قامالىن الىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، كەدەي حالىقتى ”ەكىدەن تارىقتىرماۋدى، ۇشتەن قامتاماسىز ەتۋدى“ تۇگەلدەي جۇزەگە اسىرىپ، وڭتۇستىك شينجياڭنىڭ 4 ايماق - وبلىسىندا وڭىرلىك تۇتاس تۇلعالى كەدەيلىكتى تۇبەگەيلى جويىپ، كەدەيلىكتەن ارىلتۋدان قامال الۋدا شەشۋشى سيپاتتى جەڭىسكە قول جەتكىزدى. كەدەيلىكتەن ارىلتۋدان قامال الۋدا قول جەتكىزگەن كەلەلى تابىستار وڭاي - وسپاق قولعا كەلگەن جوق، بۇل تابىستار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى، شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي جەتەكشىلىگى، بۇكىل رايونداعى ءار ۇلت كادر - بۇقاراسىنىڭ ۇزدىكسىز كۇرەس جۇرگىزۋى، قوعامنىڭ ءار سالاسىنىڭ زور كۇشپەن قولداۋى نەگىزىندە قولعا كەلدى.
چىن چۋانگو بىلاي دەپ باسا دارىپتەدى: كەدەيلىكتەن ارىلتىپ، كەدەيلىك قالپاعىن الۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، شىن مانىندە ”اۋىل شارۋاشىلىعى، اۋىل - قىستاق، شارۋالار“ قىزمەتىنىڭ ءتۇيىنىن اۋىل - قىستاقتى گۇلدەندىرۋدى جاپپاي ىلگەرىلەتۋگە اۋىستىرىپ، پارتيا تاريحىن ۇيرەنۋ تاربيەسىن ورىستەتۋدى وراي ەتىپ، قوزعاۋشى كۇش ەتىپ، كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، ءار ۇلت بۇقاراسىن بىرگە بايۋ نىساناسىن بەتكە الىپ ەرلىكپەن ىلگەرىلەۋگە باستاپ، جاڭا باستامادا جاڭا تاراۋلاردى قۇلشىنا جازۋ كەرەك.
ءبىرىنشى، كەدەيلىكتەن ارىلتۋدان قامال الۋدىڭ جەتىستىكتەرىن كۇش سالا بەكەمدەۋ كەرەك. باستى كومەكتەسۋ - سۇيەمەلدەۋ ساياساتىنىڭ جالپى تۇلعالىق جاقتان ورنىقتىلىعىن ساقتاپ، ”ءتورتتى توقتاتپاۋدى“ قاتاڭ تياناقتاندىرىپ، ءار دارەجەلى كومەكتەسۋ - سۇيەمەلدەۋ كۇشتەرى مەن كومەكتەسۋ - سۇيەمەلدەۋ قاتىناسىن وزگەرتپەي ساقتاپ، قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمىن، مەحانيزمىن اقاۋسىزداندىرىپ، كەمەلدەندىرىپ، كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەۋ جاۋاپكەرشىلىگىن قاتايتىپ، ناقتىلاندىرىپ، كولەمدىك قايتالاي كەدەيلەسۋ تۋىلماۋىنىڭ تومەنگى شەگىن باتىل ساقتاۋ كەرەك.
ەكىنشى، جۇمىستاندىرۋدى، كىرىستى ارتتىرۋدى كۇش سالا ورنىقتىرۋ، كەڭەيتۋ كەرەك. جۇمىستاندىرۋدى الدىمەن ويلاستىرۋ ساياساتىن تياناقتاندىرىپ، جۇمىس ورىندارىن ورنىقتىرۋدى، جۇمىستاندىرۋدى ۇزدىكسىز جاقسى ىستەپ، باۋلۋ تەبىنىن ارتتىرىپ، جاقىن ماڭدا، ءوز جەرىندە جۇمىستاندىرۋ مەن جۇيەلى تۇردە سىرتقا شىعارىپ جۇمىستاندىرۋدى ورگانيكالى ۇشتاستىرىپ، كوپ ارنامەن جۇمىستانۋدى، شارۋاشىلىق قۇرۋدى جەبەپ، كاسىپ ارقىلى ادامدى الاڭسىز ەتۋدى، كاسىپ ارقىلى كىرىستى ارتتىرۋدى جۇزەگە اسىرۋ كەرەك.
ءۇشىنشى، اۋىل - قىستاق كاسىپ سالالارىن كۇش سالا دامىتۋ، ۇلعايتۋ كەرەك. بازاردى باعدار ەتۋگە تاباندى بولىپ، ەرەكشە بايلىقتى تياناق ەتىپ، تۇتىنۋ سۇرانىسىنا ۇيلەسىپ، كاسىپ سالاسىنىڭ دامۋ زاڭدىلىعىنا ۇيلەسىپ، تيىمدىلىك جەتكىزۋ ساياساتتارىنان ويداعىداي پايدالانىپ، كەدەيلىكتەن ارىلعان وڭىرلەردەگى كاسىپ سالالارىندا كەيىنگى ۇزاق ۋاقىتتىق باۋلۋدى كۇشەيتىپ، ەڭبەككۇش شوعىرلى كاسىپ سالالارىن زور كۇشپەن دامىتىپ، ەرەكشە، ابزال كاسىپ سالالارىن ۇلعايتىپ، 3 - رەت توعىسقان كاسىپ سالالارىن ۇلكەيتىپ، جاڭا كاسىپ سالاسىنىڭ، جاڭا كاسىپ كۇيىنىڭ دامۋىن جەدەلدەتىپ، تۇتىنۋ ارقىلى كەدەيلەردى سۇيەمەلدەۋ ارەكەتىن ۇزدىكسىز اتقارىپ، وسى زامانعى اۋىل - قىستاق كاسىپ سالاسى جۇيەسىن جەدەل قالىپتاستىرۋ كەرەك.
ءتورتىنشى، اۋىل - قىستاقتارداعى ولقىلىقتاردى، ءالسىز تۇستاردى كۇش سالا تولىقتاۋ كەرەك. اۋىل - قىستاق قۇرىلىسى ارەكەتىن ورنىقتى قاداممەن اتقارىپ، اۋىل - قىستاقتىڭ قونىس ورتاسىن رەتتەپ جونگە سالىپ، دارەجەسىن جوعارىلاتىپ، اۋىل - قىستاق نەگىزدىك قۇرىلعى ينجەنەرياسىن تىڭعىلىقتى ىلگەرىلەتىپ، اۋىل - قىستاقتىڭ ءوندىرىس، تۇرمىس شارت - جاعدايىن جاقسارتىپ، جالپىعا ءتيىمدى، تومەنگى شەكتەن تۇسىرمەيتىن نەگىزدىك حالىق تۇرمىسى قۇرىلىسىن كۇشەيتىپ، حالىق تۇرمىسىنداعى ناقتى ىستەردى كۇش سالا جاقسى ىستەپ، اۋىل - قىستاقتاعى بۇقارانىڭ دامۋدىڭ جەتىستىكتەرىنەن بىرگە يگىلىكتەنۋىنە مۇمكىندىك جاساۋ كەرەك.
بەسىنشى، اۋىل شارۋاشىلىعى، اۋىل - قىستاق رەفورماسىن كۇش سالا تەرەڭدەتۋ كەرەك. اۋىل - قىستاقتاعى ءتۇيىندى سالالارداعى جانە شەشۋشى بۋىندارداعى رەفورمانى جەدەل ىلگەرىلەتىپ، سىناق ءتۇيىنى، تاجىريبە تاسىلدەرىنەن ويداعىداي پايدالانىپ، اۋىل شارۋاشىلىعىن قولداۋ، قورعاۋ ءتۇزىمىن اقاۋسىزداندىرىپ، اۋىل - قىستاق بايلىق فاكتورلارىنىڭ ومىرشەڭدىك كۇشىن قاۋلاتىپ، اۋىل - قىستاق دامۋىنىڭ ىشكى قوزعاۋشى كۇشىن ۇزدىكسىز كۇشەيتۋ كەرەك.
التىنشى، قالا مەن اۋىلدىڭ توعىسا دامۋىن كۇش سالا ىلگەرىلەتۋ كەرەك. ونەركاسىپ ارقىلى اۋىل شارۋاشىلىعىن تولىقتاۋدى، قالا ارقىلى اۋىلدى جەتەكتەۋدى كۇشەيتىپ، اۋدان الابىن قالا مەن اۋىلدىڭ توعىسا دامۋىن ىلگەرىلەتۋدەگى ماڭىزدى كىرىسۋ ءتۇيىنى مەن تىڭ سەرپىلىس ءتۇيىنى ەتىپ، ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەستى داميتىن، بىرگە گۇلدەنەتىن جاڭاشا ونەركاسىپ - اۋىل شارۋاشىلىعى، قالا، اۋىل قاتىناسىن جەدەل قالىپتاستىرۋ كەرەك.
جەتىنشى، كورىكتى، قونىستانۋعا جايلى اۋىل - قىستاقتى كۇش سالا قۇرۋ كەرەك. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، تاۋدى، سۋدى، ورماندى، اتىزدى، كولدى، جايلىمدى، قۇمدى جۇيەلى جونگە سالۋدى ءبىر تۇتاس جوسپارلاپ، وزەن، كول باستىعى ءتۇزىمىن، ورمان باستىعى ءتۇزىمىن جاپپاي ىلگەرىلەتىپ، اۋىل شارۋاشىلىعىنىڭ ەكولوگيالىق ءونىم جانە قىزمەت وتەۋمەن قامداۋىن مولايتىپ، اۋىل - قىستاقتىڭ ەكولوگيالىق ورتاسىن شىن مانىندە جاقسى قورعاۋ كەرەك.
سەگىزىنشى، رۋحاني وركەنيەت قۇرىلىسىن كۇش سالا كۇشەيتۋ كەرەك. ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن سان مىڭداعان وتباسىلارىنا جەتكىزۋ“ قيمىلىن ىشكەرىلەي ورىستەتىپ، سوتسياليستىك وزەكتى قۇن كوزقاراسىن زور كۇشپەن اسقاقتاتىپ جانە امالياتتا ايگىلەپ، اۋىل - قىستاق يدەيا - ءمورال قۇرىلىسىن كۇشەيتىپ، عىلمي بىلىمدەردى جالپىلاستىرىپ، ەسكى سالت - سانانى وزگەرتۋدى ىلگەرىلەتىپ، وركەنيەتتى اۋىل سالتىن، تاماشا وتباسى سالتىن، قاراپايىم حالىق سالتىن قالىپتاستىرۋدى ىلگەرىلەتۋ كەرەك.
توعىزىنشى، اۋىل - قىستاقتى شەبەرلىكپەن جونگە سالۋ دەڭگەيىن كۇش سالا جوعارىلاتۋ كەرەك. پارتيا ۇيىمى باسشىلىعىنداعى اۋىل - قىستاقتى جونگە سالۋ جۇيەسىن جەدەل قالىپتاستىرىپ، تىنىش اۋىل - قىستاق قۇرىلىسىن زور كۇشپەن ىلگەرىلەتىپ، دەموكراتيا، زاڭمەن جونگە سالۋ دەڭگەيىن جوعارىلاتىپ، اۋىل - قىستاقتى جونگە سالۋ تاسىلىندە جاڭالىق اشىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ جاڭا ارناسىن قالىپتاستىرىپ، اۋىل - قىستاقتىڭ قوعامدىق كەلەلى جاعدايىنىڭ ۇزدىكسىز ورنىقتى بولۋىن ساقتاۋ كەرەك.
شوكىرات زاكىر جينالىستى باسقارعاندا بىلاي دەپ اتاپ كورسەتتى: جەر - جەر، تاراۋلار باتىل تۇردە يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىمەن بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ۇستاپ، جاڭا تاريحي باستامادا قولايلى جاعدايدان ۇتىمدى پايدالانىپ، ءورىس اشا ەكپىندەي ىلگەرىلەپ، پارتيا تاريحىن ۇيرەنۋ تاربيەسىن وراي ەتىپ، قوزعاۋشى كۇش ەتىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، كەدەيلىكتەن ارىلتۋدان قامال الۋ ۇلى رۋحىن زور كۇشپەن اسقاقتاتىپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، جاڭا داۋىردە اۋىل - قىستاقتى گۇلدەندىرۋدى جاپپاي ىلگەرىلەتۋدىڭ جاڭا تاراۋلارىن ۇزدىكسىز جازىپ، قوعام ورنىقتىلىعى، ىندەتتەن ساقتانۋ - تىزگىندەۋدى ۇدايىلاندىرۋ، ءوندىرىس حاۋىپسىزدىگى جانە ەكونوميكانى جوعارى ساپالى دامىتۋ قىزمەتتەرىن ءبىر تۇتاس جوسپارلاپ ويداعىداي يگەرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا تىڭ دا اناعۇرلىم زور ۇلەستەر قوسىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك.
جينالىستا اۆتونوميالى رايوننىڭ كەدەيلىكتەن ارىلتۋدان قامال الۋداعى وزات جەكەلەر مەن وزات كوللەكتيۆتەردىڭ ۋاكىلدەرى، اۆتونوميالى رايوننىڭ تاڭداۋلى كوممۋنيستىك پارتيا مۇشەلەرى مەن وزات نەگىزگى ساتى پارتيا ۇيىمدارىنىڭ ۋاكىلدەرى اۋىس - كۇيىس جاساپ، ءسوز سويلەدى.
ماداقتاۋ - سيلاۋ جينالىسى بەينە ەكران فورماسىندا اۋىل - قالاشىقتارعا دەيىن اشىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القاسىنىڭ مۇشەلەرى، شينجياڭ اسكەري رايونىنىڭ، قارۋلى ساقشى شينجياڭ باس اترەتىنىڭ قاتىستى جاۋاپتى جولداستارى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، ماداقتالىپ - سيلانعان وزات كوللەكتيۆتەر مەن وزات جەكەلەردىڭ ۋاكىلدەرى قاتارلىلار نەگىزگى جيىن زالىندا جينالىسقا قاتىناستى.
